ޚަބަރު / ސްޓެލްކޯ

ހިޔާ ފްލެޓުތަކަށް ކަރަންޓުގެ ޚިދުމަތް ދިނުމުގެ މަސައްކަތް ސްޓެލްކޯ އިން ފަށައިފި

ހިޔާ ފްލެޓަށް ކަރަންޓު ދިނުމަށްޓަކައި އިންސްޕެކްޝަން މިއަދު ވަނީ ފަށައިފަ އެވެ.

ހިޔާ ފްލެޓަކަށް ކަރަންޓު ދިނުމުގެ މަސައްކަތް ފަށަން އިންސްޕެކްޓް ކުރަނީ-- ފޮޓޯ: ސްޓެލްކޯ

މޫސާ ރަޝީދު، މިހާރު

30 ޖެނުއަރީ 2021 - 18:11

10 comments

ހުޅުމާލޭގެ ދެވަނަ ފިޔަވަހީގައި އިމާރާތް ކޮށްފައިވާ "ހިޔާ" ފްލެޓުތަކަށް ކަރަންޓުގެ ޚިދުމަތް ދިނުމުގެ މަސައްކަތް ސްޓެލްކޯ އިން ފަށައިފި އެވެ.

އެ ކުންފުނިން މިއަދު ކުރި ޓުވީޓެއްގައި ބުނީ ހުޅުމާލޭގެ ދެވަނަ ފިޔަވަހީގެ 7،000 ހައުސިން ޔުނިޓަށް ކަރަންޓު ދިނުމަށްޓަކައި އިންސްޕެކްޓު ކުރުމުގެ މަސައްކަތް ފަށާފައިވާ ކަމަށެވެ.

އެ އިންސްޕެކްޝަންތަކަށް ފަހު، ކަރަންޓު ދިނުމުގެ އަމަލީ މަސައްކަތް ފަށާނެ ކަމަށާއި ފްލެޓްތައް ދޫކުރުމަށް ހަމަޖެހިފައިވާ ތާރީޚުގެ ކުރިން ކަރަންޓު ފޯރުކޮށްދީ ނިންމައިލެވޭނެ ކަމަށް ސްޓެލްކޯ އިން ބުންޏެވެ.

ހުޅުމާލެ ފޭސް ދޭއްގައި އަޅާފައިވާ 7000 ހައުސިން ޔުނިޓަށް ކަރަންޓު ދިނުމަށްޓަކައި އިންސްޕެކްޓް ކުރުމުގެ މަސައްކަތްތައް ކުރިޔަށް ދަނީ. މި އިންސްޕެކްޝަންތަކަށްފަހު ކަރަންޓު ދިނުމުގެ އަމަލީ މަސައްކަތްތައް ލަސްތަކެއްނުވެ ފަށާ 1/2 pic.twitter.com/YXOA9ElGdv
— STELCO (@STELCOMALDIVES) January 30, 2021

ސްޓެލްކޯ އިން މިއަދު ކުރި ޓުވީޓު

ކުރީގެ ރައީސް އަބްދުﷲ ޔާމީންގެ ސަރުކާރުން އިމާރާތް ކުރަން ފެށި، ޖުމުލަ 25 ބުރީގެ ހިޔާ ފްލެޓުގެ ޓަވަރުތަކުގައި ކަރަންޓާއި ފެން ވައިރުކޮށް، މީހުންނާ ހަވާލު ކުރުމުގެ މަސައްކަތް އަންނަ މާޗު މަހު ފަށާނެ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވަނީ ބުނެފަ އެވެ.

ހިޔާ މަޝްރޫއުގައި 16 ޓަވަރު އިމާރާތް ކޮށްފައިވާއިރު، ކޮންމެ ފްލޯއެއްގައި 20 ފްލެޓް ހުރެ އެވެ. ކޮންމެ ފްލެޓެއްގައި މަދުވެގެން ފަސް މީހުން ދިރިއުޅޭނެ ކަމަށް އެޗުޑީސީން ލަފާކުރެ އެވެ. އެ އަދަދުން ބަލާއިރު އެއީ ފްލޯއެއްގައި 100 މީހުންނެވެ. އެހެންކަމުން ކޮންމެ ޓަވަރެއްގައި، ގާތްގަނޑަކަށް 2،400 މީހުން ދިރިއުޅުން އެކަށީގެންވެ އެވެ. މުޅި 16 ޓަވަރަށް ބަލާ ނަމަ އެ އަދަދު 40،000 އާ ކައިރިކުރާނެ އެވެ.

ބޯހިޔާވަހިކަން ސްޓެލްކޯ ފްލެޓް ހިޔާ ފްލެޓްތައް ހުޅުމާލެ ހުޅުމާލޭ ދެ ވަނަ ފިޔަވަހި އެޗްޑީސީ

10 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލިރާރު

31 January 2021

ފުލެޓު ނުދީގެން އުޅެނީ ކޮވިޑުގެ ސަބަބުން މާލޭ ވެރީންގެ އާމްދަނީއަށް ލިބުނު ގެއްލުން ފޫބެއްދުމަށް. ތި 7000 ފުލެޓަކީ މާލޭ ލޭންޑުލޯޑުންގެ ރޭގަނޑުގެ ނިދިނަގާލާ ވަރު އެއްޗެއް. މާލޭ ސަރަހައްދުގެ ބޯހިޔާވަހިކަމުގެ ހުރިހާ މަޝްރޫތަށް ގުޑުވާލާނެ ތީގެ ސަބަބުން. އެހެންވެ ނުދީ ލަސްވަނީ. 5 އަހަރުތެރޭ ބޯހިޔާވަހިކަމުގެ 16 ޓަވަރު އެޅުމަކީއޭ ކުޑަކަމެށްނޫން. ރައީސް ޔާމިން ހަމަ ގަދައީ.