ހދ. ކުޅުދުއްފުށި: މި ރަށު އެއާޕޯޓް އަޅަން ބިން ހިއްކަން ވަނީ ހަމަޖެހިފައި.
25 އޮކްޓޯބަރ 2016 - 17:56
27 comments
ހދ. ކުޅުދުއްފުށީގައި އަޅާ އެއާޕޯޓުގެ މަސައްކަތް އަންނަ އަހަރުގެ ތެރޭގައި ނިންމައި ހިދުމަތް ވެސް ފަށާނެ ކަމަށް ރައީސް އަބްދުﷲ ޔާމީން، ހދ. ހިރިމަރަދޫގައި މިއަދު ވިދާޅުވެއްޖެ އެވެ.
އެ ރަށުގެ ބަނދަރު ހުޅުއްވައިދެއްވުމަށް ފަހު ވާހަކަފުޅު ދައްކަވަމުން ރައީސް ވިދާޅުވީ ކުޅުދުއްފުށީގެ އިތުރުން ށ. ފަރުކޮޅު ފުނަދޫގައި ވެސް އެއާޕޯޓެއް މި ސަރުކާރުން އަޅައިދޭނެ ކަމަށެވެ. މިކަން ކުރަނީ ދަތުރު ފަތުރުގެ ފަސޭހައަކަށްޓަކައި ކަމަށް ވިދާޅުވި އެވެ.
ހދ. ހަނިމާދޫގައި އެއާޕޯޓެއް އޮއްވައި ކުޅުދުއްފުށީގައި އެއާޕޯޓެއް އެޅުމާ ދޭތެރޭ އުފައްދާ ސުވާލުތަކަށް އަމާޒުކުރައްވައި ވިދާޅުވީ ހަނިމާދޫގައި އެއާޕޯޓެއް އޮތަސް އެ ރަށުން ކުޅުދުއްފުއްޓަށް ކަނޑުމަގުން ކުރަން ޖެހޭ ދަތުރުގެ ވޭނާ މެދު ވެސް ވިސްނަން ޖެހޭ ކަމަށެވެ. ހަމައެއާ އެކު ކުޅުދުއްފުއްޓަކީ އުތުރުގެ އާބާދީ އެންމެ ބޮޑު ރަށަށް ވެފައި އެ ސަރަހައްދުގެ ސިނާއީ މަސައްކަތާއި ތަރައްގީގެ ހަބަކަށް ވާނީ ވެސް ކުޅުދުއްފުށި ކަމަށް ވިދާޅުވި އެވެ.
"އެހެންވެ ކުޅުދުއްފުއްޓަށް އެކަން [އެއާޕޯޓެއް] އަޅުގަނޑުމެން މިކުރަނީ،" ރައީސް ވިދާޅުވި އެވެ.
ހިރިމަރަދޫގައި ރައީސް ޔާމީން ވާހަކަ ދައްކަވަނީ. --ޓުވިޓާ ފޮޓޯ: ރައީސްޔާމީން2018
ކުޅުދުއްފުށީ އެއާޕޯޓުން އަންނަ އަހަރު ހިދުމަތް ފަށާނެ ކަމަށް ރައީސް ވިދާޅުވިއިރު، އެ މަސައްކަތް ބަޔަކާ ހަވާލުކުރި ކަމެއް ސަރުކާރުން އަދި އިއުލާން ނުކުރެ އެވެ. އެކަމަކު އެއާޕޯޓް އަޅާނެ ބަޔަކު ހޯދަން ދެ ފަހަރެއްގެ މަތިން އިއުލާންކުރި އެވެ.
ރައީސް ވިދާޅުވި ގޮތުގައި ކުޅުދުއްފުށީ އެއާޕޯޓް ލަސްވެގެން ދިޔައީ، އެ ރަށުގެ ކައުންސިލާ ހެދި އެވެ. އެއާޕޯޓް އަޅަން ބޭނުންވާ އެއްބާރުލުން ކައުންސިލުން ނުލިބުނު ކަމަށް އެމަނިކުފާނު ވިދާޅުވި އެވެ.
"ކުޅުދުއްފުށީގެ އެއާޕޯޓް ހަދަން އެންމެ ފުރަތަމަ އުޅުނުއިރު އެ ވަރުގެ ތަރުހީބެއް ކުޅުދުއްފުށީގެ ފަރާތުން ލިބުނު ނަމަ އެއާޕޯޓު އޮންނާނީ ހެދިފައި. އެހެން ނަމަވެސް އޭރު އެ އެއްބާރުލުމެއް ކައުންސިލަކުން އަޅުގަނޑުމެންނަކަށް ނުލިބުނު،" ރައީސް ވިދާޅުވި އެވެ.
އެކަމަކު ސަރުކާރުން ބޭނުންވާ ގޮތަށް އެއާޕޯޓް ހަދަން، ރައީސް ވިދާޅުވި ގޮތުގައި، ކައުންސިލާއި ކުޅުދުއްފުށީ ރައްޔިތުން މިހާރު ތިބީ ރުހިގެންނެވެ. ކުޅުދުއްފުށީ ކައުންސިލްގެ މެޖޯރިޓީ އޮންނަނީ އިދިކޮޅު ޕާޓީތަކަށެވެ.
ކޮންމެ އެއާޕޯޓެއް ތަރައްގީކުރަން 14 މިލިއަން ޑޮލަރު ހޭދަވާކަމަށާއި އެއާޕޯޓް ތަރައްގީކުރަން ކުރިން ގެންގުޅުނު ވިސްނުން ދޫކޮށްލުމަށް ފަހު ވެސް ކޮންމެ ގޮތަކުން ނަމަވެސް އަންނަ އަހަރު އެއާޕޯޓް ސަރުކާރުން ނިންމައިދޭނެ ކަމުގެ ޔަގީންކަން ރައީސް ދެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މރ. ހާލުފޮޅި
01 August 2018
މިވެރިކަމުގެ ފުރަތަމަ 2 އަހަރު ހާދަ ފަހަތަކަށް މި ސޮއްސާލީ!! މާ ލޮނދީ ދޮއްތޮ؟
އަލީ
26 October 2016
ހުރިހާ ޝުކުރެއް ރައީސް ނަޝީދު އަށް..........
އަޚް
26 October 2016
5 ހަ ގަޑި އިރުން އެއާޕޯޓްތަކަށް ނުދެވޭ އެތައް ރަށްތައް ހުރިއިރު، އެއާޕޯޓު ހުރި އަތޮޅެއްގައި އަނެއްކާ އެޅުމުކީ ވަރަށް ދެކޮޅުނުޖެހޭ ކަމެއް... ހީވަނީ ކުޅުދުއްފުށި އާބާދީ ބޮޑުވީމާ، ވޯޓު ގިނަ ކުރަން ކުރާކަމެއްކަމަށް
ކާޖާ
26 October 2016
ވެރިކަމުގެ ފުރަތަމަ 24 މަހުގައި ހުޅުވަން ބުނި އެއަރ ޕޯޓް މިހަރު 4 ވަނަ އަހަރަށް ލަސްކޮށްލީތޯ؟
ޖަހާ
26 October 2016
24 މަސް ދުވަސް ތެރޭގައި ނިމިގެންދާނީ ކުޅުއްދޫފުށި ކައުންސިލުނާއި ރައްޔިތުންގެ އެއްބާރުލުން ލިބިގެންކަން މަނިކުފާނަށް އެކިވަޑައިނުގަންނަވަނީތޯ؟ އެރަށަކަށް ތަރައްގީ އާއި ކުރިއެރުން އަންނާނީ އެރަށެއްގެ ރައްޔިތުންގެ ގުޅުން ރަގަޅު ވުމުން... ތަރައްގީއަށް ފުރުސަތު ދެއްވުމުން..
ރޯޒް
26 October 2016
އަނހާ އިލެކްޝަނެއް ބޯމަތިވީދޯ؟ ކުޅުދުއްފުށީ މީހުންގެ ބޯ ކާލެވޭ ވަރެއްމިފަހަރު އެނގޭނެ.
އަޒާ
26 October 2016
ހދ.ކުޅުދުއްފުށީގަ އެއާރޕޯރޓް އަޅާނީ މިސަރުކާރުން.. އިންޝާﷲ...
ބޮކުބާޑު
26 October 2016
މަނިކުފާނަށް އެގޭތޯ މަކުނުދޫ އަށް ކުރަން ޖެހޭ ދަތުރުގެ ވޭން. އުފުލަން ޖެހޭ ތަކުލީފު. އެރަށުތިބީ ރަށްޔިތުންނެއް ނޫންތޯ؟ ބަލަނީ އެއްލޮލުންތޯ؟ އެއަށްވުރެ ދަތިހާލުގަ އެކްސަސްވެވޭ ރަށެއް ނޯންނާނެ.
ހަސަން
26 October 2016
ކައުންސިލްތަކަށް މެމްބަރުން އިންތިޚާބް ކުރާއިރު އިންތިޚާބް ކުރެވޭމީހުން ވާންވާނީ ރައްޔިތުންގެ ތަރައްގީއަށް ހުރަސްނާޅާނެ ބަޔަކަށް. މިހާރު މިފެންނަނީ އިޚްލާސްތެރިކަމާއެކު ސަރުކާރުން ގެންނަންބޭނުންވާ ތަރައްގީގެނައުމުގަ އިދިކޮޅު ކައުންސިލަރުން ހުރަސްއަޅާތަން. މިއީ ވަރަށް ދެރަވަރުކަމެއް. ވީމާ. ކުރިއަށްއޮތް އިންތިޚާބުގައި ރައްޔިތުން މިކަމަށް ވިސްނަވަނެކަމަށް އުންމީދު ކުރަން.
ފޮނި ޢަލީ އިބްރާހީމް
26 October 2016
މިރަށުގަ އެއަރޕޯރޓެއް ހެދުމަށްވުރެ ރަނަގަޅުވާނީ ދެލި ޕޭޑެއް ހެދިއްޔާ ! އޭރުން ތައްގަނޑު ޖަހަން ފަސޭހަވާނީ !
ޖާދޫގަރު
26 October 2016
ކޮށްކޮމެނޭ އެވިދާޅުވި އެއާޕޯޓް އޮތީނިމިފަ މިހާތަނަށް ދުނިޔޭގަހެދި އެންމެމޮޅު އެއާރ ޕޯރޓް އެއީ ޗައިނާއިން އެހަދާފައޮތީ އެރަށުބޮޑުމަގު އޮތްގޮތަށް ހަމަ ރަށުގެ ދިގުމިނަށް ހަދާފައޮތީ ދެން އެވިދާޅުވިއެއާރޕޯޓް ގަހުރޭ ވަރަށް ޚާއްސަކަމެއް ބޯޓުން ފައިބާފަ އެމީހެއްގެ ގެޔަށް އިންނަ 4އަކުރު ގެނަމްބަރުޖަހާލާއިރަށް ރޯލެއްގަ ގޮސްހުއްޓޭނީ އެނަމްބަރާ ގުޅޭ ގޭގެ ސިޓިންރޫމަށް ލަގެޖާއެކު އެއާރޕޯޓްގެ 4ކަނުގަ ވާޖަހައިގެން 4 ހެލްކޮޕްޓަރުގަ ޗައިނާއިން ނަށްޓާލިތަނާ އެކަތީގެ ފިޔައެއްގަ ކުނަމެއްސެއް ޖެހިގެން ފިޔަފަތަށް ލިބުނު ގެއްލުމަކާއިގުޅިގެން އިމަޖެންސީގަ ޖަށްސަން ޖެހުނީ މަރާމާތުކުރެވުނުހާއަވަހަށް އެ ވިދާޅު ވިއެއާޕޯޓް ހިފައިގެން އެބައާދޭ އަޅުގަނޑުމެން ގެގެއަށް ވަޑައިގަންނަވަން ބޭނުންނަމަ 4545 ޖަށްސަވާލަށްވާ !