ވައްޑެ އާއި ޝުޖާއު ކައުންސިލުން ވަކިކޮށްފައިވާ ކަމަށް ސުލޫކީ ކޮމެޓީން އަންގައިފި

ވައްޑެ އާއި ޝުޖާއު ޕްރެސް ކޮންފަރެންސެއްގައި: އެ ދެ ބޭފުޅުން ކައުންސިލުން ވަކިކުރަން ނިންމި ސުލޫކީ ކޮމެޓީއަކީ ރައީސް ޔާމީންގެ ފެކްޝަނަށް ނިސްބަތްވާ ކޮމެޓީއެއް -- ފޮޓޯ؛ އަބްދުﷲ ޖަމީލް/ މިހާރު

މުއިއްޒު އިބްރާހިމް، މިހާރު

21 އޮކްޓޯބަރ 2016 - 22:03

13 comments

ދެ ބައިވެފައިވާ ޕީޕީއެމްގައި، ރައީސް މައުމޫން އަބްދުލްގައްޔޫމްގެ ފެކްޝަނަށް ތާއީދުކުރާ ރައްޔިތުންގެ މަޖިލީހުގެ ދެ މެމްބަރުން ކަމަށްވާ މުހައްމަދު ވަހީދުގެ އިބްރާހިމް (ލޯޔަރު ވައްޑެ) އާއި އިބްރާހިމް ޝުޖާއު އެ ޕާޓީގެ ކައުންސިލް މެމްބަރުކަމުން ވަކިކުރަން ރައީސް އަބްދުﷲ ޔާމީންގެ ފެކްޝަނަށް ނިސްބަތްވާ ސުލޫކީ ކޮމެޓީން މިއަދު ނިންމައިފި އެވެ.

ރައްޔިތުންގެ މަޖިލީހުގެ ތުލުސްދޫ ދާއިރާގެ މެމްބަރު އަދި ޕާޓީގެ ނައިބު ރައީސް ކަމަށް މައުމޫން ފެކްޝަނުން އައްޔަންކުރި ވައްޑެ އާއި ބާރަށު ދާއިރާގެ މެމްބަރު ޝުޖާއު ޕާޓީގެ ކައުންސިލުން ވަކިކުރަން ރައީސް ޔާމީން ފެކްޝަނުން ނިންމީ އެ ދެ ބޭފުޅުންނާ ދެކޮޅަށް ސުލޫކީ ކޮމެޓީއަށް ހުށަހެޅި މައްސަލަ ބެލުމަށް ފަހު އެވެ.

ސުލޫކީ ކޮމެޓީއަކީ ރައީސް ޔާމީންގެ ފެކްޝަނަށް ނިސްބަތްވާ ކޮމެޓީއެކެވެ. އެކަމަކު މައުމޫން ފެކްޝަނުން ކުރިން ވަނީ ސުލޫކީ ކޮމެޓީ ސަސްޕެންޑްކޮށް، ސުލޫކީ މައްސަލަ ބަލަން ވަގުތީ ކޮމެޓީއެއް ނަގައިފަ އެވެ.

ވައްޑެ އާއި ޝުޖާއު ކައުންސިލް މެމްބަރުކަމުން ވަކިކުރީ ޕާޓީގެ ވިޕްލައިނާ ޚިލާފަށް މަޖިލީހުގައި ވޯޓު ދިނުމާއި ޕާޓީ އާއި ސަރުކާރު ބަދުނާމުކޮށް ވާހަކަ ދެއްކުމާއި ޕާޓީ ހިންގުން ރައީސް ޔާމީނާ ހަވާލުކޮށް ކުރި ހުކުމަށް ގޮން ޖަހައި، ގަވާއިދާ ޚިލާފަށް ނިންމާ ކަންކަމުގައި ބައިވެރިވެ، މަގާމުތަކާ ހަވާލުވި ކަމަށް ބުނެ އެވެ.

ރައީސް ޔާމީން ފެކްޝަނުން ޕާޓީއަށް އައްޔަންކުރި ސެކެޓްރީ ޖެނެރަލް އަދި ނިލަންދޫ ދާއިރާގެ މެމްބަރު އަބްދުﷲ ޚަލީލް ސޮއިކުރައްވައި ވައްޑެ އާއި ޝުޖާއުއަށް ފޮނުވި ސިޓީގައިވަނީ އެ ދެ ބޭފުޅުން ކައުންސިލުން ވަކިކުރަން ކޮމެޓީން ނިންމާފައިވާތީ އެ ބޭފުޅުން ކައުންސިލް މެމްބަރުކަމުން ވަކިވެފައިވާ ކަމަށެވެ.

ޕާޓީގެ ތެރޭގައި ދެ ފެކްޝަނާ އެކު ދެ ކައުންސިލެއް ވެސް އުފެދިފައިވާއިރު އެއް ކައުންސިލަކުން ނިންމާ ނިންމުންތަކާއި ޚިލާފަށް އަނެއް ކައުންސިލުން ދަނީ ނިިންމުންތައް ނިންމަމުންނެވެ. އަދި ދެ ކައުންސިލުން ވެސް ޕާޓީގެ މަގާމުތައް އައްޔަން ކުރަމުންދާއިރު އަސްލު ޕީޕީއެމަކީ ކޮބައިކަން އޮޅޭ ހިސާބަށް ވަނީ ގޮސްފަ އެވެ.

ޕާޓީ ހިންގުން ރައީސް ޔާމީން ހަވާލުކޮށް، ސިވިލް ކޯޓުން ކުރި ހުކުމުގެ މައްސަލަ އިސްތިއުނާފް މަރުހަލާގައި ހައި ކޯޓުގައި ދަނީ ހިނގަމުންނެވެ. އެ މައްސަލައިގެ އަޑުއެހުމެއް މާދަމާ ހެނދުނު ވެސް އޮންނާނެ އެވެ.

ރައީސް މައުމޫން އަބްދުލްގައްޔޫމް ޕީޕީއެމް މުހައްމަދު ވަހީދު އިބްރާހިމް (ވައްޑެ) ރައީސް އަބްދުﷲ ޔާމީން ޕީޕީއެމްގެ ކޯޅުން ސިޔާސީ ޕާޓީ

13 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުމަރު

22 October 2016

ކޯޓުން މުޝްތަރާތަށް އެންގީ ޕާޓީގެ ހާލަތު ހަމައަކަށް އެޅެންދެން ޕާޓީގެ ކަންކަން ބަލަހައްޓަން، އެއްގޮތަކަށްވެސް ޑިޒިޝަންތަކެއް ނަގައި ޕާޓީން މީހުން ވަކިކުރުމަކަށްނޫން، އެހެންކަމުން ޤާނޫނީގޮތުން އުފެދިފައިވާ ސިޔާސީ ޕާޓީއެއް ކޯޓުގެ އަމުރެއްގެ ދަށުން މިހާރު އެގެންދަނީ ހަލާކުކުރަމުން، ކޯޓުންކުރީ ވަގުތީ އަމުރެއް، އެވަގުތީ އަމުރުގެ ތެރޭގައި ކުރަންޖެހޭ ކަމަކީ ޕާޓީން ހިންގާނެ ރަނގަޅު މާހައުލެއް ހޯދުން، އެކަމަކު މިހާރު އެފެންނަނީ އެއްވެސް ކަމަކާނުލައި ޕާޓީން ޕީޖީ ގްރޫޕުގެ މެންބަރުން ވަކިކުރަމުން، މިހާރު ކޯޓްތަކަށް ވިސްނޭނެ ކޯޓުތަކުން ޕާޓީތަކުގެ އެތެރޭގެ މައްސަލަތަކަށް ވަނީމާވާގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައިއެފް

22 October 2016

މިހާރު ނޫހުގެ މަސްއޫލުވެރިންނަށް އެނގެންވާނެ ޕީޕީއެމް ވަނީ ދެފެކްޝަނަކަށް ބައިވެފައިކަން. ޢެކަން އެނގިހުރެ ޕީޕީއެމްގެ ނަންބޭނުންކޮށްގެން ލިޔެގެން ނުވާނެ. ސުރުހީގައި ލިޔަންވާނީ ޕީޕީއެމްގެ ޔާމީނުގެ ފެކުޝަނުން ނުވަތަ މައުމޫނު ފެކްޝަނުން މިވެނިކަމެއް ނިންމާފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު

22 October 2016

ލޯބިވާ ބޭބެއަށް ރައްދެއްވާ ނުދޭ.ބުނާ ގޮތާ އިދިކޮޅަށް ހުރިހަ ކަމެއް ދާނީ.500،300 ޕަރސަންޓް އިތުބާރު ދިން މީހުން ކޮބާ؟ޢައްސާނު ހޮވާށޭ ކިޔައިގެން ލަޑެއް ދޭނީ.މައުމޫނު ޖަލަށް ވެސް ނުލަ ދޫކޮށެް ނުލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕައްލަންބެ

22 October 2016

ދިވެހިންގެ ގަމާރު ކަމާއެެވެ. މިއީ ދިވެހިންގެ މައްޗަށް ވެރިކަން ކުރަން އަރާ ތިބި ޕާޓީގެ ޕާޓީ އެވެ. ބަތްކަށްކާ ކުޅެނީ އެވެ. ދެން މިބުނާ ބަޔަކު މިޑްރާމާ ބަލަން ޓީވީ ތަށް ހުޅުވައިގެން ތިބުމާ މަގުމަތީގައި މައިޒާން ހަދައިގެން މިވާހަކަ ތަށް ދައްކާ އުޅެއެވެ. މިހާރު ދެން ކާޑު ގެ އަގު ބޮޑު ވާހަކަ އެއް ނުދައްކައެވެ. މިއީ ފަހުރުވެރި ދިވެހިންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމް.އެމް.ޖީ އިބޫ

22 October 2016

ފައިދިދު މަކުނުގެ ސިޔާސަތު، ބޮޑުވީމާ އަމާކާލުން...އަޅެ ޕީ.ޕީ.އެމް ގައި ތަފާތެއް އެބަހުރިތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާދަނު

21 October 2016

ޙަދާނަށް އަންނަނީ ފެބްރުއަރީ 7 މަތިން އޭރުގަ އޮތްވެރިކަން ބަދަލުވި ގޮތުން ކިތައްމެ ބަޔަކު ބުނި ދެން ރާއްޖެ ސްޓޭބަލް ވާން އަހަރުތަކެއް ނަގާނެޔޭ، މިއޮތީ އަނެއްކާ ސުމަކުން ފަޝަންޖެހިފަ، ނުކުންނަންވީ ފުރަތަމަ ބޭސިކް ހިއުމަން ރައިޓްސް ހޯދަން، މީޑިޔާގެ މިނިވަންކަން ހޯދަން، ޖަސްޓިސް ސިސްޓަމް ރަނގަޅުކުރަން، ބޯހިޔާވަހިކަމާ، ދިރިހުރުމުގެ ހައްގުހޯދަން، ސާފުބޯފެނާ އެއްޗެހީގެ އަގު އިންސާނުން އަތްފޯރާފަޝަށް ތިރިކުރަން. ޕާޓީސިސްޓަމާ އެއްވެއުޅުމާ ދުލުގެ މިނިވަންކަން ހޯދަން، އަބުރުވެރި ދިރިއުޅުމެއް ހޯދަން، ބޭސްފަރުވާގެ ނިޒާމް ރަގަޅުކުރަން..........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކަންޑަލް

21 October 2016

ކޯއްޗެއްތޯ ދެން ފުޑަން އިތުރަށް އޮތީ، ގައުމު، ރައްޔިތުން އެންމެ ފަހުން އަމިއްލަ ޕާޓީގަނޑު ވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހުދު

21 October 2016

ޕާޓީއަކުން ނޮމިނޭޓްވެގެން ވެރިއަކަށް އަންނަ މީހެއްގެ އެންމެ ބޮޑުކަމަކަށްވާނެ، ޕާޓީތެރޭ އެކުވެރިކަމާ ޕާޓީ މަސްލަހަތު ހިމާޔަތްކުރުން، އެކަމަކު މިއަދު ފެނިގެން މިދަނީ އެއްވެސް ކަހަލަ ހަމަޔެއް އިންސާފެއް ނެތި އެއްވެސްކަހަލަ ގޮތެއްފޮތެއް ނެތްގޮތަކަށް ހިތުހުރިގޮތަކަށް އަމިއްލައެދުން ކުރިޔަށް ނެރެގެން ހިންގާތަން، މި ވެރިކަމުންވެސް ހަމަ މިކަހަލަ މަންޒަރު، ލީޑަރެއްގެ ހުންނަންޖެހޭ އެންމެ އާދައިގަ ކަންތައްތައްވެސް ފުރިހަމަނުވާ މީހެއް މުޅިގައުމު ބޮޑު އަދަވަޅަކަށް ވައްޓާލާތަން. ހިތާމަހުރި