ރައީސް އިބްރާހިމް މުހައްމަދު ސޯލިހް ހުވާ ކުރެއްވުމަށް ބޭއްވި ރަސްމިއްޔާތަށް ފަހު، އެމަނިކުފާނު އިންޑިއާގެ ބޮޑުވަޒީރު މޯދީގެ ގައިގައި ބައްދާލައްވަނީ. --- ފޮޓޯ: އޭއެފްޕީ
13 އޯގަސްޓް 2020 - 17:40
26 comments
އިންޑިއާއިން މިއަދު ރާއްޖެއަށް ދޭން ނިންމި ބޮޑެތި އެހީތަކަށް ރައީސް އިބްރާހިމް މުހައްމަދު ސޯލިހު ޝުކުރު އަދާކުރައްވައިފި އެވެ.
އަބްދުﷲ ޝާހިދާއި އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. އެސް ޖައިޝަންކަރު މިއަދު ފޯނުން ބޭއްވި ބައްދަލުވުމެއްގައި އެ ގައުމުން ވަނީ ރާއްޖެއަށް ބޮޑެތި މާލީ އެހީތަކެއް ދޭން ނިންމައިފަ އެވެ. އެ ގައުމުން ރާއްޖެއަށް ޖުމްލަ 750 މިލިއަން ޑޮލަރުގެ މާލީ އެހީތެރިކަން ފޯރުކޮށް ދިނުމަށް ނިންމާފައި ވެއެވެ.
ރައީސް އިބްރާހިމް މުހަންމަދު ސޯލިހު ކުރެއްވި ޓުވީޓެއްގައި ވިދާޅުވީ މިއަދަކީ ރާއްޖެއާއި އިންޑިއާގެ ގުޅުމަށް ފާހަގަކޮށްލެވޭ ދުވަހެއް ކަމަށެވެ. އެގޮތުން ބަޖެޓް ސަޕޯޓްގެ ގޮތުގައި އިންޑިއާއިން 250 މިލިއަން ޑޮލަރު އަދި މާލެ އާއި ވިލިމާލެ އާއި ތިލަފުއްޓާއި ގުޅިފަޅު ގުޅުވައިލާ ބްރިޖުގެ މަސައްކަތް ކުރިއަށް ގެންދަން 500 މިލިއަން ޑޮލަރުގެ އެހީ އިންޑިއާއިން ދީފައިވާކަން ފާހަގަކުރައްވައި ރައީސް ވަނީ އިންޑިއާގެ ބޮޑު ވަޒީރު ނަރެންދްރަ މޯދީއަށާއި، އިންޑިއާގެ އެންމެނަށް ވެސް ދީލަތިކަމާއި ބަހައްޓާ ގާތް އެކުވެރިކަމަށް ޝުކުރުއަދާކުރައްވާފަ އެވެ.
A landmark moment in Maldives-India cooperation today as we receive Indian assistance of USD250 million as budget support and USD500 million for the Greater Malé Connectivity Project. I thank PM @narendramodi and the Indian people for their generosity and friendship.
— Ibrahim Mohamed Solih (@ibusolih) August 13, 2020
ރައީސް ގެ ޓުވީޓު
ކޮވިޑް-19 ގެ ސަބަބުން އިގުތިސޯދަށް ލިބުނު ގެއްލުންތަކުން އަރައިގަންނަން، ބަޖެޓު ސަޕޯޓުގެ ގޮތުގައި ރާއްޖެ އަށް 250 މިލިއަންގެ ލޯނެއް ދޭން ނިންމާފައިވާއިރު އެއީ ފަސް އަހަރުގެ ގްރޭސް ޕީރިއަޑަކާ އެކު 1.75 ޕަސެންޓްގެ އިންޓަރެސްޓާ އެކު 20 އަހަރުން ދައްކާ ގޮތަށް ދޭ ލޯނެކެވެ. އަދި ބްރިޖް މަޝްރޫއަށް ދިން 500 މިލިއަން ޑޮލަރުގެ ތެރެއިން 100 މިލިއަން ޑޮލަރަކީ ހިލޭ އެހީ އެވެ. ބާކީ ފައިސާ އަކީ ލޯނެކެވެ.
މި އެހީގެ އިތުރަށް ވެސް އިންޑިއާއިން ރާއްޖެއަށް ދޭ ކްރެޑިޓްލައިނެއްގެ ދަށުން ބޮޑު ހަތް މަޝްރޫއެއް ކުރިއަށްގެންދަން ނިންމާފައި ވެއެވެ. މި ކްރެޑިޓްލައިންދޭން ނިންމައި އިއުލާންކޮށްފައި ވަނީ 2018 ވަނަ އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާހަގަވޭ
14 August 2020
ރީތި ނަންނަމުގަ ލޯނުގެ ބަދަލުގައި އެހެން ބަސްބަސް ބޭނުންކޮށްގެން ރައްޔިތުންނަށް އޮޅުވާލުމުގައި ފާހަގަކުރެވޭ ދުވަހެއް އައީ. ޔާމީނު އިރުގައި ދަރިންގެ ދަރިންނަށް ދަރާފައި އޮތްކަމަށް ކިޔައި، ވެރިކަމަށް އަރައި އެހެން ގައުމަކުން އިތުރަށް ނަގާ ބިޔަ ބޮޑެތި ލޯނުތަކުން ގައުމު އިތުރަށް ނުދެރުމަކީ މުޅި ދުނިޔެއިން އެކަމުގެ މިސާލު ނަގައިގެން ލޯނުގެ ޑެފިނިޝަންވެސް ބަދަލުކުރަންޖެހޭ ވަރުގެ ކަމެއް.
މަރޭމިތުރާގެ ކޮއްކޮ
13 August 2020
މީ އިގްތިސާދީ އަނދަވަޅަށް ވެއްޓުމުގެ ސިލުޖެހޭ ދުވަސް. ދިވެހިތާރީހުގެ ކަޅުދުވަހެއް!
މުސަޅު
13 August 2020
ގުުދުވާންވީނުން؟
މަންޑޭލާ
13 August 2020
ލޯނުގެ ދަންތޫރާގަ ޖަސްސަނީ
ޝޮކްތެރަޕީ
13 August 2020
މީ ކަޅުދުވަހެ މިކަމުގެ ހިތި ދިވެހިން ކުރާނެ. ބަލައްޗޭ؟
އެމްޑީޕީމީހާ
13 August 2020
އަހަރުމެންނަ އެގޭ ޤައުމައް ދިމާވާގޮތް މިހާރު ޤައުމެގެ ދުވަސް ދުއްވާލަނީ މި
ފެހި
13 August 2020
މާދުރުގާތިބިރައްޓެހިންނަށްވުރެ ކާރީގާއަތްފޯރާ ހިސާބު ގައި އެތައް ޒަމާނެއް ވަންދެން އަހަރެމެންގެ ސަގާފަތާގާތް، އިލްމު އުގެނުމާތަހްޒީބު ދެނެގަތުމުގައި ޖީލެއް ބިނާކުރުމުގައިއެހީވި، ރަހަޔާ މުނިފޫހިފިލުވުމުގައި އެެއްގޮތް،އެތައް ބަލި ތަކެއްގައިއެތައްޒަމާނެއް ވަންދެން ބޭސްފަރުވާގެ ހޯދި ، އިތުބާރުދީފައިވާ އިހްލާސްތެރިކަން ދައްކާފާވާ ރަހްމަތްތެރިޔާ އާއިއެކު ކުރިޔަށް ދިއުން ހަމަ އެންމެ ރަގަޅު. މަރުހަބާ އިންޑިއާ/މާލްދިވް ފްރެޑްސިފް.މަރުހަބާ ރައީސް ސޯލިހް
ކަޅު
14 August 2020
މިއީ އިހުޒަމާނެއްނޫން މާދުރުގަތިބި ބަޔަކަށް ރާއްޖެއަށް އެހީނުވެވޭން. ޒަމާންވީ ރަހްމަތްތެރިކަމުގެ ޖާޒުބީ ވާހަކަ ދައްކައިގެން ރާއްޖެ އަމިއްލަ ފައިމައްޗަށް ކޮޅަށް ތެދުވުމަށް ހުރަސް އަޅާ ބަޔަކު ނުފެނުމަކީ ހިތާމަހުރި ކަމެއް. އިންޑިއާއަށް ގޮސްގެންނޫން ގޮތަކަށް ރާއްޖޭގަ ތިބެ ސިއްހީ ފަރުވާކުރެވޭނެ އިންތިޒާމް ހަމަޖައްސައިނުދެނީ ހަމަ ރަގަޅުކަމުންބާ؟ އެހެން ބޮޑުގައުމެއްގެ ފުށުން ރާއްޖެއަށްވާން އަންނަ ފައިދާކޮޅު ނަގާލަނީ ހަމަ ރަގަޅުކަމުންބާ؟
1234
13 August 2020
އަދުރޭ ޗެނެލް 13 ގަ އިިދެ ރޮނީ ؟
4321
14 August 2020
އެދާ ގޮތަށް ގޮސް ފެންނަން އޮތް އެންމެ ނުބައި ދުވަސް ފެނުނީމަ އަދުރޭ އެކަންޏެއްނޫން ރޯނީކީ..
ދިއުޅި
13 August 2020
ޢެކުވެރި ސިންގާ މާދަމާ ގޮވައިލާނެ އެހީއަށް ދިން ހުރިހާފައިސާ އެއްފަހަރާ ދައްކާށޭ. ބުޅާ ނަގޫ އެއޮތީ އަތުގެހިފައި. ފިތާލިވަރަކަށް ދިވެހިން ޖެހެނީރޯން.
ދެރަ
13 August 2020
މިއީ ކަޅު ހިތާމާއިގެ ދުވަހެއް.