ޕަރިނީތީގެ ހޮލީވުޑް ރިމޭކް އަންނަ މަހު ނެޓްފްލިކްސް އަށް

އަހުމަދު އަދްޝަން، މިހާރު

15 ޖެނުއަރީ 2021 - 08:00

ޕަރިނީތީ ޗޯޕްރާގެ އާ ފިލްމު "ދަ ގާލް އޮން ދަ ޓްރެއިން" އަންނަ މަހުގެ 26 ގައި ނެޓްފްލިކްސް އިން ޕްރިމިއާކުރާ ގޮތަށް ނިންމައި، އޭގެ ޓީޒާ ޓްރެއިލާއެއް ދައްކާލައިފި އެވެ.

ދެހާސް ނަވާރަ އަހަރު އިނގިރޭސިވިލާތުގައި ޝޫޓްކުރި މި ފިލްމަކީ 2016 ގެ ހޮލީވުޑްގެ ސައިކޮލޮޖިކަލް ތުރިލާ "ދަ ގާލް އޮން ދަ ޓްރެއިން" ގެ ރިމެކެކެވެ. އޭގައި އެމިލީ ބްލަންޓް ކުޅުނު ރޯލުން ހިންދީ ފިލްމުން ފެންނާނީ ޕަރިނީތީ އެވެ.

ރިބޫ ސެންގުޕްތާ ޑައިރެކްޓްކުރި "ދަ ގާލް އޮން ދަ ޓްރެއިން" ގެ ހިންދީ ރިމެކްގެ ކާސްޓްގައި އަދިތީ ރާއޯ ހައިދްރީ އާއި ކްރިތީ ކުލްހާރީ އަދި މިދިޔަ އަހަރު ނެޓްފްލިކްސް އިން ގެނެސްދިން "ބުލްބުލް" ގެ ބަތަލު އަވިނާޝް ތިވާރީ ހިމެނެ އެވެ.

•THE GIRL ON THE TRAIN• 💕🙏 LETS DO THIS!
26th Feb, only on Netflix. #TGOTT @aditiraohydari @IamKirtiKulhari @avinashtiw85 @tota_rc @SHAMAUN @ribhudasgupta @Shibasishsarkar @RelianceEnt @amblin @ZeeMusicCompany @NetflixIndia pic.twitter.com/sXBcCmkPA3
— Parineeti Chopra (@ParineetiChopra) January 13, 2021

ޕަރިތީނީ ބުނި ގޮތުގައި "ދަ ގާލް އޮން ދަ ޓްރެއިން" އަކީ އޭނާގެ ކެރިއަރުގައި މިހާތަނަށް ކުޅެން ޖެހުނު އެންމެ އުނދަގޫ އަދި އެންމެ ބުރަކޮށް މަސައްކަތްކުރަން ޖެހުނު ރޯލެވެ.

އޭނާ އެންމެ ފަހުން ބޮޑު ސްކްރީނުން ފެނިފައި ވަނީ 2019 ގެ "ޖަބަރިޔާ ޖޯޅީ" އާއި "ކޭސަރީ" އިންނެވެ.

ބަތަލާ ޕްރިޔަންކާ ޗޯޕްޅާއާ ދެބޭންގެ ދެދަރި ޕަރިނީތީގެ ކުރިއަށް ހުރި ފިލްމުތަކުގެ ތެރޭގައި އިންޑިއާގެ ބެޑްމިންޓަން ތަރި ސައިނާ ނެހްވާލްގެ ބައޮގްރަފިކަލް ޑްރާމާ "ސައިނާ" އާއި ރަންބީރް ކަޕޫރްގެ "އެނިމަލް" ގެ އިތުރުން ރިލީޒްނުކުރެވި ދިގުލައިގެން ގޮސްފައި އޮތް ޔާޝްރާޖް ފިލްމްސް (ވައިއާރްއެފް) ގެ "ސަންދީޕް އޯރް ޕިންކީ ފަރާރް" ހިމެނެ އެވެ.