ޑީޖޭއޭ: ބައެއް ކޯޓްތަކުގެ އެޑްމިނިސްޓްރޭޓަރުން ވަކިކުރަން ވަނީ ނިންމާފައި -- ފޮޓޯ/މިހާރު
02 އޯގަސްޓް 2020 - 12:30
39 comments
ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން އަލަށް ގެނައި އުސޫލެއްގެ ދަށުން ކަމަށް ބުނެ ބައެއް ކޯޓުތަކުގެ އެޑްމިިނިސްޓްރޭޓަރުން ވަޒީފާ އިން ވަކިކުރާތީ ކަންބޮޑުވުން ފާޅުކޮށްފި އެވެ.
ވަކިކުރަން ނިންމާފައިވާ ކޯޓެއްގެ އެޑްމިނިސްޓްރޭޓަރަކު މިއަދު ވިދާޅުވީ، ކުރިން އެ މަގާމުގައި ދިގު މުއްދަތެއް ހޭދަކޮށްފައިވާ މެޖިސްޓްރޭޓް ކޯޓުތަކުގެ އެޑްމިނިސްޓްރޭޓަރަކު ވަކިކުރަން ނިންމީ ދާއިމީ ވަޒީފާގައި ތިއްބާ "ގާނޫނާ ޚިލާފަށް" ހަ މަހުގެ ޕްރޮބޭޝަން މުއްދަތެއް ދީ އަދި މަސައްކަތުގެ ފެންވަރު ބެލުމާ ބެހޭ އާ އުސޫލެއް ހެދުމަށް ފަހު ކަމަށެވެ. އެ އުސޫލު އޮތް ގޮތުން ކޯޓު އެޑްމިނިސްޓްރޭޓަރުންގެ މަގާމު ޗީފް އެޑްމިނިސްޓްރޭޓާގެ މަގާމަށް ބަދަލުވެ، މަގާމުގެ ރޭންކް ވެސް އިތުރަށް ދަށްވާ ކަމަށް އޭނާ ވިދާޅުވި އެވެ.
"ދެ އަހަރު ނުވަތަ ނުވަ ވަރަކަށް އަހަރު މި ވަޒީފާގައި ތިބި ބައެއް މިއީ. އަދި ޑިގްރީ ނުވަތަ މާސްޓާސް ހާސިލްކޮށް ވަޒީފާގައި އެއްވެސް މައްސަލައެއް ނުޖެހި ތިބި ބައެއް. ދާއިމީ ވަޒީފާއެއްގައި އެހެން ތިއްބާ ހަ މަހުގެ ޕްރޮޮބޭޝަނެއް މި ދެނީ. ފުރަތަމަ ކަމަކަށް، ވަޒީފާގައި ދާއިމީ ވެފައި ތިބި ބަޔަކަށް ޕްރޮޮބޭޝަން މުއްދަތެއް ދެވޭނެ ގޮތަކަށް ގާނޫނަކު ނޯވޭ،" އޭނާ ވިދާޅުވި އެވެ.
އޭނާ ވިދާޅުވި ގޮތުގައި ވަކިކުރަން ނިންމަނީ މަސައްކަތުގެ ފެންވަރު ބެލުމުގެ ގޮތުން ޑީޖޭއޭ އާއި އެކި ފަރާތްތަކުން ޕޮއިންޓް ދިނުމަށް ފަހު 70 ޕަސެންޓް މާކްސް ނުލިބޭ މީހުންނެވެ. އެކަމަކު ޕޮއިންޓް ދޭ އުސޫލު ވެސް އާންމުކުރީ ޕްރޮބޭޝަނަށް ދިން މުއްދަތު ހަމަވުމުގެ ދެ ދުވަސް ކުރިން ކަމަށާއި އެއީ ގަސްދުގައި ކޮށްފައިވާ ކަމެއް ކަމަށް ބެލެވޭ ކަމަށް ވެސް އޭނާ ވިދާޅުވި އެވެ.
"އޮކްޓޫބަރުން ފެށިގެން މާޗް މަހުގެ ނިޔަލަށް ޕްރޮބޭޝަން ހަމަވާ ގޮތަށް ތިބީ. އެކަމަކު ކޮވިޑާ ގުޅިގެން އަނެއްކާވެސް ތިން މަސް އިތުރުކުރީ. ޖުމްލަ ނުވަ މަސް ޕްރޮބޭޝަންގައި. ދެން ޖޫން 30 ގައި އެ މުއްދަތު ހަމަވީ އެކަމަކު މާކްސް ދޭނެ އުސޫލު އާންމުކުރީ އޭގެ ދެ ދުވަސް ކުރިން،" އޭނާ ވިދާޅުވި އެވެ.
އޭނާ ވިދާޅުވި ގޮތުގައި ވަޒީފާއިން ވަކިކުރި ނިންމުން ރިވިއުކުރަން ޑީޖޭއޭގައި އެދުމުން ވެސް އެކަމަށް ބަދަލު ގެންނާނެ ތަނެއް ނެތް ކަމަށް ވަނީ އަންގައިފަ އެވެ. އަދި ކޮވިޑް-19 އާ ގުޅިގެން މާލީ ހާލަތު ދަށްވެފައި ވަނިކޮށް އެފަދަ ނިންމުމެއް ނިންމުމަކީ ވަކި މަގްސަދެއްގައި ނިންމި ނިންމުމެއް ކަމަށް އޭނާ ތުހުމަތު ކުރި އެވެ.
ޑީޖޭއޭ އިން ބުނީ އެ މުވައްޒަފުން ވަކިކުރީ ކުރިން އާންމު ކޮށްފައިވާ އުސޫލުގެ ދަށުން ކަމަށެވެ. އެ އުސޫލުގެ ދަށުން 10 މީހަކު މަގާމުން ވަކިކުރަން ނިންމި އިރު 12 މީހަކު އެ އުސޫލުގެ ދަށުން ދާއިމީ ކުރަން ނިންމާފައިވާ ކަމަށް ވެސް ބުންޏެވެ.
ކޯޓު އެޑްމިނިސްޓްރޭޓަރުންނަކީ ކޯޓުތަކުގެ އިދާރީ ހިންގުމުގެ އެންމެ އިސް ފަރާތެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރުހަކުރު
03 August 2020
ބައެއް ބޭފުޅުންނަށް މިސަރުކާރަށް ފާޑުކިޔާ ކޮންމެ މީޙަކީ ޔާމީނުއަށް ތާއީދުކުރާ މީހެކޭ ހީވަނީ. ބައްލަވާ މިސަރުކާރު ގެންނަން ވޯޓުދިނީ ހަމައެކަނި އެމް.ޑީ.ޕީ މީހުނެއްނޫން. އިޞްލާޙަށް ލޯބިކުރި ކިތަންމެ ބައެއް މީގައި ހިމެނޭ. ހަޤީޤަތަކީ ވަކިޕާޓީއަކަށް ފިކުރު ނުހިނގާ ވަރަށްގިނަ މީޙުން މިހާރު މިސަރުކާރަށް ދާއީދު ނުކުރާކަން. އިންސާފެއް ހޯދަައެއް ނުދެވުނު. ޙައްޤު އެއީ މިސަރުކާރާއި ބީރައްޓެހި އެއްޗެއް. ޔާމީނު ކަމުނުދާތީ މިސަރުކާރު ގެނައީ.
ބުގަބޫ
03 August 2020
އެކަމަކު ބަދަލު ދެނީ އަމިއްލަ ޕާޓީޔާ ގުޅޭ މީހުނަށް. މިހާރު މިއުޅެނީ މުޅި ޝަރުއީ ނިޒާމު ފުރޮޅާލާ ހަލާކު ކޮށްލަން ވެގެން. ޓްރަންޕް އެމެރިކާގައި ހަދަމުން ދިޔަ ގޮތަށް
މާއުނިފަރާތް
03 August 2020
ދެތިން ހަތަރު ކޯޓެއް ހުންނައިރު ކޯޓު އެޑްމިނިސްޓްރޭޓަރުންގެ ގޮތުގައި 22 ހޭދެހާ ގިނައޭ އަންއއކޮޅުން އެންމެންވެސް ހަމަ އިދާރީ ހިންގުން
ކޯޓު މާސްޓަރު
03 August 2020
ރާއްޖޭގައި 194 ކޯޓު ހުރޭ
ކޮރަންޓީން
03 August 2020
ދޮންކަލޯ އަށް ދިވެހިރާއްޖެއޭ ބުނީމަ ފެންނަނީ ހަމައެކަނި މާލެ ދެއްތޯ؟ އެޑްމިނިސްޓްރޭޓަރަކީ ކޮންމެ ކޯޓެއްގައިވެސް އެކަކު ހުންނަ މަޤާމެއް. ދިވެހިރާއްޖޭގައި މާލެ ނޫން ރަށްތައްވެސް ހަރިކަން އެންމެ ކުޑަމިނުން އެބަ އިނގެންޖެހޭ ދޯ؟
ދިއްދޫމީހާ
03 August 2020
ގާނޫނަ ވުރެން ގަވާދު އަދި އުސޫލު ވަރުގަދައެ ނުވާނެ، ވަރުގަދަ ވާނީ ގާނޫން، އެހެން ވީމާ ވަޒީފާ ގެއްލޭ ފަރާތަކަ ވަޒީފާ އަދި ގެއްލުމުގެ ބަދަލްދޭން ޖެހުނީމާ އަނެކާ ދައުލަތަ އިތުރު ބުރަޔަކާ ކުރިމަތި ވާނީ، ދެން އަނެހެން ގޯހެ ނޫން މިސަރުކާރަކީ ބަދަލް ދޭ ސަރުކާރެތާ...
ޙިސާން ހުސައިން
03 August 2020
ބަޔަކު ނަޒީރަށް ދިން ލަނޑެއް
ހޮޓްކިންގ
03 August 2020
ތިބޮނޑިބޯން ގެނައި ނާގާބިލް ސަރުކާރެއް މީ. ދިވެހިން ހާލުގަޖެހުނުދުވަހު އިތުރަށް ގަންބާލީއަޑިއަށް
ނާކާބިލު
03 August 2020
މަޖިލިސް މެޖޯރިޓީ ލިބުނީ އެންމެކަމަކަށް. ޖުޑީޝަރީ އިޞްލާހުކުރަން. އެކަމަކު އެކަންވެސް ބޮޑު ޑްރާމާއަކަށް ހަދައި ހާޖާނު ހަދައި، ޖުޑީޝަރީ ސުންނާފަތި ކުރަނީ. ޚުދު ޖޭ.އޭސް.ސީ އަށްވެސް ވާނުވާ ނޭންގޭ. ސުލޫކީ މައްސަލައެއް އިސްތިއުނާފު މައްސަލެއްވެސް ތަފާތެއް ނުވޭ. އިސްާޙުކުރަންވީ ކަންކަމާއި ތަންތަން ބަހައްޓާފައި ޕާޓީގެ ފިކުރަށް ފަނޑިޔާރުން ފަހާ ދުވަނީ. ޚުދު ޗީފްއޮފްސްޓާފުވެސް ދަނީ ކޯޓުތަކަށް ނުފޫޒު ފޯރުވަމުން. އެކަމަކު އިބޫ ބުނާނެ ޒީރޯޓޮލަރެންސް އޭ!
ޔާސިރު12
03 August 2020
ނަޒީރު މަގާމުން ދުރުވެގެން ދިއުމުގެ ކުރިން އޭނާއާ ނުގުޅޭ ފަނޑިޔާރުންނާއި ނުގުޅޭ މީހުން ތިބި ތަންތަން ރނގަޅަށް ލަލުވާލާފަ ދާންވެގެން ކޮށްލާ މަސައްކަތެއް. މި ހާ ވިޔާނުދާ އަދި ތަނުގެ ވާނުވާ ނޭނގޭ އެޑްމިނިސްޓްރޭޓަރެއް ޑިޕާޓްމަންޓަކަށް ދުވަހަކުވެސް ނާދޭ. މީގެ ކުރިން އައި މީހުން ވަނީ އަބަދުވެސް ކަންކަން ރަނގަޅުކޮށް މުވައްޒަފުންނާ ގުޅިގެން ކަންކޮށް ތަން ތަރައްގީ ކުރުމަށް މަސައްކަތް ކޯށްފަ. މި ބޭޅާ ވަޑައިގަންނަވަނީ ތަން ހަލާކުކޮށްލާފަ
ޞޫތީން
02 August 2020
ކަރުބުޑުގައި ހިތިރަހަ ގަދަކުރައްވާށި.
ޑަންޑަނާ1
02 August 2020
ވަޒީފާއާއި ބެހޭ ޤާނޫނާއި ޚިލާފަށް ހަދާ އުސޫލަކުން މުވައްޒަފެއްގެ ވަޒީފާގެހައްގެއް ނިގުޅައިގަނެވޭނެ ޤާނޫނީ ހަމައެއްނެތްއިރު މިއީޣައިރު ޤާނޫނީ ނިންމުމެއް.ދާއިމީ ވަޒީފާގައި ހުރި މީހަކަށް އިތުރު ޕްރޮބޭޝަނެއް ނުދެވޭނެ އަމުދުން މަޤާމުގެ ދަރަޖައާއި ޢިނާޔަތްތައްދަށްކޮށް މަޤާމުގެ ނަމަށް ގެންނަ ބަދަލަކުން.އެޕްރައިޒް ކުރެވެންވާނީ މުވައްޒަފާއިވެސް ވާހަކަދެކެވި ދެފަރާތުން އެއްބަސްވެގެން އަދި އެޕްރެއިޒަލް ފަށަންވާނީވެސް ނިންމަންވާނީވެސް ދެފަރާތުގެ ސޮޔާއެކު
މުޙައްމަދު ޢުމަރު މަނިކު
02 August 2020
ކޯޓުތަކުގައި މަސައްކަތް ކުރުމަށް ލޯފާރމް ހިންގާ ލޯޔަރުން ޖޭއެސްސީ އާއި ޙަވާލުވީމާ ވާނީ މިހެން. އެމީހުންނަށް ކަމުނުދާ މީހުން ދުރުކުރާނެ. އަދި އެމީހުން ބުނާގޮތަށް ކޯޓުތަކުން މަސައްކަތް ކުރާމީހުން ތިވަޒީފާތަކަށް ނަގާނެ. ޝުކުރިއްޔާ ރައީސް އިބޫ ތިއޮތީ ޖުޑިޝަރީ އިސްލާހުވެފައި.