ކޮންސްޓްރަކްޝަން މަސައްކަތަށް ދުވާލު މަގު ބަންދުނުކުރެވޭ ގޮތް ހަދައިފި

ވެސްޓް ޕާކު ސަރަހައްދުގެ މަގުތައް ހަދަނީ: ކޮންސްޓްރަކްޝަން މަސައްކަތަށް ރޭގަނޑު ހުއްދަ ލިބޭނީ 6:00 އިން 12:00 އަށް -- ފޮޓޯ: އަހުމަދު އަވްޝަން އިލްޔާސް/ މިހާރު

ލަމްޔާ އަބްދުﷲ، މިހާރު

18 ޖެނުއަރީ 2021 - 15:58

17 comments

މިހާރު އޮންނަ ގޮތަށް ދުވާލުގެ ވަގުތުތަކުގައި މާލޭގެ މަގުތައް ބަންދުކޮށްގެން ކޮންސްޓްރަކްޝަން މަސައްކަތް ނުކުރެވޭ ގޮތަށް މާލެ ސިޓީ ކައުންސިލުން ހަމަޖައްސައިފި އެވެ. އޭގެ ބަދަލުގައި އެފަދަ މަސައްކަތްތަކަށް ދެން ހުއްދަ ދޭނީ ރޭގަނޑު ކުރާ ގޮތަށެވެ.

ޝީޓު އެޅުން ފަދަ މަސައްކަތްތައް ކުރަން މަގު ބަންދުކުރަން ރޭގަނޑު ވަގުތު ކުރިން ހުއްދަ ދެމުން އައި ނަމަވެސް ކޮވިޑް-19 އިން ރައްކާތެރިވާން އެޅި ފިޔަވަޅުތަކާ އެކު ރޭގަނޑު ބޭރުގައި އުޅުން މަނާވި އެވެ. އެހެންވެ، އެ މަސައްކަތް ކުރަން ހުއްދަ ދޭން ފެށީ ދުވާލު އެވެ.

މާލެ ސިޓީ ކައުންސިލްގެ މޭޔަރު ޝިފާ މުހައްމަދު "މިހާރު" އަށް ވިދާޅުވީ، ރޭގަނޑު މަގު ބަންދުކުރަން ހުއްދަ ދިނީ މަޖުބޫރު ވެގެން ކަމަށެވެ.

"މިއީ މާލޭގެ ރައްޔިތުން ބޭނުންވާ ގޮތެއް ވެސް ނޫން. އަޅުގަނޑުމެންނަށް އަބަދު ވެސް ގިނަ ޝަކުވާތަކެއް ލިބޭ، [ރޭގަނޑު ކޮންސްޓްރަކްޝަން މަސައްކަތްކުރާތީ] އަޑުގަދަވެގެން ނުނިދޭތީވެ،" ޝިފާ ވިދާޅުވި އެވެ.

ޝިފާ ވިދާޅުވީ ހުރިހާ ކަމެއްގައި އެހެން އިދާރާތަކުން ހުއްދަ ދެމުން އަންނަނީ ޓްރެފިކަށް ފަސޭހަ ވާނެ ގޮތަށް ކަމަށާއި މާލޭގައި އުޅޭ ރައްޔިތުންނާ ދޭތެރޭ ނުވިސްނާ ކަމަށެވެ. އަދި މި ގޮތަށް ބަދަލުކުރަން މި ޖެހުނީ ސްކޫލްތައް ހުޅުވުމުން ދަރިވަރުންނަށް ފަސޭހަ ވާނެ ގޮތް ހަދަން ކަމަށް ވެސް ވިދާޅުވި އެވެ.

ނަމަވެސް މިއީ އޭނާ ސަޕޯޓުކުރައްވާ ނިންމުމެއް ނޫން ކަމެއް ކަމަށް ވިދާޅުވި އެވެ. އަދި މާލޭގައި އުޅޭ ރައްޔިތުންނަށް ހަމަޖެހިލައިގެން ނިދޭނެ ގޮތް ހެދުމަކީ، އޭނާ ދެކެވަޑައިގަންނަވާ ގޮތުގައި މާ މުހިއްމު ކަމެއް ކަމަށް ވިދާޅުވި އެވެ.

އެ މަސައްކަތް ކުރަން ހަވީރު 6:00 އިން ފެށިގެން ރޭގަނޑު 12:00 އާ ހަމައަށް ހުއްދަ ދޫކުރި ނަމަވެސް، ރޭގަނޑު 10:00 ގެ ކުރިން މަސައްކަތް ނިންމަން އޭނާ އިލްތިމާސްކުރެއްވި އެވެ. މިއީ މިދިޔަ ހަފްތާގައި ކައުންސިލުން ކުރިއަށް ގެންދިޔަ މަޝްވަރާތަކަކަށް ފަހު ނިންމި ނިންމުމެކެވެ.

ނަމަވެސް ކުދިކުދި މަސައްކަތްކުރަން ދުވާލު ވަގުތުތަކުގައި މަގު ބަންދުކުރުމުގެ ހުއްދަ އަދިވެސް ދޫކުރާނެ ކަމަށް ވިދާޅުވި އެވެ.

"ދުވާލަކު 15-20 ތަން ބަންދުކުރަން އަޅުގަނޑުމެންނަށް އެދިފައިވޭ. އެ ހުރިހާ ތަންތަނެއް އެއް ވަގުތަކު ބަންދެއް ނުކުރެވޭނެ،" ޝިފާ ވިދާޅުވި އެވެ.

Shakuvaathakah belumeh neiy, Magu bandhu koggen dhen massakkaiy kuran jeheynee dhuvaalu

The most trusted news source in the Maldives

Mihaaru

ކޮންސްޓްރަކްޝަން ދާއިރާ މާލެ ސިޓީ ކައުންސިލް ޓްރެފިކް މާލޭގެ މޭޔަރު ޝިފާ މުހައްމަދު

17 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑްރއިވަރ

19 January 2021

ބާރުބޮޑުނުވާ އެއްވެސް މަގެއް ބަންދުކުރާނެ ކަމެއްނެތް.. މަގުތަށް ބަންދު ކުރަން އެންގުމުން ބާރު އެއްވެސް ވަރަކަށް ބޮޑުނުވާ މަގުތައްވެސް ބަންދުކުރަނީ. ނެތް ސަލާމަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަކިވެހި

19 January 2021

މަގުމަތީ ރަކެތިބެހެއްޓުމާއި އަރުވާބޭލުމާއި ބޭނުންވަގުތެއްގައި އެމީހަކު ބޭނުންތަނެއްގައި ހަލާކުވެފައިވާ ޕެލެޓުތަށް ބެހެއްޓުމުގެ އާދައަކީވެސް މާލޭސިޓީ ކައުންސިލްގެ ބެލުންތެރިކަން ކުޑަވީމާ ވީކަމެއް ނިކަން މިކަންވެސް ހުއްޓަބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަކިވެހި

19 January 2021

މާލޭކައުންސިލް ފެއިލްވެފައި އެމްޑީޕީއަކީ ފަނާކުރާބަޔެއް އެހެންމީހުން ޖެހޭނީ ބިނާކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްތިއު

18 January 2021

މަޖުބޫރުވިއްޔޭ؟؟؟؟؟؟؟ ޑިމޯކްރަސީގައި އޮންނާނީ ގިނަ މީހުން ބޭނުންގޮތް. ކެޕިޓަލިސްޓު ލާރިވެރީން ބޭނުން ގޮތެއް ނޫން. ދެން ކީއްކުރާ ކައުންސިލެ؟ އަދި ހުއްދަ ދެނީ 12 ޔާ ހަމަޔަށޯ. 1:00 އަށް ހުއްޓަން އިލްތިމާސް ކުރަމޯ!!!!!!!!!! ލަދެކޭ ނުބުނާނަން. އެކަމަކު ތިއެންމެނަށް މުސާރަ ދިނުމަށްވުރެ މާ ރަގަޅެއްނު ވިޔަފާރިވެރި މުސްސަނދިން ބޭނުން އިރަކު މަަސައްކަތް ކުރާށޭ ބުނެފަ އިސްތިއުފާ ދީފަ ގެޔަށް ދިޔައްޔާ؟؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދހޮއްު

18 January 2021

ކީކޭތޯ ތި ކިޔަނީ ... އިއްޔެ ބުނެފި ކިތަންމެ އުނދަގޫވިއަސް ދުވާލޭ .. މިއަދު މިބުނަނީ ރޭގަނޑޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެރެދި ބެއްޔާ

18 January 2021

ތިކައުންސިލް ގެ ހޮވިފަ ތިބި މެންބަރުންގެ ފެންވަރު ވަރައްރަގަޅަށް އެގޭނެ ތިކައުންސިލްގެ އެކިކަންތައްތަކުގައި ދާމީހުނަށް. ތިޔާ ތަނަށް އުފަންދުވަހުގެ ސެޓްފިކެޓެއްހަދަން ނުވަތަ މަގުބަންދުކުރަންބޯޑެއް ހޯދަން ދިޔަކަމުގައިވިޔަސް އެއުފުލަންޖެހޭ ތަކުލީފު އިގޭނީ އެތަނަށް ދިޔަމީހަކަށް، އަދިވެސް މަގާމުތަކުގައި ތިބެވޭތޯބަލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ރައި ރަޝީދު

18 January 2021

ރައްޔަތުންގެ އިހުސާސް ނުދަންނަ ސަރުކާރުތަކުން އަޑުގަދަ މަސައްކަތްތަށް ކުރުމަށް ހުއްދަދޭނީ ދަން ވަރު 12 އިން ފެށިގެން، މީހުންދު ވަހު މަސައްކަތަށް ފަހު ރޭގަނޑު ނިދަން އޮށޯޥެ ނިދެން ފެށީމަ ގޮންގްރީޓު މެށިން ހިންގަން އެންމެ ރަގަޅީ، މައުމޫނުގެ ވިރިކަމުގަ ރޭގަނޑު 12 ގެ ފަހުން އެއް ވެސް ވައްތަރެއްގެ ބާރު އަޑުތަށް މީހުންނަށް އުދަގޫ ވާގޮތަށް ކުރުމަކީ މަނާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާހިދު

18 January 2021

އަދިވެސް ސަކަރާތް. ރައީސް ޔާމީންގެ ދައުރުގައި ވަރަށް ރަނގަޅު މިކަންތައްވެސް އޮތްގޮތް. ރޭގަނޑު 12:00 ގެ ފަހުން މަގުބަންދު ކޮށްގެން ކޮންސްޓްރަކްޝަން މަސައްކަތް ކުރަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިރުއަލި

18 January 2021

އާންމުންނަށް އުނދަގޫވަނީ ހަމައެކަނި ކޮންސްޓްރަކްޝަން މަސައްކަތް ކުރާތީއެއް ނޫނެވެ. ހިސާބުގަނޑުގެ ކުނި އަރުވުމަށް، މިހާރު ވެމްކޯގެ ކުނިލޮރީ ސްޓާޓްކޮށްލަނީ 12:00 ފަހުންނެވެ. ދިރިއުޅޭ ގޭގެ 5 ވަނަ ބުރީގައި ހުންނަ އެޕާޓްމަންޓްގެ ދޮރުތައް ލެއްޕީމަވެސް ކުނިލޮރީގެ އިންޖީނުގެ އަޑުފައްގަނޑު ގަދަކަމުން ނިދޭވަރެއް ނޫނެވެ. އެތައް އިރެއް ވާއިރުވެސް އެ އަޑުފައްގަނޑު ކެނޑިގެން ނުދެއެވެ. ތިރީ ފްލޯތަކުގައި އުޅޭމީހުންނަށް އަދި ކިހާވަރެއް ވާނެބާވައެވެ.