އައިޖީއެމްއެޗުން ބައިލައްކަ އަށް ވުރެ ގިނަ ޕީސީއާރު ޓެސްޓު ހަދައިފި

މާލެ: ޖޫން 2، 2020: ކޮވިޑް-19 އަށް ޓެސްޓް ކުރުމަށް މާލޭގެ އެކި ސަރަހައްދުތަކުން ރޭންޑަމް ސާމްޕަލް ނެގުން: މާލޭގެ އެކި ސަރަހައްދުތަކުން ދިވެހިންނާއި ބިދޭސީންގެ ރޭންޑަމް ސާމްޕަލް ވަނީ ނަގާފައި.-- ފޮޓޯތައް: އަހުމަދު އަވްޝަން / މިހާރު

ޝުރުފާ މުހައްމަދު، މިހާރު

17 ޖުލައި 2020 - 22:15

9 comments

ސަރުކާރުގެ މައި ހޮސްޕިޓަލް އައިޖީއެމްއެޗުން ކޮވިޑް-19 އާ ގުޅިގެން ހެދި ޕީސީއާރު ޓެސްޓުގެ އަދަދު 50،000 އަށް ވުރެ މަތި ކަމަށް އެ ހޮސްޕިޓަލުން މިއަދު ބުނެފި އެވެ.

ރާއްޖޭގައި އެންމެ ފުރަތަމަ ކޮވިޑް-19 ގެ ޓެސްޓު ހަދަން ފެށި އައިޖީއެމްއެޗުން ކުރި ޓުވީޓެއްގައި ބުނީ، މިއަދާ ހަމައަށް 50،000 އަށް ވުރެ ގިނަ ޕީސީއާރު ޓެސްޓު ހަދާފައިވާ ކަމަށެވެ.

ޕީސީއާރު ޓެސްޓަކީ މީހެއްގެ ގައިގައި ކޮވިޑް-19 ހުރިތޯ ބެލުމަށް ކަރުން ނުވަތަ ނޭފަތުން ސްވެބް ސާމްޕަލް ނަގައިގެން ހަދާ ޓެސްޓެވެ.

IGMH Laboratory has successfully proceeded over 50,000 PCR tests for COVID-19 on 17th July 2020.
This is the confirmatory test done for COVID-19 infection, through a sample taken from the throat and/or nasal swab, which detects virus at an early stage.
— IGMH (@igmhmv) July 17, 2020

އައިޖީއެމްއެޗުގެ ޓުވީޓް

ރާއްޖޭގައި އަލަށް ކޮވިޑް-19އަށް ޓެސްޓުކުރަން ފަށާފައި ވަނީ މި އަހަރުގެ މާޗު މަހުގެ ތެރޭގަ އެވެ. ރާއްޖެ އިން އެ ބައްޔަށް ޝައްކުވާ މީހަކު މާޗު 7 ގައި ފުރަތަމަ ފަހަރަށް ފެނުމާ އެކު، ޓެސްޓު ހަދަން ފޮނުވީ އިންޑިއާގެ ޕޫނޭ އަށެވެ. އޭގެ ފަހުން ވެސް ޝައްކުވި ބައެއް މީހުންގެ ޓެސްޓުތައް ޕޫނޭގެ ލެބޯރެޓަރީއަކަށް ފޮނުވައިގެން ހެދި އެވެ. ނަމަވެސް ދުނިޔޭގެ ސިއްހަތު ޖަމިއްޔާގެ އެހީތެރިކަމާ އެކު، މާޗު މަހުގެ ފަހުކޮޅު އައިޖީއެމްއެޗުގައި ކޮވިޑް-19 އަށް ޓެސްޓު ކުރަން ސަރުކާރުން ފެށި އެވެ. އެހެންވެ، ރާއްޖެ ހިމެނެނީ ކޮވިޑް-19 ދުނިޔެ އިން ފެނުނު ފުރަތަމަ ދުވަސްކޮޅު އެންމެ ފުރަތަމަ އެ ބައްޔަށް ޓެސްޓު ކުރަން ފެށި ގައުމުތަކުގެ ތެރޭގަ އެވެ.

އައިޖީއެމްއެޗުގެ އިތުރުން އޭޑީކޭ ހޮސްޕިޓަލް ފުލުހުންގެ ފޮރެންސިކް ސާވިސް އިން ވެސް ކޮވިޑް-19 އަށް ޓެސްޓު ކުރެ އެވެ.

ކޮވިޑް-19 ޖެހިފައިވޭތޯ ދެނެގަތުމަށް ހަދާ ޕީސީއާރު ޓެސްޓުގެ އިތުރުން، ބަލި ޖެހި ރަނގަޅުވެފައިވެތޯ ބެލުމަށް ހަަދާ އެންޓިބޮޑީ ޓެސްޓު ވެސް އައިޖީއެމްއެޗުން އަންނަނީ ހަދަމުންނެވެ.

ރާއްޖެއިން މިހާތަނަށް ކޮވިޑް-19ގެ 2،899 ކޭސް ފެނިފައިވާއިރު އެއީ 1،207 ދިވެހިންނާއި 1،692 ބިދޭސީންނެވެ. މީގެ ތެރެއިން 15 މީހުން މަރުވެފައިވާއިރު، 2،339 މީހުން ވަނީ ބަލި ރަނގަޅުވެފަ އެވެ.

އައިޖީއެމްއެޗު ހެލްތު ޕްރޮޓެކްޝަން އެޖެންސީ ސިއްހަތު ބަލިތައް

9 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޗަކޮއެ

18 July 2020

އަހަރުމެންގެ ހައްގުގައު ރެއާ ދުވާލު މަސައްކަތް ކުރެއްވި ލެބް ޓެކްނީޝަނުންނަށް ފަށް ފަށުން ޝުކުރިއްޔާ. ޝުކުރުވެރިވާން ނޭނގޭ ދިވެހިން ދައްކާނީ ކޮންމެވެސް އެހެން ވާހަކައެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކޮއި

18 July 2020

ލެބްޓެކްނީޝަނުންނަށް ޝުކުރުއަދާ ނުކުރާތީކީ ނޫން ފާޑުކިއަނީ. ބައްޔެއް މުލުން ލުހެލާން އޮތް ގޮތަށް ކަންކަން ހިންގަން އެންމެ އިސްކޮށް ތިބި މީހުންނަށް ނުކުރެވުނީތީ ފާޑުކިޔޭނީ. ލޮކްޑައުންއެއްކޮށްގެން ލިބެންވީ ކާމިޔާބު ނުލިބުނީކީ ރައްޔިތުން ބަސްނާހައިގެންނެއް ނޫން. ޑރ އަރާ ބުނި ރައްޔިތުން އެއިރު ބަސްއެހިއޭ. ދެން ބަލިފެތުރުމުގައި އޮންނާނީ ފަރުވާ އިންތިޒާމުކުރި މީހުންގެ އަތުން ނެއްޓިގެން ދިއަ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރrwިްނ

18 July 2020

ތެދެއް. ފަށްފަށުން ޝުކކުރިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެންވަން

18 July 2020

ކާމިޔާބަކީ ކުރެވުނު ޓެސްޓްގެ އަދަދުބާ. ނޫނީ ބަލި ފެނުނު ސަރަހައްދުން ޓެސްޓްކުރެވުނު މީހުންގެ އަދަދުބާ؟ އެނގޭހާވެސް ކަމަކީ ޗައިނާއާ އެލާރޖިކްނުވާ ސަރުކާރެއް އޮތްނަމަ އެމީހުންގެ އެހީ ހޯދައިގެން ނަމަވެސް މާލެ ލޮކްޑައުންގަ އޮތްއިރު މާލެ ސަރަހައްދު އެއްކޮށް ޓެސްޓްހަދާލާ ބަލި ފިލާ އޮވެގެން އެވަރަށް ފެތުރުމުގެ ކުރިން މާބޮޑަށް ދެނެގަނެވުނީސްކަން. އެންމެން ގޭގަ ތިބެން ބުންޏަސް ގޭގަ ތިބެނީ ބަލިނުޖެހިއެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަސަބު

18 July 2020

މަގޭ ޓެސްޓް ނަތީޖާ އަދިވެސް ނުލިބޭ. ޓެސްޓް ހެދީ ހުން އައުމާއި ކަރުތެރެ ދަވަހެދުމުން. ޑޮކްޓަރަށް ދެއްކުމުން ބޭސްދީފަ ބުނީ ހީނުވެއޭ ބަލީގެ ކަމެއްހެން. 3 ދުވަހުގެ ބޭސް ފުރިހަމަވިއިރު ހުރިހާކަމެއް ރަނގަޅުވެއްޖެ. އެކަމަކު 5 ދުވަސްވީ އިރު ރިސަލްޓް ނުލިބޭ. އެހެންވެ ގެއިން ބޭރަށް ނުނިކުމެ ހުންނަންޖެހެނީ. އެޕްރީލް މަހުވެސް ހުންއައި. ޓެސްޓްހެދި ރިސަލްޓް 48 ގަޑިއިރުތެރޭ ލިބުނު. ނެގެޓިވް. މިހާރު އަދިވެސް ޚަބަރެއްނުވޭ. މިހުރީ ގޭގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗްޕީއޭ

18 July 2020

ތިޔަ ކޮމެންޓްކުރީނު. ދެން މާ ލަހެއްނުވެ ލިބިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 July 2020

ލަދެއް ނުގަނޭތަ؟؟ ބޮޑު ސިންގާ ޤައުމެއްގެ ހުރިހާ ރައްޔަތުންގެ ފައިސާ އެންމެ ރަށަކަށް ޙަރަދުކޮށް މީހުން ދިރިއުޅޭ 200 ވަރަކަށް ރަށް އޮތް އިރު އެހެން އެއްވެސް ރަށެއްގައި ޓެސްޓް ހެދޭނެ ގޮތެއް ޤާއިމްކޮށްނުދީ ތިކަހަލަ ރިކޯޑް މުގުރުމަކީ ލަދުހަޔާތް ކުޑަކަމެއް. # ނޫހުން ފެނޭ ދޭތެރެ ދޭތެރެއިން ކ. ހުޅުލޭ އެއަރޕޯޓުންވެސް ތިކަހަލަ ޙަބަރު ޖަހާފައި އޮންނަތަން. ކީއްކުރާނީ އެއްރަށް ދައުލަތް ހިންގާންތިބީވެސް ކނޑ ކހުން ވީއްޔާ.