ޚަބަރު / ޓްރެފިކް

ޓްރެކް ދަނޑު ސަރަހައްދުގެ މަގެއް ދެކޮޅަށް ދުއްވޭ ގޮތަށް ހަމަޖައްސައިފި

މާފަތްތަކުރުފާނު މަގު ހިމެނޭ ސަރަހައްދު: އަމީނީމަގުން އަދި ބޮޑުތަކުރުފާނު މަގުން ވެސް މިހާރު އެ މަގަށް ވަދެވޭނެ.

އާސިމާ ނިޒާރު، މިހާރު

30 އޮކްޓޯބަރ 2016 - 16:12

5 comments

ޓްރެކް ދަނޑު ސަރަހައްދުގައި އޮންނަ މާފަތްތަކުރުފާނު މަގުން ދެކޮޅަށް ދުއްވޭ ގޮތަށް ހަމަޖައްސައިފި އެވެ.

ޓްރާންސްޕޯޓް އޮތޯރިޓީގެ ޗެއާމަން އަބްދުއް ރަޝީދު ނާފިޒު މިއަދު ވިދާޅުވީ މާދަމާ އިން ފެށިގެން، އަމީނީމަގު އަދި ބޮޑުތަކުރުފާނު މަގުން ވެސް މާފަތްތަކުރުފާނު މަގަށް ދުއްވާ އެއްޗެއްސަށް ވަދެވޭނެ ކަމަށެވެ. އޭނާ ވިދާޅުވީ އެ ގޮތަށް ހެދީ، އެ ސަރަަހައްދުގެ އެކި މަގުތައް ބަންދުކުރުމުގެ ސަބަބުން އާއްމުންނަށް ދަތިތަކާ ކުރިމަތިވާތީ ކަމަށެވެ.

ނާފިޒު ވިދާޅުވީ މާފަތްތަކުރުފާނު މަގުގައި ބޮޑެތި ވެހިކަލްތައް ޕާކު ނުކުރާ ނަމަ ދެކޮޅަށް ދުއްވަން އުނދަގުލެއް ނުވާނެ އެވެ. އަދި އެއީ ދެކޮޅަށް ދުއްވޭ މަގެއްގެ ގޮތުގައި އާއްމުންނަށް އެނގޭނެހެން، ހައުސިން މިނިސްޓްރީން ނިޝާންތައް ޖަހާނެ ކަމަށް އޭނާ ވިދާޅުވި އެވެ.

"ކޮންމެވެސް ވަރަކަށް ހައްލެއް ލިބިގެންދާނެ މާފަތްތަކުރުފާނު މަގުން ދެކޮޅަށް ދުއްވޭގޮތަށް ހެދުމުން،" ނާފިޒު ވިދާޅުވި އެވެ.

ދުއްވާ އެއްޗެއްސަށް މާފަތްތަކުރުފާނު މަގަށް މިހާރު ވަދެވެނީ ހަމައެކަނި ބޮޑުތަކުުރުފާނު މަގުންނެވެ.

ފިނޭންސް މިނިސްޓްރީގެ 25 ބުރީގެ އިމާރާތެއް އެޅުމަށާއި އެމްޑަބްލިއުއެސްސީގެ ބޭނުމަށް އަމީނީމަގު އެ ސަރަހައްދުގެ ގިނަ މަގުތަކެއް ވަނީ ބަންދުކޮށްފަ އެވެ. އަދި އިންޑަސްޓްރިއަލް ވިލެޖު ތަރައްގީ ކުރުމަށް މެރީ ބްރައުން ރެސްޓޯރަންޓުން ފެށިގެން ދެކުނަށް އެ ސަރަހައްދު އެއްކޮށް ވަނީ ބަންދުކޮށްފަ އެވެ.

ދަތުރުފަތުރު ޓްރާންސްޕޯޓް އޮތޯރިޓީ އަމީނީމަގު ބޮޑުތަކުރުފާނުމަގު ޓްރެފިކް ޓްރެފިކް ގަވާއިދު

5 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ

31 October 2016

ނޫނޭ، މުޒާހަރާކުރީމަ އެކަނި އުދަގޫވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްވަ

31 October 2016

ބޮޑުތަކުރުފާނު މަގު ބަންދު ކޮށްގެން އުޅޭތާ އަހަރެއްހާ ދުވަސްވަނީ މުއިއްޒަށް ނުވާތީ އެހެން ބަޔަކާ ހަވާލު ކުރަންވެއްޖެއެއްނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

30 October 2016

އެއްވެސް ރޭވުން ތެރިކަމެއް ނުހުންނާނެ. މަގުތައް ބަންދުކުރާއިރު ނޭނގެ ވާއެއްނުވާއެއް. މިހާރު މަޖީދީމަގުވެސް ބަންދު. ބިންމާސްޓޯރު މަގަކީ މުޅިން ޓްރެފިކްޖެހިފައޮންނަތަނެއް. ހިނގާނެ ޕޭމަންޓެއް ނޯވޭ، އާދައިގެ މީހަކަށް އެމަގުނުހިނގޭ. މަޖީދީމަގު އިރުކޮޅުން ޖޭމްވެފަ. ހުރިހާ ކަމެއް އިންތިޒާމްވެފަ ހުރީ އޮފީހު އިނދެފަ އިރުކޮޅާ ދަރިފުޅު ބަލާޖާންޖެހޭގޮތަށް.