މަޖިލީހުގެ ޖަލްސާއެއް: ހިންގުމުގެ އިސް ވަޒީފާތަކުގެ 60 ޕަސެންޓް ދިވެހިިންނަށް ދޭންޖެހޭ ގޮތަށް ގާނޫނު އިސްލާހު ކުރަން ކޮމެޓީން ވަނީ ފާސްކޮށްފައި -- ފޮޓޯ/މަޖިލިސް
22 އޯގަސްޓް 2020 - 23:19
56 comments
ސީނިއާ މެނޭޖްމަންޓް ވަޒީފާތަކުގެ 60 ޕަސެންޓް ދިވެހިންނަށް ދޭންޖެހޭ ގޮތަށް ވަޒީފާއާބެހޭ ގާނޫނަށް އިސްލާހު ގެންނަން ރައްޔިތުންގެ މަޖިލީހުގެ އިޖްތިމާއީ ކޮމެޓީން މިއަދު ފާސްކޮށްފި އެވެ.
ވަޒީފާއާބެހޭ ގާނޫނަށް އިސްލާހު ގެންނަން ސަރުކާރުން ހުށަހެޅި ބިލް މަޖިލީހުން މިހާރު ދަނީ ދިރާސާ ކުރަމުންނެވެ. ކޮމެޓީ މަރުހަލާގައި އެ ބިލަށް ބަދަލު ގެނެސް، ޓޫރިޒަމް ދާއިރާގެ އިސް ވަޒީފާތަކުގައި ދިވެހިން ތިބެންޖެހޭ އަދަދު އިތުރުކުރަން އިސްލާހު ހުށަހެޅުއްވީ އިހަވަންދޫ ދާއިރާގެ މެމްބަރު މުހައްމަދު ޝިފާއު އެވެ.
ޝިފާއު ހުށަހެޅުއްވީ 50 އަށް ވުރެ ގިނަ މުވައްޒަފުން ތިބޭ ކުންފުނިތަކުގައި މުވައްޒަފުންނާ ބެހޭ ކަންކަން ބެލެހެއްޓުމުގެ އިސްވެރިއަކަށް ދިވެއްސަކު ހުންނަންޖެހޭ ގޮތަށެވެ. އަދި އެފަދަ ކުންފުނިތަކުގެ އިސް މަގާމުގައި މަދުވެގެން 60 ޕަސެންޓް ދިވެހިން ތިބެން ޖެހޭ ގޮތަށް ކޮމެޓީން ވަނީ ފާސްކޮށްފަ އެވެ. އެކަމަކު އެ ދެ މާއްދާ އަށް އަމަލު ކުރަން ފަށާނީ އެ ގާނޫނު ފާސްވުމަށް ފަހު ފަސް އަހަރު ވުމުންނެވެ.
އިޖްތިމާއީ ކޮމެޓީގެ މިއަދުގެ ބައްދަލުވުމުގައި އެ އިސްލާހަށް ހުރިހާ މެމްބަރުން ތާއީދު ކުރެއްވިޔަސް، އެއަށް އަމަލު ކުރަން ފަށަންވީ ތާރީޚާ މެދު މެމްބަރުންގެ މެދުގައި ވަރަށް ބޮޑަށް ޚިޔާލު ތަފާތުވި އެވެ. ބައެއް މެމްބަރުން ހުށަހެޅުއްވީ ފަސް އަހަރުގެ މުއްދަތެއް އެކަމަށް ދިނުމަށެވެ. އަނެއް ބައި މެމްބަރުން ހުށަހެޅުއްވީ ތިން އަހަރުގެ މުއްދަތެއް އެކަމަށް ދިނުމަށެވެ.
ވަޒީފާތަކުގައި އެންމެ މަދުވެގެން ދިވެހިން ތިބެންޖެހޭ އަދަދެއް ކަނޑައަޅާފައި އޮންނަނީ ޓޫރިޒަމް ދާއިރާގެ ވަޒީފާތަކުގައި އެކަންޏެވެ. ޓޫރިޒަމް މިނިސްޓްރީން 2012 ވަނަ އަހަރު އަންގާފައިވާ އެންގުމެެއްގެ ދަށުން އެ އަދަދު މިހާރު އޮންނަނީ 45 ޕަސެންޓްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމަން
04 November 2020
ބިދޭސީން ގެންގުޅެންވާނީ ރާއްޖެއިން އެފަދަ ހުނަރު ހުރިމީހުން ލިބެން ނެތް ދާއިރާތަކަށް ދިވެހިން ތަމްރީނުކުރުމަށް ނުވަތަ ތަމްރީނުދޭ ތަންތަނުން އެފަދަ ތަމްރީނެއް ފުރިހަކުރެވޭ މުއްދަތަށް. މިހާރު ގިނަދާއިރާތަކުން ދިވެހިން ލިބޭނެ. ގިނަފަހަރަށް މައްސަލަޔަކީ ހިންގުމުގެނިޒާމާއި މުވައްޒަފުންގެ ޕާރފޯމަންސް ބަލާނެ ހަރުދަނާ ނިޒާމެއްނެތުން. އަދި ބިދޭސީ މުވައްޒަފުން އެމީހުން ވަޒީފާގައި ދެމިތިބުމަށް ދިވެހި މުވައްޒަފުންނަށް އޮންނަ ފުރުސަތުތައް ހަނި ކުރުން.
އަލިމަނިކުް
23 August 2020
ތިހެން ބުނާނެ އޮފީސްތަކުގަ ހަމަ އެއްމަސެއްކަތެއްކުރާ ބިދޭސީންނަށް ގިނަ މުސާރަޔާ އުޅޭނެތަން ދީފަ މިހުންނަނީ ކީއްވެބާ؟
ލާނު ޖިންގް
23 August 2020
ފަސް އަހަރުގެ ދައުރަކަށް ފަހު ޢޮތް ބައި ކީއްވެތަ ފުރަތަމަ ނުބުނޫ. މީގެ ތިން އަހަރު ފަހުން ތިޔަ އިސްލާހު ބާތިލްކުރާނެ
މޮހަދު
23 August 2020
މީބޮޑު އޮޅުވާލުމެއް. ކުރަން އުޅޭކަމަކީ ރިސޯޓް ތަކުގައި ދިވެހިންނަށް %45 ވަޒީފާ ޤާނޫނުން ހާއްސަކޮށްފަ އޮންނަ އޮތުން ނިމުމަކަށް ގެނެއުން. މިހާރުވެސް %45 ދިވެން ގެންގުޅެން ޖެހޭނެ ކަމަށް އޮތަސް %80 ވަރު ގެންގުޅެނީ ބިދޭސީން. މިނޫނީ ބިދޭސީންނަށްޓަކައި ގައުމު ހިންގަން އުޅޭ ގައުމެއް ނުދެކެން. ބިދޭސީން ޤާނޫނާއި ގަވާއިދާ ހިލާފަށް ހިތަށް އެރިކަމެއް ކުރަމުން ހިތައްއެރި ގޮތަށް އުޅެމުންދާއިރު އެކަންތައް ނުހުއްޓުވޭ. ދުވަނީ ނިކަމެތި ދިވެހިމީހާ ފަތުން ސްޓިކާއިގެން
ހުސެެން
23 August 2020
ދިވެހިން ލާއިގެން އެއްވެސް ކުންފުން ފާސްޓް ސޮޕީޑްގަ ނުހިންގޭނެ.. އަބަދުވެސް ދަރި ސްކޫލައް ލާން ނަމުގަ ބޭރުގަ، ސޮއެކޮއްފަ ކޮފީތަކުގަ، އަންހެން ކުދިން ޖޮބައްދާނީ އޭނަ ބޭނުން ވާ ފޯނު ގަންނަން..... ސަރުކާރު އޮފީސްތަކުގެ ސްޕީޑް ބެލީމަ އިގޭނެ ދިވެހިން ލާއިގެން ކުންފުނި ހިގާނެ ސްޕީޑް.. ވަރައް ސަލާން
ތެދުވެރިޔާ
23 August 2020
ހެލިކަޕްޓަރު ދުއްވަން އިންޑިޔާ ސިފައިން ރާއްޖެގަ ގިނަވާ މަސްސަލަ ދިވެހިން ނުހަނު ކަންބޮޑުވުމާއެކީ ދިވެހިންގެ ހިންނުތަނަވަސް ކަން އިތުރުވާ މަސްސަލަޔައް ހައްލެ ގެނެސްދޭންވީނުން
ސަޓޯ ދި ރޮޑިރިގޯ
23 August 2020
ދިވެހިންގެ މިލްކިޔާތުން ދިވެހިންނަށް %45 ސާޅީސްފަސްޕަސަންޓް ބޭރުމީހުންނަށް%55ސަޅިދޯ
ދޮން މަނިކު
23 August 2020
އަމަލު ކުރާނީ 5 އަހަހހަރު ވުމުން؟ 5 އަހަރު ވުމުގެ ކުރިން އަނެއް ބަޔަކު ތިޔަ އިސްލާހު ކުރާނެ. ތިޔައީ އަމާބުނީތީ ފަރައް ދިޔުން.
ޕޫބެއަރ
23 August 2020
ލީގަލް ޓެންޑަރ ގެ ގާނޫނަށް އަމަލު ކޮށްބަލަ. ނުހިނގާ ގަވައިދާ ގާނޫނާ ހަދާނެކަމެއްނެތް
ދަރަނި ދަންތުރަ
23 August 2020
އެސް ޓީ އޯ ބޭސްފިހާރަތަކުގައި ތިބި ބިދޭސީން އެތަނުން ބޭރުކޮށްބަލަ