ޚަބަރު / އިމްރާން އަބްދުﷲ، ހޯމް މިނިސްޓަރު

މަސްތުވާތަކެތި ސަޕްލައިކުރާ މީހުން އަތުލައިގަނެވެނީ ސިޔާސީ ހިމާޔަތް ނުދޭތީ: އިމްރާން

އިސްކަންދަރުކޮށީގައި މީގެ ކުރިން ބޭއްވި ރަސްމިއްޔާތެއްގައި ޕޮލިސް ކޮމިޝަނަރު މުހައްމަދު ހަމީދާއި ހޯމް މިނިސްޓަރު އިމްރާން އަބްދުﷲ ބައިވެރިވެވަޑައިގަންނަވަނީ--. ފޮޓޯ: ނިޝާން އަލީ/މިހާރު

އާސިމާ ނިޒާރު، މިހާރު

04 އޮކްޓޯބަރ 2020 - 12:52

31 comments

މަސްތުވާތަކެތި ސަޕްލައިކުރުން މަދުކުރުމުގެ މަސައްކަތް ކާމިޔާބުކުރެވެނީ އެ ތަކެތީގެ ވިޔަފާރިކުރާ މީހުންނަށް މި ސަރުކާރުން ސިޔާސީ ހިމާޔަތްނުދޭތީ ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.

އޭނާ އެހެން ވިދާޅުވިއިރު، ދިވެހި ފުލުހުންގެ އިންޓެލިޖެންސަށް ލިބުނު މައުލޫމާތުގެ އަލީގައި އައްޑޫގައި އިއްޔެ ހިންގި އޮޕަރޭޝަނުގައި ގިނަ އަދަދެއްގެ މަސްތުވާތަކެތި ހޯދާފައި ވެ އެވެ. އެ މައްސަލައާ ގުޅިގެން އައްޑޫގެ ބޮޑު ޑްރަގް ޑީލަރެއް ކަމަށްވާ ތުހުމަތުކުރާ އިބްރާހިމް ރަޝީދު (އަބުޗާ) ހައްޔަރުކޮށްފައި ވެ އެވެ. އޭނައާއެކު ގައުމީ ޓީމުގެ ކުރީގެ ފުޓްބޯޅަކުޅުންތެރިޔާ، ޝަމްވީލް ގާސިމް (ބޮންޑާ) ވެސް ހައްޔަރުކުރި އެވެ. އެކަމަކު މި މައްސަލާގައި ބޮންޑާ ހައްޔަރުކުރީ އަތުލައިގަތް މަސްތުވާތަކެއްޗާ ސީދާ ގުޅުން އޮވެގެން ކަމެއް އަދި ޔަގީނެއް ނޫނެވެ.

އެ އޮޕަރޭޝަނާ ގުޅިގެން މިނިސްޓަރު އިމްރާން ކުރެއްވި ޓްވީޓެއްގައި ވިދާޅުވީ މަސްތުވާތަކެތީގެ ސަޕްލައި މަދުކުރުން ކާމިޔާބުކުރެވޭނީ ސިޔާސީ ހިމާޔަތްނުދޭތީ ކަމަށެވެ. އެއާއެކު 88 ކިލޯގެ މަސްތުވާތަކެތި އަތުލައިގަތީ ފުލުހުންގެ އެކި ފަންނުގެ، ހާއްސަކޮށް ޑްރަޑް އެންފޯސްމަންޓް ޑިޕާޓްމަންޓުގެ ހުނަރާއި ގާބިލްކަން ބޭނުންކޮށްގެން ކަމަށް ވިދާޅުވި އެވެ.

Masthuvaa thaketheege supply madhukurumuge masahkayi kaamiyaabu kurevenee masthuvaa thaketheege viyafaarikuraa meehunnah misarukaarun siyaasee himaayayi nudheythee. 88kg masthuvaathakethi athulaagathee fuluhunge eki fannuthakuge khaassakoh DED ge hunaraa qaabilukan beynun kohgen.
— Imran Abdulla (@ShimranAb) October 4, 2020

"މަސްތުވާތަކެތީގެ ސަޕްލައި މަދުކުރުމުގެ މަސައްކަތް ކާމިޔާބުކުރެވެނީ މަސްތުވާތަކެތީގެ ވިޔަފާރިކުރާ މީހުންނަށް މި ސަރުކާރުން ސިޔާސީ ހިމާޔަތް ނުދޭތީ،" އިމްރާންގެ ޓްވީޓުގައި ވިދާޅުވި އެވެ.

މި އޮޕަރޭޝަންގައި ފުލުހުން، މަސްތުވާތަކެތި އުފުލި ޑިންޑީއެއް ހުއްޓުވަން އުޅުމުން އޭގައި ތިބި މީހުން ވަނީ މަސްތުވާތަކެތި ހުރި ގޯނިތައް ކަނޑަށް އުކާލައިފަ އެވެ. ނަމަވެސް ފުލުހުން އެ ތަކެތި ވަނީ ނަގައިފަ އެވެ.

ޑްރަގްގެ ބޮޑު އޮޕަރޭޝަނާ ބެހޭ އިތުރު ތަފްސީލްތައް ފުލުހުން އަދި ހާމައެއް ނުކުރެ އެވެ.

އެނގިފައިވާ ގޮތުގައި، މި ކޭސްއާ ގުޅިގެން ހުޅުމާލޭގައި ވެސް ފުލުހުން އަންނަނީ އޮޕަރޭޝަނެއް ހިންގައި ބައެއް ތަންތަން ފާސްކުރަމުންނެވެ.

ފުލުހުން ހޯމްލޭންޑް ސެކިއުރިޓީ މިނިސްޓްރީ މަސްތުވާތަކެތި އިމްރާން އަބްދުﷲ، ހޯމް މިނިސްޓަރު މުހައްމަދު ހަމީދު (ޕޮލިސް ކޮމިޝަނަރު)

31 ކޮމެންޓް, 48 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

120687

28 December 2021

ސަޕްލައި މަދުވާ ކަމަށް ބުނާ އިރު، މިހާރު މަސްތުވާ ތަކެތި ފެންނަނީ ކިލޯކިލޯއިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެގުނުކަތީބު

05 October 2020

ފަހު ޒަމާނަށް އައިސް ސިޔާސީ ސޭކުން ގިނަވެ ދުނިޔެއަށްޓަކައި ޙައްގުބަސް ވިއްކާ ރޯމާ ދުވާލު ތެދު ދޮގަށް ދޮގު ތެދަށް ހަދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

05 October 2020

ދީނަށް ފުރައްސާރަ ކުރާ މީހުން ގިނަވަނީ ސިޔާސީ ޙިމާޔަތްދޭތީ ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަސީ

05 October 2020

އަސްލު މިބުނަން އުޅެނީ ކީކޭބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

05 October 2020

އިމްރާނަށް ކަމެއްނޭނގޭތީތޯ ތިގޮތަށް ތިމަގާމުގާހުރެ ވާހަކަ ދައްކަނީ؟ އައްޑޫން މިފަހަރު 96 ކިލޯގެ މަސްތުވާތަކެތީގެ މައްސަލާގައި ހައްޔަރުކުރީ ބޮޑުމީހާ އަބުޗޭ މަސްތުވާތަކެތި ތްރެފިކްކޮށްގެން ހައްޔަރުކުރީ މިދިޔައަހަރު މިވެރިކަމުގާ. އޭނާގެ މައްޗަށް ޝަރީއަތްނުކޮށް ދޫކުރީ ވެސް މިވެރިކަމުގާ މިދިޔައަހަރު. މިވަރަށް އަތަށްގޮވީމާވެސް އިމްރާން ލަދެއްނުގަނޭދޯތިވާހަކަ ތިގޮތަށް ދައްކަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަގުޑި

05 October 2020

ޕާޓީކުރާ ތަންތަނުުގެ ވީޑިޔޯ ތަކުން ފެންނަ މީހުންނާއި ލާދީނީ ރިޕޯރޓްނެރޭ ތަންތަނުގެ އިސްމީހުން, ކުޑަކުދިންނާއެކު ބަދުއަޚްލާގީ އަމަލު ހިންގާ މީހުން އަދި ޖިންސީގޯނާކުރާ މީހުންނަށްވެސް ސިޔާސީ ހިމާޔަތްނުދެއްވާނަމޭ ވިދާޅުވެ އިތުރުކޮށްލެއްވިނަމަ މަނިކުފާނުގެ ހައިބަތު ފެނިގެން ދިޔައީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދު

05 October 2020

ބުނަން އޮތް ބަސް ބޮޑުކަމުން ނުލިޔެ ދޫކޮށްލީމި. ނުބައި ކަމެއް އެބަހުރިދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިރުތާ

05 October 2020

90 ކިލޯ ގެނެންވި ބޭފުޅާ ވެރިކަން ކުރާ ޕާޓީގެ އެންމެ އިސް ސަފުގައި އުޅޭ ޕާޓީގެ ބޭފުޅުންނާ އެކީ ނަގާފަ ހުރި ފޮޓޯތަށް އެހެރީ ސޯސަލް މީޑިޔާގައި ފެންނަން. އެންމެ ފަހުން އޭނާ ދޫކޮށްލީ ކިތައް ކިލޯގެ މައްސަލައެއްގައިތޯ؟ ކޮން ވެރިކަމެއްގައިތޯ؟ ކޮން ވެރިކަމެއްގައިތޯ ސިޔާސީ ބޭފުޅުންނާ ޑްރަގް ޑީލަރުންނާ ގުޅުން ނެތީ؟