ކުރީގެ ހައުސް މިނިސްޓަރު ޑރ. މުހައްމަދު މުއިއްޒުއާ އެކު ޑެޕިއުޓީ މިނިސްޓަރު ޑެޕިއުޓީ މިނިސްޓަރު އިބްރާހިމް ނަޒީމް (ވ) އެއްބަސްވުމެއްގައި ސޮއިކުރައްވަނީ.
08 ފެބުރުއަރީ 2021 - 18:31
ހއ. ދިއްދޫގައި "ގެދޮރުވެރިކުރުވުން" ޕްރޮގްރާމްގެ ދަށުން ހެދި ފްލެޓްތަކަށް ކުރިމަތިލި މީހުންނަށް އެ ރަށު ކައުންސިލުން ޕޮއިންޓް ދީފައި ވަނިކޮށް 2017 ވަނަ އަހަރު ހައުސިން މިނިސްޓްރީން އެ ފްލެޓްތަކުގެ ފޯމުތައް މިނިސްޓްރީއަށް ގެންގޮސް ހައްގު ނޫން ބަޔަކަށް ފްލެޓް ދިން މައްސަލާގައި އޭރުގެ ޑެޕިއުޓީ މިނިސްޓަރު އިބްރާހިމް ނަޒީމްގެ މައްޗަށް ދައުވާކޮށްދިނުމަށް އެދި އެންޓި ކޮރަޕްޝަން ކޮމިޝަން (އޭސީސީ) އިން ޕީޖީ އޮފީހަށް މިއަދު ފޮނުވައިފި އެވެ.
އޭސީސީން ނެރުނު ބަޔާނެއްގައި ބުނީ ހައުސިން މިނިސްޓްރީގެ ހައުސިން ޑިޕާޓްމަންޓާ އޭރު ހަވާލުވެ ހުންނެވި ނަޒީމްގެ މައްޗަށް ގާނޫނުލްއުގޫބާތުގެ ދަށުން، ދައުލަތުގެ މުވައްޒަފެއްގެ ހައިސިއްޔަތުން ލިބިފައިވާ ރަސްމީ ހައިސިއްޔަތުގެ ނުފޫޒު ނަހަމަ ގޮތުގައި ބޭނުންކޮށް އޭގެ ފައިދާ ލިބެންނުޖެހޭ މީހަކަށް މަންފާ ހޯދައިދިންކަމުގެ ކުށުގެ ދައުވާ ކޮށްދިނުމަށް އެދިފައިވާނެ ކަމަށެވެ.
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ) ގެ މެނޭޖިން ޑިރެކްޓަރުގެ މަގާމުގައި ނަޒީމް ހުންނެވި އިރު ޖުމްހޫރީ މައިދާން ތަރައްގީ ކުރިއިރު އެތަނުގެ ބައެއް މަސައްކަތްތައް އަމިއްލަ ފަރާތަކާ ހަވާލު ކުރުމުގައި ކޮރަޕްޝަންގެ އަމަލެއް ހިންގި ކަމުގެ މައްސަލައެއްގައި ވެސް އޭނާގެ މައްޗަށް ދައުވާކުރަން 2016 ވަނަ އަހަރު ފޮނުވި އެވެ. އަދި އެހެން ބައެއް މައްސަލަތަކެއް ވެސް ދައުވާކުރަން ކުރިން ފޮނުވި އެވެ.
ތަހުގީގަށް ފާހަގަކުރެވުނު ކަންކަން ބަޔާންކޮށް އޭސީސީން ބުނީ ދިއްދޫގައި ހެދި 250 ހައުސިން ޔުނިޓްގެ ތެރެއިން ތެރެއިން 2017 ވަނަ އަހަރު ދޫކުރި 140 ހައުސިން ޔުނިޓަށް ހުށަހެޅި ފަރާތްތަކަށް ފުރަތަމަ ޕޮއިންޓް ދިނީ ދިއްދޫ ކައުންސިލުން ކަމަށެވެ. ނަމަވެސް ފަހުން ހައުސިން މިނިސްޓްރީގެ އެންގުމަށް ކައުންސިލުން މަޑުޖައްސާލި ކަމަށާއި ހުށަހަޅާފައިވާ ފޯމްތައް މިނިސްޓްރީއަށް ގެންދިޔަ ކަމަށެވެ.
"... މިނިސްޓްރީގެ ފަރާތުން ވެސް ހައުސިން ޔުނިޓްތަކަށް ޕޮއިންޓްދީފައިވާކަމާއި، އިވެލުއޭޝަން މަރުހަލާގެ ރިވިއު މަސައްކަތުގައި އިބްރާހީމް ނަޒީމް ބައިވެރިވެފައިވާކަން މި މައްސަލައިގެ ތަހުގީގަށް އެނގިފައިވެއެވެ." އޭސީސީގެ ބަޔާނުގައިވެ އެވެ.
ހައުސިން ޔުނިޓްތައް ލިބޭ މީހުން ކަނޑައަޅާފައިވަނީ ހަދާފައިވާ އިވެލުއޭޝަންއާ ޚިލާފަށް ކަމަށާއި އިވެލުއޭޝަނުން އެންމެ މަތިން މާކްސް ލިބުނު މީހުންގެ ތަރުތީބުން ނޫން ކަމަށް އޭސީސީން ބުންޏެވެ. ހައުސިން ޔުނިޓްތަކުގެ ދާއިމީ ލިސްޓް އިއުލާންކުރުމުގެ މަސައްކަތްކުރި މުވައްޒަފާ އެ ލިސްޓް ހަވާލުކުރެއްވީ ނަޒީމް ކަމަށާއި ހައުސިން ޔުނިޓްތަކާ ގުޅޭ ފައިނަލް ލިސްޓްތައް އެޕްރޫވްކުރަނީ އާންމުކޮން ނަޒީމް ކަމަށް ވެސް އޭސީސީގެ ބަޔާނުގައިވެ އެވެ.
ދިއްދޫގެ ވަކި ބަޔަކަށް ހައުސިން ޔުނިޓްތައް ހޯދައިދިނުމަށް އަމިއްލަ ފަރާތަކުން އެދުމުން އެކަމަށް ނަޒީމް އެއްބަސްވެފައިވާކަން ވެސް ތަހުގީގަށް އެނގިފައިވާ ކަމަށް އޭސީސީން ބުންޏެވެ. އޭސީސީން ބުނީ މިއީ ޖުމްލަ ޕޮއިންޓަށް ބަލާއިރު ހައުސިން ޔުނިޓްތައް ލިބެން ޖެހޭ ބައެއް ނޫން ނަމަވެސް ދާއިމީ ލިސްޓްގައި އެ މީހުން ހިމަނައި، ހައުސިން ޔުނިޓްތައް ހަވާލުކޮށްފައިވަނީ ނަޒީމްގެ މަގާމުގެ ނުފޫޒުގެ ބޭނުންކޮށްގެންކަން ތަހުގީގަށް އެނގިފައިވާ ކަމަށެވެ.
"... ނަޒީމް އަކީ ހއ.ދިއްދޫ ހައުސިން ޔުނިޓްތައް ދޫކުރި އިރު ހައުސިން ޑިޕާޓްމަންޓްގެ ސިޔާސީ ގޮތުން އިސް ވެރިޔާކަމަށް ވެފައި، ހައުސިން ޔުނިޓްތައް ދޫކުރުމުގައި ނިންމުން ނިންމޭ ފަދަ މަގާމެއްގައި ހުރި މީހެކެވެ. އެހެންކަމުން މި މައްސަލައިގައި ކަން ހިނގާފައިވާ ގޮތަށް ބަލާއިރު، ޕޮއިންޓް ދީފައިވާ ގޮތް ބަދަލުކޮށް ހައުސިން ޔުނިޓްތައް ލިބެން ނުޖެހޭ ފަރާތްތަކަކަށް ހައުސިން ޔުނިޓްތައް ދީފައިވަނީ އިބްރާހީމް ނަޒީމް އޭނާގެ މަގާމުގެ ހައިސިއްޔަތުގެ ނުފޫޒު ނަހަމަ ގޮތުގައި ބޭނުންކޮށް ވަކި ބަޔަކަށް ފައިދާ ހޯދައިދިނުމަށްކަން ޝައްކެއް ނެތް މިންވަރަށް ތަހުގީގަށް ސާބިތުކުރެވޭ" ކަމަށް އޭސީން ބުންޏެވެ.
މީގެ އިތުރުން، "ގެދޮރުވެރިކުރުވުން" ޕްރޮގްރާމްގެ ދަށުން ދިއްދޫގައި އިމާރާތްކޮށްފައިވާ ހައުސިން ޔުނިޓް ދޫކުރުމާ ގުޅޭ ލިޔުންތައް ހައުސިން މިނިސްޓްރީން ރަނގަޅަށް ބަލަހައްޓާފައި ނުވާތީ، އެއީ ހައުސިން ޔުނިޓްތައް ދޫކުރުމާ ގުޅުން ހުރި މަސައްކަތް އޭރު ކުރި އެ މިނިސްޓްރީގެ މުވައްޒަފުންގެ އިހުމާލުގެ އަމަލެއް ކަމަށް ފާހަގަކުރެވިފައިވާ ކަމަށް ވެސް އޭސީސީން ބުންޏެވެ. އޭގެ ސަބަބުން ބައެއްގެ ހައްގުތަކެއް ގެއްލިފައި ވިޔަސް އެކަމުގައި އިހުމާލުވެފައިވާ މީހުންނާ މެދު ޖިނާއީ ދައުވާއެއް ކުރެވޭ މިންވަރަށް ހެއްކާއި ގަރީނާ ލިބިފައި ނުވި ނަމަވެސް، އިދާރީ ފިޔަވަޅު އަޅަން ފެންނަކަން ހައުސިން މިނިސްޓްރީއަށް އަންގާފައި ވާނެ ކަމަށް އޭސީސީން ބުންޏެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ސްޕްރިމް ކޯޓުގެ ދޮތުމަތި
09 February 2021
ޥަކިބަޔަކަށް އަމާޒުނުކޮށް ތިކަހަލަ ނުފޫޒު ބޭނުންކުރި އެންމެންނަށް ދަޢުވާކުރުމަކީ އެންމެ ރަނގަޅުކަމެކް. ޢަދިހަމަ އެއާއިއެކު ދަށުކޯޓުތަކުން ކުރާ ހަކުމެއް މަތީ ކޯޓަކުން ބާތިލުކޮށްފިނަމަ މައްސަލަ ބަލަންވާވަރަށް ނުބަލާ ނޫނީ ނުބައި ހުކުމެއް ކުރި ފަނޑިޔާރަށްވެސް' ޖޫރިމާނާ ކުރުންކަހަލަ އަދަބެއް ދެވެންވާނެ. ޢިންސާފު ޤާއިމުކުރުންކަމަށްވާނީ ހުރިހާ ހައްޤެއްގެވެސް އަދަބު ވެސް ދެވިގެން.
ނަޝީދު..
09 February 2021
މުއިއްޒު އަށް ދޭ ހަމަލާއެއްތަ؟
ތުނބުޅި
08 February 2021
އަހަރެމެން އޭރު ގޮވަމުންދިޔައީ ޚިލާފޭ އަޑެއް ނާޙާ ހަމަދިނީ ޕާރޓި ޖަގަހައިން ބުނާ ގޮތަށް ދިނީ އިންސާފު ކިރެވޭނެ ދުވަސް
ދިއްދޫމީހާ
08 February 2021
ކޮއިފުޅާ ތިޔައީ މިހާރު މާކަށް ބޮޑެތި ކަންތައްތަކެއް ނޫން، އިއުތިރާފް އެއްބަސްވުން ހެދީމަ ނިމުނީމަ،،
އަތޮޅޭ
08 February 2021
އުސޫލާއި ހިލާފަށް ފުލެޓް ދިނުމުގައި ދިއްދޫއިން ބައިވެރިވި ބޭފުޅާގެ މައްޗަށްވެސް ދަޢުވާ ކުރަންޖެހޭނެ އެންނު. ހަމަ އެކަނި އެއްބައެއްގެ މައްޗަށް ދަޢުވާ ކުރީމަކަ އިންސާފެއް ނެތެންނު ދޯ؟
ޖަންބު
08 February 2021
ކޮންމެބަޔަކުވެސް ޖަހަނީ އެއްބޯޅައެއް. ޖަހާކޮޅު ތަފާތުވަނީ.
އަސްލު
08 February 2021
ކުރީ ސަރުކާރުން, ޝަރުތު ހަމަވެގެން ޕްލެޓް ލިބިފައިވާ މީހުންގެ ޕޮއިންޓް އުނިކޮށް, މިސަރުކާރުން އެމީހުންގެ ޕްލެޓްތައް އަތުލައި އެޕްލެޓްތައް އެހެން ބަޔަކަށް ދިނުންވެސް މީ ހަމަ މިކަހަލަ ކަމެއް. ދެން އަންނަ ސަރުކާރަކުން. ހަމަ މި މައްސަލަތައް ބަލައި ޤާނޫނީ ފިޔަވައެޅޭނެ ކަމަށް އުއްމީދު ކުރަން.
ޢިބޫ
08 February 2021
އަނެއްކާ ދައުވާ ކުރެވޭވަރަށް ހެކި ހުންނާނެބާ؟
ޖަމަލި
08 February 2021
މާލެއިން ކަންމަތީ ޖަމިއްޔާތަކަށް ވިޔަފާރި ކުރަން ފުޓްސެލް ދަނޑު ހަދަން ބިންދީ ސަރުކާރު ކުންފުނިތަކުން ސްޕޮންސަރގެ ނަމުގަ ފައިސާ ދެނީ އެހެންވިއްޔާ ކޮން އުސޫލަކުންތަ އަޅެފަހެ