14 ސެޕްޓެމްބަރ 2020 - 17:23
5 comments
އައްޑޫ އިކްއަޓޯރިއަލް ހޮސްޕިޓަލް (އޭއީއެޗް) އަށް އަނެއްކާ ވެސް ގިނަ އަދަދެއްގެ ނަރުހުން ހޯދަން އިއުލާންކޮށްފި އެވެ.
އާ ހޮސްޕިޓަލް މި އަހަރުގެ ޖެނުއަރީ މަހުގެ 15 ގައި ހުޅުވައި ހިދުމަތް ދޭން ފެށި ފަހުން މިއީ ގިނަ އަދަދަކަށް ނަރުހުން ހޯދަން އިއުލާންކުރި ތިން ވަނަ ފަހަރެވެ. އެންމެ ފަހުން ނަރުހުން ހޯދަން އިއުލާންކުރީ މިދިޔަ ޖޫން މަހުގެ ކުރީކޮޅު އެވެ. އެ ފަހަރު އިއުލާންކުރީ 18 ނަރުހުން ހޯދުމަށެވެ. އޭގެ ކުރިން އެޕްރީލް މަހުގެ ކުރީކޮޅު 10 ނަރުހުން ހޯދަން އިއުލާންކުރި އެވެ.
ކުރީގެ ކޮންވެންޝަން ސެންޓަރު (އީސީސީ) ގައި ގާއިމުކޮށްފައިވާ 100 އެނދުގެ ޓާޝަރީ ހޮސްޕިޓަލަށް މި ފަހަރު ހޯދަން އިއުލާންކުރީ ދާއިމީ 15 ނަރުހުންނެވެ.
އޭއީއެޗުން ފުރުސަތު ހުޅުވައިލީ ތިން ކެޓަގަރީއަކުން ނަރުހުން ހޯދާށެވެ. އެއީ ރެޖިސްޓާޑް ނާސް/ސީނިއާ ރެޖިސްޓާޑް ނާސް އަދި ކްލިނިކަލް ނާސް އެވެ. މި މަގާމުތަކަށް މުސާރަ އުޅެނީ 9،060-10،940ރ. އާ ދެމެދުގަ އެވެ. އަދި މަސައްކަތަށް ނުކުންނަ ކޮންމެ ދުވަހަކު ސާވިސް އެލަވަންސްގެ ގޮތުގައި 188ރ. ލިބޭނެ އެވެ.
މަގާމުތަކަށް ޝައުގުވެރިވާ މީހުންނަށް ކުރިމަތިލުމުގެ ފުރުސަތު މި މަހުގެ 23 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
އޭއީއެޗުން ބުނީ ނަރުހުންގެ މަގާމުތަކަށް ކުރިމަތިލާ މީހުން ޝޯޓްލިސްޓްކޮށް، އިންޓަވިއު އަށް ކިޔާނީ ފެންވަރަށް ބަލައި އެންމެ މަތިން މާކްސް ހޯދާ މީހުން ބަލައިގެން ކަމަށެވެ. އަދި އިންޓަވިއު ކުރިއަށް ގެންދާނީ މި މަހުގެ 24 އިން އަންނަ މަހުގެ 15 އާ ހަމައަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙީމްކަލީމް
14 September 2020
ތިހޮސްޕިޓަލް ގެ ވާހަކަ ދައްކާތާ 20 ވަރަކަށް އހަރު ދައްކާފައިވަނިކޮށް ކަންކުރަން އިގޭ، ކަންކުރެވޭ ބަޔަކު ސަރުކާރަށް އައިސް ތި ހޮސްޕިޓަލް ގާއިމު ކޮށް ނިމެންވާ އިރަށް އެ ސަރުކާރު ވައްޓާލާފަ މިއޮތް ނާގާބިލު ސަރުކާރު ގެނައުމުގެ އެންމެ ބަޮޑު ދައުރެއް އަދާކުރީ އައްޑޫ ރައްޔިތުން. ދެން އަތްޖަހަން ތިބޭ.
މޮހޮދޮފުތާ
14 September 2020
މިހާރުވެސް ސީޓީ ސްކޭން މެޝިން ހުރީ ހަލާކުވެފައި. މެޝިން ހަދާން މާލޭ ސަރުކާރުގެ ހުއްދަ އަދި ނުލިބެނީކަން ނޭގެ.
އޮނަރަބްލް އަފީފު ދީދީ
14 September 2020
ޑޮކްޓަރަކު ނުލާ ހިންގުމަށް މަސައްކަތްކުރާ އިކްއިޓޯރިއަލް ހޮސްޕިޓަލަކީ އައްޑޫމީހުނަށް އާސަންދަ މެދުވެރިކޮށް މޯލްޑިވިއަން ޗާޓަރ ކޮށްދިނުމަށް މާލޭސަރުކާރުން ހެދި ޓާޝަރީ ހޮސްޕިޓަލެއްތޯ؟ މިހެން މިދެންނެވީ ދުވާލަކު 2 ގަނޑިއެއް ހާއިރު އޯޕީޑީގެ ހިދުމަތް ލިބޭ މިހޮސްޕިޓަލުގައި ސްޕެޝަލިސްޓަކު ނުހުރުމާއި ލެބޯޓަރީއާއި އަލްޓްރާސައުންޑް ޑިޕާޓްމަންޓް ފަދަ ތަންތަނުގައި ހުރި އެންމެ އާދައިގެ މެޝިންވެސް މަސައްކަތް ނުކުރާތީއާއި މިކަމަށް ޖަވާބުދާރު ވާނެމީހަކުވެސް މިތާގައިނުހުންނާތީ.
ލަތީފް......
14 September 2020
މަށަށްވެސް ވަރަށް ބޮޑަށް ހީވޭ ތިއީ މާލޭސަރުކާރުން ތިކަން ނިންމަވާފައިވާގޮތްހެން. ހަމަ ކިރިޔާ ކަމެއްވާއިރަށް ބޯޓަށް އަރުވާފައި މާލެއަށް.
ައަފުރާސިޔާބު
14 September 2020
އާދޭ މާލޭ ސަރުކާރުން ހޮސްޕިޓަލަށް އާ މެޝިނެއް ފޮނުވައި ބޭނުންވާ ހުރިހާ އެއްޗެއްވެސް ފޮނުވާފައި އެބަހުރޭ. އޭގެ ބޭނުމެއް ނުކުރެވޭފަދަ މޮޅު މެޝިން. އެ މެޝިންތައް ގެނެސް އެސްޓީއޯއަށް ވިއްކާލީމާ އެސްޓީއޯއިން 100ގުނަ ފައިދާ ލާފައި ސަރުކާރަށް ވިއްކާލަނީ. އެ ގެންދާއިރުވެސް އެނގޭނެ ބޭނުމެއް ނުކުރާނޭކަން. ބޭނުންކުރާ މެޝިނުގެ ސްޕެއަރވެސް މިދެންނެވި ޕްރައިވެޓް ދެތިން ކުންފުންޏަކުން ގެނެސްފާ އެސްޓީއޯއަށް އަންގާނެ އެވިއްކާލަދިނުމަށް. ދެންރައްޔިތުންގެފައިސާއިންއެގަންނަންޖެހުނީ.