ޒަހާ: އޭނާ ހޮސްޕިޓަލަކަށް ގެންދިޔައީ ގެސްޓްހައުސްއަކުން
31 އޯގަސްޓް 2020 - 14:53
35 comments
މިދިޔަ ހޮނިހިރު ދުވަހުގެ ރޭ ހުޅުމާލޭ ގެސްޓްހައުސްއެއްގައި ކުއްލި ގޮތަކަށް މަރުވި، ފާތުމަތު ޒަހާ އަހުމަދު ޝަކީލްގެ މަރުގެ މައްސަލައިގައި ފުލުހުން ގިނަ ޒުވާނުންތަކަކާ ސުވާލުކޮށްފި އެވެ.
އެނގިފައިވާ ގޮތުގައި އެ މައްސަލައިގައި ފުލުހުން ސުވާލު ކުރި މީހުންގެ ތެރޭގައި 18 އަހަރު ނުފުރޭ ކުދިން ވެސް ހިމެނެ އެވެ. އެ އެންމެންނަކީ ވެސް ގެސްޓްހައުސްގައި ޒަހާއާ އެކުގައި އެވަގުތު ތިބި މީހުންނެވެ.
ފުލުސް އޮފީހުން ބުނީ މި މައްސަލައިގައި ޒުވާނުންތަކަކާ ސުވާލުކުރި ނަމަވެސް އެއްވެސް މީހަކު ހައްޔަރުކޮށްފައި ނުވާ ކަމަށެވެ. އެކަމަކު "މިހާރު"އަށް އެނގިފައިވާ ގޮތުގައި ސުވާލުކުރި މީހުން މަސްތުވާތަކެތި ބޭނުން ކުރިތޯ ބަލަން ފުލުހުން ވަނީ ޓެސްޓު ހައްދާފަ އެވެ. އަދި އެ މީހުންގެ ފޯނުތައް ވެސް ވަނީ ފުލުހުންގެ ބެލުމުގެ ދަށުގަ އެވެ.
އެރޭ ޒަހާއާ ބައްދަލުވި ޒުވާނަކު، ނަން ނުޖަހާ ގޮތަށް، ބުނީ އޭނާ އެ ގެސްޓްހައުސްއަށް ދިޔައީ، ޒަހާގެ ހާލު ގޯސްވާ ކަމަށް ބުނެ، އެހެން އެކުވެރިންތަކެއް ގުޅުމުން ކަމަށެވެ. ގެސްޓްހައުސްގެ ކޮޓަރިއަށް ދިޔައިރު އެތަނުގައި 11 ވަރަކަށް ޒުވާނުން ތިބި ކަމަށާއި ގިނައީ ފިރިހެނުން ކަމަށް އޭނާ ބުންޏެވެ.
ފެނުނު މަންޒަރުތަކުން އޭނާ ތުހުމަތުކުރަނީ އެތަނުގައި ރެޑްބުލް ބޮއެ، ޕާޓީކޮށްފައި ހުރި ކަމަށެވެ.
"އަޅުގަނޑު ދިޔަ އިރު ޒަހާ އޮތީ އެތަނުގައި ތިބި ދެތިން އަންހެން ފްރެންޑުން ހިފަހައްޓައިގެން، އޭރު އޭނާ ނޭވާލަމުން ދިޔައީ ވަރަށް ފާޑަކަށް،" އެ ޒުވާނާ ބުންޏެވެ.
އޭނާ ބުނީ ހޮސްޕިޓަލަށް ނުގެންގޮސް ލަސްކުރީ ކީއްވެތޯ އެތަނުގައި ތިބި މީހުންނާ ސުވާލު ކުރުމުން، "ފުލުހުންނަށް ބަސްޓް ވެދާނެތީ" ކަމަށް ބުނި ކަމަށެވެ. ޒަހާ ހޮސްޕިޓަލަށް ގެންދިޔައީ އޭނާ ގޮސް ކަމަށް ވެސް ޒުވާނާ ބުންޏެވެ.
އޭނާ ބުނި ގޮތުގައި ކާރަށް އެރުވި އިރު، ކުރިން ލީ ގޮތަށް ރަހުމަތްތެރިޔާ ނޭވާ ވެސް ނުލަ އެވެ.
ޒަހާ މަރުވި ގޮތް ފުލުހުން އަންނަނީ ތަހުގީގު ކުރަމުންނެވެ.
ހދ. މަކުނުދު އަށް އުފަން ޒަހާގެ މަރާ ބެހޭ އިތުރު އެއްވެސް ތަފުސީލެއް ފުލުހުން ހާމައެއް ނުކުރެ އެވެ.
އޭނާ މަރުވި ފަހުން ހެދި ޓެސްޓުން ކޮވިޑް-19 އަށް ޕޮޒިޓިވް ކަމަށް، އެޗުޕީއޭއިން ވަނީ އިއުލާންކޮށްފަ އެވެ. ނަމަވެސް އެއީ ކޮވިޑްގެ މަރެއްގެ ގޮތުގައެއް އެޗުޕީއޭއަކުން ނުބަލަ އެވެ.
ޒަހާއާ އެކު އެރޭ އުޅުނު ބައެއް ޒުވާނުން މިހާރު ތިބީ ކަރަންޓީނުކޮށްފަ އެވެ.
ވެލާނާ އިންޓަނޭޝަނަލް އެއާޕޯޓުގައި ހުންނަ އުރީދޫ އޮފީހުގައި މަސައްކަތް ކުރަމުން ދިޔަ ޒަހާ، އެ ދުވަހު ހެނދުނު ޑިއުޓީއަށް ވެސް ނުކުތްކަމަށް ވެ އެވެ. ވަޒީފާގައި އުޅެމުން ގައުމީ ޔުނިވަސިޓީގައި ލެބޯރެޓަރީ ސައިންސްގެ ދާއިރާ އިން ޒަހާ އައީ ކިޔަވަމުންނެވެ. މީގެ ދެ އަހަރު ކުރިން ހުޅުމާލޭގައި ވަނީ ޒުވާނުންތަކެއްގެ ކުއްލި މަރުގެ ހިތާމަވެރި ހާދިސާއެއް ހިނގައިފަ އެވެ. ސެޕްޓެމްބަރު 28، 2017 ވަނަ ދުވަހުގެ ރޭ ޕާޓީ ޑްރަގްސް ބޭނުންކޮށްގެން ތިއްބާ ހިނގި އެ ހާދިސާގައި މަރުވީ ޒުވާން އަންހެން ކުއްޖަކާއި ފިރިހެން ކުއްޖެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙެޔޮނުވާނެ ދެ
02 September 2020
ތީގަ ޒަހާ އޯޑީ ވީކަން ވަރައް ބޮޑައް ބެލެވޭ. ޜާބުއިމާ ޕާޓީ ކުރުން އާމު ވެ ގިނަބަޔަކު ދަނީ ހަލާކު ވަމުން. ނޭފަތުން ދަމާ ޕައުޑާރ (ނަމެއް ނޭންގޭ ސޮރީ) ވެސް ގިނަ ޒުވާން އަންހެން އަދި ފިރިހެން ކުދިންގެ ކިބައިގަ ދަނީ ސަޅި ކަމަކައް ވަމުން. ޢެނަގައިގެން ހަފތާ އެއް ވާިރުވެސް ހަބަރު ނުވޭ!!!! ހުއްޓާލާ ސޭނޯ ޓު ޑްރަގްސް!!!!
އިބިރިހިންބެއްޔާ
01 September 2020
ދައުލަތުން ވިސްނަންވެއްޖެ. "ރާއްޖެތެރޭގެ" (ސީދާ ބުނެލީ) މާލެ އަންނަނީ އުއްމީދުތަކަކާއެކު. ޚާއްސަކޮށް އަންހެންކުދިންނަށް ކުރިމަތިވާ ގޮންޖެހުންތައް ގިނަ. މަގުފުރައްދަން އަންނަ ރައްޓެހިން މާގިނަ. މާލޭގަ ދިރިއުޅެން ބޭނުންވާފައިސާ އަދި އެއަށްވުރެގިނަ. މޮޑަރން ވާން މަޖުބޫރުވޭ. ދެންއެޅެނީ ގޯޅި. ގްރޭޑް 10 ނުވަތަ 12 ނިންމާފައި މާލެ އަންނައިރު އުމުރުން 18 ނުފުރޭ ނޫނީ ކިރިޔާ ފުރެނީ. މިފަދަ ދަރީންގެ ތަރުބިއްޔަތަށް ދައުލަތުން އަޅާލާން ޖެހޭ. ވަޢުދެއް ޕްލީސް!
ޕުރޮފިސަރ ޓިން
01 September 2020
ކޮން ވައްތަރު ރެޑް ބުލް ހުންނަނީ....މަށައް ނޭންގެނީ.
ޙިނި
01 September 2020
ޑުރަގު ޕާޓީ ބާއްވާ ގެސްޓުހައުސްތައް ލައިސަންސު ބާތިލް ކުރޭ އަދި ވެރިފަރާ 100000 ރުފިޔާއިން ޖޫރިމަނާ ކުރަން ވެނޭ،
ހެއްހެއް
02 September 2020
ސަރުކާރަކައްނުކެރޭނެ ތިކަންކުރާކައް
ަައާރިޝް
31 August 2020
ތިމަންޖެއަކީ މިފަހަކަށް އައިސް ވަރަށް ގިނައިން ގުރޫޕް ހަދާފަ ހުޅުމާލޭ ގެސްޓު ހައުސްތަކަށް ގޮސް ޕާރޓީ ކުރަމުންދާ މަންޖެއެއް. ތިމަންޖެއާއެކު އުޅޭ ކުދިން ވަރަށް ގިނައިން ޕާރޓީ ޑްރަގުސް ބޭނުންކުރާ ކަމަށް އަޑުތަށް އިވޭ.
ޟކސsn
21 February 2021
ޢެއި މަޑުން ހުރެ ކަލޭ އައި ބެހޭކަ މެއް ނޫން?
ތޮތަ
31 August 2020
މިނިވަންކަމުގައި ހައްދެއް އޮންނަންވާނެ. މަގޭ ހަށިގަނޑޭ. މަގޭ ޗޮއިސް އޭ ކިޔައިގެން ދޫކޮށްލެވޭކަށް ނެތް
އަބްދުﷲ
31 August 2020
ހުޅުމާލެ ގެސްޓް ހައުސް ތަކުގެ ރޫމުތަކަކީ ވަރަށް ކުދިކޮށް 2 މީހުންނަށް އުޅެވޭވަރަށް ހުންނަ ރޫމުތަކެކެވެ. ދިހަބާރަ މީހުން ރޫމަކަށް ވަދެ އުޅޭއިރު ގެސްޓްހައުސް ބަލަހައްޓާ ޒިންމާވާ ފަރާތް ކޮބާތޯ ސުވާލު އުފެދޭ. މިލިއުމުން އިނގޭގޮތުން ހޮސްޕިޓަލަށް ގެންދިއުން ވަރަށް ލަސްކުރި ކަމަށް ބެލެވޭ. ކުޑަކުދިން މިކަހަލަ ޕާޓީއެއް ނުކުރާނެ. އެހެންކަމުން ފިޔަވަޅު އަޅަންޖެހޭ.
މިޔަރުބެ
31 August 2020
ޒަހާއަކީ ނަރުސްކަން ކިޔަވާ ކުއްޖެއްކަމަށް ޔުނިވަރސިޓީގެ ފޭސްބުކް ޕޯސްޓްގައި އޮތީ. މިތަނުން ކޮންގޮތެއްބާ ތެދީ؟
މިޔަރުކޮޮޮއްކޮ
31 August 2020
ޒަހާ ގައުމީ ޔުނިވަސިޓީގައި ލެބޯރެޓަރީ ސައިންސްގެ ދާއިރާ އިން ކިޔަވަމުން އައީ ނަރުސް ކަމުގެ ދާއިރާއިން ކުރިއައް ދިއުމަައް. ސަބަބަކީމިދާއިރާއިން ކޯސް ފުރިހަމަ ކޮއްފާ ވާނަމަ ނަރުސް ކަމުގެ އެޑްވާންސް ކިޔަވަން ނުޖެހުން އަދި ޒަހާ ވަނީ މި ޓާމުގައި ޑިޕްލޮމާ އިން ނާސިންގެ ފުރަތަމަ ޓާމުގައި ކިޔަވަންވެސް ފަށާފަައި.
ކެޔޮޅުބޭ
31 August 2020
މިހިތާމަ ވެރި މަރުގެ ޒިންމާ ޒަހާއާއިއެކީ ތިބި ޒުވާނުން އުފުލަންޖެހޭ ކަމަށް ފެނޭ. ގެސްޓް ހައުސްގެ އިހުމާލު ވެސް ބޮޑު. ކިހިނެތް 11 ޒުވާނުން އެއް ކޮޓަރިއަކަށް ވަދެ ތިބީ؟ ގެސްޓް ހައުސްތަކުގަ މަސްތުވާތަކެތި ބޭނުންކުރުމާ ބަދު އަޚްލާގީ އަމަލުތަށް ހިންގާ އިރު މިތަންތަން ހިންގާ ފަރާތްތަކަށް ހަމ ނޭގޭބާ؟ ލަފާ ކުރެވެނީ ޒަހާއަށް އޭނާގެ ރަށްޓެހިން ޑްރަގް ދިނީ މުޑުދާރު އަމަލެއް ހިންގަންހެން. ބަސްޓުވެދާނެތީ ޒަހާ މަރުވަމުން ދިޔަ އިރުވެސް ހޮސްޕިޓަލަށް ނުގެންދިޔަ!
ޯމެގަ
31 August 2020
ޒުވާނުންނޭ ހެއްދެވިފަރާތަށް ބިރުވެތިވޭ. މަސްތުވާތަކެތީގެ އަވާގައިޖެހި ޕާޓީކޮށް ހަރާމްގެ ތެރޭގައި އުމުރު ހޭދަނުކުރައްވާ. މަރު ، ކިތައްމެ ގައްޑާވެގެން އުޅުނަސް ހަމަ ކުއްލިއަކަށް ތިބާއާ ބައްދަލުކުރާނެ. މަސްތުވާތަކެތި ބޭނުންކުރާ ގިނަ ޒުވާނުންނަކީ ވަރަށް ފިނޑި ނާތަހުޒީބު ބައެއް.