ބީއެމްއެލް ހެޑް އޮފީސް-- ފޮޓޯ: މިހާރު
20 އޯގަސްޓް 2020 - 10:48
4 comments
ބީއެމްއެލް ކާޑު ބޭނުން ކޮށްގެން ވިޔަފާރި ކުރުމުން ދެ ފަހަރަށް ފައިސާ ކެނޑުނު ކަސްޓަމަރުންގެ އެކައުންޓުތަކަށް، އިތުރަށް ކެނޑުނު ފައިސާ އަނބުރާ ޖަމާކޮށްދީފި އެވެ.
އެ ބޭންކުން ބުނި ގޮތުގައި ރޭ ގިނަ ކަސްޓަމަރުންތަކަކަށް މި މައްސަލަ ދިމާވީ ޓެކްނިކަލް މައްސަލެއްގެ ސަބަބުންނެވެ. އެ މައްސަލަ ހައްލުކޮށް ފައިސާ އަނބުރާ ޖަމާ ކޮށްދީފައިވަނީ ރޭ ދަންވަރު 3:44 ހާއިރު އެވެ.
އެކައުންޓުން ދެ ފަހަރަށް ފައިސާ ކެނޑުމުގެ ސަބަބުން ބައެއް ކަސްޓަމަރުން ވަނީ ސޯޝަލް މީޑިއާގައި ނުރުހުން ފާޅުކޮށްފަ އެވެ. އަދި ވީހާ ވެސް އަވަހަކަށް މައްސަލަ ހައްލުކޮށް ފައިސާ އަނބުރާ ޖަމާކޮށްދިނުމަށް ކަސްޓަމަރުން ވަނީ އެދިފަ އެވެ. މިއާއެކު ބީއެމްއެލުން ވަނީ އެ މައްސަލަ ދިމާވި ސަބަބު ހޯދިފައިވާ ކަމަށާއި ހައްލު ކުރުމަށް މަސައްކަތް ކުރަމުން އަންނަ ކަމަށް ބުނެފަ އެވެ.
ދިމާވި މި މައްސަލަ އަށް ބޭންކުން ވަނީ މާފަށް އެދިފަ އެވެ.
ކާޑުތަކުން ދެފަހަރަށް ފައިސާ ކެނޑުނު ކަސްޓަމަރުންގެ ތެރޭގައި ބޭރު ގައުމުތަކުގައި ތިބި ބައެއް މީހުން ވެސް ހިމެނެ އެވެ.
ސޯޝަލް މީޑިއާގައި ބައެއް މީހުން ބުނެފައިވާ ގޮތުގައި ބޭންކުން މިގޮތަށް ކުރިން ވެސް ފައިސާ ކެނޑެ އެވެ. ނަމަވެސް ބޭންކުން ބުނީ ކުރިން މި މައްސަލަ ދިމާނުވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީ6
20 August 2020
މިމަހު އެކަންޏެއް ނޫން މިދިޔަ މަހުވެސް ތިކަމެއް ހިނގި އެވެސް ވާނެދޯ ޖަމާކޮށްދޭން، އަހަރުމެން ބުރަ މަސައްކަތުން ދާއޮހޮރުވައިން ހޯދި ރުފިޔާވިއްޔާ އެއީ
އެކްޓިވިސްޓް
20 August 2020
ތިއައީ ބީ އެމް އެލް ގެ އާދަ، އަބަދުވެސް ތިކަހަލަ ކުދި ކުދި ޖަރީމާތަކުންގޮސް ބޮޑެތި ޖަރީމާތައްވެސް ހިންގަމުންދޭ، ކަމެއް ގޯސްކޮށް ކޮށްފަ އޮވެގެން ކަސްޓަމަރަށް އެކަން އެނގިއްޖެއްޔާ އެއީ އޮޅުމަކުންވީކަމެއް، ނޭނގިއްޖެއްޔާ އެކަންކުރިމީހުންގެ ޖީބަށް، މިކަން އެތައްފަހަރެއްގެ މަތިން އެބޭންކްތެރެއިން ފަޅާއަރާފަވެސް އެބަހުރި
އޮނަރަބްލް އަފީފު ދީދީ
20 August 2020
ސޯލިޙްގެ ސަރުކާރުން "އޮޅިގެން" ކަންކަން ކުރާ ގޮތަށް އިޤިރޭސި ސީއީއޯއިންނަށް ޙާއްސަވެފައިވާ ދައުލަތާއި ރައްޔަށް ޙިއްސާވާ ޕަބްލިކް ބެންކްގައިވެސް ނަމެއްގެ ގޮތުން "ޓެކްނިކަލް" ފަދަ ޓާރމްސް ތައް ބޭނުން ކުރެއްވެވި ކަމުގައިވިޔަސް ހިގާ "އޮޅުންތައް" ވަރަށްގިނަ. # މިގޮތުން ޔާމީންގެ ވެރިކަމުގައި ހިންގި މަނީ ލޮންޑަރެންގެ ބޮޑު ވައްކަމުގައި ބެންކްގެ ވެރިންގެ އިހްމާލް އޮތުން ފަދަ އެތައް އޮޅުންތަކެއް ދިވެހިބެންކުން ދަނީ ފެންނަމުން.
އެކްޓިވިސްޓް
20 August 2020
ތިއަކީ ޞޯލިހުގެ ސަރުކާރުން އެކަނި ހިނގާކަމެއްނޫން، ހުރިހާ ސަރުކާރެއްގައިވެސް ތިކަން ހިނގާ، ތަފާތަކީ އެހެން ސަރުކާރުތަކުގައި ދާންޖެހޭނީ ބޮޑެތި އަދަބުތަކާއި އެކު ޖަލުގެ ކުޑަގޮޅިއެއްކަމަށްވާތީ އެސަރުކާރުތަކުގެ ތެރޭގައި ހިންގާ ކަންތައްތަކަށް ފާޅުގައި ނުކުމެ ފާޑުކިއައި އަޑު އުފުލަން ރައްޔިތުންނަށް ނުކެރެނޭ، މިސަރުކާރުގައި އެމީހުން ބޭނުން އެއްޗެއް އެމީހަކުއެދަނީ ކިއަމުން، އޮޑިޓަރގެ މަޤާމްވެސް ގެއްލޭނެކަމުގެ ބިރެއްނެތި ބޭނުން ރިޕޯރޓެއް އެދަނީ ނެރެމުން