ޖުވާ އާއި ކްރިޕްޓޯ ކަރަންސީ އަދި އޮންލައިން ޓްރޭޑިން ވެބްސައިޓުތަކުގައި ބީއެމްއެލް ކާޑު ބޭނުން ނުކުރެވޭގޮތް ހަދައިފި
ބީއެމްއެލް ކާޑު ބޭނުންކޮށްގެން ފައިސާ ދައްކަނީ-- ފޮޓޯ: ބީއެމްއެލް
02 ނޮވެމްބަރ 2020 - 20:47
63 comments
ޖުވާ އާއި ކްރިޕްޓޯ ކަރަންސީ އަދި އޮންލައިން ޓްރޭޑިން ވެބްސައިޓުތަކުގައި ކާޑު ބޭނުން ނުކުރެވޭ ގޮތަށް ބީއެމްއެލުން މިއަދު ހަދައިފި އެވެ.
ބޭންކުން ނެރުނު އިއުލާނެއްގައި ބުނީ މި ފިޔަވަޅަކީ ގާނޫނާއި ގަވައިދާ ހިލާފަށް މާލީ މުއާމަލާތްތަކުގައި ބޭންކުގެ ކާޑުތައް ބޭނުންކުރުން ހުއްޓުވުމަށް ކުރަމުން އަންނަ މަސައްކަތްތައް އިތުރުކުރުމަށް އެޅި ފިޔަވަޅެއް ކަމަށެވެ.
ޖުވާ ކުޅުމަށް ބޭނުންކުރާ ސައިޓުތަކާއި އޮންލައިން ޓްރޭޑިން ވެބްސައުޓްތަކުގައި ޑިޖިޓަލް ވޮލެޓުތައް ބޭނުންކުރުން، މިދިޔަ މަސްތަކުގައި އިތުރުވެފައިވާ ކަމަށް އެ ބޭންކުން ބުންޏެވެ.
ކާޑު ބޭނުން ނުކުރެވޭ ގޮތް ހެދި ވެބްސައިތްތަކުގެ ތެރޭގައި ހިމެނެނީ؛
Binance buy crypto
Exness.com
CFC.lO
Iqoption.com
Pppoker.net
ބޭންކުން ބުނި ގޮތުގައި ޑޮލަރު ލިބެން ހުރި މިންވަރު ދަށްވެފައިވާ އިރު މިފަދަ އޮންލައިން ޓްރޭޑިން ޕްލެޓްފޯމުތައް މެދުވެރިކޮށް ބޭރުވަނީ ކޮންމެހެން ރާއްޖޭން ބޭރަށް ދާން ނުޖެހޭ ފައިސާ އެވެ. އެހެންކަމުން އަސާސީ ބޭނުމަށް މުދާ އެތެރެކުރުމަށް ޑޮލަރު ބެހެއްޓުމަށް، ކޮންމެހެން ބޭނުން ނުވާ ބޭރުގެ ވިޔަފާރި މުއާމަލާތްތައް ހުއްޓުވުން މުހިންމު ކަމަށް ބީއެމްއެލުން ބުންޏެވެ.
މި މުއާމަލާތްތައް ހުއްޓުވުމަށް، ބީއެމްއެލް ކާޑުތައް ބޭނުންކޮށްގެން ކުރާ ބޭރުގެ މުއާމަލާތްތައް އެ ބޭންކުން މޮނިޓަރކުރާނެ އެވެ. އަދި ބޭންކަށް ފެނިއްޖެ ހާލަތެއްގައި މިފަދަ މުއާމަލާތްތައް އެއްވެސް އިތުރު އެންގުމަކާ ނުލައި ބްލޮކް ކުރާނެ ކަމުގެ އިންޒާރުވެސް ބީއެމްއެލުން ވަނީ ދީފަ އެވެ.
ބީއެމްއެލުން ބުނި ގޮތުގައި ބޭންކުގެ މި ނިންމުމާ ބެހޭ މައުލޫމާތު އެމްއެމްއޭ އާއި ކަމާ ބެހޭ ސަރުކާރުގެ އިދާރާތަކާ ވަނީ ހިއްސާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޮކަޑިމޭން
04 November 2020
ކީރިތި ޤްރުޢާނުގެ އެތައް އާޔަތެއްގައި ޞަރީހަ އިބާރާތުން ﷲ ތަޢާލާ ޙަރާމް ކުރައްވާފައިވާ ރިބާ ކެއުން ބޭންކް އޮފް މޯލްޑިވްސް އިން ހުއްޓާލިއްޔާ ރައްޔިތުންނާ ތި ބޭންކަށްވެސް މާ ރަނގަޅުވާނެ
ބޭބެ
04 November 2020
ކްރެޑިޓް ކާޑު ގެންގުޅޭ އެންމެންގެ ހައްގުގައި ވަކާލާތު ކުރާނެ ލޯޔަރެއް ބޭނުން. އަހަރެން އަހަރަކު 1600 ރުފޔާގެ ފީއެއް ބީއެމްއެލްއަށް ދީފައި ކްރެޑިޓް ކާޑުނެގީ 5000 ޑޮލަރުގެ ކްރެޑިޓް ލިމިޓެއްދޭތީ. އަހަރީފީ ކުޑަނުކޮށް ކްރެޑިޓް ކާޑު ލިމިޓް މިވަނީ މަހަކު 250 ޑޮލަރަށް ހަދާފައި. މިއީ އިންސާފެއްނޫން. މަހަކު 5000 ޑޮލަރު ބޭނުންކުރެވޭގޮތް ހަދަންވާނެ. ނުގަވާޢިދުން ކަންކަން ކުރާ މީހުން ހުއްޓުވާ ބޭންކުން މިކަން ހުއްޓުވައިގެންނުވާނެ.
ފަހީމާއިބުރޭ
04 November 2020
ބުނަންތަ ވާހަކައެއް ތިޔަ ނިންމުން ނިންމުމަށް ކަމާބެހޭ ފަރާތެއްގެ ލަފައެއް ހޯދާނެކަމަށް ތުހުމަތު ކުރެވެނީ . އެހެންވީމާ ބަރަހަނާ ސައިޓުތަކަށް ޢާންމުން ވައްދައިގެން ދިރާގު / ވަތަނިޔާ / ރާއްޖެ އޮންލައިން އިން މިހޯދާ ޢާމްދަނީވެސް ރައްޔިތުން އަތުން ނުނެގޭ ގޮތް ހަދައިގެން ސަވާބު ހޯދަންވީނު . "ދޮށީ ޢުމުރުގެ 5000ރ އިން ބޮޑު ހޭދައެއް މިފަދަ ސައިޓްތަކަށް ހޭދައެބަކުރޭދޯ " ހަމަ ބުނެލީ . ތިކުރިކަންވެސް ސަޅި . އުފާކުރަން ތިކަމަށް .
ރަގަޅުކޮށްލާ
04 November 2020
ބަރަހަނާ ސައިޓްތަކަށް އާއްމުން ވައްދަނީކީނޫން. އާއްމުން އަމިއްލައަށް ވަންނަނީ. ދިރާގެއް އުރީދޫއެއް އެއްތަނަކުންވެސް ގަދަކަމަކުން ނުވައްދާނެ މީހުންނެއް އެފަދަ ސައިޓްތަކަކަށް. އަމިއްލައަށް އަމިއްލަ ޗެކްޖަހާލުން ބޮޑަށް މުހިއްމީ. އަނެއް ދުވަހު ނުބުނެވޭނެ ދިރާގުން ތިމަންނަ ވެއްދިއްޔެކޭ. އަމިއްލަ އިނގިލިން ފިތައިގެން ހުރިހާ ކަމެއްވެސް ކުރަނީ.
ޙަލާލު ރިބާ
03 November 2020
ޖުވާކުޅުމާ، އެޑަލްޓްރީ ސައިޓް ތަކަށް ވަނުމާއި ރިބާ ކެއުމަކީ އިސްލާމް ދީނުގައި ޙަރާމް ކަންތައްތައް ކަން ބީއެމްއެލް އަށް އެނގުނު ކަމަށްޓަކައި ވަރަށް އުފާ ކުރަން، މިފަދަ ހުރިހާ ނުބައި ކަމަކުން ސަލާމަތް ވުމަށް ބޭންކުން ކުރާ މަސައްކަތަށް މަރުހަބާ ކިޔަން
މޮޔައިންނަކަށްދުވަހަކުވެސްނޭގޭ
03 November 2020
ބޭނުްކުން ނުކުރޭ ތިބުނާ ކަމެއް. ބޭންކުން ނުވަދެވޭ ގޮތަށް ހެދީ "ރާއްޖޭގައި އުޅޭ މުއްސަދިންނާއި ސިޔާސީ މީހުންނަށް" ވުރެ އާންމު ރައްޔިތުން ތަނަވަސް ވެދާނެތީ. ފޮރެކްސް ޓްރޭޑިންގް އަކީ ޖުވާއެއް ނޫން. ފޮރެކްސްގެ ރިބާ ނުވާ ތަންތަންވެސް ހުރޭ. ރިބާ ނަގާތަނުންވެސް 10% އަށް ވުރެ ބޮޑު ނުވޭ. އެކަމަކު ބީއެމްއެލްގެ އެންމެ ލޯނަކުންވެސް 20-50% ގެ އިންޓަރެސްޓް އެނަގަނީ. އެ އިންޓަރެސްޓް ފުރަތަމަ އުވާލަބަލަ. ނުކެރޭނެ. ނުވެސްވާނެ. ވަގުންތަކެއް ބީއެމްއެލްގައި އުޅޭނީ.
މަހުލޫފ
03 November 2020
ބެންކަށް ޖުވާ ދަސްވެއްޖެ! ތިކަންކުރަން ވަރަށް ދުވަސް ބޭކާރު ކޮއްފި. ރިބާ ދަސްވާނެ ދުވަހަކަށް އިންތިޒާރުކުރަން
ނަސްރު45
03 November 2020
'ރައްޔެތުންގެ ބޭންކް' ގައި ރައްޔެތުމީހާގެ ކިތައްމެ ފައިސާ އެއް ހުއްޓަސް، އޮންލައިން ކޮށް ބޭރުން ކުދި ވިޔަފާރި ތަކާ، ޒަރޫރީ ބޭނުންތަކަށް އެއްޗެއް ގަނެ ނުލެވޭ ފެން ވަރަށް ދިޔައީމާ ، ތިޔޮތީ ބޮޑުތަނުން ސަރުކާރާއި، އެމް އެމް އޭ، އަދި ބޭންކް ފެއިލްވެފަ. މިފަދަ ހާލަތަކަށް ގަވްމު ދުވަހަކުވެސް ނުވެއްޓޭ.
އަލީލ
03 November 2020
ބޭރުން އެއްޗެހިގަންނަނީ ދިވެހި ރުފިޔާއަކަށްނޫން. ދިވެހިރުފިޔާ ކިތެއްމެވަރަކަށް ހުއްޓަސް ޑޮލަރު ނެތިޔާ ނުކުރެވޭނެ. ޝުކުރުކުރޭ ލިމިޓު ލާފަވެސް ކުރެވޭގޮތަށް ހުރީ،މަ
ބަސް
03 November 2020
ޚަބަރުގަ އޮތް އެއްޗެއް ނޭގިގެންނޫން ކޮމެންޓްކުރީ. މިބުނީ ބޭންކުން އެޅިފިޔަވަޅުން އަހަރުމެނައް ވާ ފާއިދާއެއް ގެއްލުމެއްނެތޭ. އަހަރުމެން ތިއިން އެއްވެސްކަމެއްގައި ކާޑު ބޭނުން ނުކުރަމޭ. މަގޭކާރީ ރަހްމަތްތެރިއަކު ތިކަންކުރަންވެސްބުނި. އަދި ވާފާއިދާވެސް ކިޔާދިން. ހަދަންވީގޮތްވެސް ކިޔައިދިން. އެކަމަކާ ނުވިސްނަން. އަޅާވެސް ނުލަން.
ބޮއްޅަބެ
03 November 2020
މަށް ދެރައީ ބޭންކުން މިކަން އެގިތިބެ މިއޮށް ހުރިހާ ދުވަހު މަޑު ކުރީމަ.. މާލަސްވީ ޖުވާ ސައިޓުތައް ބަންދުކުރަން... އަދި ޕޯން ސައިޓްތައްވެސް ކުރަންވީ... ދިރާގު މިފަހަރުވެސް ފައިދާ ނެގީ މިލިއަނުން...ބޮޑު ހިއްސާ އަކީ ޕޯން ސައިޓު ކަމާމެދު ޝައްކެއް ނުކުރަން
ނަންއިތުރު
03 November 2020
ތިޔަހާ އޯވަރ ކުރުން ގަބޫލެއް ނުކުރެވޭ. ގޯސްކަންކަން ވީވަރަކުން ހުއްޓުވާން ޖެހޭނެ. އަދި ރާއްޖެއަށް ވަންނަ ބޭރުފައިސާކޮޅު ހެޔޮއަގުގައި ވިއްކާލުން އެއީ ބައެއްގެ އަމިއްލަ ފައިދާއަކަށް ހަދާފަ ޓްރޭޑިން އެކޭ ނުކިޔޭނެ. އަމިއްލައަށް ޑޮލަރ ގަނެގެން އެބުނާ ސްމަރޓް ޑްރޭޑް ޖައްސަންވީނު.
ޢަހުމަދު568
03 November 2020
ވެރިކަމުގަ އޮތީ މޑޕ އެއްނު.. ތިކަހަލަ ޖެއްސުމއް ނުކޮށއ ނުތިބެވޭނެ
ނަން
03 November 2020
ކޮމެންޓްތައް ކިޔާލީމަ އެބައެނގޭ ބީއެމްއެލްއިން އެބުނާ ގޮތަށް އޮންލައިންކޮށް ކާޑު ބޭނުންކުރުން ގޮއްސަ އޮތް ހިސާބު.