އާ އަހަރު ފާހަގަކުރަން ރާއްޖެ އައި ޓޫރިސްޓުންގެ ބަޔަކކު ގޮވައިގެން އެއާޕޯޓްގެ ރެޕަކު ދަނީ: ޓޫރިސްޓު ވިސާގެ މުއްދަތު އިތުރުކުރަން ސަރުކާރުން ބޭނުންވާ ކަަމަށް ޓޫރިޒަމް މިނިސްޓަރު އަބްދުﷲ މައުސޫމް މިއަދު ވިދާޅުވި. ފޮޓޯ: ނިޝާން އަލީ /މިހާރު
10 ފެބުރުއަރީ 2021 - 12:28
5 comments
ޓޫރިސްޓް ވިސާގައި ރާއްޖެ އަށް އަންނަ މީހުންނަށް މިހާރު ދޭ ތިން މަސްދުވަހުގެ މުއްދަތަށް ވުރެ ދިގު މުއްދަތެއް ލިބޭ ގޮތަށް އިމިގްރޭޝަން ގާނޫނަށް އިސްލާހެއް ހުށަހަޅަން ސަރުކާރުން ވިސްނާ ކަމަށް ޓޫރިޒަމް މިނިސްޓަރު އަބްދުﷲ މައުސޫމް މިއަދު ވިދާޅުވެއްޖެެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރުންނާ ސުވާލުކުރުމުގެ ވަގުތުގައި ހޯރަފުށީ ދާއިރާގެ މެމްބަރު އަހުމަދު ސަލީމް ކުރެއްވި ސުވާލަކަށް ޖަވާބު ދެއްވަމުން މައުސޫމް ވިދާޅުވީ އިމިގްރޭޝަން ގާނޫނަށް އެންމެ ފަހުން އިސްލާހު ގެނައިއިރު ވެސް ޓޫރިސްޓް ވިސާގެ މުއްދަތު އިތުރުކުރާނެ ކަމަށް އޭނާ އުއްމީދުކުރެއްވި ކަމަށެވެ. އޭރުގައި މައުލޫމާތު ލިބިވަޑައިގެންފައި އޮތީ ވެސް އެގޮތަށް ކަމަށް އޭނާ ވިދާޅުވި އެވެ.
"އެހެންވީމާ މިއަހަރު މަޖިލީހަށް ހުށަހެޅޭ ބިލުތަކުގެ ތެރޭފައި އެ ބިލު ވެސް [ޓޫރިސްޓް ވިސާގެ މުއްދަތު އިތުރުކުރުމުގެ ބިލު] ވެސް ހިމެނިގެންދާނެ،" މައުސޫމް ވިދާޅުވި އެވެ.
އޭނާ ވިދާޅުވިގޮތުގައި ޓޫރިސްޓް ވިސާގެ މުއްދަތު އިތުރުކުރަން ޖެހެނީ، ޓޫރިސްޓުންގެ ބެޑްނައިޓް އިތުތުވުމަކީ އެ އިންޑަސްޓްރީގެ ނަފާ ބޮޑުވާ ކަމަކަށް ވާތީ އެކަމަށް މަގުފަހިކުރުމަށެވެ. އެ މުއްދަތު އިތުރުކުރުން މިވަގުތަށް މުހިއްމުވާ އެއް ސަބަބަކީ އޭނާ ވިދާޅުވިގޮތުގައި ކޮވިޑްގެ ވެކްސިން ޖަހަން ރާއްޖެއަށް މީހުން އަންނަ ގޮތަށް "ވެކްސިން ޓޫރިޒަމް" އަދި ޗުއްޓީ ހޭދަކުރުމާއި އެކު ރާއްޖޭގައި މަސައްކަތްކޮށްލާފައި ދާގޮތަށް، "ވޮކޭޝަން ވެކޭޝަން" ވެސް ކުރިއަރުވަން ބޭނުންވާތީ އެވެ.
މިއަދުގެ ޖަލްސާގައި މަރަދޫ ދާއިރާގެ އެމްޑީޕީ މެމްބަރު އިބްރާހީމް ޝަރީފް ކުރެއްވި ސުވާލަކަށް ޖަވާބުދެއްވަަމުން މައުސޫމް ވިދާޅުވީ ޓޫރިޒަމަށް އަަންނަ ކުރިއެރުން ވަަޒަން ކުރަން، އަންނަ ޓޫރިސްޓުންގެ އަދަދަށް ވުރެ ބޮޑަށް މިހާރު ވެސް ބަލަނީ ޓޫރިސްޓުން ރާއްޖޭގައި ހޭދަކުރާ މުއްދަތަށް (ބެޑްނައިޓްސް) އަށެވެ. އެގޮތުން މިއަހަރު ރާއްޖެއަށް 10 މިލިޔަން ބެޑްނައިޓްސް ލިބޭނެ ކަަމަށް މިހާރު އަންދާޒާކޮށްފައިވާ ކަމަށް ވެސް އޭނާ ވިދާޅުވި އެވެ.
ކުރިން ވިސާ ޖެހުމަކައި ނުލައި، ޓޫރިސްޓުންގެ ގޮތުގައި ރާއްޖެއަށް އަންނަ މީހުންނަށް މިހާރު ލިބެނީ ތިން މަަސްދުވަހުގެ މުއްދަތެކެވެ. އެކަމަކު އެގޮތަށް އަންނަ ޓޫރިސްޓުން ރާއްޖޭގައި މަޑުކުރަން ޖެހޭ ހާލަަތެއް މެދުވެރިވެއްޖެ ނަމަ ހާއްސަ ވިސާއެއްގެ ގޮތުގައި އެހުއްދަ އަންނަނީ ދެމުންނެވެ. ކޮވިޑް-19 ގެ ބަލިމަޑުކަން ފެތުރި ބޯޑަރުތައް ބަންދުވި އިރު ރާއްޖޭގައި ތިބި ބައެއް މީހުންނަށް އެފަދަ އިންތިޒާމްތައް ހަމަޖައްސައިދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު
13 February 2021
ބޭރުގައުމުތަކުގެ މީހުން އެތިބީ ރާއްޖެއައިސް ކޮވިޝީލްޑް ނުޖެހިގެން ކެތްމަދުވެފަ. ލޮލް
ވަހީދު
10 February 2021
ޓޫރިސްޓް ވިސާ ގައި އައިސް 10 އަހަރަށް އުޅެވޭ ގޮތަށް ހަދަން ފެނޭ. އެއިރުން ވަގު ބަންގާޅިން ނުތިބޭނެ ރާއްޖޭގައި. ހުސް ޓޫރިސްޓުން ތިބޭނީ.
ޙަބީބު
10 February 2021
ނުންނޫންނޫން އެއްގޮތައްކައްވެސް ތިކަން ނުކުރާތި ބައެއްރިސޯޓު އޯނަރުން ރަށިޔާ އަންހެންކުދިން ގެނެސްގެން ރިސޯޓުގަ ގެންގުޅެނީ މުޅިން އޮޅުވާލައިގެން ވީ މާ ތިކަން ކޮއްގެންނުވާނެ
ޙަބީބު
10 February 2021
އަނެއްކާ މުވައްޒަފުން ރުޅިއަންނަ ކަންތައް ތިކުރަނީ ބަލަ 3 މަސްދުވަހަކީ ރަނގަޅު މުއްދަތެއް ތިޔައުޅެނީ ހެލިކޮޕްޓަރު ދުއްވަން އަންނަ އިންޑިޔާ މީހުނައް މަގެއް ކޮށައިދޭން ހާއްސަހުއްދައެއްގެ ދަށުން ރިސޯޓައް ޕޭކޮއް ޓީޖީއެސްޓީޔަށާ ސާވިސްޗާޖައް ފައިސާ ދައްކާ ފަރާތްރަކައް މުއްދަތު އިތުރު ކުރަން ބޭނުން ނަ މަ އިތުރު އެއް މަސް އިތުރު ކުރެވޭ ގޮތައް ފާސްކުރަންވީ ހަ މަހިތައް އެރިހާބަޔަކު މިތާ ނާޗަރަންގީ ކުޅޭގޮތައް ތިކަން ކޮއްގެންނު
ވެކްސިނޭ
10 February 2021
އަދިވެސް ތިއުޅެނީ ގައުމުން ބޭރުވާ ޑޮލަރު މަދުވެގެންދޯ؟ ވެކްސިން ޓޫރިޒަމެކޭ ކިޔާފައި ރާއްޖެއައިސް ޑޮލަރު ބޮނޑިއެއް ހިފައިގެން ދިޔައިމަ ވީނު! އަދި ތިގޮތަށް އަންނަ މީހުންނަށް ހިލޭ ވެކްސިން ދޭތި. އަދި ބޮޑަށް ރަނގަޅީ، މިހާރުވެސް ރާއްޖެއަށް ތުރާލަކަށް ވެގެން އުޅޭ ގައުމުތަކުން ތިކަހަލަ ގެސްޓުން ގެނައިޔާ. ނާފަހެ، 3 މަސް ދުވަހަކީ ޗުއްޓީ ހޭދަކުރަން ކުޑަ މުއްދަތެއް ނޫން. މިއޮތީ ވާ ގައުމެއް. ގައުމުގެ ރައްޔިތުން ބިކަވެ ބޭރުމީހުންގެ ޖީބު ޑޮލަރުން ފުރެނީ!