އަހަރު ދުވަސް ތެރޭގައި 100 ކިލޯގެ މަސްތުވާތަކެތި އަތުލައިގެންފި، ކުއްތާގެ އެހީތެރިކަން ބޮޑު

ކުއްތާގެ އެހީގައި ފުލުހުން މަސްތުވާތަކެތި ހޯދަނީ-- ފޮޓޯ/ ޕޮލިސް

އާމިނަތު ޝިފްލީން، މިހާރު

02 ނޮވެމްބަރ 2016 - 19:41

މިދިޔަ އަހަރުގެ އޮކްޓޫބަރު މަހުން ފެށިގެން މި އަހަރުގެ އޮކްޓޫބަރު މަހުގެ ނިޔަލަށް ފުލުހުންނާއި ކަސްޓަމްސް އިން 100 ކިލޯ އަށް ވުރެ ގިނަ މަސްތުވާތަކެތި އަތުލައިގެންފި އެވެ.

ފުލުސް އޮފީހުން ބުނީ ފުލުހުން 59 ކިލޯއަށް ވުރެ ގިނަ މަސްތުވާތަކެތި އަތުލައިގެންފައިވާއިރު، ކަސްޓަމްސް އިން 50 ކިލޯގެ މަސްތުވާތަކެތި މިދިޔަ އެއް އަހަރު ތެރޭގައި އަތުލައިގަތް ކަމަށެވެ.

ވޭތުވެ ދިޔަ އަހަރެއްހާ ދުވަހުގެ ތެރޭގައި މަސްތުވާތަކެތީގެ ބޮޑެތި އޮޕަރޭޝަންތަކެއް ކާމިޔާބުކަމާ އެކު ހިންގިފައިވާ ކަމަށާއި އަތުލައިގެން މަސްތުވާތަކެތީގެ ތެރޭގައި 37 ކިލޯގެ ހެރޮއިން އާއި 20 ކިލޯގެ ކެނަބިސްގެ އިތުރުން ދެ ކިލޯގެ ކޮކެއިން ހިމެނޭ ކަމަށް ފުލުސް އޮފީހުން ބުންޏެވެ.

ފުލުހުން ބުނިގޮތުގައި މިހާ ގިނަ އަދަދެއްގެ މަސްތުވާތަކެތި ހޯދުނީ، މީގެ ދެ އަހަރު ކުރިން ދިވެހި ފުލުހުން ބޭނުން ކުރަން ފެށި ކުއްތާތަކުގެ އެހީގަ އެވެ. އެގޮތުން މާލެ އާއި ރަށްރަށުގައި ވެސް ކުއްތާ ބޭނުންކޮށްގެން ގިނަ އަދަދެއްގެ މަސްތުވާތަކެތި ހޯދާފައިވާ ކަމަށް އެތަނުން ބުންޏެވެ.

ކަސްޓަމްސްއިން އަތުލައިގެން މަސްތުވާއެއްޗެހި ތަކެއް: މި އަހަރުގެ ތެރޭގައި 50 ކިލޯގެ މަސްތުވާތަކެތި ކަސްޓަމްސް އިން ވަނީ ހޯދާފައި --ފޮޓޯ/ކަސްޓަމްސް

ކަސްޓަމްސް އިން ބުނިގޮތުގައި ރާއްޖެ އެތެރެ ކުރަން އުޅެނިކޮށް 50 ކިލޯގެ މަސްތުވާތަކެތި ހޯދާފައިވަނީ މި އަހަރުގެ ޖެނުއަރީ މަހުން ފެށިގެން 27 އޮޕަރޭޝަނެއްގަ އެވެ. އަދި މިތަކެތީގެ އަގު 32 މިލިޔަން ރުފިޔާއަށް ވުރެ އިތުރުވާނެ ކަމަށް އެތަނުން ބުުންޏެވެ.

އަތުލައިގެން މަސްތުވާތަކެތީގެ ތެރޭގައި ހިމެނެނީ ކަސްޓަމްސް އިން ބުނިގޮތުގައި އަށް ކިލޯގެ ހެރޮއިން އާއި 7.5 ކިލޯގެ ކެނެބިސް އާއި 28 ކިލޯގެ ހަޝިޝް އޮއިލް އާއި އެއް ކިލޯގެ މެތަންފެޓަމިނެވެ.

މިދިޔަ އަހަރުގެ މި މުއްދަތުގެ ތެރޭގައި ކަސްޓަމްސްއިން އަތުލައިގެންފައިވަނީ 6.9 ކިލޯގެ މަސްތުވާތަކެއްޗެވެ.

މަސްތުވާތަކެތި އަތުލައިގަތުމަށް ކަނޑާއި ވައިގެ ބަނދަރުތަކުގައި ކަސްޓަމްސްއިން މި އަހަރު ހިންގި އޮޕަރޭޝަންތަކުގައި 22 މީހަކު ހައްޔަރުކޮށްފައިވެ އެވެ. ފުލުހުންގެ ތަފާސް ހިސާބުތަކަށް ބަލާއިރު މިދިޔަ އަހަރެއްހާ ދުވަހުގެ ތެރޭގައި މަސްތުވާތަކެތީގެ މައްސަލަތަކުގައި 159 މީހަކު ވަނީ ހައްޔަރުކޮށްފަ އެވެ.

އަތުލައިގަންނަ މަސްތުވާތަކެތި ނައްތާލުމަށް ކޮމެޓީއެއް އުފައްދާފައިވާއިރު މިދިޔަ އޮކްޓޫބަރު މަހުން ފެށިގެން، މި ދިޔަ މަހުގެ ނިޔަލަށް ދެ ކިލޯއެއްހާ މަސްތުވާތަކެތި ވަނީ ނައްތާލާފަ އެވެ. އޭގެ އިތުރުން މަސްތުވާތަކެތި އަޅާފައި ހުރި އެތައް ސަތޭކަ ރަބަރު ޕެކެޓާއި ސެލޯޯފިންކޮޅުތައް ވެސް މި ކޮމެޓީން ވަނީ ނައްތާލާފަ އެވެ.

ފުލުހުން މަސްތުވާތަކެތި ކަސްޓަމްސް ކުށްކުރުން ޑްރަގް ޓްރެފިކްކުރުން ޑޯގް ސްކޮޑް

7 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީގެ މަލީ

03 November 2016

ތަންދޮރު ނޭންގޭ މީހުން ލިޔުންތަކަށް ކޮމެންޓް ނުކުރުން ބުއްދިވެރީ ހިފާ މަސްތުވާތަކެތި ނައްތާލެވެނީ މައްސަލަ ނިމި ހުކުމް ކުރީމައި އެވިޑެންސްއަކީ ތިބުނާ ބީދައިން އަމަލުކުރާ އެއްޗެއްނޫން ކޯޓްގައި ތިމާ އިންކާރު ކުރީމައި ދައްކަން އެބަޖެހޭ ތަކެތިވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމާންޑޯ

03 November 2016

ފާއިތުވި ދެ އަހަރެއްހާ ދުވަސް ތެރޭ މަސްތުވާތަކެތި ރިކޯޑުމިންވަރަކަށް އަތުލައިގަނެވުނު ސިއްރު ކަމުގައިވާ ކުއްތާސޮކޮޑް އުފެއްދުމުގެ ބާނީ ކުރީގެ ހޯމްމިނިސްޓަރ އުމަރުނަސީރު ގެ ދުރުވިސްނުމާއި ހިކުމަތްތެރި ކަމުގެ ނަތީޖާ މިއަދު މުޅި މުޖުތަމައުއަށް އޭގެ އެންމެ އޭދެވޭގޮތުގައި ފެންނަމުން ދާދިއުމުން ދޭހަކޮށްދެނީ އުމަރުނަސީރުގެ ޤާބިލްކަމާއި އިލްމީ ވިސްނުންފުޅުގެ އިތުރުން ކެބިނެޓް މިނިސްޓަރެއްގެ މަޤާމަށްވުރެ ކުރީސަފުން ހިންގުމުގެ ކަންކަން ހިންގާ ރޭވުމުގެ ފުރިހަމަ ތަޖުރިބާއާއި ޤާބިލްކަން ހުރި މިންވަރުކަން ކަށަވަރުވެ ޔަޤީންވެފައިވާމިންވަރެވެ.ވީމާ ތިޔަ ކާމިޔާބީގެ ހުރިހާ ޝުކުރަކާއި ތައުރީފެއް އޭގެ ހައްޤު ފަރާތަށް ރައްދުކުރުމުގެ ނަސީބު މި ކޮމެންޓް މެދުވެރިކޮށް ލިބިގަންނަމެވެ. ކަންކަމުގެ ހަޤީގަތް ހާމަކޮށް ދިނުމަކީ ތަހުޒީބު މުޖުތަމައުއެއްގެ އެންމެބޮޑު އަސާސް ކަމަށްވީހިނދު ރާއްޖެއަށް ގެނެވިފައިމިވާ ކުއްތާތަކާއި އެކުލަވާލެވިފައިވާ ކުއްތާ ސްކޮޑުގެ ހަގީގީ މޭސްތިރި ކަމަށްވާ އުމަރުނަސީރުއަށް އެކަމުގެ ހައްޤުޝުކުރު އެންމެހައި ދިވެހީން ޝާމިލްވާނޭހެން ބަރުތީލަކޮށް އަރިސްކުރަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

03 November 2016

މަސްތުތަކެތި ހޯދަން ތިބި ކަސްޓަމްސް އޮފިސަރުންނަށް މަސްތުވާތަކެތި ދެނެގަންނަ ކުއްތާ ހޯދަދޭންވެއްޖެއެއްނު.. ހަމަ އެކަނި ޕޮލިހަށް ޑޯގް ހޯދަދިނީމަ ކަމަކުނުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލް

02 November 2016

ޝުކުރިއްޔާ ކުއްތާތަކަށް. ކުއްތާތައް ރިހެބަށް ގެންދަން ޖެހޭވަރަށް އަސްލު މިގައުމަށް ތިއެއްޗިހި އެތެރެކުރޭ. ތިވަރަށް އަތުލާއިރުވެސް ބޮއެގެން އުޅޭ މީހުން މަދުވާތަނެއް ނުފެނޭ ވިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

02 November 2016

އަތުލައިގަތް 100 ކިލޯގެ މަސްތުވާ ތަކެތި މިހާރު ކޮބާ ހެއްޔެވެ؟ އެނައްތާލައިފި ހެއްޔެވެ؟ އަޅުގަނޑު ބައެއް ފުލުހުންނަށް އިތުބާރެއް ނުކުރަމެވެ. ތިޔައީ އެތައް މިލިއަން ރުފިޔާ އެއް ގެ އަގުހުރި ތަކެއްޗެވެ. ފައިސާ ބޭނުންނުވާ މީހަކު ނޫޅޭނެއެވެ. އަވަހަށް ނައްތާލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންސިޔާމު

02 November 2016

ދެންކޮންއިރަކުން ތިސާމާނު ނައްތާލަނީ އާތޫރު ބުރަދަސްގެ ދެބެންނައް ފޮނުވަނީތަ؟ ނޫސްވެރިންގެ ހާޒިރުގަ ތިސާމާނުތައް ނައްތާލަބަލަ ވަލުދޮރުން ނުނެރެ މަވެސް ވަރައް ހިތްވަރު ކޮއްފިން އެއްޗެއް ނުބުނެވޭތޯ