ބ. ފެހެންދޫ ބަނދަރުގެ މަސައްކަތް ކުރިއަށްދަނީ-- ފޮޓޯ: އެމްޓީސީސީ
15 އޮކްޓޯބަރ 2020 - 13:06
3 comments
ބ. ފެހެންދޫ ބަނދަރު ތަރައްގީ ކުރުމުގެ މަޝްރޫއުގެ 50 ޕަސެންޓް މަސައްކަތް ނިމިއްޖެ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފި އެވެ.
އެ ކުންފުނިން ބުނިގޮތުގައިި މިހާރު ކުރިއަށްދަނީ ބަނދަރުގެ ބޭރު ތޮށި ލުމަށް ބޭނުންވާ ކޮންކްރީޓް ގާ އެތެރެ ކުރުމުގެ މަސައްކަތެވެ. މި މަސައްކަތުގެ 31 ޕަސެންޓް ވާނީ މިހާރު ނިމިފަ އެވެ.
މި މަޝްރޫއުގެ ދަށުން 25،000 ކިއުުބިކް މީޓަރުގެ ސަރަހައްދުގެ ނެރާއި 18،500 ކިއުބިކް މީޓަރުގެ ސަރަހައްދުގެ ފަޅު ފުންކުރާނެ އެވެ. އަދި 214 މީޓަރުގެ ސަރަހައްދެއްގެ އެއްގަމު ތޮށި ލުމާއި 130 މީޓަރުގެ ސަރަހައްދެއްގެ ބޭރު ތޮށި ލުމާއި 282 މީޓަރުގެ ސަރަހައްދެއް ރިވެޓްމަންޓް ޖެހުމުގެ އިތުރުން މަގުބައްތި ހަރު ކުރުމާއި 558 އަކަ މީޓަރުގެ ސަރަހައްދެއްގެ ޕޭވްމަންޓް ވެސް މި މަޝްރޫއުގެ ދަށުން ހަދާނެ އެވެ.
މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާ ސްޓްރާކްޗާއިން އެމްޓީސީސީއާ ހަވާލުކޮށްގެން ހިންގާ މި މަޝްރޫއަށް 49.66 މިލިއަން ރުފިޔާ ހަރަދު ވާނެ ކަމަށް ލަފާ ކުރެ އެވެ. މި މަޝްރޫއުގެ މަސައްކަތް ފަށާފައިވަނީ މިދިޔަ އަހަރުގެ ނޮވެމްބަރު މަހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު
15 October 2020
ދައުރުގެ %50 ވެސް ނިމިއްޖެ
ރާއްޖެ
15 October 2020
ތަރައްގީ ވާން އޮތީ އެއްފަސް ކޮއްގެން. މި ކުދި އާބާދީތަށް ބޮޑެތި ރަށްރަށަށް ބަދަލު ކުރުމަކީ އެރައްޔިތުންނަށް ވެސް ސަރުކާރަށް އެންމެ ފައިދާ ހުރި ގޮތް.
ޒަންޖަބީލު
15 October 2020
އެން މެ 20 މީހުން އުޅޭ ރަށަކަށް 46 މިލިޔަން ......