އަޑުއެހުމަކަށް ހާޒިރު ނުވުމުން ކޯޓުން ޕީޖީ އޮފީސް ޖޫރިމަނާކޮށްފި

ކްރިމިނަލް ކޯޓު: އެ ކޯޓަށް ހާޒިރު ނުވުމުން ޕީޖީ އޮފީސް ވަނީ ޖޫރިމަނާ ކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

07 ޖެނުއަރީ 2021 - 17:03

ކްރިމިނަލް ކޯޓުގެ އަޑުއެހުމަކަށް ޕްރޮސެކިއުޓާ ޖެނެރަލްގެ އޮފީހުގެ ވަކީލުން ހާޒިރު ނުވުމުން އެ އޮފީސް 250ރ. އިން ޖޫރިމަނާ ކޮށްފިި އެވެ.

ކްރިމިނަލް ކޯޓުން ބުނީ ޕީޖީ އޮފީސް ޖޫރިމަނާކުރީ ކުޑަކުއްޖަކަށް ޖިިންސީ ގޯނާކުރި ކަމުގެ ތުހުމަތުގައި ބަންދުގައި ހުރި މީހެއްގެ ބަންދު މުރާޖާ ކުރަން މިއަދު ތާވަލްކުރި އަޑުއެހުމަށް ޕީޖީ އޮފީހުން ވަކީލަކު ހަމަޖައްސާފައިނުވާތީ ކަމަށެވެ.

އެ މައްސަލާގައި ކުރިން ވަކީލަކު ހަމަޖައްސަން ޕީޖީ އޮފީހުގައި އެދިފައި ވިޔަސް، ވަކީލަކު ހަމަޖައްސާފައިނުވާ ކަމަށާއި އެހެންވެ، އަޑުއެހުން ބޭއްވުމުގެ ކުރިން އެކަން ޕީޖީ އޮފީހުގެ ސަމާލު ކަމަށް ގެނެސްފައިވާނެ ކަމަށް ކްރިމިނަލް ކޯޓުން ބުންޏެވެ. ދައުވާލިބޭ މީހާ އާއި ދިފާއީ ވަކީލުންނާއި ތަރުޖަމާނަކު ކޯޓަށް ހާޒިރުވިޔަސް، އަޑުއެހުން ތާވަލްކުރި ގަޑި ޖެހުނުއިރު، ޕީޖީ ވަކީލަކު ހަމަޖައްސާފައިނުވާ ކަމަށް އެ ކޯޓުން ބުންޏެވެ.

ހައި ކޯޓުން ކުރިން ނިންމާފައިވާ ގޮތުން ޕީޖީ އޮފީހުގެ ވަކީލުން ކޯޓަށް ހާޒިރު ނުވެގެން ކޯޓުތަކުން ކުރާ ޖޫރިމަނާތަކަށް ޒިންމާ ވާން ޖެހޭނީ އެކަމުގައި އިހުމާލުވި ވަކީލުން ނުވަތަ ޕްރޮސެކިއުޓާ ޖެނެރަލް އަމިއްލައަށެވެ.

ކުށްކުރުން ޕްރޮސެކިއުޓާ ޖެނެރަލް ކްރިމިނަލް ކޯޓް ޕީޖީ އޮފީސް ޖިނާއީ އަދުލުގެ ނިޒާމު

6 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާވެރިބޭބެ

08 January 2021

ދައުލަތުގެ އެއްޖީބުން އަނެއް ޖީބަށް ލާރިބަދަލުވާ ހުކުމް ކޮން ހުކުމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިލޮޅު

08 January 2021

ޕީޖީ ވަކީލް ގަޑިޔަށް ހާޒިރު ނުވުމުން ޖޫރިމަނާ ތިކުރީ، މައްސަލައެއް ނެތް. އެކަމަކު ތިކޯޓުގެ ޤާޒީން ފޮނި އަނގަތަޅަން ގަޑި ދެގަޑިއިރު ލަހުން މައްސަލަ ފެށީމަ ޖޫރި މަނާ ކުރާނެ މީހަކު ނެތްދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަށަފަރު މީހާ

07 January 2021

ހާދަ ބޮޑު އަދަދެކޭެ ތިވެސް ދެއްކޭނީ ބަހަލައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތް އާދަނު

07 January 2021

ވަކީލެއްގެ ފަރުވާ ކުޑަކަމުން އިންސާފަށް ހުރަސްއެޅޭއިރު، ޕީޖީ ޒިންމާވާން ޖެހޭނެ. ގިނަފަހަރު ދައުލަތުގެ ވަކީލުން ވަރަށް ޒިންމާކުޑަ. ފިޔަވަޅު އަޅާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

07 January 2021

ކްރިމިނަލް ކޯޓުގެ އަޑުއެހުމަކަށް ޕްރޮސެކިއުޓާ ޖެނެރަލްގެ އޮފީހުގެ ވަކީލުން ހާޒިރު ނުވުމުން އެ އޮފީސް 250ރ. އިން ޖޫރިމަނާ ކޮށްފިި އެވެ. މިއީ އިންސާފެއް ނޫނެވެ. މިއުޅެނީ ކުޑަ ކުއްޖަކަށް ޖިންސީ ގޯނާ ކުރިކަމުގެ ތުހުމަތުގެ ބޮޑު މައްސަލަ އެކެވެ. ޕީޖީ ޖޫރިމަނާ ނުކޮށް ދާން ހުރި ވަކީލުން އުޒުރެއްނެތި ހާޒިރު ނުވާނަމަ ވަޒީފާ އިން ވަކި ކުރަން ވީ އެވެ. ފައިސާގެ ބޭނުމުގަ ވެސް ހާޒިރު ނުވެ ހުރެދާނެ އެވެ. ސީރިއަސް މައްސަލަ އެކެވެ.