27 އޮކްޓޯބަރ 2016 - 13:44
18 comments
ބަދަލުގެ ގޮތުގައި ޖީއެމްއާރަށް ދޭން ޖެހޭ ފައިސާ ދެއްކުމުގެ ކަންކަން ސަރުކާރާ ގުޅިގެން މިހާރު ކުރިއަށް ގެންދާކަމަށް އެމްއޭސީއެލްގެ މެނޭޖިން ޑިރެކްޓަރު އާދިލް މޫސާ މިއަދު ވިދާޅުވެއްޖެ އެވެ.
ރާއްޖޭގެ މައި އެއާޕޯޓް ހިންގަން ޖީއެމްއާރަށް އެމްޑީޕީ ސަރުކާރުން 25 އަހަރަށް ދީފައި ވަނިކޮށް ރައީސް މުހައްމަދު ވަހީދުގެ ސަރުކާރުން އެ އެއްބަސްވުން އުވާލުމުން ބަދަލު ހޯދަން ސިންގަޕޫރުގެ އާބިޓްރޭޝަން ޓްރައިބިއުނަލަށް ޖީއެމްއާރުން ހުށަހެޅި މައްސަލަ އޮކްޓޯބަރު 25 ގައި ނިންމައި، އެމްއޭސީއެލް އަށް އެންގީ 208 މިލިއަން ޑޮލަރާއި މިދިއަ ހަތަރު އަހަރުގެ އިންޓަރެސްޓް ދައްކަން ޖެހޭނެ ކަމަށެވެ.
ރައީސް އޮފީހުގައި އޮތް ނޫސްވެރިންގެ ބައްދަލުވުމެއްގައި އެޓާނީ ޖެނެރަލް މުހައްމަދު އަނިލް ވިދާޅުވީ އިންޓަރެސްޓާ އެކު އެމްއޭސީއެލުން ޖީއެމްއާރަށް ދައްކަން ބަދަލުގައި ދޭން ޖެހޭނީ 250 މިލިއަން ޑޮލަރު ކަމަށެވެ.
އަނިލްއާ އެކު މީޑިއާއާ ބައްދަލުކުރައްވާ ދެއްވި ކުރު ބަޔާނެއްގައި އާދިލް ވިދާޅުވީ ޖީއެމްއާރުގެ އެއްބަސްވުން އުވާލައި، އެއާޕޯޓް ހިންގުމާ އެމްއޭސީއެލުން ހަވާލުވެ، ލިބެމުން އަންނަ ފައިދާ ވަރަށް ބޮޑު ކަމަށެވެ. އެގޮތުން 2014 ގައި 1.2 ބިލިއަން ރުފިޔާގެ ފައިދާ އެ ކުންފުންޏަށް ވެފައިވާ ކަމަށް އޭނާ ވިދާޅުވި އެވެ.
އޭގެ އިތުރުން އޭނާ ވިދާޅުވީ "ބޭންކް އޮފް މޯލްޑިވްސްގައި ޑޮލަރުގެ ބޮޑު ރިޒާވެއް ވަނީ ގާއިމްވެފައި ކަމަށެ"ވެ.
ސިންގަޕޫރު އާބިޓްރޭޝަންގައި ހަތަރު އަހަރަށް ދެމިގެން ދިޔަ މައްސަލަ މި މަހު 25 ގައި ނިންމި އިރު ބަދަލުގެ ގޮތުގައި ދައްކަން ޖެހުނީ، ކުރިން ސަރުކާރުން ލަފާކުރި ވަރަށް ވުރެ ވެސް ކުޑަ އަދަދެއް ކަމަށް އަނިލް ވިދާޅުވި އެވެ.
ޖީއެމްއާރަށް އެ ފައިސާ ދައްކަން ޖެހޭ ގޮތެއް، އަދި މުއްދަތެއް އަނިލް އާއި އާދިލް ވެސް ވިދާޅެއްނުވެ އެވެ. އަދި ނޫސްވެރިންނަށް ސުވާލުކުރުމުގެ ފުރުސަތެއް ވެސް ނުދެއްވަ އެވެ.
"ޖީއެމްއާރާ އެކު އޮތް އެއްބަސްވުން އުވާލަން ނިންމުމަކީ އެމްއޭސީއެލް އާއި ސަރުކާރު އަދި ޖުމްލަކޮށް ރައްޔިތުންގެ ހައްގުގައި ނިންމި މުހިންމު ނިންމެއް،" އާދިލް ވިދާޅުވި އެވެ.
"އާބިޓްރޭޝަން ޓްރައިިބިއުނަލް އިން ނިންމި ނިންމުމާ ގުޅިގެން، ޖީއެމްއާރަށް ދައްކަން ޖެހޭ ފައިސާ ދެއްކުމަށްޓަކައި ކުރަން ޖެހޭ ކަންކަން ސަރުކާރާ ގުޅިގެން ކުރަމުން ދާ ވާހަކަ ވެސް ދަންނަވަން."
އާބިޓްރޭޝަނުގައި މައްސަލަ ކުރިއަށް ދިޔަ އިރު އެމްއޭސީއެލްގެ މެނޭޖްމަންޓުން ބުނަމުން ދިޔައީ ބަދަލުގެ ގޮތުގައި ދައްކަން ޖެހިދާނެ ފައިސާ އެއްކުރަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ އަލީ
28 October 2016
ޖީއެމްއާރަށް ބަދަލު ދެވިދާނެ އެކަމަކު ބަދަލުގެ މައްސަލަ ނިމުނީމަ މައްސަލަ ނިމުނީއެއް ނޫން. އަލުން ޖިނާއީ ތަހުގީގު ރާއްޖޭގަ ހިންގަންޖެހޭ . އެ މައްސަލަތަކަކީ ގާނޫނުއަސާސީގެ 97 ގެ ރ އަށް ފެތޭ ގެރެންޓީ އެއްތޯ ؟ ގާނޫނު ނަންބަރު 1/68 ޖ ގެ 9 ވަނަ މާއްދާ ގެ ދަށުން ދަވްލަތަށް ލިބުނު ގެއްލުމުގެ ޒިންމާ ނަގަން ޖެހެނީ ކޮންފަރާތަކުން ތޯ އާއި އެފައިސާ ދަވްލަތަށް ހޯދުން. އަދި ޖީއެމްއާރުން އެނެގިކަމަށް ބުނާ ލޯނަކީ ކުރިން ނަގާފައޮތް އޯޑީ އެއް ގެރެންޓީ ލޯނަކަށް ބަދަލު ކުރީތޯ ؟ މި ލޯނުގެ ދަށުން ދިވެހިރާއްޖޭގެ އެއްވެސް ބޭންކަކަށްއެއްވެސް ފައިސާއެއް ދިވެހިރާއްޖެ އަށް ޓްރާންފަރކޮށްފައިވޭތޯ ؟ ސބަބަކީ އެއާޕޯޓް ހިންގުން ޖީއެމްއާރު ހަވާލުވި އިރުވެސް އެއާޕޯޓް އަކީ ނެޓް ފްރޮފިޓް ގެ ގޮތުގައި 25 މިލިއަން ޑޮލަރުގެ ފައިދާ ނުކުންނަތަނަކަށް ވެފާ އެތަނަށް މި ލޯނުން ކުރިހަރަދެއް އަޅުގަނޑުމެނަށް ފެންނަން ނެތުމުން.
މޯޑު
28 October 2016
އަނިލްމެން ލަފާކޮށްގެން ތިބިވަރަށްވުރެ ކުޑަވުން އެއީ ފައިދާއެއްނޫން. ގައުމުން ދަރަނިވަމުން އައި ގަމެއް 3990 މިލިޔަން ރުފިޔާގެ ބޭރުގައުމަކަށް އުކާލުމަކީ ކޮންކަހަލަގެ ފައިދާއެއްތޯ. ބަދަލު ދައްކާނަމަ އިހަށްދުވަހު ސައުދީންނާ ގަތަރުން އެއާޕޯޓު ތަރައްގީކުރަންދިން 150މިިލިޔަން ޑޮލަރ ތިކަމަށް ޚަރަދުކުރުން ނޫން ގޮތެއް ނޯންނާނެ. އަނެއްކާ ތިއެއަރޕޯޓް ނިމޭނީ ކިތައް ލޯނު ނަގައިގެން ކަމެއް ނޭނގެ.
ފައްތާހު
27 October 2016
އާދިލޫ......ޖީއެމްއާރ އައިސް ގެން ދޯ ގުރައުންޑް ހޭންޑުލިންގ އާއި ކަގޯ އަދި ޑިއުޓީ ފުރީ ފިހާރަތައް އެމްއޭސީއެލްގެ ދަށައް ގެނައީ....އަދި އިސްޓާފުންނައް މުސާރިގެ ދެބައިކޮއްފަ އެއްބައި ޑޮލަރުން ދޭންފެށީ ވެސް....ވަރައް ވެދުން
ބިލިއަނާރ
27 October 2016
ތިކަން ނިންމާލާނަން ޖީ.އެމް.އާރ އަންގާ 450މިލި އަނައް ތީތި ހަދާލާ ށޭ ތިވަރު ކަމަކުނުދެ އޭ މާ ކުޑައޭ ތިވަރު
މަންސޫރު
27 October 2016
ސައުދީއަށް އެމީހުން ދޭ ހިލޭ ކަދުރު ވިއްކައިގެން ދެއްތޮ ފައިސާ ހަމަކުރާނީ؟
އިބޫ
27 October 2016
ބެންކް އޮފް މޯލްޑިވްސް ގެ ޑޮލަރ ރިޒާވ އެއް ހެދުނީ ތިޔަ އެއަރޕޯޓް އަކުން ނޫން ތިޔަ ބުނަ ރިޒާވް އެއްވެސް ހެދުނީ، ރައީށް ނަޝީދު ގެނައި ޓީޖީއެސްޓީ އާއި ހެދި، 2008 އައިއިރު ޓުއަރިޒަމް އިން ދައުލަތަށް ލިބެނީ އެންމެ 48މިލިއަނ ްޑޯަރ، އެކަމު އަދު އެބަ ލިބޭ 500މިލިއން ޑޮަލަރު
ޢާޒިމާ ޝަކޫރު
27 October 2016
ބައްލަވާ ޖީ.އެމް.އާރަށް ރާއްޖޭގެ އެއަރޕޯޓް ކުއްޔަށްދޭން އެއްބަސްވި އެގްރީމެންޓަކީ އުފެދުނުއިރުވެސް ބާޠިލު އެގްރީމެންޓެއްކަމަށް ޕީޕީއެމްގެ ފަރާތުން މިހާރުގެ ރައީސް ޢަބުދުﷲ ޔާމީނާއި، ރައީސް ވަޙީދާއި، ޢާޒިމާ ޝަކޫރު ވަނީ އޭރު ވިދާޅުވެފައި ނޫންތޯ ވީމާ، ދެން ދޭންޖެހޭ އެއްވެސް ބަދަލެއް ނޯންނާނެ އަދިވެސް ޢާޒިމާ ޝަކޫރާއި ރައީސް ޔާމީނާއި ރައީސް ވަޙީދާއި، މިސަރުކާރުގެ ބޭފުޅުން ލަދެއް ނުގަންނާނެ ދެއްތޯ؟
ހުސެން
27 October 2016
މީޤައުމު ދަރުވާލުން. 25 އަހަރަށް އެއާޕޯޓް ކުއަޔަށްދިނީމަ ބޮޑުކަމަކަށް ވީ. މިހާރު ބިން ބޭރުފަރާތްތަކަށް ވިއްކަމުން ދާއިރު އެއީ މައްސަލައެއްނޫން. ހުރި ދެފުއްދެގޮތް ކަމާއޭ. ހުރި ނުލަފާ ކަމާއޭ.
އަބޫ
28 October 2016
ބިން ވިއްކުމާ ދެކޮޅަށް މިހާރު މައުމޫނުވެސް އެހުރީ. އަދިވެސް ހަމަ ޔާމީން އިތުރަށް މީސްމީހުންނަށް ބިން ވިއްކާތަން ބަލަން ތިބެންވީތަ
މަރުހަބާ
27 October 2016
ސަރުކާރުން ތިހޯދި ކާމިޔާބަށް މަރުހަބާ. ޝުކުރިއްޔާ އޭޖީ އަނިލް.
އުފާވެރިކަން
27 October 2016
ސިންގަޕޫރު އާބިޓްރޭޝަންގައި ހަތަރު އަހަރަށް ދެމިގެން ދިޔަ މައްސަލަ މި މަހު 25 ގައި ނިންމި އިރު ބަދަލުގެ ގޮތުގައި ދައްކަން ޖެހުނީ، ކުރިން ސަރުކާރުން ލަފާކުރި ވަރަށް ވުރެ ވެސް ކުޑަ އަދަދެއް ކަމަށްވާއިރު މިއީ ރައިސް ޔާމީން ސަރުކާރަށް ލިބު ވަރަށް ބޮޑު ކުރިއެރުމެއް... ހަމަކައިވުމެސް ޖީއެމްއާރަށް އެއާޕޯޓް ދިނުމުން ލިބުނު ގެއްލުން ބޮޑު.. ޖީއެމްއާރު އަތުން އެއާޕޯޓް އަތުލުމަށް ފަހު އެއާޕޯޓް ކޮމްޕެނީއަށް އަންނަނީ އަހަރު އަހަރަށް ފައިދާވަމުން ސުކުރިއްޔާ ރައިސް ޔާމީން
އަބޫ
28 October 2016
އެއާޕޯޓް އަތުލާފަ އޭގެ ބަދަލުގަ ރާއްޖޭގެ ރައްތަށް ބޭރުމީހުންނަށް މިލްކުވާގޮތް ހެދުންމީ ދިވެހިން ގަބޫލުކުރަންވި ކަމަކަށް ވަނީތަ.