ރާއްޖެއިން ސްރީލަންކާއަށް ކަނޑައަޅާފައި ހުންނަވާ ސަފީރު އުމަރު އަބްދުއްރައްޒާގާއި އެމެރިކާއިން ރާއްޖެ އާއި ލަންކާއަށް ކަނޑައަޅާފައި ހުންނަވާ ސަފީރު އަލައިނާ ޓެޕްލިޓްޒް އެއްބަސްވުމުގައި ސޮއި ކުރައްވަނީ-- ފޮޓޯ: އެމެރިކާ އެމްބެސެޑަރުގެ ޓްވިޓާ
31 ޑިސެމްބަރ 2020 - 13:01
15 comments
ދިވެހި ސަރުކާރާއި އެމެރިކާ ސަރުކާރާ ދެމެދު "ޖީ-20 ޑެޓް ސާވިސް ސަސްޕެންޝަން އިނީޝިއޭޓިވް" އެއްބަސްވުމުގައި އިއްޔެ ސޮއިކޮށްފި އެވެ.
ސްރީ ލަންކާގައި ބޭއްވި ރަސްމިއްޔާތެއްގައި މި އެއްބަސްވުމުގައި ދިވެހި ސަރުކާރުގެ ފަރާތުން ސޮއި ކުރެއްވީ ރާއްޖެ އިން ލަންލާ އަށް ކަނޑައަޅާފައި ހުންނަވާ ސަފީރު އުމަރު އަބްދުއްރައްޒާގެވެ. އެމެރިކާގެ ފަރާތުން ސޮއިކުރެއްވީ އެ ގައުމުން ރާއްޖެ އާއި ލަންކާ އަށް ކަނޑައަޅާފައި ހުންނަވާ ސަފީރު އަލައިނާ ޓެޕްލިޓްޒް އެވެ.
އެމެރިކާގެ ސަފީރު ކުރެއްވި ޓްވީޓެއްގައި ވިދާޅުވީ، އެއީ 100،000 ޑޮލަރުގެ ޑެޓް ރިލީފް އެއްބަސްވުމެއް ކަމަށެވެ.
Through the #G20 Debt Service Suspension Initiative, the U.S and #Maldives signed a $100,000 debt relief agreement today. I hope our international partners will join us to help countries redirect their resources toward fighting the COVID-19 pandemic. #TogetherWeCan pic.twitter.com/dVasIFXSAi
— Ambassador Teplitz (@USAmbSLM) December 30, 2020
އެމެރިކާގެ އެމްބެސެޑަރު ކުރެއްވި ޓްވީޓު--
މި އެއްބަސްވުމުގެ ނަތީޖާއަކީ، ކޮވިޑް-19 އާ ގުޅިގެން ރާއްޖެ އަށް ކުރިމަތިވި އިގުތިސާދީ ދަތިތަކުން އަރައިގަތުމަށް އިތުރު އެހީއަކަށް ވުން ކަމަށް ދިވެހި ސަރުކާރުން ބުންޏެވެ. މީގެ ސަބަބުން ދަރަނި މެނޭޖު ކުރުމުގައި އިތުރު ލުއިތަކެއް ލިބޭނެ ކަމަށް ވެސް ސަރުކާރުން ވަނީ ބުނެފަ އެވެ.
މި އަހަރުގެ ސެޕްޓެމްބަރު މަހުގެ ތެރޭގައި، ދަރަނި އަދާކުރުން ފަސްކުރުމާ ގުޅޭ މެމޮރެންޑަމް އޮފް އަންޑަސްޓޭންޑިންއެއްގައި ފިނޭންސް މިނިސްޓަރު އިބްރާހިމް އަމީރު ވަނީ ބައެއް ގައުމުތަކާއެކު ސޮއިކުރައްވައިފަ އެވެ. މީގެ ތެރޭގައި އެމެރިކާ ވެސް ހިމެނެ އެވެ.
"ޖީ20 ޑެޓް ސަސްޕެންޝަން އިނިޝިއޭޓިވް" ގެ ދަށުން ޗައިނާ އާއި ޖަޕާނުން ވެސް ވަނީ ރާއްޖޭގެ ލޯނުތައް ފަސްކޮށްދޭން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު
01 January 2021
ތިވަރުން ރާއްޖޭގެ ރެސިޑަންޓް ވިސާ ވެސް ނުލިބޭނެ. އެއައްވެސް 200،000 ޑޮލަރު ބޭނުންވޭ. ހެހެ
ދުންދަނޑި
31 December 2020
ހެހެ ދުނިޔޭގެ ހުރިހާ މުއްސަނދިކަމެއް ފޭރިގެންތިބި ބަޔަކު ކަންމަތީ ފިހާރައެއްގެ ވިކުރާވަރުގެ ލާރިކޮޅެއް ފަސްކޮށްދިންވާހަކަ ބޮޑެތި ސުރުހީ ޖަހައިގެން މިދައްކަނީ.
ޖީ އޯ ޕީ
31 December 2020
ޝުކުރިއްޔާ ޓްރަމްޕް
ސިމްޕަލް
31 December 2020
މި 100،000 ޑޮލަރުން ސަލާމަތްވާން ފައިސާ އެއްކުރަން ޓީވީ މޯލްޑިވްސް އިން ޓެލަތޮންއެއް ނަމަވެސް ބާއްވަމާ؛ ނޫނީ މަޖީދީމަގުގެ އެކި ހިސާބުގައި ފަންޑް ފޮށި ބަހަށްޓައިގެންވެސް މިފައިސާ ކޮޅު އަވަހަށް ދައްކަމާ.
ހިތްތަލަ
01 January 2021
ކާފަގެ މުންޑުވިއްކާލުންކިހިނެއްތޯ ؟؟
ލަބީބު
31 December 2020
ޝުކުރިއްޔާ އެމެރިކާ.
އަލިހަންދްރޯ
31 December 2020
ޝުކުރިއްޔާ ފަހާމަތުއް ރައީސް އަލްއުސްތާޒު ޑޮލާން ޓްރަންޕްބެ
ޝާޑު
31 December 2020
ހެހެހެހެ. ސަޅި.
ސޮބުރީ
31 December 2020
މުޅި ދިވެހި އުއްމަތް ލަދު ގަންނަވާލައިފި
ޒީރޯބެ
31 December 2020
އެންމެ އެއްލައްކަ...
ޔޫގަންޑާ
31 December 2020
މިހާރު މިވާގޮތަކީ ސަލާން ޖަހައިގެން މިގޮތަށް އެކި ތަންތަނުން އެތިކޮޅުތަށް ހޯދައިގެން އަނގާ އަތާ ދިމާކުރަން މަސައްކަތްކުރާއިރު އަނެއްކޮޅުން ކޮރަޕްޝަނުގަ ލާރިނަގާ މީހުން އަވަދިނެތި، އެކަމެއް ނުހުޓުވޭ، ނުހުއްޓުވޭ ތަނުގަ މަދެއްވެސް ކުކުރެވޭ. އެއްބިލިއަން ރުފިޔާނެގުގަ އިސްވެ އުޅުނު މީހާވެސް އަރާމުގަ ގޭގަ. މީކޮންކަހަލަ އިންސާފެއް. ޢިޓްސް ލައިކު ލޯނު ހޯދަނީ މިމީހުން ކާން ބޭނުން އިރަކު
އޮނަރަބްލް އަފީފު ދީދީ
31 December 2020
ވޯލްޑް ބެސްޓް ޓްއަރިސްޓް ޑެސްޓިނޭޝަންގެ ގޮތުގައި އޮވެ ދުނިޔޭގެ އެންމެ އަގުބޮޑު އެތައް ސަތޭކަ ރިސޯޓް އެ ޤައުމެއްގައިއޮތް އާބާދީ 4 ލައްކަ މީހުން ހަމަނުވާއިރުވެސް އެމީހުނަށް ހިދުމަތް ނުދެވި އެމަރިކާ ފަދަ ޤައުމު ތަކުން ދަރަންޏަށް ނަގާފައިވާ 100،000 ޑޮލަރުގެ ދަރަނި ނުދެއްޖިގެން އާދޭސް ކުރާންޖެހޭތީ ލަދެއް ނުގަނޭތޯ. # މިފަދަ ދަރަނި ދައްކާން މާލޭސަރުކާރުގެ ޙަރަދު ކުޑަކޮށް 800މ ޑޮލަރުގެ ދަރަނި ބްރިޖް އެޅުން ހުއްޓާލާކަށްނުވޭތޯ؟ އިންސާނެއްވެއްޖިއްޔާ ލަދެއްވެސްހުންނާންވާނެ.