ރަަށެއްގެ ބަނދަރުހެދުމުގެ މަސައްކަތް ބަޔަކު ކުރަނީ. މުހިއްމު މަސައްކަތްތައް ކުރަަން ދާމީހުން މިހާރު ކަރަަންޓީނުވާކަށް ނުޖެހޭނެ
16 ޖުލައި 2020 - 15:54
14 comments
ބައެއް މުހިއްމު މަސައްކަތްތަކަށް މާލެ އިން ރަށްރަށް ދާ މީހުން ކަރަންޓީން ވާން ނުޖެހޭ ގޮތަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިންް މިއަދު ހަމަޖައްސައިފި އެވެ.
ކޮވިޑް-19 ފެތުރުން ކޮންޓްރޯލް ކުރަން މިދިޔަ އޭޕްރީލް 15 ން ފެށިގެން ގާތްގަނޑަކަށް ތިން މަސް ދުވަހަށް މާލެ ލޮކްޑައުން ކުރި ފަހުން، މާލެ އިން އެހެން ރަށްރަަށަށް ދަތުރުކުރުން ފުރަތަމަ އޮތީ މަނާކޮށްފަ އެވެ. އޭގެ ފަހުން ހުއްދަ ދިނީ 14 ދުވަހަށް ކަރަންޓީް ވާ ގޮތަށް ރަށްރަށް ދަތުރުކުރުމަށެވެ.
އެކަމަކު، އެޗްޕީއޭ އިން މިއަދު ނެރުނު އުސޫލުގައިވާ ގޮތުން މައިގަނޑު ހަ ދާއިރާއަކަށް ބަހާލައިގެން ކުރަން ޖެހޭ މަސައްކަތްތަކަށް، ކޮވިޑް ފެތުރިފައި އޮތް ރަށަކުން އެހެން ރަށަކަށް މީހަކަށް ދަތުރުކުރެވިދާނެ އެވެ. ނަމަވެސް އެގޮތަށް ދަތުރުކުރެވޭޭނީ ހުއްދަ ހޯދައިގެންނެވެ.
ހުއްދަ ދޭނެ ދާއިރާތައް:
- ކޭބަލް އަދި މީޑިއާ ނެޓްވޯކްގެ ހިދުމަތްތައް.
- ބޭންކްގެ ހިދުމަތްތައް.
- ކަރަންޓާއި ފެނުގެ ހިދުމަތް ފަދަ ޔުޓިލިޓީ ހިދުމަތްތައް.
- ސިއްހީ ހިދުމަތްދޭ ތަންތަނުގެ ކަންތައްތައް ބެލުމާއި ވަގުތީ ގޮތުން ދޭން ޖެހޭ ހިދުމަތްތައް.
- މެއިންޓަނެންސް މަސައްކަތްތައް.
- ސަރުކާރާއި އަމިއްލަ ފަރާތްތަކުން ރަށްރަށުގައި ހިންގާ ޕްރޮޖެކްޓްތައް.
މި ދާއިރާތައް ވަކިން ފާހަގަކުރުމަށް ފަހު ވެސް އުސޫލުގައި ބުނެފައި ވަނީ އާއްމު ހިދުމަތްތަކާ ބެހޭ އެ ނޫން މަަސައްކަތްތަައް ކުރަން ވެސް ހުއްދަ ލިބޭނެ ކަމަށެެވެ.
އެކިއެކި މަސައްކަތްތައް ކުރަން ރަށްރަށަށް ދިއުމަށް ހުއްދަ ދޭ ގޮތަށް ހެދި ނަމަވެސް އެގޮތުން ކުރާ ދަތުރުގައި އަމަލުކުރަން ޖެހޭ މިންގަނޑުތަކެއް ވެސް އެޗްޕީއޭގެ އުސޫލުގައި ކަނޑައަޅާފައިވެ އެވެ. އެގޮތުން މާލެ އިން ނުވަތަ ކޮވިޑް ފެތުރިފައިވާ އެހެން ރަށަކުން ބަލި އަދި ނުފެތުރި އޮތް ރަށަކަށް ދަތުުކުރާ މީހާ އުޅެން ޖެހޭނީ އޭނާ ކުރަން ދިޔަ މަސައްކަތަށް ހާއްސަ ވެފައިވާ ތަނުގަ އެވެ. ޒަރޫރީ ހާލަތެއްގައި ނޫނީ ރަށުގެ އެެހެން ތަންތަނަށް ދިއުން މަނާވާނެ އެެވެ.
މަސައްކަތެއް ކުރަން ރަށަކަށް ބަޔަކު ފޮނުވާ މުއައްސަސާ ނުވަތަ ކުންފުނިން ހަމަޖައްސަން ޖެހޭނެ އިންތިޒާމުތަކުގެ ތެރޭގައި ފޮނުވާ މީހުން ރަށުގެ އެހެން މީހުންނާ ވަކިން ދިރިއުޅެވޭނެ ގޮތް ހަމަޖެއްސުމާއި އެއީ ކޮވިޑް ޖެހިފައިވާ މީހެއްގެ ކޮންޓެކްޓެއް ނޫންކަަން ކަށަވަރުކުރުން ހިމެނެ އެވެ. އެ ރަށަކަށް ދާ މަސައްކަތެއް ނިމުމާ އެކު ރަށުން އަވަހަށް ފައިބަން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިއަރުދޮންބެ
17 July 2020
ދިރާގު ވަތަނިޔާ އެންޓަނާ ދަޑި ތަކަކީ މޯބައިލް ނެޓްވޯކް. އޭގެ އެއްޗެއްގަ މައްސަލ ޖެހުނީމައި ދާމީހާ ރަށުގަ 14 ދުވަހު ހުރެފައި ދެން މަސައްކަތް ފެށުންތަ ރަގަޅީ. 14 ދުވަހު މޮބައިލް ކަވަރޭޖް ނެތަސް އޯކޭތަ؟ ކޮމެންޓުވެސް އެއިރުން ނުކުރެވޭނެ.
ދެރަ
17 July 2020
ދެރަކަމަކީ ތިޔަ ކަމުގެވެސް ނާޖާއިޒް ފައިދާ ބަޔަކު ނަގާނެކަން. މެއިންޓެނަންސް މަސައްކަތޭ ކިޔާފަ ކިހާ ބައެއްކަމެއް ނޭނގެ ރަށްރަށަށް ދާނީ ކުރިއަށް އެ ލިބޭ ހޮލިޑޭގަ. މިހާތަނަށް ގަބޫލުކުރެވިފައި އޮތްގޮތުން ރަށްރަށުގަ ނެތްކަމަށް ބެލެވިފަ އޮތް ބެލުން ބަދަލުވާން ދެން ތިއުޅެނީ.
ދިޔާނީ
17 July 2020
ބަލަ އަހަރެމެން މޮޔަހައްދަނީތަ؟ ހެލްތު މިނިސްޓަރު ހުއްދަ ދެއްވާ މީހުނަށް ކޮވިޑު ނުޖެހެނީތަ؟ އީދުކުޅެންވެސްދެވޭ އެމީހުންނަށް ކޮންމެސް މަސައްކަތެކޭ ކިޔައިގެން! އެހެންމީހުންވިއްޔާ ރަށަށްގޮސް ގޭ ބަންދުގަ! ހަމަމިހާރު ކުށްނުކުރާ މީހުން ގޭބަންދުކުރުން، ކަރަންޓީނުކުރުން އުވާލާ! މިއެއްނު ކަލޭމެން ބޭނުންވާ ގޮތަކީ މުޅި ރާއްޖެއަށް ބަލި ފަތުރާލަން!
ފަޤީރުކޮއެ
17 July 2020
އެންމެ ފުރަތަމަވެސް ކީއްކުރަން ކުރި ފުރަބަންދެއް؟ ރައްޔިތުން ހާލުގަ ޖައްސަން އަދި ފުރުސަތުގެ ބޭނުންކޮށްގެން މާލިއްޔަތު ދަވާލަން! ފުރަބަންދު ކުރި ބޭނުން ފެއިލްވީ ކަމަށްޤާބިލު މީހުން ހިންގަން ނެތުނީމަ! އަދަބީ ބުސްތާނުގެ މީހުނާ ވާނުވާ ނޭންގޭ ތަޖުރިބާނެތް މީހުން މިނިސްޓަރުކަމަށްލީމަ ވާނެ ހައެތިމިވީ! ޔަޤީނުންވެސް އިނގޭ ކަމަކީ ފުރަބަންދު ކުރިއިރަށްވުރެ މިހާރު ހާލަތު ގޯސްކަން! ނަތީޖާނުނެރެވުނު މީހުން އިސްތިއުފާދެއްވާ ނޫނީ ބޭރުކުރޭ!
ނަޖޫ
17 July 2020
އިގްތީސާދަށް ދިރުން ގެނެވޭ މަަސައްކަތަށް ފުރުސަތު ފަހިކުރީތީ ޝުކުރިއްޔާ. މާ ލަސްވެސް ވެއްޖެ އިންޑަސްޓްރީ ހުޅުވާލަން. ކޮވިޑްއާ އެކީ އުޅެން ދަސްކުރަން ޖެހޭ.
ރަޔާން
16 July 2020
ތީ މިހާރު ނުވެ އޮތް ކަމަކީ! މި ގައުމު އޮތް ހާލަތުގަވެސް ނުބާއަވާތި! މީހަކު ހައިރާނެއް ނުވާނެތަ އަޅެ. ތީ ބަލިމަޑު ކަމުން ސަލާމަތް ކުރަން އުޅޭ ބައެއްތަ ނޫނީ ބަލިމަޑުކަން ފަތުރަން އުޅޭ ބައެއްތަ؟
ދެބޯގެރި ދޯ
16 July 2020
ދެން ކީއްކުރާހާ ގައިޑްލައިންތަކާ އެސް.އޯ.ޕީ ތަކެއް؟ ތިހުރިހާ އެއްޗެއް އުވާލާފަ ދެން މިކަން މިހިސާބުން މި ނިމުނިއްޔޭ ބުނަންވީނު. ބޮޑެތި މަހުޖަނުންނާއި ސިޔާސީ މީހުންގެ އެދުމަށް ހުރިހާވެސް ކަމެއް. ނިކަމެތި ރައްޔިތުން ބިރުވެރިކަމަށް ވައްޓާލަން ލަދެއް ހަޔާތެއްވެސް ނެތް. ހީވަނީ މިކަން މުޅި ގައުމަށް ނުފެތުރިގެން އުޅޭހެން. ނޫނީ މީދެން ދުނިޔޭގައިވެސް އޮތް އެންމެ އިޖާދީ ތަރައްގީ ގައުމުހެން. ކީހާ ޅެން ފަރިއްސަވެ ނިމިއްޖެ. ބޯހަލާކު.
އުދުހޭ
16 July 2020
މުހިންމު މަސައްކަތް ކުރަންދާ މީހުންނަށް ކޮރޯނާ ވަައިރަސް ޖެހުން މަނަލީތަ؟
އަލީ ވަހީދު
16 July 2020
ތިޔައުޅެނީ ރަށްރަށުގަ މިބަލިމަޑުކަން ނުފެތުރިގެން އުތަ
ސްސި
16 July 2020
ކޮވިޑް ނިންމާނީ ޖެހޭނެ މީހެއް ނުޖެހޭނެ މީހެއް