ޖެޓްޕެކްގައި 3،000 ފޫޓު މަތީ އުޅުނު މީހަކު ހޯދަނީ

މީހަކު ޖެޓްޕެކްގައި.

އަހުމަދު އަދްޝަން، މިހާރު

06 ސެޕްޓެމްބަރ 2020 - 11:15

އެމެރިކާގެ ވައިގެ ސަރަހައްދަށް ނުރައްކާވާ ގޮތަށް ޖެޓްޕެކެއްގައި 3،000 ފޫޓު މަތިން އުދުހުނު މީހެއްގެ މައްސަލަ ޕައިލެޓުންތަކެއްގެ ފަރާތުން ރިޕޯޓްކުރުމާ ގުޅިގެން އެ މީހާ ހޯދަން އާންމުންގެ އެހީ އަށް އެދި، އެ މައްސަލަ އެމެރިކާގެ އެފްބީއައި އިން ތަހުގީގުކުރަން ފަށައިފި އެވެ.

މިކަން ހިނގާފައި ވަނީ މި މަހުގެ 2 ވަނަ ދުވަހު ލޮސް އެންޖެލިސްގަ އެވެ. އެ ތަނުގެ އިންޓަނޭޝަނަލް އެއާޕޯޓާ ދިމާލުން ޖެޓްޕެކްގައި 3،000 ފޫޓް މަތިން އިރުއޮއްސި 6:45 ހާ އިރު އުދުހުނު މީހާގެ މައްސަލަ ރިޕޯޓްކުރީ އެމެރިކަން އެއާލައިންސްގެ ޕައިލެޓުންތަކެކެވެ. އަދި އެ މައުލޫމާތު ލިބުމާ އެކު އެފްބީއައިގެ ސަމާލުކަމަށް އެކަން ގެނައީ ފެޑެރެލް އޭވިއޭޝަން އެޑްމިނިސްޓްރޭޝަން (އެފްއޭއޭ) އިންނެވެ.

The FBI has launched an investigation after an American Airlines pilot said he saw what appeared to be a man flying with a jet pack Sunday night near Los Angeles International Airport. https://t.co/Q8dGCmtMLM
— Los Angeles Times (@latimes) September 1, 2020

ޕައިލެޓުން ކަމާބެހޭ ފަރާތްތަކާ ހިއްސާކުރި މައުލޫމާތުތަކުގައި ބުނެފައި ވަނީ ޖެޓްޕެކްގައި އުދުނު މީހާ ފެނުނީ މަތިންދާބޯޓާ 30 ޔާޑް (90 ފޫޓް) ދުރުން ކަމަށެވެ. އޭގެ އިރުކޮޅެއް ފަހުން އެހެން އެއާލައިނަކަށް ވެސް ޖެޓްޕެކްގައި އުދުހުނު މީހާ ފެނިގެން ކަންބޮޑުވުން ފާޅުކުރި އެވެ.

Authorities are investigating after pilots reported seeing a man flying in a jetpack thousands of feet above ground near Los Angeles International Airport.

For more videos, visit: https://t.co/o54cLAC8Ug pic.twitter.com/tACtP0uTrm
— SkyNews (@SkyNews) September 3, 2020

މި ހާދިސާއާ ގުޅިގެން އެމެރިކަން އެއާލައިނާއި ޖެޓްބްލޫ ފްލައިޓްގެ ކްރޫންނާއި އެއާ ޓްރެފިކް ކޮންޓްރޯލްގެ މީހުންނާ ދެކެވުނު ވާހަކަތަކެއްގެ އޯޑިއޯ ވެސް ބައެއް މީޑިއާތަކުން އާންމުކޮށްފައިވެ އެވެ.

ވައިގެ ދަރުތަކުގެ އޮޕަރޭޝަންތަކަށް ނުރައްކާވާ ގޮތަށް ޖެޓްޕެކްގައި އުދުހުނު މީހާގެ މައްސަލަ ސީރިއަސް މައްސަލައެއްގެ ގޮތުގައި އެފްބީއައި އިން ތަހުގީގުކުރަން ފަށާފައިވާ އިިރު އެތަނުން ނެރުނު ބަޔާނެއްގައި ބުނީ އެކަން ކުރި މީހާ އަކީ ވައިގެ ސަރަހައްދު ބޭނުންކުރުމުގެ އުސޫލުތައް މުގުރައިލި މީހެއް ކަމަށެވެ.

އެހެންވެ މި މައްސަލައިގެ ތަހުގީގަށް އޭނާ ހޯދަން ބޭނުންވާތީ އޭނައާ ބެހޭ އެއްވެސް މައުލޫމާތެއް ލިބިފައިވާ ނަމަ އެކަން ވީހާ ވެސް އަވަހަކަށް ހިއްސާކޮށްދޭން އާންމުންގެ ކިބައިން އެދިފައިވެ އެވެ.

ކުށްކުރުން އެކްސިޑެންޓް ދަތުރުފަތުރު ލޮސް އެންޖެލިސް އެފްބީއައި އެމެރިކާ

4 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްޕި

07 September 2020

30 ޔާޑުތަ ނޫނީ 300 ޔާޑުތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުއްސާ

06 September 2020

ތި ކަހަލަ ކިތައްމެ ކަމެއް ހިގާނެއެވެ. އިންސާނުނަށް މިނިވަންކަން ލިބިފައި ވަނީ އަމިއްލަ އަށް ހަލާކުވާ މިންވަރަށް ވިއްޔާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޑަފްް

06 September 2020

އިރުއޮއްސި 6.30 އޭ ލިއުނީ ރާއްޖެއަށް ވިސްނުން ބަހައްޓައިގެންތަ. އެމެރިކާ ތަންތަނަށް އިރުއޮއްސިދާނެ 8_9 ޖަހާއިރުވެސް. ހުރިހާތަނެއްގަ ރޭދުވާ ހަމަހަމަ ނުވާނެތާ.