އިނގިރޭސިވިލާތުގެ އެންމެ ދުވަސްވީ މީހާ މަރުވެއްޖެ

އަހުމަދު އަދްޝަން، މިހާރު

27 އޮކްޓޯބަރ 2020 - 08:09

އިނގިރޭސިވިލާތުގެ އެންމެ ދުވަސްވީ މީހާ ޖޮއާން ހޮކާޑް އުމުރުން 112 އަރުގައި ހޮނިހިރު ދުވަހު މަރުވެއްޖެ އެވެ.

އޭނާގެ އާއިލާ އިން ބުނީ ޖޮއާނާ މުސްކުޅި ބަލީގައި މަރުވީ ޑޯޒެޓްގައި ދިރިއުޅެމުން ދިޔަ ގޭގައި ކަމަށެވެ. އޭނާ އަކީ އެންމެ ދުވަސްވީ ފިރިހެން މީހާގެ ރެކޯޑް ލިބުނުތާ އެންމެ ދެ މަސް ދުވަސް ފަހުން މިދިޔަ މެއި މަހުގެ 28 ގައި މަރުވި އިނގިރޭސިވިލާތުގެ ބޮބް ވެއިޓަންއާ އެއް ދުވަހެއްގައި އުފަން ދުވަސް ފާހަގަކުރި މީހެކެވެ.

އެ ދެ މީހުންގެ އުފަން ދުވަހަކީ ވެސް މާޗް މަހުގެ 29 އެވެ. ޖޮއާނާ އުފަންވީ މާޗް 29، 1908 ގަ އެވެ.

އޭނާގެ އާއިލާ އިން ބުނެފައިވާ ގޮތުގައި އެންމެ ޅަ ދުވަސްވަރު ކެންޔާގައި ދިރިއުޅުނު ޖޮއާނާ އަކީ ގިނަ ދުވަހު ދުނިޔޭގައި ހުންނަން ވަކި ކަމެއް ކުރި މީހެއް ނޫނެވެ. އެކަމަކު އަބަދު ވެސް ކެއުމުގައި ބަޓަރާއި ކްރީމް ބޭނުންކޮށް އުޅުނު ކަމަށާއި ދުޅަހެޔޮ ސިއްހަތެއްގައި ހުންނަ ވަކި ޑައިޓެއް ގެންގުޅުމަކީ ޖޮއާނާ ގަބޫލުކުރި ކަމެއް ނޫން ކަމަށް އޭނާ އަށް ބޮޑުދައިތަ ކިޔާ ޕޯލް ރެނޮލްޑްސް ބުންޏެވެ.

ޖޮއާނާގެ 112 ވަނަ އުފަން ދުވަހުގެ ތެރެއިން.

ޖޮއާނާގެ އެންމެ ޒުވާން އުމުރުގެ ދުވަސްތައް ކެންޔާގައި ހޭދަކުރަން ޖެހުނީ އޭނާގެ ބައްޕަ އެތަނުގެ ކާނަލް އޮފިސަރެއްގެ ގޮތުގައި މަސައްކަތްކޮށްފައިވާތީ އެވެ. ޖޮއާނާ ކިޔެވީ ސަސިކްސްގެ ބޯޑިން ސްކޫލަކަށް ގޮހެވެ. އަދި ގިނަ ދުވަސްތަކެއް ވަންދެން ސްވިޓްޒަލެންޑްގެ ޖެނީވާގެ ހޮޓަލެއްގެ ކައްކާއެއްގެ ގޮތުގައި ވެސް މަސައްކަތްކޮށްފައިވެ އެވެ.

ދެވަނަ ބޮޑު ހަނގުރާމައިގެ ދުވަސްވަރު ޖޮއާނާ ވަނީ ލަންޑަނުގައި އެމްބިއުލާންސް ދުއްވުމުގައި ވެސް ހަރަކާތްތެރިވެފަ އެވެ. އޭނާ ކައިވެނިކުރީ ކަނޑުމަގުން ދަތުރުފަތުރުކުރަން ވަރަށް ބޮޑު ޝައުގުވެރި ކަމެއް ބެހެއްޓި ޖިލްބަޓް ހޮކާޑާ އެވެ. އޭނާ މަރުވީ 1981 ގަ އެވެ.

Emme dhuvasvee firihen meehaa maruvejje

The most trusted news source in the Maldives

Mihaaru

އަންހެނުން އިނގިރޭސިވިލާތް އުމުރުން ދުވަސްވީ މީހުން

4 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިކުމަތު ބަސް

27 October 2020

ދިގު އުމުރު ކުރުވީ އެވެ. އެ ދުވަސް ނިމުނީ އެވެ.ދެން އެހެން ދުވަހެކެވެ. އުމުރަކީ ކިތަށްމެ ދިގަސް ކުރު އެއްޗެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

27 October 2020

ކީކޭ!؟ މަހީކުރީ އިނގިރޭސިވިލާތުގެ "ކަމަނާ" މަރުވީ ކަމަށް. ހާދަހާ އުމުރުދިގު މީހެކޭދޯއެއީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

27 October 2020

އުމުރު ދިގުވުމުގައި ސިއްހަތާއި ކާބޯތަކެތި ކަސްރަތު މުހިންމު ދައުރެއް އަދާކުރޭ. އެކަމަކު ﷲ ކަނޑައަޅުއްވާފައިވާ އަޖަލު ޖެހެންދެން ހުންނާނެކަން ކަށަވަރު.