22 ޖުލައި 2020 - 18:41
8 comments
ރާއްޖެ އިން ކޮވިޑް-19 އާއި ދެކޮޅަށް ކުރަމުން އަންނަ މަސައްކަތަށް އެހީތެރިވެ ދިނުމުގެ ގޮތުންނާއި ސިއްހީ ދާއިރާ އިތުރަށް ހަރުދަނާ ކުރުމަށް ޔުނިސެފް އިން ރާއްޖެ އަށް ބައެއް ތަކެތި ހަދިޔާކޮށްފި އެވެ.
މިއަދު ހަދިޔާ ކުރި ތަކެތީގެ ތެރޭގައި ޕާސަނަލް ޕްރޮޓެކްޓްޓިވް އިކުއިޕްމަންޓް (ޕީޕީއީ) އާއި ސެނިޓައިޒާ އާއި ސައިބޯނި ހިމެނެ އެވެ. އެ ތަކެތީގެ އަގު 6.5 މިލިއަން ރުފިޔާ އަށް އަރާ ކަމަށް ހެލްތު މިނިސްޓްރީން ބުންޏެވެ.
ހެލްތު މިނިސްޓްރީގައި ބޭއްވި ރަސްމިއްޔާތެއްގައި ތަކެއްޗާ ރާއްޖޭގެ ފަރާތުން ހަވާލުވީ މިނިސްޓަރު އަބްދުﷲ އަމީނެވެ. ޔުނިސެފްގެ ފަރާތުން ތަކެތި ހަދިޔާ ކުރެއްވީ ރާއްޖެ އަށް ކަނޑައަޅާފައިވާ މަންދޫބު ޑރ. މުނީރު އަލް ސަފީލްދީން އެވެ.
ހެލްތު މިނިސްޓަރު އަބްދުﷲ އަމީނާއި ޔުނިސެފްއިން ރާއްޖެއަށް ކަނޑައަޅުއްވާފައިވާ މަންދޫބު ޑރ. މުނީރު: ޔުނިސެފްއިން ރާއްޖެއަށް ވަނީ 6.5 މިލިއަން ރުފިޔާގެ ތަކެތި މިއަދު ހަދިޔާ ކޮށްފައި-- ފޮޓޯ: ހެލްތް މިނިސްޓްރީ
އެ ރަސްމިއްޔާތުގައި ހެލްތު މިނިސްޓަރު އަމީން ވިދާޅުވީ މިއަދު ލިބުނު ޕީޕީއީތަކާ އެކު އަތޮޅުތެރޭގައި ކޮވިޑާ ދެކޮޅަށް ކުރެވޭ މަސައްކަތް އިތުރަށް ހަރުދަނާ ކުރެވިގެން ދާނެ ކަމަށެވެ.
"ކޮވިޑް-19 އާ ގުޅިގެން އާއްމުން ހޭލުންތެރި ކުރުވުމަށް ކުރެވުނު މަސައްކަތްތަކަށް ޔުނިސެފްގެ ފަރާތުން ލިބިގެންދިޔަ އެއްބާރުލުމަށް ޝުކުރު ދަންނަވަން،" އަމީން ވިދާޅުވި އެވެ.
ރާއްޖޭގެ ސިއްހީ ދާއިރާ އަށް ޔުނިސެފްގެ ފަރާތު ތަފާތު އެކިގޮތް ގޮތުން އަންނަނީ އެހީތެރިކަން ފޯރުކޮށް ދެމުންނެވެ. އެގޮތުން ރާއްޖެ އަށް ބޭނުންވާ ވެކްސިން ފޯރުކޮށްދިނުމާއި އާއްމު ސިއްހަތާ ގުޅޭ އެކި ދާއިރާތަކުން އެ ޖަމިއްޔާމއިން އަންނަނީ މެދުނުކެނޑި އެހީތެރިކަން ފޯރުކޯށްދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައުސް
23 July 2020
2020ވަނަ އަހަރުގެ ކުރީކޮޅު ކޮވިޑް ޖޯކަކަށް ހަދައިގެން މަޖިލިސްތެރޭގައާއި ސަރުކާރުގެ ބައެއްބޮޑުން ދައްކަމުން ގެންދިޔަ ވާހަކަތަށް އެއްފަރާތްކޮށް މަޑުމައިތިރިކަމާ ކެއްތެރިކަމާއެކު ކުރެެއްވި ބުރަ މަސައްކަތަށް ފަށްފަށުން ޝުކުރިއްޔާ. އަދި ބޭއަދަބީ ބަސްތައްބުނާ މީހުންނާ ހަޑިހުތުރު ކަންތައްކުރާ މީހުންނަށް ރައްދުދިނުމުއްނެތި ދެއްކެވި ލާމަސީލު ނަމޫނާއަށްވެސް ސާބަސްދެން. ހަޑިހުތުރު ގޮތް އިޚްތިޔާރުކުރާމީހާ ނިމިގެންދާނީވެސް ހަޑިހުތުރުކޮށް. ހެލްތް މިނިސްޓަރ އަމީނަކީ ލާމަސީލު ނަމޫނާއެއް.
މުއާވިޔަތު
22 July 2020
ބޭރު މުއައްސަސާތަކުގެ އިތުރަށް އެކި ފަންތި އަދި އެކި ގިންތީގެ މީހުންނާއެކީ އެއްވެސް ތަފާތު ކުރުމެއްނެތި އެންމެނާ ގުޅިގެން ތިޔަ ކުރައްވަމުން ގެންދަވާ މަސައްކަތަށް ޝުކުރު ހައްގު ބޭފުޅެއް އަމީންއަކީ. ކޮންމެ އޮޑިއެއްގައިވެސް އަމީނަށް ދަތުރުކުރެވޭނެ ސާބިތުކޮށްދީފި. ތިޔަ ކޮށްދެއްވާ އަގުހުރި މަސައްކަތަށް ސާބަސް.
ހިދާޔަތު
22 July 2020
ކޮބާހޭ ވެންޓިލޭޓަރުތައް. ލާރިތައް ކައްވާލާފަ މިހާރު އަމީނުމެން އުފަލުގައި. ގައުމުގައި ޑިސެމްބަރުގައި މުސާރަދޭނެ ލާރިއެއް ނެތް ކަމަށް ސަރުކާރުން އެ ބުނަނީ. އަދިވެސް ބޭކާރު ކަންކަން ލާރި ކައްވަންވެގެން ކުރަމުން ދަނީ.
މުދިމްބެ
22 July 2020
ބޭކާރު ކަންކަން އެނގޭނެ މާދަމާވެސް ފުރާނަ އަތަށް ލައިގެން ދުވަން ޖެހިއްޖެ ހާލަތެއްގައި. އޭރުން ދުވާނެ ކޮބާހޭ ވެންޓިލޭޓަރޭ ފަޅޮލޭ ގޮވަމުން. ބަޔަކު ރެއާ ދުވާލު ބުރަ މަސައްކަތް ކޮށްގެން ރާއްޖޭގެ އެތައް ބައެއްގެ ފުރާނަ ސަލާމަތް ކޮށްދިނީމަވެސް ޝުކުރުވެރިވާން ނޭނގޭ ފިތުނަވެރިން ދައްކާނީ ތިޔަފަދަ ޖާހިލުކަން ބޮޑު ވާހަކަ. ކަލޭމެން ފަދަ މީހުން އުޅޭތީ ދިވެއްސަކަށްވީތީ ލަދުގަންނަ ފަހަރު އަންނަނީ.
ސިއުރާ
22 July 2020
ތީއްޗިހި ފެންނާނީ ރައްޓެހިންގެ ފިހާރައިން ބޮޑު އަގުގަ ވިއްކަން ބަހައްޓާފަ ހުއްޓާ. ސިއްހީ ކުއްލި ނުރައްކަލޭ ކިޔާފައި ހެލްތު މިނިސްޓްރީއާއި ސަރުކާރުގެ ތަންތަނުން ވަރަށް ލާރި ކާލައިފި ކަމަށް އެންމެން އެބަ ކިޔާ.
ސަކީނާއްތަ
22 July 2020
އެހެންތަ. އަޅެ ތިއިން ފިހާރައެއް ފެނިއްޖެނަމަ މަށަށްވެސް އަންގާލަ ދެއްޗޭ. ނަޝީދު/އަދުރޭ ފެކްޝަނުން ތިހެން ގޮވާތާ ދުވަސްތަކެއް ވެއްޖެ. އެކަމަކު ހަމަ ހިލާ މި އުޅެނީ ތިއިން ތަނެއް ނުފެނިގެން.
ގައުމީ ލޯބީގާ
22 July 2020
ކޮންމެ ދުވަހަކު ނޫސް ހުޅުވާ ބަލާލިއަސް ހެލްތު މިނިސްޓަރު ކޮންމެވެސް ކަމެއް ކޮށްގެން އުޅޭ ހަބަރެއް. އަބަދުވެސް ބަހަށް ވުރެ ކުރީގައި އަމަލު. ވެކްސިންވެސް އެންމެ ފުރަތަމައަށް ހޯދާ ގައުމުތަކުގެ ތެރޭގައި ރާއްޖެ ހިމެނޭނެ ކަމާމެދު ޝައްކެތް ނުކުރަމޭ މި ބުނަނީ މިހެންވީމަ.
މަރީީ
22 July 2020
ހެލްތު މިނިސްޓަރު ތިޔަ ކުރައްވާ ބުރަ މަސައްކަތަށް ސާބަސް