އެންއީއޯސީއަށް ޒިޔާރަތްކުރައްވައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ-- ފޮޓޯ: ރައީސް އޮފީސް
29 ޖޫން 2020 - 20:30
21 comments
ކޮވިޑް-19 އާ ދެކޮޅަށް މަސައްކަތްކުރުމަށް އުފެއްދި ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ޖުލައި 1 ގައި އުވާލައި އެ ތަނުގެ މަސައްކަތްތައް ހެލްތު މިނިސްޓްރީގެ ދަށަށް ބަދަލުކޮށް އާ މަރުހަލާއެއް ފަށާނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
މިދިޔަ ފެބްރުއަރީ މަހުގެ ފަހުކޮޅު އުފެއްދި އެންއީއޯސީ ހިންގާ ދަރުބާރުގެ އަށް ޒިޔާރަތްކުރައްވައި އެތަނުގެ މުވައްޒަފުންނާ ބައްދަލުކުރައްވައި ރައީސް ވިދާޅުވީ ކޮވިޑް-19 އާ ދެކޮޅަށް ކުރަމުން އަންނަ މަސައްކަތްތައް އަންނަ ބުދަ ދުވަހުން ފެށިގެން އާ މަރުހަލާއަކަށް ބަދަލުކުރައްވާނެ ކަމަށެވެ. އެއާއެކު އެންއީއޯސީގެ މަސައްކަތްތައް ހެލްތު މިނިސްޓްރީގެ ދަށަށް ބަދަލުވާނެ ކަމަށް ވިދާޅުވި އެވެ.
ކޮވިޑް-19 އާ ގުޅޭ މައުލޫމާތު ހިއްސާކުރަން ކޮންމެ ރެއަކު ކަހަލަ ގޮތަކަށް އެންއީއޯސީން މީޑިއާ ބްރީފިން ބާއްވަ އެވެ. ބައްޔާ ދެކޮޅަށް ސަރުކާރުން އަޅާ ފިޔަވަޅުތަކާއި މުހިއްމު މައުލޫމާތުތައް އޭގައި ހިއްސާކުރެ އެވެ.
އެމަނިކުފާނު ވިދާޅުވި ގޮތުގައި ކޮވިޑް-19 އާ ދެކޮޅަށް ކުރެވުނު މަސައްކަތުގެ ނަތީޖާ ރަނގަޅެވެ. އެކަމުގައި އެހީތެރިކަމާއި އެއްބާރުލުން ދިން ހުރިހާ އެންމެންނަށް ރައީސް ވަނީ ޝުކުރު އަދާކުރައްވައިފަ އެވެ.
އެހެން ބައެއް ގައުމުތައް ދިޔަ ފަދަ ގޯސް ހާލަތަކަށް ނުގޮސް ރާއްޖެ މިހާރު އޮތް ހާލަތަށް އާދެވުނީ ސިއްހީ މާހިރުން، ރައްޔިތުންނަށް ދިން އިރުޝާދާއި މައުލޫމާތުތަކުގެ ސަބަބުންކަން ފާހަގަކުރައްވައި އެ ބޭފުޅުންނަށް ވެސް ރައީސް ވަނީ ޝުކުރު އަދާކުރައްވައިފަ އެވެ.
އާ މަރުހަލާއާ ގުޅޭގޮތުން ރައީސް ވިދާޅުވީ އެ ބަދަލަކީ އާއްމު ދިރިއުޅުމަށް ރުޖޫއަވާން ކުރާ މަސައްކަތުގެ ބައެއް ކަމަށެވެ. އަދި ވެސް އެކަން ކުރިއަށް ގެންދިއުމުގައި އެންމެންގެ އެހީތެރިކަން ބޭނުންވާނެ ކަމަށް ވިދާޅުވި އެވެ.
ކޮވިޑް-19 އާ ދެކޮޅަށް ކުރި މަސައްކަތަކީ މިހާތަނަށް ރާއްޖޭގައި އެންމެ ގިނަ މުއައްސަސާތަކެއް ގުޅިގެން ކުރި މިފަދަ އެންމެ ބޮޑު މަސައްކަތްކަން ފާހަގަކުރައްވައި، މިގޮތަށް މި މަސައްކަތްކުރެވުނީ އެންއީއޯސީގެ ހުރިހާ ބޭފުޅުންގެ އެހީތެރިކަމާއި ކަމާގުޅޭ އިސްވެރިން ކުރެއްވި ފުރިހަމަ މަސައްކަތުންކަން ފާހަގަކުރައްވައި ރައީސް ޝުކުރު އަދާކުރެއްވި އެވެ.
ކޮވިޑް-19 އަށް ރާއްޖެއިން 2،324 މީހުން ޕޮޒިޓިވްވެފައިވާއިރު އޭގެ ތެރެއިން އަށް މީހަކު ވަނީ މަރުވެފަ އެވެ.
އެ ބަލީގެ މީހަކު މާލެއިން ފެނުނު ފުރަތަމަ ދުވަސް، އޭޕްރީލް 15 އިން ފެށިގެން މުޅި މާލެ ސަރަހައްދު ވަނީ ލޮޮކްޑައުންކޮށްފަ އެވެ. ނަމަވެސް އެ ހަރުކަށި ފިޔަވަޅުތަކަށް މި މަހުގެ 15 ވަނަ ދުވަހުން ފެށިގެން ވަނީ ލުއިދޭން ފަށައިފަ އެވެ. ބަލީގެ ހާލަތު ގޯސް ނުވާ ނަމަ ޖުލައި 1 ގައި ރާއްޖޭގެ ބޯޑަރު ހުޅުވައި ރާއްޖޭގެ ޓޫރިޒަމް ވެސް އަލުން ފަށަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުރަކި
01 July 2020
ތިޔަތަން އުވާލި އިރުވެސް ރައްރަށައްދާން ޖެންޑަރ މިނިސްޓްރީގަ ނަންނޯޓް ކުރި މީހުން މިތިބީ މާލޭގަ ތާށި ވެފަ ، ރިސޯޓް ތަކައް ކަރަންޓީން އައް ގެންދިޔައީ ހޮލިޑޭހަދަން މީހުން
ދަވާލި19
01 July 2020
އެހެން ވިދާޅުވެވުނީ އޮޅުމަކުން ނޫން ބާަ
މޫސާ މިނިކް
30 June 2020
ބޯގޯސް ފޭލްވެފާހުރި އެއްޗެއް ޔާމިންއައްވެރިކަންހަވަލްކުރޭ
ތެދުވެރިޔާ
30 June 2020
މިކަމުންވެސް ހާދަހާ ލާރިއެކޭ ކަޓުވަލީ. މި މަސްސަލަ ދެންއަންނަ ސަރުކަރަކުން ބަލަންޖެހޭނެ.
ވިލޫ
30 June 2020
100%ބަލާނަން
ގަޓް ބްރޯ
30 June 2020
ރާއްޖޭގަ ގާނޫނާ ގަވައިދު މުގުރުމުގެ ސަގާފަތެއް އާންމުވެފަ މިވަނީ ސަރުކާރުގެ އަމަލުތައްވެސް ހުންނަގޮތުން އެކަމަށް ހިއްވަރުލިބޭތީ! ސިއްހީ ކުއްލި ނުރައްކަލުގެ ހާލަތު އިއުލާން ކޮށްފަވާ ވަގުތު ކުރުން މަނާ ކަންކަން ގާނޫނު އަސާސީ އާ ގާނޫނުގަ ސާފުކޮށް ބަޔާން ކޮށްފަވަނިކޮށް 1 ޖުލައި 2020 ގަ ސްކޫލް ތައް ހުޅުވީމަ މާދަމާގެ ޖީލަށް އެދެވެނީ ވަރަށް ނުބައި މެސެޖެއް. އެއީ 14 ޖުލައި އާ ހަމަޔަށް ކުއްލި ނުރައްކަލުގެ ހާލަތު ދެމި އޮންނައިރު ސްކޫލްތައްވެސް ހުޅުވުން މަނާވީމަ.
މުއާޝާ
30 June 2020
އަނެއްކާ މަނިކުފާނަށް އޮޅިވަޑައިގެން ހެލްތް މިނިސްޓްރީ އުވާނުލެއްވިއްޔާ ރަނގަޅު.
ފަހުދު
29 June 2020
ބޯޑަރު ހުޅުވާލީމަ މަންޒަރު ބަދަލުވާނެ.
ޖިނާ
29 June 2020
ހެލްތުގެ މަސައްކަތް ފުރިހަމަ. ތިޔައީ ނަތީޖާ ނެރެމުންދާ އަދި ކުރިއަށް އޮތް ތަނުގައިވެސް ނަތީޖާ ނެރެދޭނެ ވުޒާރާއެއް. ކޯލިޝަން މެދުވެރިކޮށް ނަަމަވެސް ރައީސް ސޯލިހަށް ލިބުނު ޖަވާހިރެއް ހެލްތު މިނިސްޓަރު އަމީންއަކީ. ތި ކުރައްވާ މަސައްކަތުގައި ﷲ ބަރަކާތްލައްވާށި.
ސޮސެޖް
30 June 2020
ކޮން މަސައްކަތެއްތަ އަމީން ކުރީ، ކިހާ ދެރަކަމެއް.
ބޮޑުމީހާ
29 June 2020
މުޅި ދުނިޔޭގަ ކޮރޯނާ ވައިރަސްގެ ދެވަނަ ރާޅު ނަގަމުން ދަނީ.
ހަޒްމަތުސޫޓު
29 June 2020
އެމެރިކާގައި އަދިވެސް ހަމަ ރެކޯޑް އަދަދަށް މީހުން ޕޮޒިޓިވްވަނީ، ސިސްޓަން ފުރި ބާރުވެގެން ނެތިގެން ދަނީ. ރާއްޖެއަށް އެފަދަ ގޮތެއް މެދުވެރި ނުވީތީ ﷲއަށް ހަމްދުކުރަން. އަދި މި ބުރަ ބޮޑު މަސައްކަތް ކާމިޔާބު ކުރުމަށްޓަކައި އެ ބައެއްގެ ވަގުތާއި ހަކަތަ ހުސްކުރެއްވި އެންމެ ބޭފުޅުންނަށް ޝުކުރިއްޔާ. ގަބޫލުކުރަނީ ކުރިއަށް އޮތް ދުވަސްތަކުގައިވެސް ހެލްތު މިނިސްޓްރީ މަސައްކަތް މިހާ ފުރިހަމަވާނެ ކަމަށް.
ޏަމްމަމޭ
29 June 2020
އެމެރިކާޔާއި ރާއްޖޭގެ ހާލަތު ވަރަށް ތަފާތު. ރާއްޖޭގައި މިވައިރަސް އެހާވަރުގަދަ ނޫންކަމަށް ބުނެވޭ. އަދި ހޫނުގެ ސަބަބުން ފެތުރިދިޔުމަށްވެސް ހުރަސްތަކެއް ހުންނަކަމަށްވޭ. ރާއްޖޭގެ އާބާދީއާ އަޅައިބަލާއިރު ގިނަބަޔަކަށް މިބަލިވަނީ ޖެހިފައި. އެއީ ލަންކާ ނޭޕާލްފަދަ ތަންތަނާ އަޅައިބަލާއިރު. މިއިން އެއްވެސްތަނަކީ ފަސޭހަކަމާއެކު ވަކިވަކިން ލޮކްކުރެވެން ހުންނަތަންޔަނެއްނޫން. އެކަމަކު ރާއްޖޭގެ ކޮންމެ ރަށެއް ވަކިން ލޮކްކޮށްލެވޭ. އެހެންވީމާ މާބޮޑުކާމިޔާބެއްނޫން
ފަޅޮލޭ ރުއްގަލޭ
29 June 2020
98،000 މީހުން ޕޮޒިޓިވްވެ އެތަށް ހާސް ބަޔަކު މަރުވާނެ ކަމަށް އޮތް މަންޒަރެއް ބަދަލު ކޮށްލެވުނީ ބަޔަކު ވަރަށް ބުރަ މަސައްކަތް ކޮށްގެން. މީގެ ނަތީޖަ އެންމެ 2000 މީހުން ޕޮޒިޓިވްވެ އެތަށް ބައެއްގެ ފުރާނަ ސަލާމަތްވެގެން ދިޔުން. ހެލްތު މިނިސްޓަރާއި ޓީމުގެ މަސައްކަތަށް ހަމަ ސަތޭކަ.
މަކީޓާ
30 June 2020
މިނިސްޓަރު ދެން ތި ކޮމެންޓްކުރުން ހުއްޓާލާފަ އޮފީހުގެ މަސައްކަތްކުރަންވީނު. ނަމެއްގަ ހެލްތް މިނިސްޓަރެއް ހުއްޓަސް، މި ބަލި ކޮންޓްރޯލް މިކުރެވުނީ އެޗްޕީއޭގެ މުޅި ޓީމުގެ ބުރަ މަސައްކަތާ، ރައްޔިތުން ވީ ގުރުބާނީގެ ނަތީޖާ. މީ މިނިސްޓަރ ނާޖާއިޒު ފައިދާ ނަގަންވީ ކަމެއްނޫން.