ބާޒާރުމަތީ ފިހާރައަކުން މީހަކު ފިޔާ ބަސްތާއެއް ކޮނޑަށްލައިގެން ނުކުންނަނީ-- ފޮޓޯ: މިހާރު
16 ސެޕްޓެމްބަރ 2020 - 12:29
38 comments
މާލޭގެ ބާޒާރުގައި 25 ކިލޯގެ ފިޔާ ބަސްތާއެއްގެ އަގު މިއަދު 700ރ. އަށް އަރައިފި އެވެ.
އިއްޔެއާ ހަމައަށް ބާޒާރުގައި ބަސްތާއެއްގެ އަގު ހުރީ 350ރ. އަށެވެ. އޭގެ ކުރިން 25 ކިލޯގެ ފިޔާ ބަސްތާއެއް އާންމުކޮށް ވިއްކާ އަގަކީ އެންމެ ބޮޑުކޮށް ވެސް 200ރ. އެވެ.
ފިޔާގެ އަގު ބާޒާރުގައި އުފުލިފައިވަނީ ރާއްޖެ އަށް އެންމެ ގިނައިން ފިޔާ އިމްޕޯޓު ކުރާ، އިންޑިއާއިން ފިޔާ އެކްސްޕޯޓް ކުރުން މަނާ ކުރުމުންނެވެ. އިންޑިއާއިން ފިޔާ އެކްސްޕޯޓް ކުރުން މަނާކޮށްފައި ވަނީ އެ ގައުމަށް މިހާރު ކުރަމުން އަންނަ ވިއްސާރައިގައި ގިނަ އަދަދެއްގެ ފިޔާ ދަނޑުތައް ހަލާކުވުމާ ގުޅިގެން ފިޔާ ލިބުން ދަތިވުމުގެ ސަބަބުންނެވެ.
އިންޑިއާއިން ފިޔާ އެކްސްޕޯޓު ކުރުން މަނާ ކުރި ނަމަވެސް ރާއްޖެއާ އެ ގައުމާ ދެމެދު ވެފައިވާ ހާއްސަ އެއްބަސްވުމުގެ ދަށުން ރާއްޖެ އަށް ދަތިނުވެ ފިޔާ ލިބޭނެ ކަމަށް ރާއްޖޭގައި ހުންނަ އެ ގައުމުގެ އެމްބަސީންނާއި ރާއްޖެގެ ފޮރިން މިނިސްޓްރީން ވެސް ވަނީ ޔަގީންކަން ދީފަ އެވެ.
ފިޔާ އެކްސްޕޯޓް ކުރުން މަޑުޖައްސާލިކަން އިންޑިއާއިން އިއުލާން ކުރުމާއެކު އިއްޔެއިން ފެށިގެން މާލޭގެ ބާޒާރުގައި ފިޔާ ވިއްކުން ވަނީ ކޮންޓްރޯލް ކޮށްފަ އެވެ. ގިނަ ފިހާރަތަކުން ވަނީ ބަސްތާ ވިއްކުން ހުއްޓާލައި، ކިލޯ އިން ވިއްކަން ފަށައިފަ އެވެ. މާލޭގެ ބާޒާރުގައި ފިޔާ ކިލޯއެއްގެ އަގު މިއަދު ހުރީ 30ރ. އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެދުމާފަންނު މެދުހެންވޭރު
17 September 2020
ރައީސާއި ބޮޑުވަޒީރުގެ ކޯޅުން ބޮޑުވެ އިންޑިޔާއިން ރާއްޖެ އަޅުވެތި ކުރަމުން ދާއިރު އިގުތިސާދުވެސް މިދަނީ ހަނާވަމުންނެވެ. މިހާރު ތިބި ވެރިން އިސްތިއުފާދީ ގާބިލް މީހުން ވެރިކަމަށް ހޮވަންވީ ވަގުތު ޖެހިއްޖެއެވެ.
ޕީއެސްއެމްގެ ސިޔާސީރައިވަރު
17 September 2020
މިވަރު ވާއިރު އެއްބަޔަކު އުޅެނީ ވެރިކަމުގެ ނިޒާމު ގަނޑުބަޑުކޮށްފައި ބޮޑުވަޒީރު ކަމަށް ނާދެވިގެން، އަނެއް ބަޔަކު އުޅެނީ ޔާމީނު ޖަލުން ނެރެގެން އަލުން ތިޖޫރިއަށް އަތްބޭނޭތޯ؟ ގައުމާ މެދު ވިސްނާ ބަޔަކު ނެތުމަކީ އިންތިހާއަށް ކަންބޮޑުވާންޖެހޭ ކަމެއް
އތރޔތ
17 September 2020
ފިސާރި ރިވެތިކޮށް މޫނުގަ ފުށްޖަހައިގެން ، މީޑިޔާއައް އަރާ ބުނާނެ ، .....އިންޑިޔާއިން ފިޔާލިބޭނެޔޭ! ނުބުނެ ސިއްރުކުރާ ވާހަކައަކީ.......އެލިބޭނީ "ރަނުގެ އަގުގައެވެ!." ސަހަރޯ ހީވެ! ....ރައްޔިތުންގެ ބޮލުގަ ތެތްގޯނި އަޅުވަން ވަރައް ފަސޭހަ ދޯ؟
ވައިސޫރި
17 September 2020
ފިޔާއަކީ އަގުކޮންޓުރޯލު ކޮއްފާވާ ބާވަތެއް ވިޔަފާރި ވެރިން ހަދާންނެތުނީތޯ ކޮންޓުރޯއަގު އަދިއުވާލި ހެނެއް ހިއެއްނުވޭ
ޜާއްޖެ
17 September 2020
ޢޮކިނޮމިކް ބޫމް އެބައާދޭ.
ޙުސަންބޭ
16 September 2020
ފޯނު ނަގާ އެއްތަނެއްވެސް ނެތެވެ. ގުޅީމަ ކޮންމެވެސް ހާސަރުގަނޑެއް ކިޔާފަ ބުނާނެ ހުރިހާ ލައިންތައް ބިޒީ، ތިޔަ ކޯލުހުރީ ކިޔޫގައެވެ. މަޑުކޮށްލައްވާށެވެ. އެ ވަރިހަމަ ކޮންމެ 3 މިނިޓަކުން އެއްފަހަރު ގުޅިއަސް ދެގޮތެއް ނުވާނެއެވެ. 1 ގަޑިއިރު ހޭދަކޮށްގެންވެސް ނުގުޅޭނެއެވެ. މިއީ ދިވެހިންގެ ޚިދުމަތުގެ ސްޕީޑެވެ. ކަހަނބު ސްޕީޑް.
ފޮޑި2
16 September 2020
ކޮން މެ ފަހަރަކު ވެސް ޖައްސާ ގޭ މެއް. 2013 ގަ އަޅުގަނޑު ފިޔާކިލޯޔެއް ގަތިން 70 ރުފިޔާ އަށް. އޭގެ ކުޑަދުވަސް ކޮޅެއް ފަހުން ޖީ އެ މް އާރު އެގްރި މެންޓުގަ ސޮއި ކުރީ. ކޮން މެވެސް ފައިދާ ހުރި ޑީލް އެއް ހަދާނެ ވަރަށް އަވަހަށް
ތުއްތުބޭ
15 September 2024
މިހާރު ޕީީއެސް 5 ޕްރޯ އެނައުންސް ކޮއްފި. އޭތި ނެރުނީމާ އޭތިން ގޭމު ޖައްސާށޭ!!!
ފަޚްރުވެރި ދިވެއްސެއް
16 September 2020
ޝުކުރިއްޔާ، އޯގާތެރި ސަރުކާރު
ޖު މުހޫރީ މައިދާނުން
16 September 2020
700 ރ އަށް ވިއްކާތަންތަން ބަންދުކުރޭ
ގޯސް
16 September 2020
ދެންވެސް ގައުމުގައި މިތަކެތި އުފައްދަން ވުސްނަބަލަ. ހެޔޮނުވާނެ ސަލާން ޖެހުމަކީ ހުތުރުކަމެކޭ. ނިކަމެތިކަމެކޭ.
ޙުސޭނާ
16 September 2020
ދިވެހިންގެ ޢާދަކާދަ. ޥަރަށް ފަހަކުން އުފަންވި ކަ މެއް. ޢައި ފޯން ގެންގުޅޭ އިރުވެސް ކެއު މަށާ އަހަރުދެކޮޅު ލަންކާ ބެންކޮކަށް ދާން ސަލާން ޖެހުން