މަތިވެރި ދާއިރާގެ ކުރީގެ މެމްބަރު ހުސެއިން މުހައްމަދު މަޖިލީހުގެ ކޮމެޓީގައި. --މިހާރު ފައިލް ފޮޓޯ
04 ސެޕްޓެމްބަރ 2020 - 07:15
20 comments
މަތިވެރި ދާއިރާގެ ކުރީގެ މެންބަރު ހުސައިން މުހައްމަދު ރޭ އަވަހާރަވެއްޖެ އެވެ.
ރައްޔިތުންގެ މަޖިލީހުގެ ނިމިގެން ދިޔަ ދައުރުގެ މަތިވެރި ދާއިރާގެ މެންބަރަކަށް ހުންނެވި ހުސައިން މުހައްމަދު (ހުސެންބެ) އަވަހާރަވީ ޓްރީ ޓޮޕް ހޮސްޕިޓަލުގައި ފަރުވާދެމުން ދަނިކޮށެވެ. އާލާސްކަންފުޅަކަށް ހުސެން ފަރުވާ ހޯއްދަވާތާ ދުވަސްތަކެއް ވެއްޖެ އެވެ.
ހުސައިން މުހައްމަދު, 71, ވަނީ ސިޔާސީ، ތައުލީމީ އަދި މީޑިއާގެ ދާއިރާގައި ގިނަ ޚިދުމަތްތަކެއް ކުރައްވައިފަ އެވެ. ރައްޔިތުންގެ މަޖިލީހުގެ މެންބަރުކަން ވަނީ ޖެހިޖެހިގެން ތިން ދައުރު ކުރައްވައިފަ އެވެ. އެ ގޮތުން އަރިއަތޮޅު އުތުރުބުރީގެ މެންބަރުކަން 2005-2009 އަށް އަދި މަތިވެރި ދާއިރާގެ މެންބަރުކަން ވަނީ 2009-2019 އަށް ކުރައްވައިފަ އެވެ. ރާއްޖޭގައި ސިޔާސީ ޕާޓީތައް ހަރަކާތްތެރިވާން ފެށުމާ އެކު ޑީއާރުޕީއާ ގުޅިވަޑައިގެން މަސައްކަތް ކުރެއްވި ހުސައިން ފަހުން ވަނީ ޖުމްހޫރީ ޕާޓީއާ ގުޅިވަޑައިގެންފަ އެވެ. އަވަހާރަވި އިރު ހުންނެވީ އެ ޕާޓީގެ ކައުންސިލް މެންބަރަކަށެވެ.
ތައުލީމީ ދާއިރާގެ ޚިދުމަތް އެޑިއުކޭޝަން ޑިވެލޮޕްމަންޓް ސެންޓަރު (އީޑީސީ) އިން ފެއްޓެވި ހުސައިން ވަނީ އެޑިއުކޭޝަން މިނިސްޓްރީގެ ޑިރެކްޓަ ޖެނެރަލް ކަމާއި މިނިސްޓަރުގެ ނައިބްކަން ކުރައްވައިފަ އެވެ.
މީޑިއާގެ ދާއިރާގައި ހުސައިން ވަނީ ދިވެހި ރާއްޖޭގެ އަޑާއި ޓީވީ މޯލްޑިވްސްގައި ގިނަ ދުވަސްތަކެއް ވަންދެން ޚިދުމަތް ކުރައްވައިފަ އެވެ. ހުސައިން ވަނީ ޓީވީ މޯލްޑިވްސްގެ ޑިރެކްޓަ ޖެނެރަލް ކަމާއި އެގްޒެކެޓިވް ޑިރެކްޓަރުކަން ކުރައްވައި ގައުމީ ޓީވީ އާއި ރޭޑީއޯ ހިންގެވުމުގެ އެންމެ އިސްވެރިޔާގެ ގޮތުގައި ގިނަ އަހަރުތަކެއް ވަންދެން މަސައްކަތް ކުރައްވައިފަ އެވެ. ބޭރުގެ ޚަބަރުތައް ދިރާސާ ކުރައްވައި ރާއްޖޭގެ ބައެއް ނޫސްތަކަށް ޚަބަރު ލިޔުއްވާފައި ވެސް ވެ އެވެ.
ހުސައިން މުހައްމަދު ނޫސްވެރިކަމަށް ކޮށްދެެއްވި މަސައްކަތުގެ އަގު ވަޒަންކޮށް، އޭނާ އަށް 2018 ވަނަ އަހަރު ވަނީ، ދިވެހި ނޫސްވެރިކަމަށް 75 އަހަރު ފުރުނު މުނާސަބަތުގައި، ނޫސްވެރިކަމުގެ އަލިމަސް ގަލަން ލިބިވަޑައިގެންފަ އެވެ.
ހުސެއިން އަވަހާރަވި އިރު ތިން ބޭފުޅުން ދުނިޔޭގައި ތިއްބެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮށީކޮއި ޢަލީގެ މުޙައްމަދު
04 September 2020
إِنَّا لِلّهِ وَإِنَّـا إِلَيْهِ رَاجِعونَ މަރުޙޫމަށް ސުވަރުގޭގެ ދާއިމީ ނިޢުމަތް ދެއްވާނދޭ! އާމީން
މުހައްމަދު----
04 September 2020
ބާޣީން ރާއްޖެ އަށް އެރި ދުވަހު ވެސް މި ބޭފުޅާ ބީބީސީ އާއި ވީއޯއޭ އިން ރާއްޖެއާއި ބެހޭ ޚަބަރު ދިރާސާ ކުރުމަށް ފަހު އަޅުގަނޑުމެންނަށް ކިޔާ ދެމުން ގެންދެވި@
އެކުވެރިއެއް
04 September 2020
إِنَّا لِلَّٰهِ وَإِنَّا إِلَيْهِ رَاجِعُونَ, އެކުވެރި ހުސައިންބެ އަވާހާރަވި ޚަބަރު އެހީ ފުން ހިތާމައާއި އެކު، ގެއްލިއެދިޔައީ ޚިދުމަތްތެރި ދިވެއްސެއް. ކީރިތި ﷲ، ހުސައިންބެގެ ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކުރައްވާށި.އާއިލާއަށް ކެތްތެރުކަން ދެއްވާށި. އާމީން.
ދެެރަ
04 September 2020
މަރުހޫމަށް ހެޔޮރަހުމަތް ލައްވާށި! ޢާއިލާއަށް ކެތްތެރިކަން ދެއްވާށި.
ސާދާސީދާ
04 September 2020
إِنَّا لِلّهِ وَإِنَّـا إِلَيْهِ رَاجِعونَ މަރުޙޫމަށް ސުވަރުގޭގެ ދާއިމީ ނިޢުމަތް ދެއްވާނދޭ! އާމީން
ބިލްކޭ
04 September 2020
إنا لله وإنا اليه راجعون ގެއްލި އެދިޔައީ ގިނަ ހިދުމަތްތަކެއް.. މިޒާމާނަށް ޚާއްސަކޮށް މަޖްލީސް މެމްބަރުންނަށް ނަމޫނާ ދެއްކެވި ބޭފުޅެއް. އުސޫލުތަކުގައި ހިފަހައްޓެވި. ސަރުކާރުން ރަސްމީ އިއްޒަތުގައި ޖަނާޒާގެ ކަންކަން ކުރިޔަށް ގެންދަވާނެ ކަމަށް އުއްމީދު ކުރަން.
ރަބަރު
04 September 2020
اللهم اغفر له وارحمه وادخله الجنة آمين
ޢަޒްރާ
04 September 2020
އިންނާލިއްްލާހި ވއިންނާ އިލައިހި ރާޖިއޫން
ހުތާ
04 September 2020
إنا لله وإنا اليه راجعون ގެއްލި އެދިޔައީ ގިނަ ހިދުމަތްތަކެއް މިގައުމަށް ކޮށްދެއްވި ހިތްތިރި ސާދާ ބޭފުޅެކެވެ. މަރުހޫމްގެ ފާފަފުއްސަވައި ސުވަރުގެ މިންވަރު ކުރައްވައި އާއިލާއަށް ކެތްތެރިކަން މިންވަރު ކުރައްވާށި. އާމީން
ފޮންފުތު
04 September 2020
إِنَّا لِلَّٰهِ وَإِنَّا إِلَيْهِ رَاجِعُونَ,