ޔޫއެން ހިއުމަން ރައިޓްސް އެކްސްޕާޓް ކުރީގެ ފޮރިން މިނިސްޓަރު ޑރ. އަހުމަދު ޝަހީދު. ލަންކާގެ މުސްލިމުން ރާއްޖޭގައި ވަޅުލަން ފުރުސަތުދޭން އުޅޭތީ އޭނާ ކަންބޮޑުވުން ފާޅުކުރެއްވި.
17 ޑިސެމްބަރ 2020 - 11:39
20 comments
ކޮވިޑް-19 ޖެހިގެން މަރުވާ އެންމެން ވަޅުލުމުގެ ބަދަލުގައި އަންދަން ސްރީ ލަންކާ ސަރުކާރުން ގެންގުޅޭ އުސޫލުގެ ތެރެއިން އެ ގައުމުގެ މުސްލިމުންނަށް އިހާނެތިކޮށް ހިތާ މައްސަލަ ބައިނަލްއަގުވާމީ ބައެއް ބޮޑެތި މީޑިއާތަކުން ދުނިޔޭގެ ސަމާލުކަމަށް ގެނެސްފި އެވެ.
ޔޫއެން ހިއުމަން ރައިޓްސް ރެޕަޓުއާ އަދި ރާއްޖޭގެ ކުރީގެ ފޮރިން މިނިސްޓަރު ޑރ. އަހުމަދު ޝަހީދު އެކަމުގައި ދެއްކެވި ވާހަކަ އަލްޖަޒީރާއިން އިއްޔެ ދިގު ރިޕޯޓެއްގައި ގެނެސްދީ ލަންކާގެ މުސްލިމުންގެ ކަންބޮޑުވުންތައް ވަރަށް ތަފްސީލުކޮށް ގެނެސްދިނެވެ. މުސްލިމުންގެ އުސޫލުތަކާ އެއްގޮތަށް ޖަނާޒާ ބޭއްވުމުގެ ފުރުސަތު ލަންކާގެ މުސްލިމުންނަށް ނުދޭ މައްސަލަ އެ އެޖެންސީން ކަވަކުރީ ރާއްޖޭގައި ލަންކާގެ މުސްލިމުން ވަޅުލުމުގެ ބަހުސުގައި ޑރ. ޝަހީދު ހިޔާލު ފާޅުކުރެއްވުމާ އެކީގަ އެވެ.
Distressed that no one in the gov of Maldives, including former colleagues @MohamedNasheed @KerafaNaseem @ibusolih @aghafoormohamed see how this “request” undermines equal citizenship & fundamental rights of a whole community in Sri Lanka! @marc_limon @francesharris0n @pagossman https://t.co/2RJUvb8dFn
— Ahmed Shaheed (@ahmedshaheed) December 15, 2020
ޝަހީދު ވިދާޅުވީ ސްރީ ލަންކާގެ މުސްލިމުންގެ ތެރެއިން ކޮވިޑްގައި މަރުވާ މީހުން ރާއްޖޭގައި ވަޅުލައިދޭން އެއްބަސްވެއްޖެ ނަމަ އެ ގައުމުގެ މުސްލިމުން އިތުރަށް އެކަހެރިވާނެ ކަަމަށެވެ. އެކަމާ ކަންބޮޑުވުން ފާޅުކުރައްވައި އަލްޖަޒީރާ އަށް ފޮނުއްވި ބަޔާނެއްގައި ޝަހީދު ވިދާޅުވީ ކޮވިޑްގައި މަރުވާ މީހުން އެންދުމާއި ވަޅުލުމަކީ ވެސް ދުނިޔޭގެ ސިއްހަތު ޖަމިއްޔާ ޑަބްލިއެޗްއޯގެ ގައިޑްލައިނުން ޖާގަ ދޭ ދެ ގޮތް ކަމަށެވެ.
އަލްޖަޒީރާ އަށް ދެއްވި އިންޓަވިއުގެ އިތުރުން ޝަހީދު ގެންދަވަނީ ސޯޝަލް މީޑިއާގައި ވެސް އެކަމުގެ ކަންބޮޑުވުން ފާޅުކުރައްވަމުންނެވެ. ލަންކާގެ މުސްލިމުންގެ އެކި ލީޑަރުންނާއި އެކްޓިވިސްޓުން އެކަމުގައި ފާޅުކުރައްވަމުން ގެންދަވާ ކަންބޮޑުވުންތައް އޭނާ ގެންދަވަނީ ސޯޝަލް މީޑިއާގައި ފަތުރުއްވަމުންނެވެ.
ޖަނާޒާގެ މައްސަލަަ ލަންކާގައި ސިޔާސީކޮށްފައި
ސްރީ ލަންކާގެ މުސްލިމުންގެ ތެރެއިން ގިނަ މީހުންނަކީ ތަމަޅައިން ކަމަށް ވާތީ ސިންގަޅަ ނެޝަނަލިސްޓުންގެ އޮންނަ ދެކޮޅުވެރިކަމުގެ އިތުރުން ދީނީ ގޮތުން އޮންނަ ދެކޮޅުވެރިކަން ބޮޑެވެ. އެގައުމުގެ މުސްލިމުންނާ ދެކޮޅަށް ބުދިސްޓުން ދޭތެރެދޭރެއިން ހަމަނުޖެހުންތައް ހިންގަ އެވެ. ކޮވިޑް-19 ޖެހިގެން މަރުވާ މުސްލިމުންގެ ހަށިތައް ވެސް ވަޅުލުމުގެ ފުރުސަތު ނުދީ އަންދާ ގޮތަށް އެ ގައުމުގެ ސަރުކާރުން ކަނޑައެޅި އުސޫލު ބަދަލުނުކުރަން ފައިވިއްދަނީ މުސްލިމުން ގަބޫލުކުރާ ގޮތުގައި އެކަން މިހާރު ސިޔާސީ ކަމަކަށް ހަދައިގެންނެވެ.
"ސަރުކާރުން އުޅެނީ މިކަން ސިޔާސީ މައްސަލައަކަށް ހަދައިގެން. އެހެންވެ ސިންގަޅައިން ދެކޭ ގޮތުގައި [ކޮވިޑްގައި މަރުވާ މުސްލިމުން] ވަޅުލުމުގެ ފުރުސަތު އަހަރެމެންނަށް ދީފިއްޔާ އެއީ ސިޔާސީ ގޮތުން އެމީހުން ބަލިވުމެއް،" ބޮޑުދައިތައެއްގެ ހަށިގަނޑު އަންދައިލުމުން ހިތާމައިން ހުރި މުހިއްދީން ނަމަކަށް ކިޔާ މީހަކު އަލްޖަޒީރާ އަށް ބުނެފައިވެ އެވެ.
އުމުރުން އެންމެ 20 ދުވަސްވީ ދަރިފުޅުގެ ހަށިގަނޑު ވަޅުލިޔަނުދީ އަންދައިލުމުން އެކަަމުގެ ހިތާމައިގައި ހުރި އެންއެފްއެމް ފަހީމް އަލްޖަޒީރާ އަށް ބުނި ގޮތުގައި އޭނާގެ ހިތާމާއަށް ލުޔެއް ލިބެން ފަަށާނީ މަޖުބޫރުކޮށްގެން ހަށިތައް އެންދުން ހުއްޓުމަކަށް އައި ދުވަހަކުންނެވެ. އޭނާގެ ދަރިފުޅު ހިމެނެނީ އަލްޖަޒީރާ ބުނިގޮތުގައި އާއިލާގެ ރުހުމެއް ނެތި އަންދައިލި 19 ހަށިގަނޑުގެ ތެރޭގަ އެވެ.
ކޮވިޑްގައި މަރުވާ މުސްލިމުންގެ ހަށިތައް އެންދުން ހުއްޓުވައިދިނުން އެދި ލަންކާގެ ސުޕްރީމް ކޯޓަށް ހުށަހެޅި މައްސަަލައެއް އެ ކޯޓުން ވަނީ ބަލައިނުގެންފަ އެވެ. ނަމަވެސް އެގޮތަށް ނިންމި ސަބަބެއް ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲ ސަޢީދު ގދ.ގައްދޫ،
18 December 2020
އެއީ ޖަމާއަތެއް، ގައުމެއް، ދައުލަތެއް، ސަރުކާރެއް، އެދައުލަތުގައި ތަފާތު ދީންތަކުގެ މީހުންއުޅެއެވެ. އެތާނގައި ގިނައީ ޣައިރު މުސްލިމުންނެވެ. އިސްލާމްދީން ޤަބޫލުނުކުރާ މީހުންނެވެ. އެމީހުން ގޯސްކޮށް ،ނުބައިކޮށް، ކަމެއް ކުރިޔަސް އެކަމެއް ރަނގަޅު ކުރެވޭނެ ބާރުވެރިކަމެއް އެރަށުގައި އުޅޭ މުސްލުމުންނަށް ލިބިފައެއް ނޯވެއެވެ.
އާއްމުނަން
18 December 2020
ޝުކުރިއްޔާ ޑރ ޝަހީދު. މި ގައުމުގެ ވެރިންނަށް ނުވާނެވަރުގެ ކަމެއް ތިއީ. ސަވާބާ ދަރުމަ ހޯދުމުގެ ނަމުގައި ކަންކަން ކުރަން ކަމަށް ބުނެ ދީން ސިޔާސީކުރަމުން އެމީހުން އެ ދަނީ.
ރައްޔިތު ސޮރު
18 December 2020
"އިލްމުވެރިން" މި ބަހުގެ މާނައަކީ ޖުމުލަގޮތެއްގަ "ސްކޮލަރުން" އާންމުކޮށް ހުރިހާ ދީނެއްގެ އިލްމުވެރިން ނުވަތަ ރިލިޖަސް ޓީޗިން ދޭ މީހުންނަކީ ހަމައެކަނި ވަކި ފަލްސަފާއަކަށް ބަޔަސް ފިކުރެއްގެ އާއްމުގޮތެއްގަ ނެރޯ މައިންޑެޑް ބައެއް. ސްކޮލަރުން ނުވަތަ ހަޤީޤީ "އިލްމުވެރިންނަކީ" ވަރަށް ބްރޯޑުކޮށް ވިސްނުން ގެންގުޅޭބައެއް. ރާއްޖެއިން މިބާވަތުގެ ހަޤީޤީ އިލްމްވެެިރިއެއްގެ ސިފަތައް ހުރިކަމަށް ބެލެވެނީ ވ.މަދުބައެއް. އޭގެތެރޭގައި ރައީސް މަޢުމޫނު ހިމެނޭ.
ސޯސޯ
17 December 2020
ލލަންކާ ސަރުކާރުން އެގައުމުގެ މުސްލިމުންގެ ގަބުރު އަނަދަން އުޅުމުން އަނދާތީވެ އެކަމުގެ ހައްލަކަށް ލަންކަށް އެހީތެރި ވުމަށް ދިވެހި ސަރުކާރުގައި އެދޭނަމަ އަލިފާން ނިއްވާ ސާމާނާ އެކު ފަޔާ ފައީޓަރުން ބޭނުންތޯ ލަންކާ ސަެުކާރުގައި އަހަނަވީ. ދެން ގަބުރުގައި އަލިފާން ނުޖެހުމަށް ލަންކާ ސަެުކާރުގައި ދަންނަވަންވީ.
ބޯއިސްްްްް ް
17 December 2020
މޑޕ އިން އުޅެނީ ލަންކާސަރުކާރަށް ތާއީދުކޮށް އެތަނުން އެިސްލާމުން އެކަހެރިވާނެ ހުރިހާގޮތަކަށް ކަންކަން ކުރަން. މައުމޫނު، އަދި ޝަހީދުގެ ވިސްނުން މިކަމުގައި ހުރީ ވަރަށް ދުރު މުސްތަގުބަލަކަށް ކަންކަން ވެދާނެގޮތެއްގެ މައްޗަށް.
ޔޫއެން1
17 December 2020
ތިޔައީ އ.ދ. އާ ގުޅިގެން 'އިސްލާމްދީން ނައްތާލަން' ދައްކަވާ ވާހަކައެއްކަމުގައި ދެކޭނެ ދިވެހިންވެސް އުޅެފާނެ. ޚާއްޞަކޮށް 'އިލްމުވެރިން'
ކޭސް1
17 December 2020
ތީގައި އިތުރަކަށް ދެއްކޭނެ ވާހަކައެއް ނެތް. ޝައިޚް އިލްޔާސް އެބައޮތް ޙަދީޘްއާއެކު 'ޝަރުޢީ ޙުއްޖަތް' ދައްކާފައި.
ރަންނަބަނޑޭރި
17 December 2020
ރާޖަޕަކްސައާއި އެކު ޑީލްހަދާ ލަންކާގެ މުސްލިމު ރައްޔިތުންގެ ހައްގުތައް ނިގުޅައިގަނެ ލަންކާގެ ރަށްވެހިކަމުން މަހުރޫމްކުރަން ކުޅުނު ޑްރާމާ މިއޮތީ އަތަށް ގޮވާފަ.. އެންމެ ދެރަވީ ދިވެހި ބައެއް ޝޭޚުންވެސް މިމަޅީގަ ޖައްސާ އެމީހުން ލައްވާވެސް ރައްޔިތުން ވާވައްދަން މަސައްކަތްކުރުވީތީ.. އެކަމަކު ދިވެހި ސަރުކާރުން މިކުޅުނު ޑްރާމާއާއި ގުޅިގެން މިކަމަށް ބައިނަލްއަޤްވާމީ ދުނިޔޭގެ ސަމާލުކަން ލިބި ލަންކާ ސަރުކާރަށް ޕްރެޝަރު ބޮޑުވާތީ އުފާކުރަން.
ހަސަނު
17 December 2020
ލަންކާ މުސްލިމުންނަށް ރަނގަޅު ގޮތެއް މިންވަރު ކޮށްދެއްވާތޯ ދުއާކުރުން ނޫން ގޮތެއް ދެން ނެތް...
އޮނަރަބަލް ބޮޑު މުހަންމަދު
17 December 2020
ޖަނާޒާގެ ކަންތަކުގައި ޑރ ޝަހީދު ކަންބޮޑުވުން ފާޅުކުރެއްވުމަކީ ވަރަށް އެފާވެރި ހަބަރެއް. ޑރ ޝަހީދާއި ޖަނާޒާއާއި ވަނީ ވަރަށް ގިނަގޮތްގޮތުން ގުޅިފައި. އެއީ ޖެނުއަރީ 2006 ގައި ބޭއްވި އެމްޑީޕީގެ ފުރަތަމަ މުޒާހަރާއަކީ އެމްޑީޕީގެ ޖަނާޒާކަމަށް ވާނެ ކަމަށް ޑރ ޝަހީދު ވިދާޅުވުމުން އެމްޑީޕީ ސަޕޯޓަރުން އޭނާއަށް ކިޔަން ފެށީ ޑރ ޖަނާޒާ. ހުސެއިން ސޮލާހުގެ މަރާއި ގުޅިގެން ވަޅުލުމުގެ ކުރިން ހެދި އޮޓޯޕްސީއާއި ވެސް ޑރ ޝަހީދު ވަނީ ގުޅިފައި