149 ކިލޯގެ ޑްރަގްގެ މައްސަލަ ނާކާމިޔާބުވުން: ޕީޖީ ޝަމީމް ކޮމިޓީ އަށް ހާޒިރު ކުރަނީ

ޕީޖީ ޝަމީމް: 149 ކިލޯ ޑްރަގް މައްސަލަ ކޯޓުން ބޭރުކޮށްލި މައްސަލާގައި އޭނާ މަޖިިލީހުގެ ކޮމެޓީއަށް ގެންނަން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

17 ޖެނުއަރީ 2021 - 16:15

16 comments

ރާއްޖެ އެތެރެކުރި 149 ކިލޯގެ މަސްތުވާތަކެތީގެ މައްސަލައިގައި ދައުވާ ލިބޭ ގިނަ ބައެއްގެ ބައި ކޯޓުން ބޭރުކޮށްލި މައްސަލައިގައި ޕްރޮސެކިއުޓާ ޖެނެރަލް ހުސައިން ޝަމީމް ރައްޔިތުންގެ މަޖިލީހުގެ ޖުޑިޝަރީ ކޮމިޓީ އަށް ހާޒިރު ކުރަން މިއަދު ނިންމައިފި އެވެ.

ރާއްޖޭގެ ފަހުގެ ތާރީޚެއްގައި އެއްފަހަރާ އަތުލައިގަތް ރެކޯޑް އަދަދެއް ކަމަށްވާ، 149 ކިލޯގެ މި މަސްތުވާތަކެތީގެ އަގު 260 މިލިއަން ރުފިޔާ އަށް އަރާނެ ކަމަށް ފުލުހުން ބުނެފައި ވެ އެވެ.

ގދ. ހުޅުވާރުލުގައި ވަޅުލާފައި ހުއްޓާ އޭޕްރީލް، 2019 ގައި ފެނުނު 149 ކިލޯގެ މަސްތުވާތަކެތީގެ މައްސަލައިގައި ގައްދޫ ކޯޓުގައި ފަސް މީހަކަށް ކުރި ދައުވާގައި، އޭގެ ތެރެއިން ހަތަރު މީހެއްގެ ބައި އެ ކޯޓުން މިދިޔަ ހަފުތާގައި ވަނީ ބޭރުކޮށްލައިފަ އެވެ. އެއީ ދައުވާ ކުރުމުގެ މުއްދަތު ހަމަވި ފަހުުން ދައުވާ ކުރުމުންނެވެ.

ތަހުގީގުގައި ފުލުހުން ހަދާފައިވާ އިޖުރާއީ ގިނަ ގޯސްތަކެއް އެ ހުކުމުގައި ފާހަގަ ކޮށްފައިވެ އެވެ. ކުރީގެ ޕީޖީ އައިޝަތު ބިޝާމްގެ ދައުރުގައި ދައުވާ އުފުލި އެ މައްސަލަ ބޭރުކޮށްލި ނިންމުން އިސްތިއުނާފު ނުކުރަން ޕީޖީ އޮފީހުން މިހާރު ވަނީ ނިންމައިފަ އެވެ.

އެ މައްސަލަ ބަލަން މަޖިލީހުގެ ޖުޑިޝަރީ ކޮމިޓީގެ މުގައްރިރު އަދި މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ހުށަހެޅުއްވި މައްސަލައާ ގުޅިގެން އެ ކޮމިޓީން މިއަދު ނިންމީ ކަން ހިންގި ގޮތް ބެލުމަށް ޕީޖީ އެ ކޮމެޓީއަށް ހާޒިރު ކުރުމަށެވެ.

މީގެ އިތުރުން އެ މައްސަލައިގައި ފުލުހުން އިިހުމާލުވި ކަމަށް ތުހުމަތު ކުރެވޭ މައްސަލަ ރައްޔިތުން މަޖިލީހުގެ ސަލާމަތީ ޚިދުމަތްތަކާ ބެހޭ ކޮމިޓީން ވެސް މިހާރު އަންނަނީ ބަލަމުންނެވެ.

ފުލުހުން ރައްޔިތުންގެ މަޖިލިސް މަސްތުވާތަކެތި ހުސައިން ޝަމީމް (ޕީޖީ) ޖުޑީޝަރީ ކޮމިޓީ (ރައްޔިތުންގެ މަޖިލިސް) ޕީޖީ އޮފީސް ގދ. ގައްދޫ

16 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަޖަމް

18 January 2021

މޮޅު ސްޓަންޓެއް ޖައްސާލާ ރައްޔިތުމީހާ ގުނބޯ ހައްދާލީ ހެހެ،، ކަނާތުން ވައަތެއް ނިކަނޑާނެ ދޯ1

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސޭހަތް

18 January 2021

މަކަރުވެރި ރޭވުންތަކުން މިގައުމު ސަލާމަތް ކުރަމާ ހިނގާށެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިރޯ

17 January 2021

ހުސް ފޭކް ޖައްސަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

17 January 2021

ފީޖީއާއި ސީފީ އަކީ ވެސް އެމްޑީއެންގެ މެންބަރުން މި މީހުން ރަގަޅެއް ނުވާނެ. ރަށްއިތުންވަނީ ތި ދެމީހުންގެ ވެސް އިތުބާރު ނެތް ކަމަށް މާ ކުރިންވެސް ނިންމާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަަޖައިބު

18 January 2021

މިއީ ބިޝާމް ޒަމާނުގެ ކަމެކޯ. ހަބަރުކިޔާބަލަ ކޮއްކޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

17 January 2021

ކޮމިޓީއަށް ހާޒިރުކުރަނީ ރައްޔިތުން ގުބޯ ހައްދަން. ތިކުޅޭ ޑްރާމާތައްވެސް ނިމޭނެ ދުވަހެއް އަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާޒީސާރ

17 January 2021

މިހާތަނަށް މި ގައުމުގައި އިންސާފު ހޯދުނީ ޢަބްދު ﷲ ޤާޒީ ކިޔާ ބޭފުޅަކަށް އެކަނި! އެވެސް އޭނާ ނުސީދާ ކޮށް ކުރިކަމަކުން މީހަކު މަރުވީމާ ކަމަށް ރަށުތެރޭގައި ކިޔާ، އެހެންވީމާ އިންސާފު ވެރިވާނީ މިވަރަކަށް.... ދެން ތިބީ ހުސް ގަމާރުން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބޫ

17 January 2021

ކޮން ވާހަކައެއް! ތީ ހަމަ ކުޅޭ ގޭމްއެއް! ތިޔަހެން ކޮންމެ ކަމެއް ހިނގާފަ މަޖުލިސްއަށް ގެންގޮސަ އެހެން ވާހަކަ ދައްކާފަ އޮތްބާލަނީ! ރޯޔަލް ޜ ވެސް އެހެން! ވެންޓިލޭޓަރު! ޓުއަރިޒަމް މިނިސްޓަރީ ކޭސް! މިހެން ގޮސް ހިނގި ހުރިހާ ޖަރީމާއެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

17 January 2021

މިފަހަރު ކީކޭބާ ކިޔާނީ؟؟ މީގެކުރިން ޕީޖީ ބޭނުން ނުވާގޮތަކަށް ހުކުމް ކުރާ ޤާޒީންގެ މައްސަލަ ޖޭއެސްސީ މެދުވެރިކޮއް ސަސްޕެންޑް އަދި ވަކިކުރަމުން ދިޔައީ، މިފަހަރު ޕީޖީން މަޖިލިސްގާ ކީކޭބާ ކިޔާނީ؟؟؟ މައްސަލަ ބޭރުކޮއްލީ އެއްމެ ކަމެއް ދެކަމެ ނޫން ގޯސްކޮން ހިންގާފަކަ އޮތީ، ތަހްޤީގް ފެށިގެން ކޯޓަ މައްސަލަ ވެއްދީވެސް ޤާނޫނާ ޤަވއިދުތަކާ ހިލާފަ، ދުނިޔޭގެ އެއްމެ ފުންނާބް އުސް ޤާނޫނީ މުފައްކިރެކޭ ޕީޖީއަ ހުރީ ކިޔާ އަޑު އަހަން،،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

17 January 2021

މި ސަމީމަކީ އަހަރަމެން ހީކުރިވަރު މީހަކަށް ނުވި. ވަރަށް ރަގަޅު މީހެއް ކަމަށް އުއްމީދުކުރެވުނީ. އެކަމް މިހާރު މީނަގެ ބަސްމަގު މި ހުންނަ ގޮތުން ބުނާނި އެއްޗެއް ނޭގިފަ މި ހުންންނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދޫ

17 January 2021

ޖިނާއީ މައްސަލައެއް ގެ ދައުވާ އުފުލުނަޖެހޭ ވަކި މުއްދަތެއް އޮންނާކަށެއްނުޖެހޭ.ޖިނާއީ މައްސލައިގެ ތަހުގީގު ނިންމާކަށް ވަކި މުއްދަތެއް އޮންނާކަށް ނުޖެހޭ.ޖިނާއީ މައސލަތަކުގެ ހެކި ހޯދަންޖެހެ ގޮތެއް އޮންނާކަސް ނުޖެހޭ. ގާނޫނުއަސަސީ ގެ 52 މާއްދާ އިސްލާހު ނުކުރަނިސް ގައުމަށް ހަމަޖެހުމެއް ނާންނާނެ.