ޚަބަރު / އަބްދުއްރަހީމް އަބްދުﷲ (ސްޕެޝަލް އެޑްވައިޒަރު)

ހުތުރު ބަސް ބޭނުންކުރި ކަމަށް ބުނެ އަދުރޭ އަށް ކުރާ ދައުވާގެ ޝަރީއަތް ފަށައިފި

އަބްދުއްރަހީމް އަބްދުﷲ: މުޒާހަރާއެއްގައި ހުުތުރު ބަސް ބޭނުން ކުރެއްވި ކަމަށް ބުނެ އޭނާގެ މައްޗަށް ކުރާ ދައުވާގެ އަޑުއެހުންތައް މިއަދު ވަނީ ފަށާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

31 ޖެނުއަރީ 2021 - 10:05

7 comments

ހަޑިހުތުރު ބަސް ބޭނުން ކުރެއްވި ކަމަށް ބުނެ އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ގެ މައްޗަށް ކުރާ ދައުވާގެ ޝަރީއަތް ކްރިމިނަލް ކޯޓުގައި މިއަދު ފަށައިފި އެވެ.

މިއަދުގެ އަޑުއެހުމުގައި ދައުލަތުން ކުރި ދައުވާގައި ވަނީ ނޮވެމްބަރު، 28، 2019 ގައި ކުރީގެ ރައީސް އަބްދުﷲ ޔާމީނަށް ކުރި މަނީ ލޯންޑްރިންގެ ދައުވާގެ ހުކުމް އިއްވުމުގެ މަޖިލިސް ކްރިމިނަލް ކޯޓުގައި ކުރިއަށް ދިޔަ ވަގުތު އެ ސަރަހައްދުގައި ކުރި މުޒާހަރާގައި އަބްދުއްރަހީމް ވާހަކަ ދައްކަވަމުން، ޔާމީންގެ މައްސަލަ ބެއްލެވި ފަސް ފަނޑިޔާރުންނަށް ނިސްބަތް ކުރައްވައި ހުތުރު ބަހެއް (އެކަށީގެން ނުވާ ބަހަކަށް ވާތީ އުނިކޮށްފައިވާ) ބޭނުން ކުރައްވާފައިވާ ކަމަށެވެ. ހުތުރު ބަސް ބޭނުން ކުރެއްވުމުގެ އިތުރުން އެ ފަނޑިޔާރުން ޖަލަށްލާނެ ކަމަށް އަބްދުއްރަހީމް ވިދާޅުވި ކަމަށް އެ ދައުވާގައިވެ އެވެ.

ދައުވާ އިއްވުމުން އަބްދުއްރަހީމްގެ ވަކީލުންގެ ޓީމުގައި ހިމެނޭ ވަކީލް އަހުމަދު ހިޝާމް ވިދާޅުވީ، އެ މައްސަލައިގެ ލިޔުންތައް ލިބުނީ މިއަދު ކަމަށާއި އެ ލިޔުންތައް ބަލައި، ދިރާސާ ކުރުމަށް ފަހު ދެން އޮންނަ އަޑުއެހުމެއްގައި ޖަވާބުދާރީވާން ފުރުސަތު ދޭން އެދިވަޑައިގަންނަވާ ކަމަށެވެ.

އެ މައްސަލަ ބައްލަވާ ގާޒީ ހަސަން ސައީދު ވިދާޅުވީ،ދެން އޮންނަ އަޑުއެހުމެއްގައި އޮންނާނީ ދައުވާ އަށް ޖަވާބުދާރީވުން ކަމަށެވެ.

ހުތުރު ބަސް ބޭނުން ކުރުމުގެ ކުށުގެ އަސާސީ އަދަބަކީ އެއް މަހާއި ހަ ދުވަހަށް ޖަލަށްލުމެވެ. ކުށަށް އިއުތިރާފު ވެއްޖެ ނަމަ 27 ދުވަހުގެ ޖަލު ހުކުމަކަށް އަދަބު ކުޑަވާނެ އެވެ.

މަނީ ލޯންޑްރިންގެ ކުށުގައި ޔާމީން ޖަލަށްލާން ކްރިމިނަލް ހުކުމް ކުރެއްވި ބެންޗުގައި ތިއްބެވީ އޭރުގެ ގާޒީ އަދި މިހާރުގެ ސުޕްރީމް ކޯޓުގެ ފަނޑިޔާރު އަލީ ރަޝީދު ހުސައިނާއި މިހާރު ކްރިމިނަލް ކޯޓުގެ އިސްގާޒީ އަހުމަދު ޝަކީލާއި ގާޒީ އަލީ އާދަމާއި ގާޒީ ހުސައިން ފާއިޒް ރަޝާދުގެ އިތުރުން ގާޒީ މުހައްމަދު ސަމީރެވެ.

ޔާމީން ޖަލަށްލާން ކުރި ހުކުމް ހައި ކޯޓުން ދާދިފަހުން ވަނީ ދަމަހައްޓައިފަ އެވެ.

ކުށްކުރުން ކްރިމިނަލް ކޯޓް އިދިކޮޅު ފަރާތްތައް އަބްދުއްރަހީމް އަބްދުﷲ (ސްޕެޝަލް އެޑްވައިޒަރު) ޕްރޮގްރެސިވް ކޯލިޝަން ޕީޕަލްސް ނެޝަނަލް ކޮންގްރެސް

7 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިވަރެއްނެތް

31 January 2021

ޑިމޮކްރަސީއަކީ ވެރިކަމުގައި ތިބޭއިރު މިނާ ނާޅިއަކުން ވެރިކަން ގެއްލޭދުވަހު މިނުން. ޔާމީނުމެން އަދުރޭމެން ގެ ބާރުއޮތްއިރު ކަންކުރި އުސޫލުން މިއަދު އެވެރިންނާމެދު އެކަންކަން ވަނީ. މިއަދުގެ ވެރިންނާމެދުވެސް މާދަން ކަންކަން ވާނީ ހަމަ ތިބީދައިން. އެނޫންދުވަހެއް ބޭނުން ނަމަ ބާރުއޮތްނައިރު ކަންކަން އިސްލާހުކުރަންޖެހޭނެ. އެއިރުން ތިމާއަތުގައި ބާރެއްނެތި ނިކަމެތިވާ ދުވަހުވެސް އިންސާފުލިބޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

31 January 2021

ރަހީމްބެއަކީ އަނގަހުތުރު ބޭފުޅެއް ނޫން، މަޖިލިހުގަ އިންނެވިއިރުވެސް އެއްވެސް މީހަކާ ދިމާލަށް އަވަގުރާން ގޮވާފައެއް ނެތް، ދެން ތިޔަ ދުވަހަކުވެސް އެތަނުން ކޮންމެވެސް ބަޔަކު ކީއެއްޗަކަށް ތިވާނީ، ނޫނީއްޔާ ރަހީމްބެ ބުންޏަސް މައުނަވީ ގޮތެއްގަ ނުބުނާނެ، ފަހަރެއްގަ ޖަޒުބާތުގަ ބުނެދާނެ، ޖަޒުބާތުގަ ކޮންމެ ކަމެއް ކުރިއަސް އެއީ ކުށެއް ނޫންކަމަށް އޮތީ ނިންމާފަ، 8 ފެބްރުއަރީ 2012 ގަ އެތަކެއް ދިވެހިންނަށް ދިން އަނިޔާތަކަކީވެސް ޖަޒުބާތުގަ ދިން އަނިޔާ ކަމަށްވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

31 January 2021

އޭނަ ގަނެފަހުރި ެެެެެެެެެެެެެެެެެެެެެެެެެެެެެެެެެެެެެެެެެެެެެެެެއެތައް ފްލެޓްތަކާއި ބައިވެރިވެފައިވާ ކޮރަޕްޝަން ހިމެނޭ އެަތއް މައްސަލަތައް ހުއްޓާ މި ބަލަނީ ތާކުންތާކު ނުޖެހޭ މައްސަލަތައް. ކޮރަޕްޝަނާއި ފަސާދައަކީ އިދިކޮޅާއި ސަރުކާރުން ހިންގާ ޖަރީމާތަކެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

31 January 2021

އަދުރޭ ނުހަންގު މުންސަދި ކަމުން ހޯދާފަ ހުރި ފުލެޓްތަކުގެ މަންސަލަ ބަލަނި ކޮންއިރަކުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

31 January 2021

ދީނަށް ފުރައްސާރަ ކޮށް ބަސްބުނާ މީހުންގެ މައްސަލަބަލާނެ ބެންޗެއް މިޖެހެނީ ކޮންމެވެސް ޕާކަކުގައި ބަހައްޓާށެވެ. ނޫނަސް ޑިކްޝަނަރީ އާއި ރަދީފުގައި ހުންނަ ބަސްބޭނުން ކުރަންޖެހޭ ހާލަތުގައި ބޭނުން ނުކުރެވޭނެ ކަމަށް އެކަޑަމީން އެބަޖެހޭ އަންގަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެކޮޅުވެރިޔާ

31 January 2021

ހުތުރުބަސް ހުރޭ ރަދީދުގައި ވެސް ލިޔެފައި، ގައިމު އެ ލިޔާ މީހާގެ ހިތުގައި ވެސް ލިޔުމުގެ ކުރިން އެބަސް އޮންނާނެ. އަދި ކޮމެޓީގައި ވެސް އެ ބަހާ މެދު މަޝްވަރާ ކުރާނެ. އެ ކިޔާ މީހުން ވެސް އުޅޭނެ. ޝެއާ ކުރާ މީހުން ވެސް ތިބޭނެ. އެ އެންމެންނަށް އަދަބު ލިބޭނެތަ؟