އެންއީއޯސީގެ އެންމެ ފަހުގެ މީޑިއާ ބްރީފިންގައި ހެލްތު މިނިސްޓަރު އަމީނާއި މަބްރޫކް އަދި އެޗްޕީއޭގެ މެޑިކަލް އޮފިސަރު ޑރ. ނަޒްލާ ބައިވެރިވެވަޑައިގަންނަވަނީ.
02 ޖުލައި 2020 - 11:07
9 comments
ކޮވިޑް-19 އިން ރައްކާތެރިވާން އެންމެން އެކުގައި މަސައްކަތް ކުރަން އުފެއްދި ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) އުވާލައި މަސައްކަތްތައް ހެލްތު މިނިސްޓްރީގެ ދަށަށް ބަދަލުކޮށްފައި ވިޔަސް ހަތަރު މަހުގެ ތަޖުރިބާ އިން ގިނަ ކާމިޔާބީތަކާއި ފިލާވަޅުތައް ލިބި ހާލަތު އިތުރަށް ގޯސްވިޔަ ނުދީ ބެލެހެއްޓޭނެ ކަމުގެ ޔަގީންކަން އެބައޮތް ކަމަށް ހެލްތު މިނިސްޓަރު އަބްދުﷲ އަމީން ރޭ ވިދާޅުވެއްޖެ އެވެ.
ސަރުކާރާއި ކުންފުނިތަކާއި އަމިއްލަ ޖަމިްޔާތަކާއި ވޮލަންޓިއަރުން ބުރަ މަސައްކަތްތަކާއި ގިނަ ވަގުތުތަކެއް ހޭދަކުރި އެންއީއޯސީ އުވާލީ ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ހިންގަން ފެށުމަށް ފަހު އެވެ. އެންއީއޯސީން ކުރަމުން އައި މަސައްކަތްތައް ދެން ކުރާނީ ހެލްތު މިނިސްޓަރު އަމީންގެ ބެއްލެވުމުގެ ދަށުން އެތަނުގަ އެވެ.
ދަރުބާރުގޭގައި ހިންގި އެންއީއޯސީގެ ފަހު ޕްރެސް ކޮންފަރެންސްގައި މިނިސްޓަރު ވިދާޅުވީ ރާއްޖެ އިން އަވަސް ފިޔަވަޅުތަކެއް އަޅައި ކުރު މުއްދަތެއްގައި ކޮވިޑާ ދެކޮޅަށް ކާމިޔާބުތަކެއް ހޯދިއިރު އެއީ ވަރަށް ގިނަ ތަޖުރިބާ ކަމަށެވެ. އެންއީއޯސީގައި ހިންގި ފަދަ ބޮޑު އޮޕަރޭޝަނެއް ދެން ކުރިއަށް ގެންދާނީ އެފަދަ ހާލަތެއް މެދުވެރިވެއްޖެ ނަމަ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ މި ބަލިން ރައްކާތެރިވުމާ ގުޅޭ ގިނަ ގައިޑްލައިންތަކެއް އާއްމުކޮށްފަ އެވެ. އެ ހުރިހާ ގައިޑްލައިނެއްގައި ވެސް ބާރުއަޅާފައި ވަނީ ގިނަގިނައިން އަތްދޮވުމާއި ގައިދުރުކަން ބެހެއްޓުމާއި އާއްމުންގެ ތެރެއަށް ނުކުންނައިރު މާސްކް އެޅުމާއި ބަލީގެ އެއްވެސް އަލާމާތެއް ހުރި ނަމަ އެހެން މީހުންނާ އެކެހަރިވުމެވެ.
މިނިސްޓަރު ވިދާޅުވި ގޮތުގައި އެޗްއީއޯސީގެ ދަށަށް މަސައްކަތްތައް ބަދަލުކުރިޔަސް ފަރުވާއާ ގުޅިގެން ކުރަން ޖެހޭ ކަމަކަށް މަޑުޖެހުމެއް ނެތި ބަރާބަރަށް ކުރިއަށް ދާނެ އެވެ. އޭގެތެރޭގައި ކޮވިޑް-19ގެ ޓެސްޓަށް ސާމްޕަލް ނެގުމާއި ކޮންޓެކްޓް ޓްރޭސިން އާއި ފަރުވާ އާއި ލޮޖިސްޓިކް އެހެން މަސައްކަތްތައް ވެސް ކުރިއަށްދާނެ ކަމަށް ވިދާޅުވި އެވެ.
ރޭގެ މީޑިއާ ބްރީފިންގައި ހެލްތު މިނިސްޓަރު އަމީން ވާހަކަ ދައްކަވަނީ. --ފޮޓޯ/އެންއީއޯސީ
"އެއްވެސް ކަމަކަށް ހުއްޓުމެއް ނައިސް އިރާދަކުރެއްވިއްޔާ ކުރިއަށް ދާނެ. މިގޮތަށް ސްޓޭބަލްކޮށް ކުރިއަށްދާ ކަމަށް ވާ ނަމަ، އޮޕަރޭޝަނެއްގެ ގޮތުގައި ކުރިއަށް މިދާ ދިއުން އިރާދަކުރެއްވިއްޔާ ހާލަތު ގޯސްނުވެ ރަނގަޅަށްދާ ކަމަށް ވަންޏާ އެޗްޕީއޭގެ ޕްރޮގްރާމެއްގެ ގޮތަށް މިކަންކަން ބަދަލުވެގެންދާނެ،" އަމީން ވިދާޅުވި އެވެ.
"އަޅުގަނޑުމެންގެ މިހާރު ހުރި މައުލޫމާތާއި މިކަން ކުރުމުގައި ލިބިފައި ހުރި ތަޖުރިބާ އަށް ބަލާއިރު މިކަން އިތުރަށް ގޯސްވިޔަ ނުދީ ބެލެހެއްޓޭނެ ކަމަށް ގަބޫލުކުރެވޭ."
އަމީން ވިދާޅުވީ ބައްޔަށް ޕޮޒިޓިވް ކޭސްތަކުގެ އަދަދު އިތުރުވެގެން ދިޔަ ނަމަވެސް މިހާރު ހުރި ފަރުވާ ދިނުމުގެ އިންތިޒާމާއި ޓެސްްޓް ކުރުމުގެ ކެޕޭސިޓީ އާއި ލޮޖިސްޓިކް ކަންކަމުގައި އިދާރާތަކުން ހޯދާފައިވާ ތަޖުރިބާތަކުން ހާލަތު މެނޭޖް ކުރެވޭނެ ކަމަށް ވިދާޅުވި އެވެ.
"ކޮވިޑުން ރައްކާތެރިވުމާއި ފަރުވާ ދިނުމަށް ކުރަން ޖެހޭ މަސައްކަތްތައް ވެސް ކުރިއަށް ދާނެ. ހޭލުންތެރިކަން އިތުރުކުރުމަށްޓަކައި ކުރަން ޖެހޭ ކަންކަން ވެސް ކުރިއަށްދާނެ. ގައިޑްލައިންތަކަށް ގެންނަން ޖެހޭ ބަދަލުތަކެއް ގެނައުމުގެ މަސައްކަތް ވެސް ކުރިއަށް ދާނެ،" އަމީން ވިދާޅުވި އެވެ.
މިނިސްޓަރު ވިދާޅުވި ގޮތުގައި ކޮވިޑް-19 އިން ރައްކާތެރިވާން ކުރާ މަސައްކަތްތަކުގެ އިންތިޒާމަށް ބަދަލު އަޔަސް ގައުމީ މަސައްކަތެއްގެ ގޮތުގައި އެކަން ކުރިއަށް ދާނެ އެވެ.
ރާއްޖެއިން ކޮވިޑް-19 އަށް 2،038 މީހުން ޕޮޒިޓިވްވެފައިވާ އިރު، މި ބަލީގައި 10 މީހަކު ވަނީ މަރުވެފަ އެވެ. މިހާރު ފަރުވާ ދެމުން އަންނަނީ 413 މީހުންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަސް
02 July 2020
ވަޒީރު އާއި ވުޒާރާއިން ކުރާ މަސައްކަތަށް ރައްޔިތުންގެ ފުރިހަމަ އެއްބާރު ލިބުން މުހިންމު. އެކަމަކު އެއްބާރުލުން ލިބޭނެހެން ހީނުވޭ. ހިނދުކޮޅަކަށް ބޭރަށް ނުކުމެލިއަސް ފެންނަ މަންޒަރުތަކުން އުފެދޭ ސުވާލުތައް ވަރަށްގިނަ. ލިބޭ ހައިރާންކަން ބޮޑު. ރުޅިއާދޭ ދެރަވެސްވޭ. ޚާއްސަކޮށް ބަންގްލަދޭޝް މީހުން.
ރަފީނަޒްލީ
02 July 2020
ހާލަތު ގޯހިން ގޯހަށް ދިޔަ ނުދީ ބެލެހެްޓޭނީ ޢާއްމުން މިކަމަށް ސަމާލުވެގެން މިއުޅޭ ބަންގާޅީންވެސް ރަނގަޅު އާދަތައް ހަރުލައްވައިގެން އެމީހުން މަގަށް އެަލުވުން އެންމެ އުނދަގޫ ކަންތައް މީހަކު ހިތްހަމަނނުޖެހުނަސް ދިވެހިން ކިޔާ އުޅެނީ ބަންގާޅީން އަނެއްކޮޅުން ކޮވިޑާއި އެކު ފިލި ބަންގާޅު މީހާ ނަން އިއުލާނެއް ނުކުރެވުނު އެކަމަކު ދިވެއްސެއްގެ ނަންވަނީ އިއުލާނު ކިރެވިފަ މިއީ ހާލަތު އޮތްގޮތް ގައުމުގަ
02 July 2020
ރައްޔިތުން މަޖުލީހުން ކަންތަށް ކުރީ ރަގަޅަކަށް ނޫން، ސަރުކާރުން ކަންތަށް ކުރެއްވި ގޮތް ރަގަޅު
މިވަރެއްނެތް
02 July 2020
ކޮވިޑު ލޮކްޑައުންގެ ކުރިން ހަމަ ތިގޮތަށް ބުނިންދޯ ހުރިހާ ހާލަތަކަށްވެސް މިތިބީ ތައްޔާރަށޭ؟ ކަމެއް ޖެހުނުއިރު ވިތައްޔާރީތައް ކަށްވަޅުގަ
ކަމަނަު
02 July 2020
އެހެންވީމަދޯ 98،000 މީހުން ޕޮޒިޓިވްވާން އޮތް މަންޒަރެއް ބަދަލުކޮށް އެތަށް ހާސް ބައެއްގެ ފުރާނަ ސަލާމަތް ކުރެވުނީ؟ ޝުކުރުވެރިވާން ނޭނގޭ މީހުންވެސް އުޅޭ
މޭންއެކޭ
02 July 2020
ސާބަހޭ ހެލްތު. މި ވަގުތު ރާއްޖޭ އެންމެ ކުރީގައި އޮތް ވުޒާރާ! ކޯލިޝަން މިނިސްޓަރުން ދެކެ ނަޝީދު ކިތިންމެ ރުޅި އަޔަސް މިއަދު ރައީސް އިބޫ ކެބިނެޓްގެ ފަހުރު އަމީންއަކީ.
ވަހީދު
02 July 2020
އަޅުގަނޑުމެންގެ އުއްމީދަކީވެސް ދެވަނަ ފޭސްގައިވެސް ކާމިޔާބު މިންވަރު ކުރެއްވުން. މި ފުރުސަތުގައި ފުރަތަމަ ފޭސްގައި ތި ހޯއްދެވި ފުރިހަމަ ކާމިޔާބީއަށްޓަކައި މިނިސްޓަރ އަމީން، ޑީޖީ މައިމޫނާ، މިނިސްޓްރީ މުވައްޒަފުން، އެޗްޕީއޭ މުވައްޒަފުން، ޑޮކްޓަރުން، ނަރުހުން، ލެބް ޓެކްނީޝަނުން، ޕަބްލިކް ހެލްތު ވޯކަރުން، ވޮލަންޓިއަރުން އަދިވެސް އެކި ގޮތް ގޮތުން މިކަމުގައި ބައިވެރިވެ މި އޮޕަރޭޝަން ކާމިޔާބު ކުރުމަށްޓަކައި މަސައްކަތްކުރި ހުރިހާ ފަރާތްތަކަށް ސާބަސްދެން.
ފައުޗީ
02 July 2020
އައްޑޫ، ކުޅުދުއްފުށި، ފުނަދޫ، އުނގޫފާރު، ގަން އަދި ތިނަދޫގައި ކޮވިޑް ސެންޓަރުތަށް ގާއިމުކޮށް މި ސަރަހައްދުތަކުގައި ޓެސްޓު ކުރެވޭ ގޮތް ކުރިއަކުން ހެދިފައެއް ނެތް. އެކަމަކު މިހާރު މިކަންވެސް ފުރިހަމަވެގެން ގޮސްފައިވަނީ. އެހެންވީމަ އިތުރަށް ރަނގަޅުވާނެ ކަމަށް މި ބަލަނީ. ޝުކުރިއްޔާ މިނިސްޓަރު އަދި ޓީމް
ބުޝްރާ
02 July 2020
އެމެރިކާފަދަ ކުރިއަރާފައިވާ ގައުމުތަކަށް ބަލާއިރު މިއަދު ދެބަސްވެވެން ނެތް ހަގީގަތަކީ ރާއްޖޭގައި ކޮވިޑް ވަރަށް ރަނގަޅަށް މެނޭޖްކޮށްފިކަން. ބިންގާ މިހާ ފުރިހަމަ އެޅުމުން، ދެން ދިމާވާ ކަމަކުން ރެކެން ފަސޭހަވާނެ ކަމާ މެދު ޝައްކެތް ނުކުރަން. މިނިސްޓަރު އަމީން އަދި ޓީމުން ތިޔަ ކުރައްވާ ބުރަ މަސައްކަތުގައި ﷲ ބަރަކާތްލައްވާށި. އަދި ދިވެހިން މި ބަލި މަޑުކަމުން މިންޖު ކުރައްވާށި.