ޖޭއެސްސީ: އެ ކޮޮމިޝަނަށް އާންމުންގެ ފަރާތުން އުއްމު ކުލްސުމް އައްޔަން ކުރަން ވަނީ ފާސް ކޮށްފައި -- ފޮޓޯ/މިހާރު
22 ޖުލައި 2020 - 16:06
4 comments
ޖުޑީޝަލް ސާވިސް ކޮމިޝަން (ޖޭއެސްސީ) އަށް އާންމުންގެ ތެރެއިން ކަނޑައަޅާ މެމްބަރު ކަމަށް އައިމިނަތު އުއްމުކްސުމް އައްޔަން ކުރަން މަޖިލީހުން މިއަދު ފާސްކޮށްފި އެވެ.
ޖޭއެސްސީގައި އާންމުންގެ ފަރާތުން އިންނަވާ މެމްބަރުގެ މަގާމު ހުސްވުމުން އެ މަގާމަށް ފަސް ބޭފުޅަކު ކުރިމަތިލެއްވި އެވެ. އެކަމަކު މަޖިލީހުގެ ޖުޑިޝަރީ ކޮމެޓީން ރުހުން ދިނީ ސ. މަރަދޫ މޫންލައިޓްހައުސް، އުއްމުކުލްސުމް އާއި ހ. ރޯޒްމެރީ، އާދަމް މިގުދާދަށެވެ.
މަޖިލީހުގެ މިއަދުގެ ޖަލްސާގައި އުއްމުކުލްސުމް އެ މަގާމަށް އައްޔަން ކުރަން ފާސްކުރީ 67 މެމްބަރުންގެ ވޯޓުންނެވެ. އޭނާގެ ނަން ފާސްވުމުން މިގްދާދުގެ ނަމަށް ވޯޓަކަށް ނާހަ އެވެ.
ޖޭއެސްސީގައި ތިއްބަވަނީ މަޖިލީހުގެ ރައީސް މުހައްމަދު ނަޝީދާއި ތުޅާދޫ ދާއިރާގެ މެމްބަރު ހިސާން ހުސައިނާއި ރައީސްގެ މެމްބަރު މަސްތޫރު ހުސްނީ އާއި އެޓާނީ ޖެނެރަލް އިބްރާހިމް ރިފްއަތާއި ސުޕްރީމް ކޯޓުގެ ފަނޑިޔާރުންގެ ތެރެއިން ފަނޑިޔާރު އައިޝާ ޝުޖޫން މުހައްމަދާއި ހައި ކޯޓުގެ ފަނޑިޔާރުންގެ ތެރެއިން ފަނޑިޔާރު އަލީ ސަމީރާއި ދަށު ކޯޓުތަކުގެ ފަނޑިޔާރުންގެ ތެރެއިން ފަނޑިޔާރު އަލީ ޝަރީފާއި ވަކީލުންގެ ތެރެއިން އަބްދުލްމާނިއު ހުސައިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިއްދޫމީހާ
22 July 2020
ރައީސް ކެމްޕޭންގަ ކީރިތި ކުއްރައްވާފަ ވިދާޅުވި ޖޭއެސްސީ ފޯރމް ވެފަ އޮތް ބަދަލް ކުރާނެ ކަމަ، ބަދަލް ކޮއްގެންތަ ޖޭއެސްސީއަ މީހުން މިލަނީ؟؟؟ހަމަ ނަން އެކަނި ބަދަލްވީ...
އާންމު މީހާ
22 July 2020
ނަމުން އާންމުންގެ ތެރެއިން ކަމުން މަޖިލީހުން ހޮވުން ޖުޑީޝަރީގެ ހާލަތު އެނގޭ މީހަކަށް އިނގޭނެ މި ވާނުވާ އާންމުންގެ ފަރާތުން ލާ މީހަކު ހޮވަން ވާނީ އާންމުންގެ ވޯޓުން
ހެޔޮ
22 July 2020
މަރުހަބާ އުއްމު! ތި މަސްއޫލިއްޔަތު ފުރިހަމަ ގޮތުގައި އަދާ ކުރުމުގެ ހެޔޮ ތައިފީޤު ﷲ މިންވަރު ކުރައްވާށި !އާމީން.
ތިންކާފު
22 July 2020
އުއްމުކުލްސުމް ގެ އެއްވެސް ވަނަވަރެއް ހޯދާ ނުލެވުނުތޯއެވެ. ޚަބަރު ކިޔާ މީހުންނަށް ވަރަށް މުހިއްމު ވާނެ އޭނާއަކީ ކީއްކުރާ މީހެއްކަމާއި ތައުލީމީ ތަޖުރިބާ އަކީ ކޮބާތޯ ބަލާލަން.