މުނިފޫހިފިލުވުން / އައިޝްވާރްޔާ ރާއީ

އައިޝްވާރިއާ އާއި ދަރިފުޅު ކޮވިޑް-19 އިން ރަނގަޅުވެއްޖެ

އަމީތާބާއި އަބީޝެކަށް އަދިވެސް އަންނަނީ ފަރުވާ ދެމުން.

އައިޝްވާރިއާ އާއި ދަރިފުޅު.

އަހުމަދު އަދްޝަން، މިހާރު

28 ޖުލައި 2020 - 20:21

5 comments

ބޮލީވުޑްގެ ބަތަލާ އައިޝްވާރިޔާ ރާއީ އާއި ދަރިފުޅު އަރާދިއާ ބައްޗަން ހޮސްޕިޓަލްގައި އެޑްމިޓްކޮށްގެން ކޮވިޑް-19 އަށް ފަރުވާ ދިނުމަށް ފަހު ހޯމަ ދުވަހު ދޫކޮށްލައިފި އެވެ.

މުމްބާއީގެ ނަނަވަތީ ހޮސްޕިޓަލުން ފަރުވާ ހޯދުމަށް ފަހު ބައްޔަށް ނެގަޓިވްވެގެން ދެމައިން ދޫކޮށްލީ އިއްޔެގެ އިރާކޮޅު ވަގުތެއްގަ އެވެ. އައިޝްވާރިއާ އާއި 8 އަހަރުގެ ދަރިފުޅު ކޮވިޑް-19 އަށް މި މަހުގެ 12 ވަނަ ދުވަހު ޕޮޒިޓިވްވެ، ހޮސްޕިޓަލްފައި އެޑްމިޓްކުރީ މި މަހުގެ 17 ވަނަ ދުވަހު އެވެ.

އެ ދެމައިން ބައްޔަށް ނެގަޓިވްވެ، ހޮސްޕިޓަލުން ދޫކޮށްލި ނަމަވެސް އައިޝްވާރިއާގެ ފިރިމީހާ އަބީޝެކް ބައްޗަނާއި ބަފައިބެ އަމީތާބް ބައްޗަނަށް ނަނަވާތީ ހޮސްޕިޓަލްގައި އަދިވެސް އަންނަނީ ކޮވިޑް-19 އަށް ފަރުވާ ދެމުންނެވެ. އެ ދެ މީހުން އެޑްމިޓްކުރީ މި މަހުގެ 11 ވަނަ ދުވަހު އެވެ.

Thank you all for your continued prayers and good wishes. Indebted forever. 🙏🏽
Aishwarya and Aaradhya have thankfully tested negative and have been discharged from the hospital. They will now be at home. My father and I remain in hospital under the care of the medical staff.
— Abhishek Bachchan (@juniorbachchan) July 27, 2020

އަބީޝެކް ވަނީ ދެބަފައިންގެ ފަރުވާ އަދިވެސް ކުރިއަށްދާ އިރު، އަންހެނުންނާއި ދަރިފުޅު ނެގަޓިވްވެގެން ހޮސްޕިޓަލުން ދޫކޮށްލި ވާހަކަ ޓްވީޓް ވެސްކޮށްފަ އެވެ.

ބައްޗަން އާއިލާވެގެން ދިޔައީ ބޮލީވުޑްގެ އޭ-ލިސްޓް ތަރިންތަކެއް ކޮވިޑް-19 އަށް ޕޮޒިޓިވްވި ފުރަތަމަ ފަހަރަށެވެ. މިކަމާ ގުޅިގެން އެ މީހުން ދިރިއުޅެމުން އަންނަ ގެ ޖަލްސާ ހުރި ސަރަހައްދު ކޮންޓައިމަންޓް ޒޯނެއްގެ ގޮތުގައި ކަނޑައަޅައި، ހާއްސަ ފިޔަވަޅުތަކެއް އަޅާފައިވެ އެވެ. ނަމަވެސް ހޯމަ ދުވަހު ވަނީ ޖަލްސާ އަށް އެޅި ފިޔަވަޅުތައް ނަގައިފަ އެވެ.

ބޮލީވުޑް މުމްބާއީ އަމީތާބް ބައްޗަން އަބީޝަކް ބައްޗަން އައިޝްވާރްޔާ ރާއީ

5 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިއުރާ

29 July 2020

އަސްލު މީ ވަރަށް ސިމްޕަލް ބައްޔެއް ކަންނޭނގެ. އިހަށް ދުވަހު އެމީހުން ބަލިވީ މިއަދު އެ ރަނގަޅުވީ. ރާއްޖޭގައި މާ ކަންތައް ބޮޑުކޮށްލަނީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަންކު

29 July 2020

ޢަންގައެއް އޮތީމަ އެއްޗެއް ބުނެލީދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްކާ

28 July 2020

ތިވެސް ވަރުގަދަ ގަބީލާއެއް، ކިތަންމެ ގަދައަށް ފިލްމުކުޅެން އެނގުނަސް މިއިން ގަބީލާއެއްގެ މީހަކަށްނޫނީ ފުރުސަތެއްނުލިބޭ އިންޑިއާގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

28 July 2020

ދުނިޔޭގެ ކޮންމެ ތާކުން ވިއަސް މީހަކު މި ބަލިން ރަނގަޅުވުމަކީ އުފާކުރަންޖެހޭކަމެއް. އަމީތާބްގެ ގެ ޖަލްސާއަށް ކޮވިޑް 19 ގެނައީ އަބީޝެކް. ވިދިވިދިގެން 3 ދުވަހު ސްޓޫޑިއޯތަކަށް ދިޔަ. ބޭރުގަ އުޅުނު. ބަސް ނައަހާތީ ވާގޮތް.