ޚަބަރު / ރައީސް އިބްރާހިމް މުހައްމަދު ސޯލިހް

ހިތްގައިމު ލޮނުޒިޔާރަތް ޕާކު ހުޅުވައިފި

ލޮނުޒިޔާރަތް ޕާކު މަތިން ނަގާފައިވާ ފޮޓޯއެއް.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

11 ނޮވެމްބަރ 2020 - 18:20

56 comments

މާލޭގައި ހުރި އެންމެ ހިތްގައިމު ބަގީޗާ "ލޮނުޒިޔާރަތް ޕާކު" މިއަދު ހުޅުވައިފި އެވެ.

ޕާކު ހުޅުވައިދެއްވީ، ނިޝާން އިއްޒުއްދީންގެ އިއްޒަތުގެ ވެރިޔާ އުމަރު ޒާހިރެވެ. އެ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހުގެ ދެކަނބަލުންނާއި ނައިބު ރައީސް ފައިސަލް ނަސީމާއި މަޖިލީހުގެ ރައީސް މުހައްމަދު ނަޝީދު އަދި އުއްތަމަ ފަނޑިޔާރު މުއުތަސިމް އަދުނާންގެ އިތުރުން މިނިސްޓަރުން ބައިވެރިވެވަޑައިގެންނެވި އެވެ.

އެ ރަސްމިއްޔާތުގައި ވާހަކަފުޅުދައްކަވަމުން ރައީސް އިބްރާހިމް މުހައްމަދު ސޯލިހު ވިދާޅުވީ ޕާކަށް ވަދެވަޑައިގަތުމުން ކުރެވެނީ އުފާވެރި ބަދަލުތަކެއްގެ އިހްސާސް ކަމަށެވެ. ކުރީގެ ރައީސް މުހައްމަދު ނަޝީދު، 2008ގެ ރިޔާސީ އިންތިޚާބު ކާމިޔާބުކުރެއްވުމުން އެކަމުގެ އުފާ ފާހަގަކުރުމަށް އެއްވީ މިހާރު ޕާކު ޢޮތް ލޮނުޒިޔާރަތް ސަރަހައްދަށެވެ.

ލޮނުޒިޔާރަތް ޕާކު ހުޅުވަން ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހާއި ނިޝާން އިއްޒުއްދީންގެ އިއްޒަތުގެ ވެރިޔާ އުމަރު ޒާހިރު ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

"މިއީ އުއްމީދާއި ބަދަލުވުމާއި ހިތްހަމަޖެހުމާ ވަރަށް ގުޅިފައި އޮތް ތަނެއް. އޭގެ މާ ކުރިން ފެށިގެން ވެސް މާލޭގެ ލޮނުޒިޔާރަތްކޮޅަކީ، މާލޭގައި ދިރިއުޅޭ ރައްޔިތުންގެ ހިތްފަސޭހަ ކަމާއި ހިތްހަމަޖެހުމާ އަބަދު ވެސް ވަރަށް ގުޅިފައިވާ ތަނެއް،" ރައީސް ވިދާޅުވި އެވެ.

މާލެ ސިޓީ ކައުންސިލްގެ މޭޔަރު ޝިފާ މުހައްމަދު ވިދާޅުވީ ތިން އޭކަރުގެ ޕާކަށް ދައުލަތުގެ ބަޖެޓުން 16.8 މިިލިއަން ރުފިޔާ ހަރަދުކޮށްފައިވާ ކަމަށެވެ. އޭނާ ވިދާޅުވީ ކޮންކްރީޓް ބޮޑު ބިމެއްގައި ގަސް ފަޅުވައި ފެހި ކުރުމަކީ ވަރަށް އުނދަގޫ ކަމަކަށް ވިއަސް އިހުލާސްތެރިކަމާއެކު އެ މަސައްކަތް ކޮށްފައިވާ ކަމަށެވެ.

އެ ތަނުގައި ސެކިއުރިޓީ އާއި ބަގީޗާ ބަލަހައްޓާނެ ދިވެހިން ތަމްރީނުކުރުމުގެ މަސައްކަތް ކުރަމުން އަންނަ ކަމަށާއި އެ ޕާކު ވެގެންދާނީ ވަޒީފާގެ ފުރުސަތު ވެސް ފަހިކޮށްދޭ ތަނަކަށް ކަމަށް ވިދާޅުވި އެވެ. ޝިފާ ވިދާޅުވީ ކުރިއަށް އޮތް ތަނުގައި ޕާކުތައް ބެލެހެއްޓުމަށް ދިވެހިން ތަމްރީނުކޮށް މަސައްކަތަށް ނެރޭނެ ކަމަށެވެ.

އޭނާ ވިދާޅުވީ އެ ޕާކަކީ މާލެ ފެހިކުރުމުގެ މަސައްކަތުގެ ފެށުމެއް ކަމަށެވެ. މާލޭގެ މަގުތައް ހެދުމުގެ މަސައްކަތާއި ކުރިއަށް އޮތް ތަނުގައި ޕާކިން ބިލްޑިން ހަދާނީ ފެހިކަމާއި އާރޯކަން ފެންނާނެ ގޮތަށް، ގްރީން ކޮންސެޕްޓް ހިމަނައިގެންކަން ފާހަގަކުރެއްވި އެވެ.

ލޮނުޒިޔާރަތް ޕާކު ހުޅުވަން ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހާއި އެމަނިކުފާނުގެ އަނބިކަނބަލުން ފަސްޓްލޭޑީ ފަޒްނާ ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

އެ ޕާކު ތަރައްގީކޮށްފައިވަނީ އެކި މާލަންތައް ހިމަނައިގެންނެވެ. އޭގެ ތެރޭގައި މެދު ބަގީޗާ، ވަރުނުލާ ރާޅުގަނޑު، އުސްބަގީޗާ އަދި މާމެލާމެލި ހިމެނެ އެވެ. އޭނާ ވިދާޅުވީ މާމެލާމެލި ޒީނަތްތެރިކޮށްފައިވަނީ ކައިވެނި ޕާޓީތަކާއި ހާއްސަ ހަފުލާތަކަށް ހާއްސަކޮށްގެންނެވެ.

ޕާކު ތަރައްގީކުރުމުގައި އަމަލީގޮތުން މަސައްކަތްކުރެއްވި ޑެޕިއުޓީ މޭޔަރު ޝަމާއު ޝަރީފް ވިދާޅުވީ ރާއްޖެއިން ނެތިގެންދާ ގިނަ ވައްތަރުގެ ގަސް ލޮނުޒިޔާރަތް ޕާކުގައި ހިމެނޭނެ ކަމަށެވެ. އޭގެ އިތުރުން ހިޔާކަން ލިބޭ ހިރުނދު، ނިކަ އަދި ބަނބުކެޔޮ ކަހަލަ ގަސް ހުންނާނެ ކަމަށް ވިދާޅުވި އެވެ.

މާލެ ސިޓީ ކައުންސިލް ރައީސް އިބްރާހިމް މުހައްމަދު ސޯލިހް ލޮނުޒިޔާރަތް ކޮޅު މާލޭގެ މޭޔަރު ޝިފާ މުހައްމަދު

56 ކޮމެންޓް, 122 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރީތި މޫސަ

13 November 2020

ތިޕާކް ކިތަންމެހާވެސްރީތި ވަރަށް ފުރިހަމަ އެކަމަކު އަތިރިމަތްޗަކަށް ކަމަކުނުދޭ އަދި ހިނގިކަމަށް ތިބުނާޚަރަދުވެސް މާބޮޑު އަތި މައްޗަށްކަމުދަނީ ހިޔާލިބޭ އަދި ލޮނުގެއަސަރުކުރިޔަސް މަރުނުވާޒާތުގެ ގަސްގަސް މިސާލަކަށް ހިރުދު ހަލަވެލި ރުއް ކާނި މިދިލި ކަހަލަގަސްގަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ކަލޯ

12 November 2020

ޕާކު ސަޅި. އެކަމަކު ފުރިހަމަ ވާނީ ތިހިރަ ފެންނަ ނިއުޕޯޓު ރެސްޓޯރަންޓާއި، ސިޑިބަރިއާއި، ފުޓްސެލް ދަނޑު ތިތަނުން ނެގީމާ. ޕާކިންއަށް ބޮޑު ޖާގަ އެއް ހަމަޖައްސާފަ އަދި ކުޑަ ކުދިން ކުޅޭނެ ތަނެއް ހަދަން އެބަ ޖެހޭ. ދެން ބޭނުންވަނީ ހިޔާ ލިބޭނެ ބޮޑެތި ދިވެހި ގަސް އިންދަން. މީގެ ބައިވަރު ގަސް ގެނެސް އިންދަވާ. ކަމެއް ކުރެވުނީ އޭރުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަލީމު

12 November 2020

މާލެއާއި ހުޅުލެ ފާލަމަކު ން ގުޅާލާ ވާހަކަ ރ.މައުމޫ ނު ވިދާޅުވީމަ ކޮ ންމެވެސް މީހަކު ބު ނީ ކިހި ނެތްހޭ ކަ ނޑުގައި މުޑި ޖަހާ ނީ. އެހާ ދިގު މުޑިހުރޭހޭ. ކާކުހޭ އެޖަހާ ނީ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

12 November 2020

ތިތަނެއް މާދުވަހަކު އޮންނާނެ ކަމަކަށް ނުދެކެންް. ސަބަބު، ތިތަން އެއް ފެންވަރެއްގައި ނުބެލިހެއްޓެނެ އަދި އުދަ އަރާ ދުވަސް ކޮޅުތެރޭ ތިތަން ސުންނާފަތި ވާނެތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން އަޙްމަދު

12 November 2020

ރާއްޖޭގަ އެންމެ ހިތްގައިމު ޕާކެއް އޮންނަނީ އެއީ ޕާކެއްކަން ވެސް ދިވެހިންނަށް ނޭނގޭ ވިލިނގިލީ އިރުމަތި ފަރާތު ގޮނޑުދޮށުގަ ބޮޑެތި ފުނަގަސްތަށް ހުންނަ ސަރަހައްދުގަ. މޫދު ލޮނުގަނޑަށް ވެސް ހިޔާ އެޅިފަ އޮންނައިރު މިއީ ޕާކުތައް ހުންނަންވީ ކޮންސެޕްޓަކީ. މި ސަރަހައްދު ރީތިކޮށް ބަލަހައްޓަން ޖެހޭ. އަދި ވިލިނގިލީ ފުލުސް އޮފީސް ހުންނަ މަގާ ޖުމްލަކޮށް އެ ސަރަހައްދަކީ އޭގެ ޒާތުގަ ޕާކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

12 November 2020

ކޮންމެ ދުވަހަކު ޕާކަށްދާނަމަ ރަގަޅު ކޮންމެ ގެއެއްގެ ދޮރުމަތިގައި ޕާކެއް އޮންނަން. ނިކަން އިބޫ ސޯލިހަށް ކެރެންޏާ ހުޅުމާލޭގަ މިބުނާހެއް ހަދާބަލަ. ހުޅުމާލޭގައި، އެއްލައްކަ އަކަފޫޓުގެ ބިމެއްގައި 5 ބުރިއަށް މެގަ މޯލެއް އަޅާބަލަ. އެ މޯލުގެ ބޭރުގައި ހަމަ ވަރުގެ ބިމެއްގައި "ޑުބާއީ މިރެކަލް ގާޑަން" ފެންވަރުގެ ބަޖީގާއެއް އަޅާބަލަ. މޯލާ ޖެހިގެން އިތުރު އެއްލައްކަ އަކަފޫޓުގެ ބިމެއްގައި ޕާކިންގ ގާއިމްކޮށްބަލަ. ޕީނަޓް ކާންދީފަ ވޯޓް ހޯދަން ނާންނާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

12 November 2020

ހުޅުމާލޭގެ މެދުތެރޭގަ ދުނިޔޭގެ ފެންވަރުގެ 1 ބަގީޗާ ހުރީމަ ގްރޭޓަރ މާލެ ސަރަހައްދަށް ފުދޭނެ. މި ޕާކް ރީއްޗަސް ދުނިޔޭގެ ފެންވަރަށް ބަލާލާއިރު މިއީ ހަމަ ސުމެއް، ބޮޑު ސުމެއް. މިސާލަކަށް ގޫގުލްކޮށްލަބަލަ "ޑުބާއި މިރެކްލް ގާޑަން" މިއީ ހުންނަންޖެހޭ ފެންވަރު. ކަންކަންމަތީގަ އާއި ދެގެދޭތެރޭގައި ކުދި ޕާކުތަކެއް ހެދުމަކީ ބޭކާރު ކަމެއް އަދި އިސްރާފެއް. ޕާކަކީ މީހުން ވީކެންޑްގަ ނުވަތަ ދޭތެރެދޭތެރެއިން ދާ ތަންތަން. ކޮންމެ ދުވަހަކު ދާ ތަންތަނެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

12 November 2020

މޫދާ ޖެހިގެން ޕާކު ހެދުމަކީ މޮޔަކަމެއް. މޫދު ލޮނުގެ އަސަރު ސެނަހިޔާ ހޮސްޕިޓަލަށްވުރެ އެތެރޭގަ ހުންނަ އިމާރާތްތަކަށް ކުރާއިރު ތިޔަ ބަޖީޗާގައި ދެމެހެއްޓެނިވި ގޮތަކަށް މާގަސް ހެއްދުމަކީ ޚަރަދު ބޮޑުކަމަކަށްނޫނީ ނުވާނެ. ފައިސާ ހުރިއްޔާ ނުހެދޭނެ ވާހަކައެއްނޫން. ހެސްކިޔާފާ ގަސްގާނާ އެޅީމަ ހެދޭނެ. ހަގީގަތުގައި މި ބިމަކީ ބަސް ޓާމިނަލާ ޕާކިންގ ހުންނަންވީ ބިން. ބަގީޗާ ހުންނަންވީ ހުޅުމާލޭގެ މެދުތެރޭގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯޕާލް

12 November 2020

ދެ ތިން ސުވާލު. ތިތަނަށް ދާ މީހުންގެ ވެހިކަލް ޕާކް ކުރާނީ ކޮންތާކުތޯ؟ މިސާލަކަށް ހުޅުމާލެއިން އަންނަ މީހާ ހުޅުމާލޭގައި ވެހިކަލް ބާއްވާފަ ހިނގާފަ ޕާކަށް އާދެވޭނެތޯ؟ ޕާކަށް ދާ މީހުން ހައިވޭ ހުރަސްކުރުންނޫންގޮތެއް ނެތްތޯ؟ ކުޑަކުދިންނަށް އެހާ ރައްކާތެރިތޯ؟ ހައިވޭ މަތިން ކްރޮސްއެއް ނުވަތަ ބިމުއަޑިން ތިތަނަށް ވަންނަން މަގެއް ހެދުމުގެ ޕްލޭނެއް އެބައޮތްތޯ؟ ތިއީ އެއްވެސް ކުޅިވަރެއްކުޅެވޭގޮތަށް ހަދާފައިވާތަނެއްތޯ؟ ނޫނީ ބަންގާޅީން އިށީންނަ ޕާކެއްތޯ. ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

12 November 2020

މިހާރު ހުޅުމާލެ ދޯނި ފެރީވެސް ނޯނަނީތޯ އަދި ބަސްވެސް ދަތުރު ނުކުރިތޯ؟އަގަނޑު ބޭރުގަ އުޅޭއިރު ކާރު ހީލޭ ފާކުރެވޭ ހިސާބެއްގަ ފާކުކޮއްފަ ރޭލު ނުފަތަ ބަހުގަވެސް ސިޓީތެޔައް ދަން މިއީ ތަރައްގީވެހުރި ގައުތަކު މީހުން ކައިރިން އަޅުގަނޑައް ދަސްވިކަމެއް! ހުޅުމާލެ ތިއީ ހިގާފަވެސް އާދެވޭވަރު ކައިރި ދުނީއޭގަ މިހާރު ސިޓީތައް ތަރައްގީ ކުރަނީ ފައިމަގުގަޔާ ބައިސްލުގަ އުޅެއް ފަހިވާގޮތައް ދެރަކަކީ ތިވަރުގެ ބުރިޖެއް ހެދިއި މިކަންތަކައް ނުވިސްނަ ފުލޭންނެތި ހެދިކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯޕާލް

14 November 2020

ސަލީމު އިދުރީސް ތި ހީކުރަނީ ދަތުރެއް ކުރެވިގެން އުޅެނީ ތިމަންނައަށް އެކަނި ކަމަށްތަ؟ އެތަންތަނަށް ހަމަ އަމާބުނީތީ ފަރަށްދާހެން ދަތުކޮށްލީދޯ؟ ދުނިޔޭގައި މިފަދަ ތަންތަން ހަދާއިރު އެތަނުގެ ޚިދުމަތްލިބިގަންނަ މީހުންގެ ބޭނުންތަކާއިމެދު ވިސްނާނެ. މިތަން ހަދާފަހުރީ އެގޮތަށް ވިސްނާފަތޯ އަމިއްލަލޮލުން ބަލާފަ އަމިއްލަ ސިކުނޑިން ވިސްނާފަ ބުނެބަލަ. މި ގައުމުގަތަ ތިއުޅެނީ؟ ނޫނީ އިންޑިއާގަތަ؟