ކޮރަޕްޝަނާ ދެކޮޅަށް ސޮއިކުރެއްވި އިގުރާރާ އެކު ސައީދު ފޮޓޯއަކަށް
21 ސެޕްޓެމްބަރ 2020 - 12:07
16 comments
ފެނަކައާ ގުޅުން ހުރި ގިނަ މައްސަލަތަކެއް އޭސީސީ އަށް ހުށަހަޅައި އޭނާގެ މައްޗަށް ތުހުމަތުތަކެއް ކޮށްފައި ވިޔަސް މަގާމުގައި ހުންނަވައި މިހާތަނަށް ހިންގެވި ވައްކަމެއް، ކޮރަޕްޝަނެއް އަދި ރިޝްވަތުގެ އަމަލެއް ވެސް ނޯންނާނެ ކަމަށް އެ ކުންފުނީގެ މެނޭޖިން ޑިރެކްޓަރު މުހައްމަދު ސައީދު ރޭ ވިދާޅުވެއްޖެ އެވެ.
ފެނަކައާ ގުޅޭ 28 މައްސަލައެއް މެނޭޖިން ޑިރެކްޓަރަށް ތުހުމަތުތަކަކާ އެކު އޭސީސީއަށް ހުށަހެޅީ އެ ކުންފުނީގެ މުވައްޒަފުންތަކެކެވެ. އޭގެ ތެރެއިން 22 މައްސަލައެއް ތަހުގީގު ކުރަން އެ ކޮމިޝަނުން އިއްޔެ ވަނީ ނިންމައިފަ އެވެ.
މި ތުހުމަތުތަކަށް ރާއްޖެ ޓީވީގައި ސައީދު ވިދާޅުވީ އެ ތުހުމަތުތަކުގައި ހަގީގަތެއް ނެތް ކަމަށެވެ. އެއީ ބަޔަކު ރާވައިގެން އޭނާއާ ދެކޮޅަށް ހިންގާ ކަމެއް ކަމުގެ ތުހުމަތު ކުރެއްވި އެވެ.
"އަޅުގަނޑު ޗެލެންޖު ކޮށްފައި މި ދަންނަވަނީ، ފެނަކަ އިން ވައްކަމެއް، ކޮރަޕްޝަނަށް މަގުފަހިވާ އަމަލެއް ނުހިންގާނެ، ނުވެސް ހިންގޭނެ،" ސައީދު ވިދާޅުވި އެވެ.
އޭނާ ވިދާޅުވި ގޮތުގައި ކުންފުނި އެ ގޮތުގައި ހިންގާތީ ހަސަދަވެރިވާ ބަޔަކު އޭސީސީ އަށް މައްސަލަތަކެއް ހުށަހެޅުމަކީ ލިބިވަޑައިގަތް އުފަލެކެވެ. އެ މައްސަލަތައް ވީހާވެސް މިނިވަންކަމާއި މުސްތަގިއްލުކަމާ އެކު ބަލަން އޭނާ ގޮވައިލެއްވި އެވެ.
ފެނަކައިގެ ތެރެއިން ކޮރަޕްޝަނެއް އަދި ރިޝްވަތުގެ އަމަލެއް ހިންގާ ކަމަށް ކިރިޔާވެސް ޝައްކެއްވާ ނަމަ، ހުށަހަޅަން ޖެހޭ އިދާރާތަކަށް ހުށަހަޅަން ސައީދު އެދިވަޑައިގަތެވެ.
ކުރީގެ ސަރުކާރުތަކުގައި ފެނަކައާ ގުޅޭ ގޮތުން އޭސީސީން ތަހުގީގުކުރަން ފެށި މައްސަލަތަކުގައި މައުލޫމާތު ނުލިބި އުނދަގޫވުމުން، ފެނަކައިގެ ތެރޭގައި ކޮމިޝަންގެ މުވައްޒަފުންނަށް ތިބެވޭނެ ގޮތަށް ޑެސްކާއި ގޮނޑި ވެސް ބަހައްޓައި ދީގެން ވެސް މައްސަލަ ބެލޭނެ ގޮތް ހައްދަވައި ދެއްވި ކަމަށް ވިދާޅުވި އެވެ.
"އިރާދަކުރެއްވިއްޔާ އަޅުގަނޑެއް، މައުލޫމާތު ނުދޭން ވެގެން މޭޒުތަންދޮށަކަށް ފާހާނާއަކަށް ނުވަންނާނަން. މިތާ ހުންނަ ހުރިހާ ޑޮކިއުމެންޓެއް މިނިވަންކަމާ އެކު އޭސީސީ އަށް ބެލޭނެ، އެހެން ފަރާތްތަކަށް ވެސް ބެލޭނެ،" ސައީދު ވިދާޅުވި އެވެ.
"ތަކުރާރުކޮށް މި ދަންނަވަނީ، އަޅުގަނޑެއް ނޯންނާނެ މިތަނަކުން އެފަދަ އަމަލެއް ހިންގާފައި. އަޅުގަނޑު ދަންނަ ކަމެއް ނޫން، ވައްކަމެއް، ރިޝްވަތުގެ ފައިސާ މުދަލުގައި ހިފުމަކީ. އެ ދަންނަ ބަޔަކަށް އެކަން ނުކުރެވުނީމާ ހަސަދައިގެ ގޮތުން އެކަން ކުރުން އެއީ އަޅުގަނޑު ނުދެކެން އެއީ މައްސަލައެއް ކަަމަށް."
އެ ބަޔަކު ހަސަދަވެރިވީ އޭނާ ވިދާޅުވި ގޮތުގައި، ފެނަކަ މެދުވެރިކޮށް މިހާރު ކޮރަޕްޝަނަށް ޖާގަ ނެތުމުންނެވެ.
ފެނަކައިގެ މުވައްޒަފުން އޭސީސީ އަށް ހުށަހަޅާފައި ވަނީ މިދިޔަ އަހަރާއި މި އަހަރުގެ ތެރޭގައި އެ ކުންފުނި މެދުވެރިކޮށް ކޮރަޕްޝަނަށް މަގުފަހިވާގޮތަށް ހިންގާފައިވާ މައްސަލަތަކެވެ. ވަކިވަކިން މައްސަލަތަކާއި އޭގައި ކޮރަޕްޝަން ކަމަށް ތުހުމަތުކުރާ ސަބަބުގެ ހެކީގެ ގޮތުގައި ބިލްތަކާއި މަސައްކަތް ހަވާލުކުރި ކުންފުނިތަކުގެ ތަފްސީލް އެނގޭ ގޮތަށް އޭސީސީ އަށް ހުށަހެޅި 192 ސޮފްހާގެ ރިޕޯޓުގައި ހިމަނާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިއްދޫމީހާ
21 September 2020
މާކަނާއަކާ މަސް ފެންގަނޑެ ބަލަހައްޓަން ހަވާލް ކުރީމާ ނުލާހިކު އިހްލާސްތެރި ކަމާއެކު ބަލަހައްޓާ އުސޫލުން މިހާރު ދައުލަތުގެ މަގާމްތަކާ ހަވާލްވާ މީހުންގެ އަމަލްތައްވެސް ހުންނަނީ..
ބޮޑު މުހައްމަދު
21 September 2020
ކުޑަހުރާ ހެދިއިރު އެ ހިނގިކަމެއް ހިނަގައިގެން ބުރުވާލީމާ ހުވަދޫ ވާދޫއަށް ގޮސް ތިމަންނާ ވަޒީފާއިން ކަނޑާލީ ވަހިއްދީން ރިސޯޓަށް ވަޑައިގެންނެވިއިރު ރިސީވްކުރަން ނުގޮސްގެންނޭ ބުނެ ވާދޫގަ ރައްޔިތުން ކައިރި ޖެއްސި ކަހަލަ ސްޓޯރީއެއް 21ވަނަ ގަރުނުގަ ނުޖެއްސޭނެ.
ބޮޑު މުހައްމަދު
21 September 2020
ގދ. ވާދޫގެ އެކި މުއައްސަސާތަކުގެ މަގާމުތަކަށް ލާފަ ތިބި މީނަގެ އައުވާނުން (ރައްބިއެއް ރަސޫލެއް ނުދަންނަ) ކިތައެމެ ވަރަކަށް މީނަ ދިފާއުކޮށްފަ މިތަނުގަ ކޮމެންޓްކުރިޔަސް މީނަގެ ހަގީގަތް މާލެ އަތޮޅު ހުރާ ރައްޔިތުންނާ ކުޑަ ހުރާ ހެދިއިރު އެތަނުގަ އުޅުނު އެއްމެނަށް އެނގޭނެ.
ރިސްބާ
21 September 2020
ސައިދު ފައިސާގައި ހިފުމުންތޯ ވައްކަމަށްވަނީ... މެންބަރުންނާއި ޕާޓީގެ ބާރުގަދަ މީހުން އަނގާގޮތައް ކަންކުރުމަކީވެސް ކޮރަޕްޝަން...ގައިވައިދާ އިމުން ބޭރުން ބޭނުންބަޔަކަށް މަސައްކަތްދިނުން ބާރުގަދަ މީހުން އަންގާތަނަކުން މުދާ ނެގުން މީވެސް ގޯސް..ޝަރުތުހަމަވާ މީހުން ކުރިމަތިލާ ވަޒީފާތަކަށް ޕާޓީން އަންގާގޮތައް ވަޒީފާދިނުން.. މީ ކޮރަޕްޝަނަށް ނުވާނަމަ މިގައުމުގައި ކޮރަޕްޝަން ނުހިނގާ ކަމަށްވާނީ..
މަރޭމިރުތާ
21 September 2020
ދުނިޔޭގެ ތާރީޚްގައި ވައްކަން ކޮށްފަ ތިކަން އޮންނާނީ ކޮށްފައޭ ބުނިބާ އެކުވެސް!
ސިމްޕަލް
21 September 2020
ދައުލަތުގެ ވަޒީފާތަކުގައި ނުއުޅޭނެ ވައްކަންކުރާމީހުންނާ، ރިޝްވަތުނަގާމީހުންނާ، ރައްޔިތުންގެ ފައިސާއަށް ޚިޔާނާތްތެރިވާބަޔަކު. އެފަދަ ތުހުމަތުތައް ބަޔަކުކުރާނީ ހަސަދަވެރިވެގެން އަބުރުކަތިލާން. ތުހުމަތުކުރަންފެށި ވަޒީފާއިން ވަކިކޮށްފާނެހެން ހީވީމާ ރާއްޖެދޫކޮށް މެލޭޝިއާކަހަލަ ގައުމަކަށް ދިރިއުޅެން ދިޔައިމާ ނިމުނީ. އަބުރާ އަންނާނީ 5ވަރަކަށް އަހަރުފަހުން. އޮފީހުގެ ކޮފީފުޅިން 2ސަމުސާ ކޮފީ ގެއަށްގެންދިޔަ މަސައްކަތުމީހާއަށް ކުށްސާބިތުވެ އަދަބުދިން.
ހާންބެ
21 September 2020
ސައީދު އަކީ ވަރަށް ގާބިލު އެމްޑީއެއް. އެކަމާއި ބަޔަކު ހަސަދަވެރި ވެގެން އުޅޭހެން ހީވަނި. ވަގުންނަށް ހީވާނި ދެން ތިބޭނީ ވެެސް ހުސް ވަގުންނޭ
އާރީ
21 September 2020
މަންސަލަ ހުށައެޅި މުއަށްޒަފުންނަށް މިހާރު ކަޓްބައި ނުނެގޭތީ ސައީދު ދެކެ ރުޅިއައިސް ގެން ތި އުޅެނި. ސައީދު ވަނީ ވަންކަން ކުރެވެން އޮތް ހުރިހާ މަގެއް ބަންދު ކޮށްފަ
އަހުމަދުބޭ
21 September 2020
މިއަދު މިފެންނަ މަންޒަރަކީ ސަރުކާގައި ތިބިއެންމެން އަދި ކީއްކުރަން ސިވިލްސާރވިސްގައި އިސްކޮންތިބި އެންމެން މިއުޅެނީ ވައްކަންކޮއްގެން ނާޖާއިޒް ގޮތުގައި ފައިސާހޯދަންކަން، ކުންފުނިތަކާ ސަރުކާރުން ކަމެއް ކުރެވޭ ވަރެއްނޫން މިފެންނަ މަންޒަރުތަކުން އެންމެން ކަމެއް ކުރުމުގެ ބަދަލްގައި ވަގުހިފަން އަދި އެކަކު ވައްޓައިލައިފާ އަނެކަކު ކުރިއަރާ ދާން މަސައްކަތް ކުރާތަން މިފެންނަނީ
ނެގުނުކަތީބު
21 September 2020
ދިރިއުޅުމަށް