އާ ގާނޫނާ އެކު، ޔުޓިލިޓީ އޮތޯރިޓީ އުފައްދަވައިފި

ރައީސް އިބްރާހީމް މުހައްމަދު ސޯލިހު ލިއުމެއްގައި ސޮއިކުރައްވަނީ: ޔުޓިލިޓީ ރެގިއުލޭޓްރީ އޮތޯރިޓީ ވަނީ އުފައްދަވާފައި ---ފޮޓޯ/ރައީސް އޮފީސް

މުއިއްޒު އިބްރާހިމް، މިހާރު

14 ޑިސެމްބަރ 2020 - 11:59

8 comments

ޔުޓިލިޓީ ރެގިއުލޭޓަރީ އޮތޯރިޓީގެ ބިލް ތަސްދީގު ކުރެއްވުމާ އެކު، އެނަޖީ އޮތޯރިޓީ އުވާލައްވައި އަދި ޔުޓިލިޓީ ރެގިއުލޭޓްރީ އޮތޯރިޓީ އުފައްދަވައިފި އެވެ.

މަޖިލީހުން މިދިޔަ މަހު ފާސްކުރި ޔުޓިލިޓީ ރެގިއުލޭޓްރީ އޮތޯރިޓީގެ ބިލް ރައީސް އިބްރާހިމް މުހައްމަދު ސޯލިހް އިއްޔެ ތަސްދީގު ކުރެއްވުމާ އެކު، އެ ބިލް ވަނީ ގާނޫނަކަށް ވެފަ އެވެ.

ރައީސް އޮފީހުން ބުނީ، ޔުޓިލިޓީ ރެގިއުލޭޓްރީ އޮތޯރިޓީ އުފެއްދެވުމާ އެކު، އެ އޮތޯރިޓީއަކީ އެންވަޔަރްމަންޓް މިނިސްޓްރީގެ ދަށުން ހިންގާ އިދާރާއެއްގެ ގޮތުގައި ރައީސް އިއްޔެ ހަމަޖައްސަވާފައިވާ ކަމަށެވެ. އަދި ކުރިން ހިންގަމުން އައި އެނަޖީ އޮތޯރިޓީ އިއްޔެއިން ފެށިގެން އުވާލާފައިވާ ކަމަށް ވެސް ރައީސް އޮފީހުން ބުންޏެވެ.

ޔުޓިލިޓީ ރެގިއުލޭޓްރީ އޮތޯރިޓީއަކީ ފެނާއި ނަރުދަމާއި އާއި ކަރަންޓުގެ ޚިދުމަތް ދިނުމާ ބެހޭ އުސޫލުތައް ކަނޑައެޅުމާއި ޚިދުމަތުގެ އަގު ކަނޑައެޅުމުގެ އިތުރުން އެފަދަ ޚިދުމަތްތަކަށް ލައިސަންސް ދޫކުރުމާއިި އެފަދަ ޚިދުމަތްތައް ރެގިއުލޭޓްކުރާ އިދާރާ އެވެ.

ފަސް މެމްބަރުންގެ މައްޗަށް އެކުލެވޭ އެ އޮތޯރިޓީގެ ބޯޑަށް މެމްބަރުން އައްޔަން ކުރައްވާނީ ރައީސެވެ.

ރައީސް އޮފީސް ކަރަންޓު ރައީސް އިބްރާހިމް މުހައްމަދު ސޯލިހް

8 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

14 December 2020

ފެންނަމުންދަނީ އަދި ކަންކުރަނީވެސް ދެއްކިވާހަކަތަކާއި ވެވަޑައިގެންނެވިވައުދާއި ހުށަހަޅުއްވާފައިވާ މެނިފެސްޓޯއާއި "ދިމާއިދިކޮޅަށް" ލާމަރުކަޒުކުރުމުގެ ބަދަލުގައި "ސެންޓްރްލައިޒު ކުރުމަށް" ޤާނޫނުތަކާއި އިދާރާތައްހަދާ ކުރިއަށްވުރެންވެސްނުބައިކޮށް "ކ.އަތޮޅު މާލެއަށް ހުރިހާބާރެއް ފުނިޖަހާތަން" ނޫންތޯ؟ މިއީތޯ ވެރިކަންހޯއްދަވަން ތިބޭފުޅުން ހުށަހެޅުއްވިގޮތަކީ. # ރާއްޖެ އިދާރީ ޤާނޫނީ 3 ޕްރޮވިންސަކަށްހިންގާން ދެކޮޅުހަދާސަބަބަކީ ކޮބައިތޯ؟ މާލެއާއިނުލާ އުޅެވޭނެގޮތްހަދާދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅި

14 December 2020

ޔުޓިލިޓީ ރެގިއުލޭޓަރީ އޮތޯރިޓީ އުފެއްދުމަށްފަހު އަނެއްކާ އެތަން ޒިންމާދާރުކުރާނެ ބޯޑެއް ބޭނުންވާނެނޫންތަ؟ ބޯހަލާކު ލިބޭ އާމްދަނީ ދަށްވިވަރަކަށް ޚަރަދު ބޮޑުކުރަނީ. ހެދިފައިވާ ގާނޫނުތައް ތަންފީޒުނުކުރެވޭ ހާލުގައިވެސް އަނެއްކާވެސް ގާނޫނުތައް ހަދާމަޖިލިސް ބޮޑުވަނީ. ޤާނޫނާއި ގަވާޢިދާއި ކޮމިޝަންތަކާއި ބޯޑުތަކާއި މުވައްސަސާތައް ހަދައިގެން ކަމެއްވާނަމަ މިގައުމަށް ވާނެ. މިއީ މޮޔަބަޔަކު ވެރިކަންކުރާ ސަރުކާރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

14 December 2020

ރާއްޖޭގައި ލެއްވިހާ ރެގިއުލޭޓަރީ އޮތޯރިޓީ ތަކާ މުއައްސަސާ ތަށްހަދާ ވަރުން ވަރުން ބޮޑެތި މުސާރަދިފަ މީހުން ތިބޭ ... ކުރާ ކަމެއް ހަރާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަރޫރީ

14 December 2020

އޮތޯރިޓީ އުފައްދަންވީކީނޫން ރައްޔިތުންނަށް ކަމުދާ ކަހަލަ ކަންކަން ތަންފީޒު ކުރެވޭތޯ ބަލަންވީ ދައުލަތުން ތިފަދަ ކަންކަން ހަމަޔަކަށް އެޅުވޭތޯ ބަލަންވީ ފެނާއި ކަރަންޓާޢި ނަރުދަމާގެ ހިދުމަތް ޕްރައިވެޓްކުަރަންވީ ދައުލަތުގެ ކުންފުނިތައް ޕްރައިވެޓްކުރަންވީ އޭރުން ރައްޔިތުންނަށް އަގުހެއުކޮށް ރަގަޅު ހިދުމަތެއް ލިބޭނީ ހަމައެކަނި ކަރަންޓް (ސްޓެލްކޯ) ޕްރައިވެޓައިޒް ކުރެވުނަސް އަގުހެއުވެފައި ހިދްމަތް ރަގަޅު ވާނެ ކަމުގެ %100 ޔަގީން