ޗައިނާއިން 100،000 ޑޯޒްގެ ވެކްސިން ރާއްޖެއަށް ހަދިޔާ ކުރަނީ

ޗައިނާ ސަފީރާއި ފޮރިން މިނިސްޓަރު ޝާހިދު: ޗައިނާއިން ކޮވިޑް-19 ގެ ވެކްސިންގެ 100،000 ޑޯޒް ހަދިިޔާ ކުރަން ވަނީ ނިންމާފައި --- ފޮޓޯ/ފޮރިން މިނިސްޓްރީ

މުއިއްޒު އިބްރާހިމް، މިހާރު

04 ފެބުރުއަރީ 2021 - 17:54

6 comments

ކޮވިޑް-19 އިން ދިފާއުވުމަށް ޗައިނާ އިން ރާއްޖެއަށް 100،000 ޑޯޒްގެ ވެކްސިން ހަދިޔާ ކުރަން ނިންމައިފި އެވެ.

ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ޒަންގް ލިއޮން މިއަދު ކުރެއްވި ޓްވީޓެއްގައިވަނީ 100،000 ޑޯޒްގެ ވެކްސިން ރާއްޖެއަށް ހަދިޔާ ކުރަން ނިންމައި، އެކަން ފޮރިން މިިނިސްޓަރު އަބްދުﷲ ޝާހިދާ ބައްދަލު ކުރައްވައިި ހިއްސާ ކުރައްވާފައިވާނެ ކަމަށެވެ. އަދި އެ ތަކެތި ރާއްޖެއަށް އަވަހަށް ގެނެވޭ ގޮތެއް ހަމަޖައްސަން މަޝްވަރާތައް ކުރިއަށް ގެންދާ ކަމަށް ސަފީރުގެ ޓްވީޓްގައިވެ އެވެ.

Met with @abdulla_shahid and inform the Maldives Gov. of China's decision to aid 100,000 doses of vaccines to the ppl of Maldives and arrangement is under discussion to ensure an early arrival. China is committed to making vaccines a global public good. @ibusolih @MohamedNasheed pic.twitter.com/w0U9TA2ppD
— Amb. Zhang Lizhong (@AmbassadorZhang) February 4, 2021

ޗައިނާ ސަފީރުގެ ޓްވީޓް

ކޮވިޑް-19 އިން ދިފާއުވުމަށް ޗައިނާ އިން އުފެއްދީ ސައިނޯފާމް ކިޔާ ވެކްސިނެކެވެ. އެ ވެކްސިން އެހެން ގައުމުތަކުގައި ބޭނުން ކުރަން ހުއްދަ ދީފައިވާއިރު، ހެޔޮ އެދޭ ފަރާތްތަކުން އޭގެ 5،000 ޑޯޒް ރާއްޖެއަށް ކުރިން އޮތީ ހަދިޔާކޮށްފަ އެވެ. އެކަމަކު އެ ވެކްސިން ރާއްޖޭގައި ބޭނުން ކުރަން ފުޑް އެންޑް ޑްރަގް އޮތޯރިޓީން މިހާތަނަށް އަދި ހުއްދައެއް ނުދެ އެވެ.

ރާއްޖޭގައި މިހާރު ކޮވިޑް-19 އަށް ޖަހަމުން ދަނީ އިންޑިއާއިން ހަދިޔާކުރި ކޮވިޝީލްޑް ވެކްސިނެވެ. އެ ވެކްސިން ބޭނުން ކުރަން ރާއްޖޭގެ ފުޑް އެންޑް ޑްރަގް އޮތޯރިޓީން ހުއްދަ ދިނުމުން އެ ވެކްސިން ޖެހުމުގެ މަސައްކަތް ވަނީ ފަށައިފަ އެވެ. އެންމެ ފުރަތަމަ މަރުހަލާގައި އެ ވެކްސިން ދެނީ ސިއްހީ ޚިދުމަތްތެރިންނާއި ބޮޑެތި ބަލިތަކަށް ފަރުވާ ހޯދާ މީހުންނަށެވެ.

ސިއްހަތު ޗައިނާ ރާއްޖެ-ޗައިނާ ކޮވިޑް ވެކްސިން

6 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަންނަންނޫރު

07 February 2021

ކޮބާ ޕިންކީސްތައް. ޖަހަން ކެރޭނެބާ ޗައިނާ ވެކްސިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

07 February 2021

އިންޑިއާ ވެކްސިން ޖަހަން އެއްބަޔަކަށް ކެރެންޏަ، ޗައިނާއިން ދިން ވެކްސިން ޖަހަން ނުކެރެންވީ ސަބަބެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

04 February 2021

ޗައިނާއިން ވެކްސިން ދިނީމަ ގާނޫނުގަ ލިޔެފަ ނެތަސް އަޒީބެ ޖަންސަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

04 February 2021

އިންޑިއާ 100000، ސިނގަޕޫރުންގަންނަ 700000، ހެޔޮ އެދޭ 5000 އަނެއްކާ ޗައިނާއިން 100000. އަދި ކޮވެކްސްގެ ވެކްސިންތަކާއި އެއްކޮން މިހާރު ނިސްބަތުން އެންމެ ވެކްސިންވެސް ގިނަވާނީ މިރާއްޖެއަށް އިރާދަކުރެއްވީތީ..