އަބްދުއްރަހީމް: ޔާމީނަށް ކުރާ ދައުވާތައް ބާތިލް ކަމަށް އޭނާ ވިދާޅުވި -- ފޮޓޯ/މިހާރު
14 އޯގަސްޓް 2020 - 20:26
23 comments
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ މައްސަލައިގައި ކުރީގެ ރައީސް އަބްދުﷲ ޔާމީންގެ މައްޗަށް ކޮށްފައިވާ ދައުވާތައް ބާތިލްވާނެ ކަމަށް އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.
މަނީ ލޯންޑްރިންގެ ކުށުގައި ފަސް އަހަރުގެ ޖަލު ހުކުމެއް ތަންފީޒު ކުރަމުން ގެންދަވާ ކުރީގެ ރައީސް އަބްދުﷲ ޔާމީންގެ މައްޗަށް ތުހުމަތުކޮށް، އެ މަނިކުފާނަށް ވަނީ އިތުރު ދައުވާތަކެއް އުފުލައިފަ އެވެ. އެ މައްސަލަތަކުގެ ޝަރީއަތް އަންނަ އާދިއްތަ ދުވަހުން ފަށަން ކްރިމިނަލް ކޯޓުން ވަނީ ހަމަޖައްސައިފަ އެވެ.
އިދިކޮޅު ކޯލިޝަންގައި ހިމެނޭ ޕީއެންސީގެ ރައީސް އަބްދުއްރަހީމް ކުރެއްވި ޓްވީޓެއްގައި ވިދާޅުވީ، އެމްއެމްޕީއާރުސީގެ މައްސަލައިއާގައި ތުހުމަތު ކުރެވޭ ކުރީގެ ނައިބު ރައީސް އަހުމަދު އަދީބާއި އެ ކުންފުނީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތުގެ ވަކީލަށް މިހާރު ޕްރޮސެކިއުޓާ ޖެނެރަލް ހުސައިން ޝަމީމް މަސައްކަތް ކުރައްވާފައިވާ ކަމަށެވެ. އެހެންވެ، ޝަމީމް އެ މަގާމުގައި ހުންނަވައިގެން އެމްއެމްޕީއާރުސީގެ މައްސަލާގައި ކުރާ ކޮންމެ ދައުވާއެއް ވެސް ބާތިލްވާނެ ކަމަށް އެ ޓްވީޓްގައިވެ އެވެ.
ޕީޖީ އަކަށްޝަމީމު ހުރެގެން އެމް.އެމް.ޕީ.އާރު.ސީ އާ ގުޅިގެން އުފުލައި ކޮންމެ ދައުވާއެއް ވާނީ ބާތިލް ދަޢުވާއަކަށް.ސަބަބަކީ އެމް.އެމް.ޕީ.އާރު.ސީ މަސްއަލައިގައި އަދީބާ ޒިޔަތުގެ ވަކީލަކީ ޝަމީމް.އެހެންވީމާ ރައީސް ޔާމީނުގެ މައްޗަށް އުފުލާފައިވާ ދަޢުވާތައް ވާނީ ބާތިލް ދަޢުވާ ތަކަކަށް.
— Abdul Raheem Abdulla (@Banafsaa) August 14, 2020
އަބްދުއްރަހީމްގެ ޓްވީޓް
ޝަމީމް ކުރިން ވިދާޅުވެފައިވަނީ އޭނާއާ މެދު މަސްލަހަތު ހިމެނޭ މައްސަލައެއްގައި މަސައްކަތް ނުކުރައްވާ ކަމަށާއި އަދީބުގެ ވަކީލެއްގެ ގޮތުން މަސައްކަތް ކުރެއްވީ ރިޔާސީ ލޯންޗުކޮޅު "ފިނިފެންމާ" ގޮއްވައިލި މައްސަލާގައި ކަމަށެވެ.
ޔާމީން ފަސް އަހަރަށް ޖަލަށްލުމަށާއި ފަސް މިލިއަން ޑޮލަރުން އެ މަނިކުފާނު ޖޫރިމަނާ ކުރަން މިދިޔަ އަހަރުގެ ނޮވެމްބަރު މަހު ކުރި ހުުކުމުގެ އިސްތިއުނާފް ޝަރީއަތް މިހާރު ދަނީ ހިނގަމުންނެވެ.
ޔާމީންގެ އިތުރުން އެ މަނިކުފާނުގެ ސަރުކާރުގައި އެންމެ ފަހުން ނައިބު ރައީސް ކަން ކުރެއްވި އަބްދުﷲ ޖިހާދާއި އޭރުގެ ފިނޭންސް މިނިސްޓަރު އަހުމަދު މުނައްވަރުގެ މައްޗަށް ދައުވާ ކުރަން ވެސް އެންޓި ކޮރަޕްޝަން ކޮމިޝަން (އޭސީސީ) އިން ވަނީ ޕްރޮސެކިއުޓާ ޖެނެރަލްގެ އޮފީހަށް ފޮނުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުއްބުލް ގަލަން
15 August 2020
އަބުދުއް ރަހީމް ގާޒީއަކަށްވެސް ބަދަލުވީތަ.
ސިދާ
15 August 2020
ކަލޭތިވަރަށް މުއްސަދިވީގޮތް ކޯޓަށް ކިޔައިދޭންޖެހޭދުވަސް ވަރަށްކައިރިވެއްޖެ
ހުސްނާމުހުސިން
15 August 2020
މީނާއަކީ ދުވަސްކޮޅެއްކުރިން ދުނިޔޭގަ ހުރި އެއްމެމޮޅު ހިސާބުގެ އިލްމުވެރިޔާ، މިހާރު މީ އެއްމެ މޮޅު ފަނޑިޔާރު! ކެކެކެކެ
އެންލައިޓްންޑް
15 August 2020
ގާޒީ އަބްދުލްރަހީމް
1234
15 August 2020
މީކާކު ބާޠިލް ބާޠިލު ނޫން ކަޑައަޅަން؟
ޝޮކްތެރަޕީ
15 August 2020
އަދުރޭޔާ ޒާތީ ވުމައްވުރެ ރަނޅުވާނީ ޤައުމުގެ މިނިވަންކަން ހޯދަން މަސައްކައްކުރިއްޔާ.
ގޮބޮޅިބެކުޑައަލީ
15 August 2020
އަދުރޭ ކަލޭވެސް ތައްޔާރަށްހުރޭ ފްލެޓުތައް ގަންނަން ފައިސާ ހޯދިގޮތާ ތިވަރުގެ މުއްސަނދިކަމެއް ލިބުނުގޮތް ކޯޓަށް ކިޔައިދޭން
ނަޝީދު.
15 August 2020
އެޖެންޑާ19ގަ ހައްގުމިންވަރު ހޯދައިދޭން ވީހާ ވައުދު ކޮބާ؟ ސަރުކާރުން ވިޔަފާރިކުރުން ހުއްޓާލަން ބުނިންތަ؟ ހުރިހާ އިންޕޯޓް ޑިއުޓީ ކަނޑާލަން ބުނިންތަ؟ އަނބިދަރިންގެ ހިސާބުތައް ހާމަކުރަން ބުނިންތަ؟ ހުޅުމާލެއާ ގުޅީފަޅުން ގޯތިދޭން ބުނިންތަ؟ އެލް.ޖީ.އޭ އޮވާލާ އަތޮޅާ ރަށުސަރުކާރަށް ބާރުތައް ބަހާލަން ބުނިންތަ؟ އިންޓަނެޓް އަގުހެޔޮކުރަން ބުނިންތަ؟ ކޮމިޝަންތަކެއް ހަދާ ތަހުގީގުތަކެއް ހާމަކުރަން ބުނިންތަ؟ ވަޒީފާ ގެއްލުވާލިމީހުންނަށް ވަޒީފާ ދޭން ބުނިންތަ؟
ކާންޓޭ ވަލް ނާއްޓޭ
15 August 2020
ސުޕުރިމްކޯޓަކީ މިހާރު އަދުރޭތަ؟
ސީޒަން ޖެކްޝަން
14 August 2020
އަދުރޭ! 100 މިލިޔަން ހިސާބު ގެނައިގޮތް ނުދައްކާހާހިނދަކު ތިޔަކުރާ ދައުވާ ގަބޫލެއްނުކުރެވޭނެ. ވިޔަފާރިއެއްކުރާމީހެއްނޫން. ވަޒީރުކަމާ ރައީސްކަންކޮށްގެން އެހާލާރި ޖަމާކުރުމަކީ އަރަތެއް. އަދި މިހާތަނަށް ދުނިޔޭގައި ވެފައިއޮތްގޮތެއްނޫން. އެކަމަކު ބޯހަމަޖެހޭ ހިސާބުތަކެއް ޖަހައިގެން އެދައްކައިފިއްޔާ ގަބޫލުކުރުރާންމިހުރީ ތައްޔާރަށް. އެކަމަކު ބުނަން. ބޭރުގެ ބޮޑެެތި ކުންފުނިތަކުން ދޭހަދިޔާ އެއީ ހަދިޔާއެއްނޫން. އެއީ ކޮރަޕްޝަން.