ދޮންދީނި އަކީ ހިމާޔަތްކޮށްފައިވާ ދޫންޏެއް
04 ސެޕްޓެމްބަރ 2020 - 17:27
33 comments
އައްޑު އަށް ހާއްސަ ދޫނި، ދޮންދީނިއާ ބެހޭ ސާވޭއެއް ހަދަން ނިންމައި، އާންމުން އެ ސާވޭގައި ބައިވެރިވާން ހުޅުވާލައިފި އެވެ.
މި މަހުގެ 15-30 އަށް މި ސާވޭ ކުރިއަށް ގެންދަނީ އެންވަޔަރެމަންޓް ޕްރޮޓެކްޝަން އެޖެންސީ (އީޕީއޭ) އާއި އައްޑޫ ސިޓީ ކައުންސިލާއި އައްޑޫ ނޭޗާ ޕާކް ގުޅިގެންނެވެ. "ސިޓިޒަން ސައިންސް ސާވޭ" ގެ މައިގަނޑު ބޭނުމަކީ އައްޑޫގައި އުޅޭ ދޮންދީނީ އާބާދީ ދެނެގަތުމެވެ.
މިއީ ހިމާޔަތް ކޮށްފައިވާ ދޮންދީނިއާ ގުޅޭ މިފަދަ ސާވޭއެއް ކުރިއަށް ގެންދާ ފުރަތަމަ ފަހަރެވެ.
އަމިއްލަ ގޮތުން ސާވޭގައި ބައިވެރިވާން ބޭނުންވާ މީހުން އޮންލައިން ފޯމެއް ފުރަން ޖެހެ އެވެ. މިކަމާ ގުޅޭ ގޮތުން އީޕީއޭ އިން ކުރި ޓްވީޓްގައި ވަނީ ފޯމު ހިމަނާފައި ވެ އެވެ.
އައްޑޫ ސިޓީއެއި ފެރަތުމަ ފަހަރައް ދޮންދީނާގެ އާބާދީ ބަލާއް ކެރާ، ސިޓިޒަން ސައިންސް ސާރވޭ އެއި ބައިވެރިވޭއް ޝައުގުވެރިކަން ތެބިހިށީ؟
— EPA Maldives (@EPAMaldives) September 4, 2020
މިސާވޭއި ބައިވެރިވޭބޭނުން ފަރާތްތަކުން އަވަހަށް މިހިށި ލިންކުން ރަޖިސްޓްރީ ކޮއްލާ https://t.co/IfQ63igYEl@AdduCityCouncil pic.twitter.com/tvNK81RJGu
ދޮންދީނި އަކީ އައްޑު އަށް ހާއްސަ ދޫންޏެއްގެ ގޮތުގައި މަޝްހޫރު ދޫންޏެކެވެ. އަދި މިއީ އައްޑޫ ޒަމްޒު ކޮށްދޭ މުހިއްމު ވަސީލަތެކެވެ. ދޮންދީނި އަކީ ކަޅު ކުލައިގެ ތުންގަނޑަކާއި ފަޔާ އެކު މުޅި ހަށިގަނޑު ހުދު ކުލައިގައި ހުންނަ ދޫންޏެކެވެ. ކަނޑުމަތީގެ މި ދޫންޏަކީ މަސްވެރިކަމުގައި ވެސް މުހިއްމު ދައުރެއް އަދާކުރާ އެއްޗެކެވެ.
ދޮންދީނި އަކީ އައްޑު އަށް ހާއްސަ އެއްޗެއް ނަމަވެސް މި ދޫނި ރާއްޖޭގެ އެހެން ބައެއް ހިސާބުތަކަށް ގެންގޮސް އާލާކުރަން ވެސް ބައެއް މީހުން ކުރިން މަސައްކަތް ކޮށްފައިވެ އެވެ. އެގޮތުން އެންމެ ފާހަގަކޮށްލެވޭ އެއް ތަނަކީ ހުވަދު އަތޮޅުގެ ފަޅުރަށެއް ކަމަށްވާ ހަވޮޑިގަލާގައި ދޮންދީނި އާލާކުރަން މީގެ އަހަރުތަކެއް ކުރިން ކުރި މަސައްކަތެވެ.
އައްޑޫގެ ދޮންދީނީގެ އާބާދީ ދެނެގަންނަން ސާވޭއެއް ހަދަން ނިންމި އިރު، އެ ދޫނި ކުރިން އާންމުކޮށް ހާލި އަޅައި އުޅުނު ބަނބުކެޔޮ ގަސްތަކާއި އަނބު ގަސް ފަދަ ބިޔަކޮށް ހެދޭ ގަސްތައް އައްޑޫން ވަރަށް ބޮޑަށް މަދުވެފައިވާތީ ދޮންދީނީގެ އާބާދީ ވެސް ދަށްވެފައިވާ ކަމަށް ގިނަ ބަޔަކު ގަބޫލުކުރެ އެވެ.
ކުރިން ބައެއް މީހުން އޮޅުކޮށްގެން ގެންގުޅެން ދޮންދީނި ހިފި ނަމަވެސް ހިމާޔަތްކުރި ފަހުން އެކަން ވަނީ މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖީބު
06 September 2020
ޖީބައް ބަރުކުރުން މެކުހަށް
77777
06 September 2020
މީދޯ މިހާރު ނުވެގެން އުޅޭ ކަމަކީ. ކޮންމެވެސް ގޮތަކަށް ފައިސާކޮޅެއް ކަޓުވާލުން މިއޮންނަނީ. މިދުވަސްވަރު މީދެން ކޮންކަމެއް
ޖާބެ
05 September 2020
ކަލޯ ތިވެ ސް މަދުވަނެ މިހާރު މިގަޢުމުގަ އުޅޭ ބެރު މީހުންނައްވުރެ.
ޔަގީންތަަ
05 September 2020
އައްޑޫގަ އުޅޭ ދޮންދީނި އެހެން ގައުމެއްގައި ނޫޅޭތަ؟ ބޭރު ގައުމެއްގެ މަންޒަރެއް ދެއްކިއިރު ހަމަ ތިޔަ ކަހަލަ ދޫނި އެގައުމުގައި އުޅޭކަމަށް ދެއްކި.
ބުރާންްތި
05 September 2020
ގައުމު ބަނޑަށް ޖެހެމުންދާ އިރުއަދިވެސް ބޭކާރު ކަމެއް ކޮށްލެވޭތޯ ތި ބަލަނީ،ސާވޭ ނިންމާ ފައި އޮޑިޓަރ ޖެނެރަލް އަށް ބުނޭ 60މިލިޔަން ޑޮލަރު ހަރަދު ވިއޭ މި ކަމަށް،
މުދައްރިސް
05 September 2020
ކަމެއް ކުރަން މަޝްވަރާ މޭޒުގައި މަޝްވަރާ ފަށާއިރަށް، އެވާހަކަތައް ނޫހުގައި ޖަހައިގެން ފޮނިކެނޑުމަށްވުރެ، ޢަމަލީ މަސައްކަތް ފެށެންދެން މަޑުކުރުން ކިހިނެތްތޯ ވާނީ. ފޮނިކަނޑައިގެން އެކަންނުވެ ބޮލާ ފޮށާ އެޅުނީމަ، ލިބޭ ނަން މާހަޑިވާނެ،
އަދިކިޔަވާލާ
05 September 2020
މިކަހަލަ ޚަބަރެއް ނޫހުގައި ޖެހީމަ އޭގަ ބައިވެރިވާން ބޭނުންވާ ގިނަ މީހުންނަށް ކުރީބައިގައި އެނގޭނީ. ނޫހަކީ ގިނަ މީހުން ކިޔާ އެއްޗެއް. އަމިއްލަ ގޮތުން އެފަދަ ސާރވޭގައި ބައިވެރިވާން ބޭނުންވެފަ ތިބޭ މީހުންނަށް ކަމެއް އެނގޭނީ މިހެން ނޫހުގައިވެސް ލިއުނީމަ.
އަބްދުއްالله
05 September 2020
ހުދުކުލައިގަ ހުންނަނީ މި ދޫނީގެ ހަށިގަޑެއް ނޫން- ފަތްތަކާއި ފިޔަތައް.
ތިރަށުއައްމަޑޭ1257
05 September 2020
ގެނޭ 100 މިލިޔަނަށް ތިކަން ވެދާނެ..ހހެހހ
ޝޮކްތެރަޕީ
05 September 2020
އިންޑިޔާ ސިފައިން ތިބި ސާވޭއެއް ހަދާބަލަ.
ތެދެއް.
04 September 2020
ކުރީގެ އީސީސީ މިހާރު އިކްއިޓޯރިއަލް ހޮސްޕިޓަލް ގެ ވައށައިގެން ގުރީން ޒޯނެއް ކަޑައަޅާ ބަނބުކެޔޮގަސް އިންދައިފި ނަމަ ދޮންދޫންޏަށް ރައްކާތެރި ސަރަހައްދެއް ލިބޭނެ.