ލައިފްސްޓައިލް / ސޯޝަލް ނެޓްވޯކްސް

"ޓްރިލާ" އަކީ ކޯއްޗެއް؟

އެމެރިކާ އިން ޗައިނާގެ ޓިކްޓޮކް މަނާކުރަން އުޅޭކަމުގެ އަޑުތައް ގަދަވާން ފެށުމާ އެކު "ޓްރިލާ" އެއްގެ ވާހަކަ މިހާރު މާ ބޮޑަށް އަންނަނީ ދެކެވެމުންނެވެ. މިއީ ހަމަ ޓިކްޓޮކް ކަހަލަ އެމެރިކާގެ ސޯޝަލް އެޕެކެވެ. މިއުޒިކް ސިންކްކޮށްފައި ޓްރިލާ އަށް 15 ސިކުންތުގެ ވީޑިއޯތައް އަޕްލޯޑްކުރެވޭނެ އެވެ. ޓިކްޓޮކުން ވެސް ކޮށްދޭ ކަމަކީ އެއީ އެވެ.

ރިޕޯޓްތައް މިހާރު ބުނާ ގޮތުން ޓިކްޓޮކް ހިންގާ ޗައިނާގެ ބައިޓްޑާންސުން އެ އެޕް އެމެރިކާ އަށް ވިއްކައިލަން ކުރިމަތިކުރާ ފިއްތުންތަކާ އެކު، އެމެރިކާ ބޭނުންވާ ގޮތް ނުވެއްޖެ ނަމަ ޓިކްޓޮކަށް ދޭނެ ޖަވާބަކީ "ޓްރިލާ" އެވެ. ރައީސް ޑޮނަލްޑް ޓްރަމްޕް ވެސް ވަނީ "ޓްރިލާ" އާ ގުޅިވަޑައިގެންފަ އެވެ. އެހެންވެ ޓިކްޓޮކް ވިއްކާނުލައިފި ނަމަ އެމެރިކާގައި އެ އެޕް މަނާކުރުމުން އެމެރިކާގެ ރައްޔިތުންނަށް ދެން އޮންނާނެ އިހުތިރާތަކީ "ޓްރިލާ" އެވެ. މި އެޕް އެޕް ސްޓޯރުންނާއި ގޫގުލް ޕްލޭ ސްޓޯރުން ޑައުންލޯޑްކުރެވޭނެ އެވެ.

"ޓްރިލާ" ބޭނުންކުރާ މީހުންގެ އަދަދު މިހާރު ވެސް 130 މިލިއަނަށް އަރަ އެވެ. އޭގެ ތެރޭގައި ވަރަށް މަޝްހޫރު ސެލެބްރިޓީން ވެސް ހިމެނެ އެވެ. އޭގެ ތެރޭގައި ޖަސްޓިން ބީބާ އާއި ކެވިން ހާޓާއި ޗާންސް ދަ ރެޕާ އާއި ރީޓާ އޯރާ އަދި ރާއީ ރެމާޑް ފަދަ ފަންނާނުން ހިމެނެ އެވެ.

"ޓްރިލާ" އުފަންވީ ކޮން އިރަކު؟

ޓްރިލާ ވުޖޫދަށް އައީ 2015 ގަ އެވެ. އެ އެޕް ނިސްބަތް ވަނީ އެމެރިކާގެ ވިޔަފާރިވެރިޔާ އަދި ފިލްމު ޕްރޮޑިއުސަރު ރަޔަން ކެވަނޯގެ ޕްރޮކްޒިމާ މީޑިއާއަށެވެ. ޓްރިލާ ކުރިން ކެވަނޯގެ ރިލޭޓިވްލީ މީޑިއާގެ ދަށުން ހިންގި ނަމަވެސް 2015 ގައި އެ ކުންފުނި ބަނގުރޫޓްވުމުން ޕްރޮކްޒިމާ މީޑިއާ އިން ޓްރިލާ ގަތީ އެވެ. އަދި އޭގެ ފަހުން ޓްރިލާ ވަނީ މިއުޒިލް ޕްލެޓްފޯމެއް ކަމަށްވާ މޭޝްޓްރެކްސްއާ ގުޅާލައިފަ އެވެ.

ރަޔަންގެ ޕްރޮކްޒިމާ މީޑިއާ އަކީ "ގާލް ވިތު ދަ ޑްރެގަން ޓެޓޫ" އާއި "ސޯލްޓް" އާއި "ވޯންޓެޑް" އާއި "ލިމިޓްލެސް" އަދި "ދަ ސޯޝަލް ނެޓްވޯކް" ފިލްމުތައް ގެނެސްދިން ކުންފުންޏެވެ.

"ޓްރިލާ" އެއްކުރަނީ ކޮންކޮން މައުލޫމާތެއް؟

އުމުރުން 17-27 އަހަރާ ދެމެދުގެ މީހުންނަށް ހާއްސަކޮށްފައިވާ "ޓްރިލާ" ގެ ޕްރައިވެސީ ޕޮލިސީ ބުނާގޮތުން އެ އެޕަކީ އެ ބޭނުންކުރާ މީހުންގެ ނަމާއި އުމުރާއި އުފަން ތާރީހާއި ޖިންސާއި އެޑްރެހާއި އީމެއިލް އެޑްރެހާއި ފޯނު ނަމްބަރާއި ފޮޓޯ އާއި ޔޫޒާނޭމް/ޕާސްވޯޑްގެ އިތުރުން ސޯޝަލް މީޑިއާ ލޮގިންގެ މައުލޫމާތު އެއްކުރާ އެޕެކެވެ.

"ޓްރިލާ" އިންނަނީ ފޭސްބުކާއި ޓްވިޓާއާ ވެސް ކަނެކްޓްވާ ގޮތަށެވެ. އެހެންވެ ޓްރިލާ ބޭނުންކުރާ ނަމަ އެޕްތަކުގައި ހުންނަ ޒާތީ މައުލޫމާތު ވެސް ޓްރިލާ އަށް ހޯދޭނެ އެވެ.

"ޓްރިލާ" ފައިދާ ހޯދަނީ ކިހިނެއް؟

އިޝްތިހާރުތައް ނުހުންނާތީ އެ ދިމާއަކުން ޓްރިލާއަކަށް ފައިސާއެއް ނުވަދެ އެވެ. އެއަށް ފައިސާ ވަންނަނީ ކުންފުނިތަކާ އެކު ހަދާފައި އޮންނަ ޕާޓްނާޝިޕްތަކުންނެވެ. އޭގެ ތެރޭގައި ސޮނީ މިއުޒިކް އެންޓަޓައިންމަންޓާއި ވޯނާ މިއުޒިކް ގްޕޫރާއި ޔުނިވާސަލް މިއުޒިކް ގްރޫޕް ހިމެނެ އެވެ. ޓްރިލާގައި މި ކުންފުނިތަކުގެ މައިނޯރިޓީ ހިއްސާ ވެސް އޮވެ އެވެ.

"ޓްރިލާ" އާއި ޓިކްޓޮކާ އެއްގޮތް ކަންތައްތަކެއް ހުއްޓަސް ރަޔަން ސިފަކޮށްފައިވާ ގޮތުގައި "ޓްރިކާ އަކީ ޓިކްޓޮކްގެ އެޑަލްޓް ވާޝަނެކެވެ."

ރިޕޯޓްތައް ބުނާގޮތުން އެމެރިކާ އިން ޓިކްޓޮކް މަނާކުރާނެ ކަމަށް ބުނެ ބިރު ދައްކާތީ "ޓްރިލާ" އިން މިހާރު އަންނަނީ އޭގެ ފައިދާ ނަގަމުންނެވެ. އެގޮތުން ޓިކްޓޮކްގައި ހުންނަ ކަހަލަ އިތުރު ފީޗާތައް އެއަށް ގެންނަން ފެށުން ހިމެނެ އެވެ.

0 ކޮމެންޓް, 3 ރިއެކްޝަންސް

icon happy icon happy 33%
icon sad icon sad 0%
icon angry icon angry 67%
icon wow icon wow 0%
icon inlove icon inlove 0%
The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454