މާލެ: މޭ 10، 2017- އެންޓި ކޮރަޕްޝަން ކޮމިޝަން (އޭސީސީ)ގެ ގައުމީ މަހާސިންތާ އިފްތިތާހު ކުރުމަށް އިސްލާމިކް ޔުނިވާސިޓީގައި ބޭއްވި ރަސްމިއްޔާތުގައި އެޔުނިވާސިޓީގެ ޗާންސެލަރު ޑރ.މުހައްމަދު ޝަހީމް އަލީ ސައީދު ވާހަކަދައްކަވަނީ.---މިހާރު ފޮޓޯ: ހުސެއިން ވަހީދު
15 ޖުލައި 2020 - 21:38
25 comments
އަރަބި ބަހުން ވާހަކަ ދައްކާ މީހުންނަށް ރާއްޖެއާ ބެހޭ މައުލޫމާތު ފަސޭހަކަމާ އެކު ލިބޭ ގޮތް ހަދައި، މެދު އިރުމަތީގެ މާކެޓަށްް ރާއްޖޭގެ ޓޫރިޒަމް އިޝްތިހާރުކުރަން ކުރީގެ އިސްލާމިކް މިނިސްޓަރު އަދި އިސްލާމިކް ޔުނިވާސިޓީގެ ކުރީގެ ޗާންސެލަރު ޑރ. މުހައްމަދު ޝަހީމް އަލީ ސައީދު ވެބްސައިޓެއް އިފްތިތާހް ކުރައްވައިފި އެވެ.
ޝަހީމް މިއަދު ކުރެއްވި ޓްވީޓެއްގައި ވިދާޅުވީ އެ ވެބްސައިޓަކީ ރާއްްޖޭގައި އަރަބި ބަހުގެ އެންމެ ފުރަތަމަ ވެބްސައިޓް ކަމަށާއި އެ ވެބްސައިޓް އުފެއްދެވުމުގެ މަގުސަދަކީ ރާއްޖޭގެ ޓޫރިޒަމް އަރަބި ދުނިޔެއަށް ފޯރުކޮށްދީ އަރަބި ގައުމުތަކާ ރާއްޖެއާ ދެމެދު އޮންނަ ގުޅުން ވަރުގަދަ ކުރުން ކަމަށެވެ.
"މާލްދީފް ޑޮޓް ކޮމް" ގެ ނަމުގައި ޝަހީމް ހިންގަވާ އެ ވެބްސައިޓްގައި ރާއްޖެއާ ބެހޭ ގިނަ މައުލޫމާތު ތަކެއް މިހާރު ވެސް ޝާއިއުކޮށްފައި އެބަހުއްޓެވެ. އެގޮތުން ރާއްޖޭގެ އިގުތިސާދީ މަސައްކަތްތަކުގެ މައުލޫމާތާއި ސަގަފާތާއި ތާރީހުގެ މައުލޫމާތުތައް ވެސް އެބަހުއްޓެވެ. އޭގެ އިތުރުން ރާއްޖޭގެ ޓޫރިޒަމްގެ އެންމެ ފަހުގެ ހަބަރުތައް ވެސް ހިމެނެ އެވެ.
ރާއްޖެ އިޝްތިހާރު ކުރަން ހެދި މި ވެބްސައިޓުގެ ވާހަކަ އަރަބި ބަހުން ނެރޭ ބައެއް ނޫސްތަކުގައި ވެސް ވަނީ ރިޕޯޓްކޮށްފަ އެވެ.
ގަދަ ކީރިތިވަންތަ ﷲ ގެ ހެޔޮ ތައުފީޤާއެކު، ރާއްޖޭގެ ފުރަތަމަ ޢަރަބި ވެބްސައިޓް އިފްތިތާޙު ކުރަމެވެ. މަޤުޞަދަކީ ރާއްޖޭގެ ޓޫރިޒަމް ޞިނާޢަތު ޢަރަބި ދުނިޔެއަށް ފޯރުކޮށްދީ ޢަރަބި ޤައުމުތަކާ ދެމެދު ގުޅުންތައް ވަރުގަދަ ކުރުމެވެ. ވެބްސައިޓަށް ޒިޔާރަތްކޮށްލައްވާ https://t.co/VyQafoARKI
— Mohamed Shaheem Ali Saeed (@Mohamedshaheem1) July 15, 2020
އަރަބި ޓޫރިސްޓުންނަށް އަމާޒުކުރައްވައި ޝަހީމް މިއަދު ވެބްސައިޓެއް އިފްތިތާހު ކުރެއްވި އިރު، ކޮވިޑް-19 ހެދި ބަންދުކޮށްފައި އޮތުމަށް ފަހު ރާއްޖޭގެ ބޯޑަރު އަލުން ހުޅުވައިލީ ވެސް މިއަދު އެވެ.
ދުނިޔޭގެ ހަތަރުވަނައަށް އެންމެ ގިނަ މީހުން ވާހަކަ ދައްކާ ބަހަކީ އަރަބި ބަހެވެ. އެބަހުން ވާހަކަ ދައްކާ 500 މިލިޔަނަށް ވުރެ ގިނަ މީހުން އުޅެ އެވެ. ފައްސަތޭކަ މިލިއަން މީހުން ޢަރަބިން ވާހަކަ ދައްކައެވެ.
މެދުއިރުމަތީގެ އަރަބިގައުމުތަކުން ރާއްޖެއަށް މިހާރުވެސް ކޮންމެވެސް ވަރަކަށް ޓޫރިސްޓުން އާދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
16 July 2020
ޝަހީމަކީ އަހަރެންގެ ތާއީދު އޮތް މީހެއްނޫން. # ނަމަވެސް ޝަހީމްގެ މިމަސައްކަތް ގޯސް ކަމަކަށް ނުދެކެން. އަދި އަހަރެން އެދެނީ ވެބްސައިޓްގެ އެހީގައި ރާއްޖޭގެ އެންމެ އުތުރާއި ދެކުނުގައި ޓްއަރިޒަމަށް އިންވެސްޓް ކުރާނެ ފަރާތްތައް ހޯދުމަށާއި ހަނިމާދޫ އަދި ގޭން އިންޓަރނޭޝަނަލް އެއަރޕޯޓް ތަރައްޤީކުރާނެ ފައިނޭންސަރުންނާއި އެތަނަށް އަންނާނެ ފްލައިޓް ހޯދުމުގައި ވެބްސައިޓުން ކެމްޕޭނެއް ފައްޓަވާ ލާމަރުކަޒުކޮށް "ޙަޤީގީ ޖަޒީރާ" ގެންނާން މަސައްކަތް ފައްޓަވާނެ ކަމަށް.
އޮނަރަބްލް އަފީފު ދީދީ
16 July 2020
ތިޔަ ވެބްސައިޓްގައި ހަނިމާދޫ އަދި ގޭން އިންޓަރނޭޝަނަލް އެއަރޕޯޓް ވެސް އޮންނަވާހަކައާއި އަދި ހަނިމާދޫ އެއަރޕޯޓާއި ދުރުނޫން ހިސާބު ތަކާއި ގޭން އެއަރޕޯޓުން ސީޕްލޭންގައި 30 މިނިޓުން ދެވޭ ހުވަދޫ އަތޮޅުގައި (ޑޮމެސްޓިކް 4 އެއަރޕޯޓްވެސް އޮވޭ) ރިސޯޓް ތަރައްޤީ ކުރާން ފައްކާ 200 ރަށް އޮތް ކަމަށާއި "ބޭނުން ފަރާތަކުން އެރަށްތައް ރިސޯޓްގެ ގޮތުގައި ޑިވޮލޯޕް ކުރާން ނެގިދާނެ" ވާހަކަ ވެސް ޙިއްސާކޮށް ރާއްޖޭގެ އުތުރާއި ދެކުނުގައި ޓްއަރިޒަމް ފުޅާކުރަން އެހީތެރިވާންވީނޫންތޯ.
ހެއުނިޔަތުގަ
16 July 2020
ބޭނުމަކީ ރާއްޖެ ޢަރަބި ދުނިޔެއަށް އިސްތިހަރު ކުރުން އެއްވެސް ފައިސާއެއް އެއްވެސް އެދުމެއް ނެތި އުފެދެނީ ހުސް ސުވާލު ؟؟؟؟؟
މައުސް
16 July 2020
ސަރުކާރުގަ ތިއްބަސް އިދިކޮޅުގަ ތިއްބަސް ޤައުމުދެކެ ލޯބިވާނެ ވަތަނީ ދަރިން. މިހާރުގެ އިދިކޮޅުން ދައްކަނީ އެމިސާލު. ސާބަސް ޑރ. ޝަހީމް. އަޅުގަނޑުގެ ހެޔޮދުޢާ މަނިކުފާނަށް
ފޮސްކަލޯ
16 July 2020
ހަނދާނަށް އަންނަނީ މިހާރު ވެރިކަމުގައި ތިބި ފަރާތްތަށް އިދިކޮޅުގައި ހުރި އިރު ޓުއަރިޒަމް ބޮއިކޮޓް ކުރަން މަސަކަތް ކުރި ވަރު. ގައުމު ދެކެ ހަގީގީ ލޯބިވާ ދަރިން މި ފެނަނަނީ
ނާގޯށި
16 July 2020
ރިސޯޓް ތަކުގެ ވެބްސައިޓް ތަކުގަ މިހާރުވެސް އެތައްބަހަކުން އަރަބި ބަހުންވެސް ތަރުޖަމާ ފެންނަން ހުރޭ.
ދޮންބެއްޔާ
16 July 2020
ތީ އަދި އެހެން މީހަކަށް ނެނގި އޮތް ކަމެއް.
ދިޔާނީ
16 July 2020
ތިމާމެން ނުރުހޭ އަދި ކިތައްމެ ނުބައި މީހަކުވެސް ރަނގަޅު ކަމެއް ކޮއްފިއްޔާ ބަލައިގަންނަންވާނެ!
ބޮޑު މުހައްމަދު
16 July 2020
މިއީ ވަތަން ދެކެ ލޯބިވާ ދިވެހި ލޭ ހިނގާ ދަރިންނަކީ. ރީނދޫ ކޮހުންހެން ބޭރު ދުނިޔޭގަ ގައުމުގެ އަގު ވައްޓަމުން މިތަނުގެ އިގްތިސާދު ފުނޑާލާކަށް ނުގޮވާނެ.
ދޮންބެއްޔާ
16 July 2020
ވަރަށް މުހިންމު މަސައްކަތެއް. މިވެބްސައިޓުގެ ސަބަބުން ރާއްޖެއަށް ވަރަށްގިނަ ފައިދާތަކެއް ކުރާނެކަމީ ޝައްކެއް އޮތް ކަމެއްނޫން. ރާއްޖެއަށް ފައިދާއެއްވާނެ ކަމެއް ކުރީމާ ރުޅިއަންނަ މީހުންނަކީ ރާއްޖެދެކެ ލޯބިވާ ބައެއް ކަމަށް ނުފެނޭ
ޢަހުރނ
16 July 2020
ގައުމަށް ކަންކަން ކޮށްދޭ މީހުން މިފެންނަނީ.. ވޯޓު ހޯދަންވީމަ އެއްނޫން ގައމު ފެންނަނީކީ