އައިޖީއެމްއެޗުން ކޮވިޑް-19 ޖެހުނު ދިވެއްސަކު މަރުވެއްޖެ

އަހުމަދު ސާއިލް އަލީ، މިހާރު

14 ޖުލައި 2020 - 18:18

ސަރުކާރުގެ މައި ހޮސްޕިޓަލް އައިޖީއެމްއެޗުން ކޮވިޑް-19 ޖެހުނު ދިވެއްސަކު މިއަދު މަރުވެއްޖެ އެވެ.

އެޗްޕީއޭ އިން ބުނީ މިއަދު ހަވީރު 5:05 ގައި މަރުވީ ހުޅުމާލޭ މެޑިކަލް ފެސިލިޓީގައި ފަރުވާ ދެމުން އައި އުމުރުން 79 އަހަރުގެ އަންހެނެއް ކަމަށެވެ. މިއީ ކޮވިޑް-19 ގައި ރާއްޖޭން މަރުވި 14 ވަނަ މީހާ އެވެ.

"މިހާރު" އަށް އެނގިފައިވާ ގޮތުގައި މިއަދު މަރުވި މީހާ ކޮވިޑް-19 އަށް ޕޮޒިޓިވްވީ އައިޖީއެމްއެޗް ކްލަސްޓާ އިން މިމަހުގެ 4 ވަނަ ދުވަހު އެވެ.

އައިޖީއެމްއެޗްގެ ކްލަސްޓާ އިން ޕޮޒިޓިވްވި އިތުރު މީހަކު މި މަހުގެ 6 ވަނަ ދުވަހު ވެސް ވަނީ މަރުވެފަ އެވެ. އުމުރުން 80 އަހަރުގެ އެ މީހާ މަރުވީ ދަރުމަވަންތަ ހޮސްޕިޓަލްގެ ޑީއެޗް11 ގަައި ފަރުވާދެމުން އަންނަނިކޮށެވެ. އެއީ، އައިޖީއެމްއެޗުގެ އައިސީޔޫ އިން ވޯޑަށް ބަދަލުކޮށްފައި ވަނިކޮށް، ޕޮޒިޓިވްވިކަން އެނގުނު މީހުންގެ ތެރެއިން މީހެކެވެ.

ރާއްޖެ އިން މިހާތަނަށް ވަނީ އަށް ދިވެހިންނާއި ހަ ބިދޭސީން ކޮވިޑް-19 ޖެހިގެން މަރުވެފަ އެވެ. ބިދޭސީންގެ ތެރޭގައި ހިމެނެނީ ބަންގްލަދޭޝްގެ ފަސް މީހުންނާއި ފިލިޕީންސް މީހެކެވެ.

އައިޖީއެމްއެޗުން މިހާތަނަށް ކޮވިޑަށް ޕޮޒިޓިވްވެފައި ވަނީ ޖުމްލަ 11 މީހުންނެވެ. އެއީ ހަތަރު މުވައްޒަފުންނާއި ފަސް، ބަލި މީހުންގެ އިތުރަށް، ބަލި މީހުންގެ ދެ އެހީތެރިންނެވެ.

އައިޖީމްއެޗްއެޗުގެ އައިސީޔޫގައި ބަލި ފެތުރިފައިވާކަން އެނގުނީ އައިސީޔޫގައި ކެންސަރު ބައްޔަށް ފަރުވާދެމުން ދިޔަ އިންޑޮނީޝިއާ މީހަކު ދެވަނަ ސާޖަރީއަކަށް ތައްޔާރު ކުރުމަށް ހެދި ޓެސްޓުން އޭނާ ކޮވިޑް-19 އަށް ޕޮޒިޓިވް ވުމުންނެވެ. އެކަމަކު ނަތީޖާ ލިބުމުގެ ކުރިން އޭނާ ވަނީ މަރުވެފަ އެވެ.

ރާއްޖެ އިން މިހާތަނަށް ވަނީ ކޮވިޑް-19 އަށް 2،762 މީހުން ޕޮޒިޓިވްވެފަ އެވެ. އޭގެ ތެރޭން 2،290 މީހުން ވަނީ ބަލިން ރަނގަޅުވެފަ އެވެ. ފަރުވާދެމުން މިހާރު ދަނީ 382 މީހުންނަށެވެ.

ސިއްހަތު ބަލިތައް ނެޝަނަލް މެންޓަލް ހެލްތް ޕޮލިސީ މަރު އައިޖީއެމްއެޗު

8 ކޮމެންޓް, 87 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރޯޒީމް

14 July 2020

ކުޑަހުސައިނު ހަޅެލައިގަތީމަ އެސް އޯޕީތަށް ބަދަލު ކުރީމަ ވީގޮތް. ދެރަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޖުރަންގީ ބާއިޖާން

14 July 2020

70 އިން މަތީގެ މީހުން، މިބައްޔަށް ތަންކޮޅެއް ބޮޑަށް ސަމާލުވެ ތިބެންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޔަލް ފެމިލީ ނަޝީދު

14 July 2020

ކުޑަ ހުސައިން، ބަންދު ސަލީމް، އަލީ ޝިޔާމްއަށް ވަރަށް ސަލާމް. މިއީ ޕާޓީ ކުދިންވީމަ މަޖިލީހަށް ކުއްލި މައްސަލައެއް ވައްދައިގެން މިކަން ނުވެސް ބެލޭނެ. މި ގައިމުގައި އޮތީ ޕާޓީ މީހާ ވީމަ ރޯޔަލް ގޮތް. ކުރާނެ ކަމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުކޫރު

14 July 2020

إِنَّا لِلَّهِ وَإِنَّا إِلَيْهِ رَاجِعُونَ‎

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަބު

14 July 2020

ވަރަށް ހިތާމަވެރި ޚަބަރެއް. اللهم أن وارحمها وادخلها في الجنة آمين

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނުގަތިިި

14 July 2020

އަދިވެސް މީހަކު ސޯޝަލް މީޑިޔާގައި ފޮނު އަރުވާލާ އިރަށް ޕްރޮޓޮކޯލް ބަދަލުކުރާތި. ކޮންމެވެސް ކަމެއްވީމައެއް ނޫންތަ އެޗްޕީއޭއިން ވަކި ގޮތަކަށް އެސްއޯޕީތަށް ލިޔެފައި ތައްޔާރުކޮށް އެއަށް އަމަލު ކުރަން އަންގަނީ. އެ އެސްއޯޕީތަށް ހަދާފައިވަނީ ސިއްހީ މާހިރުންގެ ލަފައާއެކީ. ކުޑަހުސައިންއަކީ ސިއްހީ މާހިރެއްތަ އޭނާ ފޮނުއަރުވައި ގަންނަ އިރަށް ޕްރޮޓޮކޯލް ބަދަލުކުރަން؟ ކިހާ ދެރަ ކަމެއް މި ދެން! ހިތާމަހުރި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

drez

14 July 2020

އެހެންވީ އައި ޖީ އެމް އެޗް ގައި ތިބި ޑޮކްޓަރުން ސަރުކާރާ ޖެއްސުމަށް ޕްރޮޓޮކޯލް އަށް އަމަލްކުރުން ދޫކޮށްލުމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣަދަ

14 July 2020

ކުޑަހުސެން ނުބުނޭ ޕްރޮޓޮކޯލް ބަދަލުކުރާކަށް. ބުނީ ފަރުވާނުދީ ނުބާއްވާށޭ ކޮވިޑް ނަތީޖާ ނުލިބެޔޭކިޔާފަ. ޓެސްޓް ހަދަން ސާންޕަލު ނަގާފަ ރަައްކާތެރި ކަމާއެކު ފަރުވާދޭން ފަށާށޭ