މިނިސްޓަރު ފައްޔާޒު (ކ) އަދި ރާއްޖޭގައި ހުންނަވާ ޗައިނާގެ ސަފީރު ޖަންގް ލިޖޮންގް: އެފްޓީއޭ އަކީ ފެންވަރު ރަނގަޅު އެއްބަސްވުމެއް ކަމަށް ސަފީރު ވިދާޅުވި.
13 އޮކްޓޯބަރ 2020 - 14:38
37 comments
ރާއްޖެ އާއި ޗައިނާއާ ދެމެދު ހަދާފައިވާ ލޯނުގެ އެއްބަސްވުމާ ގުޅިގެން އިކޮނޮމިކް މިނިސްޓަރު ފައްޔާޒު އިސްމާއިލް ދެއްކެވި ވާހަކަތަކަށް ރާއްޖޭގައި ހުންނަވާ ޗައިނާގެ ސަފީރު ޖަންގް ލިޖޮންގް މިއަދު ރައްދު ދެއްވައިފި އެވެ.
ދިވެހިރާއްޖޭގެ އަޑުން ގެނެސްދިން ޕްރޮގްރާމެއްގައި މިނިސްޓަރު ފައްޔާޒު ވަނީ ރައީސް އަބްދުﷲ ޔާމީންގެ ސަރުކާރުގައި ޗައިނާއާ އެކު ގާއިމުކުރި މިނިވަން ވިޔަފާރީގެ އެއްބަސްވުމުގެ ސަބަބުން ރާއްޖެ އާއި އެހެން ގައުމުތަކާ ދެމެދު އޮންނަ ގުޅުމަށް ބުރޫއަރާ ކަމަށް ވިދާޅުވެފަ އެވެ. އެއީ ސޮއިކުރަން ހެޔޮވާވަރު އެއްބަސްވުމެއް ނޫން ކަމަށް ވެސް އޭނާ ވިދާޅުވެފައި ވެ އެވެ.
ފައްޔާޒު ވަނި އެ އެއްބަސްވުމުގައި ރާއްޖޭގެ އިގްތިސޯދަށް ގެއްލުންވާނެ އެތައް ކަމެއް އެބަހުރި ކަމަށް ވިދާޅުވެފަ އެވެ.
މި ވާހަކަތަކަށް ރައްދުދެއްވައި، ޗައިނާގެ ސަފީރު ޖަންގް ލިޖޮންގް ވިދާޅުވީ، އެއީ ދެ ގައުމަށް ވެސް ފައިދާވާ ގޮތަށް ހަދާފައިވާ "ފެންވަރު ރަނގަޅު" އެއްބަސްވުމެއް ކަމަށެވެ.
FTA 🇲🇻🇨🇳 is of mutual benefit and high-quality. It conforms to international practice and will lift the economic and trade ties to new level.
— Amb. Zhang Lizhong (@AmbassadorZhang) October 13, 2020
China signed 18 FTAs with 22 partners, and no FTA has ever disrupted any country's trade ties with its trading partners.
ޗައިނާގެ ސަފީރުގެ ޓުވީޓު
އެ އެއްބަސްވުމުގެ ސަބަބުން ރާއްޖެ އާއި އެހެން ގައުމުތަކާ އޮންނަ ގުޅުމަށް ބުރޫއަރާފާނެ ކަމަށް ފައްޔާޒު ވިދާޅުވި ވިދާޅުވުމަށް އިޝާރާތް ކުރައްވައި ސަފީރު ވިދާޅުވީ މިހާތަނަށް 22 ގައުމަކާ އެކު ޗައިނާ އިން މިފަދަ 18 އެއްބަސްވުން ހަދާފައިވާ ކަމަށެވެ. އެއިން އެއްވެސް ގައުމަކާއި އެހެން ގައުމަކާ އޮންނަ ގުޅުމަކަށް އެ އެއްބަސްވުމުގެ ސަބަބުން ބުރޫއަރާފައި ނެތް ކަމަށް އޭނާ ވިދާޅުވި އެވެ.
ސަފީރު ވިދާޅުވީ، ރާއްޖެ އާއި ޗައިނާ އިން ގާއިމުކުރި އެއްބަސްވުމަކީ ބައިނަލްއަގުވާމީ މިންގަނޑުތަކާ އެއްގޮތަށް ހަދާފައިވާ އެއްބަސްވުމެއް ކަމަށާއި އޭގެ ސަބަބުން ދެގައުމުގެ އިގުތިސޯދު އެހެން ހަރުފަތަކަށް އުފުލޭނެ ކަމަށެވެ.
ޔާމީންގެ ސަރުކާރުން ޗައިނާއާ އެކު ހަދާފައިވާ އެއްބަސްވުމަށް ރައީސް އިބްރާހިމް މުހައްމަދު ސޯލިހުގެ ސަރުކާރުން އަންނަނީ ފެށުނީއްސުރެ ފާޑު ކިޔަމުންނެވެ. އެގޮތުން، ޗައިނާގެ އެއްބަސްވުމުގެ ސަބަބުން ގައުމު އަޅުވެތިވާނެ ކަމަށް ބުނެ މަޖިލީހުގެ ރައީސް މުހައްމަދު ނަޝީދު ވެސް އެކި ފަހަރު މަތިން ފާޑުވިދާޅުވެފައި ވެ އެވެ. ފިނޭންސް މިނިސްޓަރު އިބްރާހިމް އަމީރު ވެސް ވަނީ ޗައިނާގެ އެއްބަސްވުމަކީ ވުޖޫދުގައި ނެތް އެއްޗެއް ކަމަށް ވިދާޅުވެފަ އެވެ.
ޔާމީންގެ ސަރުކާރުގެ އިކޮނޮމިކް މިނިސްޓަރު އަދި އިދިކޮޅު ޕީއެންސީގެ ނައިބު ރައީސް މުހައްމަދު ސައީދު ވިދާޅުވެފައި ވަނީ ޗައިނާގެ އެއްބަސްވުމުން ރާއްޖެ އަށް ފައިދާ ހޯދެން އޮއްވައި މި ސަރުކާރުން އެއާ ގުޅުވައިގެން ދައްކަނީ އޮއްޓަރެއް ނެތް ވާހަކަތަކެއް ކަމަށެވެ.
"އެފްޓީއޭގެ ސަބަބުން ރާއްޖެ އަކީ ސީފުޑް އަދި އަގުބޮޑު މުދަލުގެ ރީއެކްސްޕޯޓް ހަބަކަށް ހެދޭނެ،" ރާއްޖެ އާއި ޗައިނާ އިން ހަދާފައިވާ ފްރީ ޓްރޭޑް އެގްރީމަންޓު (އެފްޓީއޭ) ގެ ދިފާއުގައި ސައީދު ވިދާޅުވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝރީފް ޓީސީއެޗް
14 October 2020
ސިޔާސީ ކަންކަމަށް ތަސައްރަފުނުފުދޭ ބަޔަކު އިދާރާތަކާއި ހަވާލުވީމަ މިކަހަލަ ކޮސްވާހަކަ ދައްކާނެ އެމްޑީ ޕީ ކުދިން ދެންވެސް ވިސްނަވާ ވޯޓް ދޭއިރު މިދެވެނީ ހަމަޖެހެ ބަޔަކަށް ތޯ ވޯޓް.
ދެރަ
14 October 2020
ސަފީރުން ތެރޭގައި ޗައިނާ ސަފީރު ހާ އެކްޓިވް މީހެއް ނެތް، ދިވެހި ރައްޔިތުންވާވަންނަ ކަހަލަ ކޮންމެ ބަހަކަށް ރައްދު ދީ ދެޤައުމުގެ ގުޅުން ހީނަރު ވިޔަ ނުދީ ބަލަހައްޓާ، ބަންގްލަދޭޝް ސަފީރަށް އަމިއްލަ ރައްޔިތުންގެ ޚަބަރުވެސް ބަލާނުލެވޭ
ޝައްޕީ
14 October 2020
މުޅި ޤައުމު ހަލާކު ކޮށްލައިފި މީނާޔާއި ނަޝީދުވެގެން. ދެމީހުންނަށް ވެސް ބޮޑުނޯ ޖަހަން މިޖެހެނީ. ނަޝީދުގެ ލޯބި ހޯދަން މީނާ ޗައިނާއާއިވެސް ޖައްސާލަނީ ބޮލުގައި އެއްޗެއް ނެތީމާ. ލޯޔަރަކަށް ވުމަކީ ވިޔަފާރީގއި ތަނެއް ދޮރެއް އެނގެންޖެހޭ ކަމެއްނޫން. އިބޫ ކުރި އެންމެ ގަޅިކަމަކީ ލޯޔަރަކު އިގްތިސާދު ހަވާލުކުުރުން ކިރުބޯ ޅަކުއްޖެއް މީނާގެ ދަށުން ފިނޭންސް ހަވާލު ކޮށްފައި
އަލިކާ
14 October 2020
އިންޑިޔަން ބޯއީސް. އިންޑިޔާ ބޭނުންވީމަ ބޭނުން ގޮތެއް އަހަރުމެންނަށް ހަދާނީ. މިހާރު އެމްޑީޕީ ގޮޑިޔަށް ލައިގެން އުޅުނަސް މާދަމާ ބަނަ. ވާނޭ ގޮތެއް ނޭންގެ. ހަދާން ކޮށްލާ ބަޤާވާތާގުޅުވައިގެން އެމްޑީޕީ ބުނެގެން އިންޑިޔާ ވިސާއަށް ހަދާލިގޮތް . ކިޔު މަތިން ހަދާން ބަހައްޓަވާ. ދިވެހިންނަށް ޖެއްސި އުދަނގޫ. އިންޑިޔާ ރަގަޅެއް ނުވާނެ ދުވަހަކުވެސް. މިފަސްއަހަރު ނިމެނީ ކުރުވެނު ކަމަކީ އިންޑިޔާ. އިންޑިޔާ އިންޑިޔާ
ކަނބިލި
14 October 2020
ރާއްޖޭގެ ޚާރިޖީ ގުޅުންތަކުގައިވެސް ގޮތް ނިން މަނީ އެހެން ގައު މަކުން ކަން ފައްޔާޒުގެ ވާހަކައިން އެނގެނީ.
އަބްދު
14 October 2020
ފައްޔާޒަކީ ގައުމު ވިއްކާލާފަދަ މީހެއް. އިތުބާރެއްނެތް.
ނާސިރު ބޭނުމީ މިނިވަންކަން.
14 October 2020
ރައްޖެ ފަހުގެ ތާރީހެއްގަ ޤައުމު ބަދަލުކޮއްލީ ޗައިނާޔާ ގުޅުން ބަދަހި ކޮއްގެން ދިވެހިން މިތިބީ ޗައިނާޔާ އެކު.
އެމްޑީޕީމީހާ
14 October 2020
މިހާރި ކަރުބުޑުން ލަނީ އަޅުވެތިކަމުގެ ރަހަ. އިންޑިޔާ އައުޓް
ތެދުވެރިޔާ
14 October 2020
ޗައިނާ ސަފީރު ހާސްނުވޭ ދެންއަންނަ ރިޔާސީ އިންތިހާބެއްގަ ރާއްޖޭގެ ވެރިކަމައް އަރާނީ ރާއްޖެދެކެ ލޯބިވާ ބައެއް. ޗައިނަޔާ ގުޅިގެން ރާއްޖެ ތަރައްގީ އެކުއެކީ ގެންދާނެ ވެރިޔަކު ދެން ވެރިކަމައް އަރާނީ. އިންޝާﷲ
ވަތަން އިސްކުރަންޖެހޭ
14 October 2020
ރާއްޖެ ސަލާމަައް ވާނީ 15 އަހަރުފަހުން ދެން. އިންޑިޔާ އަޑީގަ އޮވެ ރައްޖެ ފުނޑާލަނީ