ވެސްޓް ޕާކު ސަރަހައްދުގެ މަގުތައް ހަދަނީ -- ފޮޓޯ: އަހުމަދު އަވްޝަން އިލްޔާސް/ މިހާރު
11 ޖެނުއަރީ 2021 - 14:21
39 comments
މާލޭގެ މަގުތަކުގެ ޓްރެފިކަށް އިންތިހާ އަށް ބާރުބޮޑުވެ، އާންމުންގެ ޝަކުވާތައް ބޮޑުވިޔަސް ރޭގަނޑުގެ ވަގުތުތަކުގައި މަގު ބަންދުކޮށްގެން ކޮންސްޓްރަކްޝަން މަސައްކަތް ކުރުމުގެ ހުއްދަ ދިނުން ހުއްޓާލައި ހަމަ އެކަނި ދުވާލުގެ ވަގުތުތަކުގައި އެ ހުއްދަ ދޭން މާލެ ސިޓީ ކައުންސިލުން ނިންމައިފި އެވެ.
ޝީޓު އެޅުން ފަދަ މަސައްކަތް ކުރަން މަގު ބަންދުކުރަން މީގެ ކުރިން ހުއްދަ ދެނީ ރޭގަނޑުގެ ވަގުތުތަކަށެވެ. ނަމަވެސް ކޮވިޑް-19 އިން ރައްކާތެރިވާން މާލެ ސަރަހައްދުގައި އިއުލާނުކުރި ކާފިއުގެ ސަބަބުން ރޭގަނޑު ބޭރުގައި އުޅުން މަނާވާތީ ދުވާލު ހުއްދަ ދޭން ފެށި އެވެ. ސިޓީ ކައުންސިލުން މިހާރު ވަނީ މި ބަދަލު ދަމަހައްޓަން ނިންމައިފަ އެވެ.
ކޮވިޑް-19 ގެ ހާލަތަށް ރިއާޔަތްކޮށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ދިން ލުއިތަކުގައި މިހާރު ވަނީ ކާފިއު އުވާލައިފަ އެވެ.
މާލޭ ސިޓީ ކައުންސިލް މެމްބަރު އަހުމަދު ޒަމީރު "މިހާރު" އަށް މިއަދު ވިދާޅުވީ ދުވާލު މަގު ބަންދުކުރާތީ ޓެކްސީ ޑްރައިވަރުންނާއި ވިޔަފާރިވެރިންނާއި އާންމުންގެ ޝަކުވާތައް ލިބެން ފެށުމުން، ކުރިން ވެސް އޮތް ގޮތަށް މިކަން ބަދަލުކުރުމަށް ކައުންސިލްގެ ބޯޑަށް މިދިޔަ ނޮވެމްބަރު 19 ވަނަ ދުވަހު ހުށަހެޅި ކަމަށެވެ. އެކަމަކު ބޯޑުން ނިންމީ މިހާރު ވެސް އޮތް ގޮތަށް، ދުވާލު މަގު ބަންދުކުރުމަށް ހުއްދަ ދޭށެވެ.
"ރޭގަނޑު ދަންވަރު މަގުތައް ބަންދުކޮށްގެން ކޮންސްޓްރަކްޝަން މަސައްކަތްކުރުމުން، އަޑު ގަދަވުމުން ނިދަން އުނދަގުވާނެތީ ކަމަށް ބުނެ ކައުންސިލްގެ ބޯޑުން އެ ހުށަހެޅުން ރިޖެކްޓްކުރީ،" އޭނާ ވިދާޅުވި އެވެ.
ނަމަވެސް ދުވާލު ގަޑީގައި މަގުތައް ބަންދުކުރުމުން މާލޭގެ މަގުތަކަށް ބާރު ބޮޑުވެ އެވެ. އަދި އިއްޔެ ސްކޫލްތައް ދެ ވަނަ ޓާމަށް ހުޅުވުމާ އެކު އިތުރަށް ބާރު ބޮޑުވި އެވެ.
Traffic floor ah visnaalumeh nethi hama eh lama eh nethi @MaleCitymv in dhanee magu bandhu kuran huhddha dhemun . @SifaMohammed @AmnaShath @PoliceMv @M_Hameedh https://t.co/vQtbq71UU7
— AHMED REEHAN®️ (@reekhan999) January 9, 2021
މާލޭގެ މަގުތައް ދުވާލު ވަގުތު ބަންދުކުރުމުން ކުދާ
"މިކަމާ ގުޅިގެން އެތައް ބައެއްގެ ޝަކުވާތައް ލިބޭތީ ކުރިން ވެސް ކަންތައް ކުރަމުން އައި ގޮތަށް ބަދަލުކުރަން އެދުނީ. މިކަމާ ގުޅިގެން ސޯޝަލް މީޑިއާގައި ވެސް މީހުން އަންނަނީ އަޑު އުފުލަމުން،" ޒަމީރު ވިދާޅުވި އެވެ.
ސޯޝަލް މީޑިއާގައި ބައެއް މީހުން އަންނަނީ ދުވާލު މަގުތައް ބަންދުކުރާތީ އެކަމުން ދިމާވާ ދަތިކަމުގެ ވާހަކަ ދައްކަމުންނެވެ. އަދި ސްކޫލްތައް ހުޅުވުމުން އެކަމަށް ވެސް ބެލުމެއް ނެތި، މަގުތައް ބަންދުކުރާތީ ވަނީ ޝަކުވާ ބޮޑުވެފަ އެވެ.
މާލޭގެ ގޭގޭގައި ކޮންސްޓްރަކްޝަން މަސައްކަތްތައް ކުރުމަށްޓަކައި ދުވާލު ގަޑިތަކުގައި ހުއްދަ ދިނުމުން އެކި ސަރަހައްދުތަކުގެ ޓްރެފިކަށް ބާރު ބޮޑުވެ، އާންމުންނަށް މިހާރު ވަނީ ބޮޑު ތަކުލީފަކަށް ވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮރެންޖްބެރީ
18 January 2021
ކޮންސްޓްރަކްޝަން ކުންުފުނިތަކުން ބަންގްލަދޭޝް މީހުން ލައްވާ މަސައްކަތްކުރުވާއިރު، ނަމާދުކުރަން ވަގުތު ނުދޭކަން ފާހަގަކޮށްލަން. ޖެހިގެން ހުރި އިމާރަތްފެށިއިރު ކުޑަހުސްތަންކޮޅެއް އޮތީތީ ނަމާދުކުރާމީހުން ދެކެން މެންދުރު ކެއުމަށް ހުއްޓާލާ ގަޑީގަ. ނަމަވެސް މަސައްކަތް ފެށީމަ ދެން ނުދޭ ހުސްވަގުތެއް، އަސުރެއް، މަގްރިބެެއް އިޝާއެއް (ފަތިސްވަންދެން ވެސް މަސައްކަތްކުރުވާފަހުރި މަންޒަރު ދުށިން).
ނިންޖޭނަގާލީ
12 January 2021
މިވާހަކަ ނުދައްކަން މިހުންނަނީ. ރޭގަނޑު 12 ޖަހާއިރުން ފެށިގެންގޮސް ފަތިސްވަންދެން މަސައްކަތްކުރާއިރު ކޮން ނިދުމެއް ނިދޭނީ.
ނަސްރު45
12 January 2021
މިހާ ގިނަ މީހުން ދިރި އުޅޭ ތަނެއްގަ ރޭގަނޑު ދަންވަރު ގަދަ އަޑާއި އެކު ކޮންސްޓަރަކްސަން މަސްއްކަތް ކުރީމާ ކިހިނެއްތޯ ނިދާނީ.؟ ފުރަތަމަ ތިޔަ ކައުންސިލްގެ މެމްބަރުންގެ ގޭ ދޮށުގާ ދަންވަރު ކޮންސްޓރަކްސަން ޖައްސާން ފެނޭ. ރޭގަނޑު 6 އިން މެންދަމު 12 އަށް މީ އެންމެ އެކަށޭނަ ގަޑި.
ފިނރުޓޭ
12 January 2021
ކީއްކުރާނީ ދެން ހަމަ ގެދޮރުވެސް ހަދަން އެބަ ޖެހޭނު!
އަލިމާޒް
12 January 2021
ޝުކުރިއްޔާ ސާލިހް
ށަވިޔަނި
12 January 2021
މިއީ ގަރުނުގެ ބޮޑު ޖޯކް. ދުވަހަކު ނުނިމުނު މަޝްރޫޢެއް.
ޝައިޚް
12 January 2021
ދޮނކަލޯ، މަޝްރޫއެއްނޫން އިނގޭ، ގެދޮރު މަރާމާތް، ގޭގެ ކޮންކްރީޓްކުރުން، މަގުހެދުމެއްނޫން، ޚަބަރު ރަނގަޅަށް ކިޔާލަންވީނު.
ކުޑަދޫ
12 January 2021
ވަރަށް ރަގަޅު ނިންމުމެއް. ރޭގަނޑު މަސައްކަތްކުރާ މީހުންގެ ސަބަބުން ކުޑަކުދިންނާއި ދުވަސްވީ މީހުން ހިމެނޭ ގޮތަށް އެތަށް ބައެއްގެ ނިދިން މަހުރޫމްވޭ، ކޮންކްރީޓް މިކްސްކުރާ މެޝިންތަކުގައި އެހަޖާ ދަގަނޑު މަރުތޭލުން ޖެހުމުން ކޮންމެ މީހަކަށްވެސް އުނދަގޫވާނެ. މިހާރު އެއަޑުތަށް ނީވެތީ ވަރަށް ޝުކުރުކުރަން. ސިޓީކައުންސިލްގެ ތިޔަނިންމުން ހަމަ ވަރަށް ރަގަޅު
ޣުލާމް
12 January 2021
ޒަމާނީ ޓެކްނޯލޯޖީގެ އެހީގައި ދަގަނޑު މަރުތޭލުން ނުތަޅާ ތިކަން ވާކަށް ނެތްތަ؟ އަޑު ބަންދުވާހެން މަސައްކަތް ކުރާ ބަރު މެޝިންތައް މިހާރު ހުންނާނެ. އެހެންނޫނިއްޔާ އިންޑަސްޓްރިއަލް ޒޯނޭ ކިޔައިގެން ހިއްކި ސަރަހައްދު ގަށާ މެޝިން ބަހައްޓައިގެން ގަށައިގެން ގެނެސްވެސް ޝީޓް މައްޗަށް ހުސްކޮށްލެވޭނެ.
ޙހގގވ
12 January 2021
ޙަމަ ސިކުނޑި ތޮރުފާހެން ހީވަނީ...
ޒަރީރު ހުސައިން
11 January 2021
މޮޔައިންތަކާ އަދިވެސް މާލެއަށް މީހުން ތޮއްޖެއްސުން ހުއްޓަން ވިސްނާކަށް ނުވޭތަ. ހުޅުމާލެ އަށް މީހުން ގެނަޔަސް އެވެސް ހަމަ ނުސީދާ ގޮތުން މާލެއަށް ކުރާނެ ބާރު. ޒަމާނުއްސުރެ ހުރި ރީޖަނަލް ހަބް ތައް މިހާރަށް ވުރެ ފުރިހަމަ ކުރަން ޖެހެނީ. މިގޮތުން އައްޑޫ ސިޓީ، ފުވައްމުލަށް، ތިނަދޫ، ކުޅުދުއްފުށި މާލެ އާ އެއް ފެންވަރަށް ތަރައްގީ ކޮށްލަބަލަ ނިކަން. އޭރަށް މާލެ އަކީ ވެސް މާލޭގައި އުޅެން ބޭނުން ވާ މީހުންނަށް ދަތި ކަމެއްނެތި އުޅެވޭ ތަނަކަށް ވާނެ.
އަޙްމަދު.
11 January 2021
ޝިފާ އެމްޑީޕީ ޕްރައިމަރީއިން ބަލި ވި ހިސާބުން ފެށިގެން މާލެ ސިޓީގައި ދިރިއުޅޭ ރައްޔިތުންނަށް ޖެއްސުންކުރުމުގެ ސިލްސިލާ ފެށިއްޖެ!!!
އެއްކަލަ މީހާ ދޯ
11 January 2021
ސްކޫލް ކުދިންނަށް އުނދަގޫ ވާނެތީ އަދި ކޮވިޑް ބަލި ފެތުރޭތީވެ މިހާރު ޓީޖެޓީ ސަރަހައްދުގަވެސް ކްރޭން ބޭނުން ކުރުން މަނާ. އެއް އޮޑިން އަނެއް އޮޑިއަށް ސިމެންތި ބަސްތާތައްވެސް އުފުލަން ޖެހެނީ އެކެއްގެ ކޮނޑުން އަނެކާގެ ކޮނޑުން ފަހަރަކު ބަސްތާއެއް!
ސައިރާ
12 January 2021
އެއީ މައްސަލައެއް ނޫން އެވަރަށް ބަންގްލަދޭޝް މީހުން ތިބޭނެ. އެހެންނޫނަސް ދިވެހިންނަކީ މިއަށްވުރެ މާ އުނދަގޫ ހާލަތުގައި އެއްޗެހި މީހުންގެ ކޮނޑުމަތީ އުފުލައިގެން ދުޅަހެޔޮ ދިރިއުޅުމެއް އުޅެފައިވާ ބައެއް. މިހާރު ކާށި ބަސްތާއެއް އުފުލާލަންވެސް ބޭނުންވަނީ ކެރޭނު. ދެއިރަށް ހޮޓާތަކަށް އަރާ ގަދަޔަށް ކައިގެން ކޮންމެ ކަމަކަށް ބަންގްލަދޭޝްމީހުން ލައިގެން މިވެރިންތިބެނީ ބޮޑެތި ބަނޑުލާފަ. 40ނުވަނީސް ހަކުރު ލޭ ކޮލެސްޓްރޯލް މަތިވޭ. ހާޓްއެޓޭކް ޖެހޭ.ކަންނެތްކަމުން