ވިޔަފާރި / މާލޭ އިންޓަނޭޝަނަލް އެއާޕޯޓް

އެއާޕޯޓް ކާގޯ ޖެޓީގެ މަސައްކަތް ފަށައިފި

އެމްއޭސީއެލްއިން ކާގޯ ޖެޓީ ތަރައްގީ ކުރާ ސަރަހައްދު

ފާތިމަތު ޝަނާ މުހައްމަދު، މިހާރު

09 އޯގަސްޓް 2020 - 22:41

1 comments

ވެލާނާ އިންޓަނޭޝަނަލް އެއާޕޯޓް ކާގޯ ޖެޓީގެ މަސައްކަތް ފަށައިފި އެވެ.

ކާގޯ ޓާމިނަލް ސަރަހައްދުގައި ހަދާ ބަނދަރުގެ ޖެޓީ ހިޔާކޮށް، ބަރު އެއްޗެހި އުފުލުމަށްޓަކައި ހަތް ކްރޭން އިންސްޓޯލް ކުރާނެ އެވެ. މިއާ އެކު މުދާ އުފުލުމަށްޓަކައި ފަސޭހަކަމާ އެކު އެ ސަރަހައްދަށް އުޅަނދުފަހަރަށް ގާތް ކުރެވޭނެ އެވެ.

ކާގޯ ރައްކާކުރާ އާ ޓާމިނަލްގެ ބޮޑުބައި މަސައްކަތް ވަނީ ނިންމައިފަ އެވެ. މި ކާގޯ ޓާމިނަލްގައި އެކްސްޕޯޓް ޓާމިނަލަކާއި އިމްޕޯޓް ޓާމިނަލެއްގެ އިތުރުން ޕެރިޝަބަލް ސާމާނު ބެހެއްޓުމަށް ހާއްސަ ބައެއް ހުންނާނެ އެވެ. ގާތްގަނޑަކަށް 11،000 އަކަ މީޓަރުގެ އާ ކާގޯ ޓާމިނަލަކީ، މިހާރު އެއާޕޯޓުގައި ހުރި ކާގޯ ޓާމިނަލަށް ވުރެ ތިން ގުނަ ބޮޑު ތަނެކެެވެ.

ކާގޯ ޓާމިނަލްގެ މަސައްކަތް އަންނަ އަހަރު ކުރީކޮޅު ނިމޭނެ ކަމަށް އެމްއޭސީއެލުން ބުނެ އެވެ.

އެއާޕޯޓް ތަރައްގީ ކުރުމުގެ ބިޔަ ޕްރޮޖެކްޓް ފެށީ ކުރީގެ ރައީސް އަބްދުﷲ ޔާމީންގެ ސަރުކާރުންނެވެ. މި ޕްރޮޖެކްޓަށް 800 މިލިއަން ޑޮލަރު ނުވަތަ 12 ބިލިއަން ރުފިޔާ ހަރަދުވާނެ އެވެ. އެއާޕޯޓު ތަރައްގީ ކުރުމުގެ މަސައްކަތް ކުރަނީ ސައުދީގެ ބިންލާދިން ކުންފުންޏާ ހަވާލުކޮށްގެންނެވެ.

Project Update: New Cargo Complex Harbour @VelanaAirport
Works progressing at the alongside Jetty area to facilitate cargo vessels.
The jetty will be equipped with all necessary amenities including
dedicated cranes to load & unload Air Cargo safely. pic.twitter.com/oyfxHtGZtn
— MACL (@MACLmedia) August 9, 2020