ހުޅުމާލެ ދާއިރާގެ މެމްބަރު އަލީ ނިޔާޒް ޕެނަލް ޑިސްކަޝަނެއްގައި ވާހަކަ ދައްކަވަނީ. އިއްޔެގެ ޖަލްސާގައި އޭނާ ވިދާޅުވީ ކޮރަޕްޝަންގެ ތެރެއިން ގެއްލުނު ފައިސާގެ ތެރެއިން ދައުލަަތަށް އަނބުރާ ހޯދުނީ ދެލައްކަ ރުފިޔާ ކަމަށް.
02 ޖުލައި 2020 - 14:37
11 comments
ރާއްޖޭގައި މިދިޔަ 11 އަހަރުގެ ތެރޭގައި ހިންގާފައިވާ ކޮރަޕްޝަނުގެ އަމަލުތަކުގެ ސަބަބުން ދައުލަތަށް ގެއްލުނު ފައިސާގެ ތެރެއިން މިހާތަނަށް ހޯދިފައި ވަނީ އެންމެ ދެ ލައްކަ ރުފިޔާ ކަަމަށް ހުޅުމާލެ ދާއިރާގެ މެމްބަރު އަލީ ނިޔާޒު އިއްޔެ ވިދާޅުވެއްޖެ އެވެ.
ޕްރޮސެކިއުޓާ ޖެނެރަލްގެ އޮފީހުން ހޯއްދެވި މައުލޫމާތާ ހަވާލާ ދެއްވައި، އެމްޑީޕީގެ ޗެެއާޕާސަންގެ ނައިބު މާލީގެ މަގާމު ވެސް ފުރުއްވާ ނިޔާޒު ވިދާޅުވީ، 2008 ގައި އެ އޮފީސް އުފެއްދި ފަހުން މިދިޔަ 11 އަހަރުގެ ތެރޭގައި 265 މައްސަލައިގައި ދައުވާ ކޮށްދިނުމަށް އެދި ފޮނުވާފައިވާ ކަމަށެވެ.
އެކަމަކު، އޭގެ ތެރެއިން 167 މައްސަލައެއް ވަނީ އަލުން ތަހުގީގު ކުރަން ޕީޖީ އޮފީހުން އަނބުރާ ފޮނުވާލާފައިވާކަން ނިޔާޒު ހާމަކުރެއްވި ތަފާސްހިސާބުން ދައްކަ އެވެ. އޭގެ ތެރެއިން 87 މައްސަލަައެއްގައި ދައުވާ ކުރިއިރު، ސާބިތުވީ އެންމެ 17 މައްސަލަ އެވެ. އެކަމަކު، އަދިވެސް ވަކި ގޮތެއް ނުނިމި 40 މައްސަލައެއް ކޯޓުގައި އެބައޮތެވެ.
"މިއީ 11 އަހަރުގެ ތެރޭގައި ކޮރަޕްޝަނާ ބެހޭ ގޮތުން ދައުލަތުގެ ކަމާ ބެހޭ އިދާރާތަކުން ޕްރޮސެކިއުޓު ކުރެވޭ ހިސާބަށް ގޮސްފައި ހުރި މައްސަލަތަކުގެ ވާހަކަ. އަދި މިދިޔަ 11 އަަހަރުގެ ތެރޭގައި އަނބުރާ ހޯދިފައި ވަނީ 237،567ރ. އިއްޒަތްތެރި ރައީސް،" ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅާފައިވާ ތަފާސްހިސާބުގެ ބިލްގެ ބަހުސްގައި ނިޔާޒު ވިދާޅުވި އެވެ.
އޭނާ ވިދާޅުވީ، އެއީ ކަންބޮޑުވާން ޖެހޭ މައްސަލައެއް ކަމަށާއި ސިޔާސަތުތައް ކަނޑައަޅައި ގާނޫނުތައް ހަަދާއިރު ސަމާލުކަން ދޭން ޖެހޭ ކަމެއް ކަމަށެވެ. ކޮރަޕްޝަންގެ މައްސަލަތަކުގެ ތަފާސްހިސާބުތައް ހިއްސާކުރައްވާފައި ވާތީ އޭނާ ޕީޖީ ހުސަައިން ޝަމީމަށް ޝުކުރު އަދާކުރެއްވި އެވެ.
ކޮރަޕްޝަނުގެ އަމަލުތަކުގެ ސަބަބުން ދައުލަަތަށް ގެއްލުނު ފައިސާގެ ތެރެއިން މިހާ މަދު އަދަދެއް އަނބުރާ ހޯދުނު އިރު، އެފަދަ މައްސަލަތަކުގައި ގެއްލިފައިވާ ފައިސާގެ އަަަދަދު އެތައް ބިލިޔަން ރުފިޔާ އަށް އަރަ އެވެ. ފަހުގެ ތާރީޚުގައި ފަޅާއަރާފައިވާ އެންމެ ބޮޑު މައްސަލައަކީ އެމްމްއެމްޕީއާރުސީގެ ކޮރަޕްޝަނެވެ. އެ މައްސަލައިގައި 1.3 ބިލިޔަން ރުފިޔާ ދައުލަތަކަށް ގެއްލިފައި ވެ އެވެ. އެއީ ޓޫރިޒަމަށް ދޫކުރި ފަޅުރަށްތަކެއްގެ އިކުއިޒިޝަން ފީގެ ގޮތުގައި ލިބެން ޖެހޭ ފައިސާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަޕްޝަން މެކުހަށް
02 July 2020
ކޮރަޕްޝަނޭ ކިޔަން ތިހާފަސޭހައިންތިއެގެނީ އެކަމުގެ ބޮޑެއްވީމަ. ފައިސާއޭވެސް ހާދަރީއްޗަށް ތިކިޔަނީ އިނާމުދޭވަރު . ރޯޔަލް ވާނެތާ . ފެލިވަރާ ހިންނަވަރާ ދޭތެރެ ތިމާފެލިވަރުގަ ދިރިއުޅެމުން ދުވާލަކު ދެފަހަރު ސަރުކާރުގެ ލޯންޗުފަހަރުގަ ދަރި ސުކޫލަށް ގެނެސް ގެންގޮސްހެދީ އެއަށްކިޔާނީ ކޮންނަމެއް. އެލޯންޗަށް ތެއު އަޅާފަޅުވެރިންނަށް މުސާރަދީ ހެދީ އަމިއްލަ ޖީބުންތަ ؟ އަމިއްލަ އެއްޗެއްތައެއީ އަމިއްލަބޭނުމަށް ދަތުރު ކުރަނީ .
ފަހުދު
02 July 2020
އެމްއެމް ޕީއާރްސީ ގެ ޚިޔާނާތުގެ މައްސަލަ ނިންމަން ރެޑީވަނީ. މެމްބަރުންގެ އަންބި ދަރިންގެ އެކައުންޓް ތައް ނުބެލޭގޮތައް އަވަސްއަރުވާލައިގެން ފާސްކޮއްފި. މެމްބަރުންގެ ގޭގެއައް ރެއިޑް ނުކުރެވޭގޮތައް ހަދައިފި. މިހާރު ކޯޓުތަކުން ޣާޒީން ތައް އަރިއަރި މައްޗަައް ޖައްސަނީ.
ދިއްދޫމީހާ
02 July 2020
ކޮރަޕްޝަން މިހާރު އެއީ ހަމަ އާދައިގެ ކަންކަން، އެފް.އައި.ޑީ، އެއާ މޯލްޑިވްސް، ޕޯސްޓް،މީ ރަން ތިރީސް، ދެން އޮތީ އައްޑޫ ކޮންވެންސަން ސެންޓަރ، ނޭޝަނަލް ޑިޒާރސްޓާ ސެންޓަރ، މީ އަލިމަސް ދައުރުގާ، އެމް،އެމް،ޕީ،އާރް،ސީ، ދަރުމަވަންތަ ހޮސްޕިޓަލް، މީ ކޮހިނޫރު ދައުރުގާ، ބިގް،ގުޅިފަޅު،ދީބާޖާ، މީ ރަން ނަވާރާގަ، ދެންބަލާ މި ކަންތައްތަ ހިންގި މީހުން ގޮސް ގުޅެނީ ކޮންބަޔަކާތޯ، ބޮޑު ހަތަރު ވައްގުންނާ ތިބޭނީ ގުޅިފަ....
ޙަލީމާ
02 July 2020
އެ 2 ލައްކަ ރުފިޔާ ދިނީ ބަދަލެއްގެ ގޮތުގައި 7 އަހަރު މަގުތަކުގައި މުޒާހަރާ ކުރި މީހަކަށްދޯ؟
Juhaa
02 July 2020
ތިޔަ އަލީ ނިޔާޒަކީ އުތުރު ޕްރޮވިންސް އޮފީސް ހިންގަން ހުރިއިރު ޕާޓީ ކުދިން ހިންގާ ޖަމްއިއްޔާތަކަށް ދައުލަތުގެ ލާރިތައް ބަހާފައި ހުރި މީހެއް. ކޮރަޕްޝަނުގެ ވާހަކަ ދައްކަން ލަދެއް ނުގަނޭ.
ކޮރަޕްޝަން
02 July 2020
މަވެސް މިދެއްކީތިވާހަކަ . މިހާރުނޫސްގައުޅޭކުދިން ގަބޫލެއް ނުކުރާނެ
ޢަލިބޭ
02 July 2020
ވާހަކަނުދައްކާ ކޭ މީހުން އެތިބީ ސިޔާސީ ބޭނު މަށް ގޭގައި ބައިތިއްބާފައި، އެން މެ މީހެއް ހިފާ ހައްޔަރުކުރަން ބޭނުންވާ ހެކި ހޯދު މަށްޓަކައި. ކޮން މެ މައްސަލޢަކަށްވެސް އެދެ މީހުން ހެކިބަސްދޭނެ.
ޙަސަނު ހުސެޭނު
02 July 2020
ޢޭސީސީއަށް ޚަރަދުކުރާ ފައިސާ އާންމުންނަށް ބެހިޔަސް މާރަނގަޅުވާނެ. ޢުވާލާ
ޢަލީ އަހުމަ
02 July 2020
މަޖިލިސް މެމްބަރުންނަށްދޭ ފައިސާ އޯކޭތަ، އެފައިސާ ދާއިރާގެ ރައްޔިތުންނަށް ބަހަން ކަމަކުނުދޭދޯ ދައްކާވާހަކަ، އެއީ ނޭނގިތިބެ ދައްކާ ވާހަކައެއްނޫނޭ، އެނގިތިބެ އަހަރެމެންކަހަލަ މީހުން ގުނބޯހައްދަން ދައްކާ ވާހަކަ.
ގަލަން
02 July 2020
މޮޅުވާހަކަ ނުދައްކާ މަޖިލީހުން ނިކަން ގާނޫނެއް ފާސްކޮށްދީބަލަ، ކޮރަޕްޝަން ސާބިތުވެ ރައްޔަތުންގެ ފައިސާ ދައްކަން ޙުކުމް ކުރާ މުއްދަތުގައި އެފައިސާ ނުދައްކައިފިނަމަ، އެފަރާތެއްގެ މިލްކުގައިވާ ތަކެތި ދަވްލަތަށް ނަގައި ވިއްކައި އެފައިސާ ހޯދުމުގެ ބާރު އެކަމާބެހޭ މުއައްސަސާ އަކަށް ދޭން. ކުރީގެ ރައީސް އިބްރާހިމް ނާޞިރުގެ ގެދޮރު ވެސް މިރާއްޖޭގައި، އަތުލައި ވިއްކައި ހެދިކަމަށް އަޑުއިވޭ.
ބައިރޯ
02 July 2020
ހޯދާނެ މުޅިން މައިތިރިވެބަލަ