މިއަންމާގައި ބަޣާވާތާ ދެކޮޅަށް މުޒާހަރާ ކުރަނީ. --ފޮޓޯ:އޭއެފްޕީ
10 ފެބުރުއަރީ 2021 - 14:49
1 comments
ނޭޕީޓޯ (ފެބްރުއަރީ 10) - މިއަންމާގައި ބަޣާވާތް ކުރި ސިފައިން ޑިމޮކްރެޓިކް ލީޑަރު އަން ސަން ސޫކީގެ ނޭޝަނަލް ލީގު ފޯ ޑިމޮކްރެސީ (އެންއެލްޑީ) ގެ ހެޑްކުއާޓަރަށް މިއަދު ވަދެއްޖެ އެވެ.
އެންއެލްޑީގެ ފޭސްބުކުގައި ބުނެފައި ވަނީ ވެރިކަން ވައްޓާލި ސިފައިން ޕާޓީގެ އޮފީހަށް ވަދެ ގެއްލުންތައް ދީފައިވާ ކަމަށެވެ. އިތުރު ތަފްސީލެއް ދީފައެއް ނުވެ އެވެ.
ފެބްރުއަރީ 1 ވަނަ ދުވަހު ސިފައިން ބަޣާވާތް ކުރީ ނޮވެމްބަރު މަހު ބޭއްވި އިންތިޚާބުގެ ނަތީޖާއާ ދެކޮޅު ހެދުމަށް ފަހު އެވެ. އެ އިންތިޚާބުން 80 ޕަސެންޓް ކާމިޔާބުކުރީ އެންއެލްޑީ އެވެ.
ބަޣާވާތާ ދެކޮޅު ހެދުމުގެ ގޮތުން މިއަންމާގެ އެކި ސިޓީތަކުގެ މަގުތަކަށް ކޮންމެ ދުވަހަކު ވެސް އެތައް ހާސް ބަޔަކު ނުކުމެ އެވެ. މުޒާހަރާ އަށް ނުކުންނަ މީހުން ހުއްޓުވަން ބާރުގެ ބޭނުން ކުރާނެކަމުގެ އިންޒާރު ސިފައިން ދިން ނަމަވެސް މުޒާހަރާތަކަށް ހުއްޓުމެއް ނާދެ އެވެ. ރަބަރު ވަޒަން ބޭނުންކޮށް، އެންމެ ފަހުން މިއަދު ވަނީ އަސްލު ވަޒަން ސިފައިން ބޭނުންކޮށްފަ އެވެ. ހޮސްޕިޓަލެއްގެ އިމަޖެންސީގައި މަސައްކަތް ކުރާ ޑޮކްޓަރަކު ބުނީ 23 އަހަރާއި 19 އަހަރުގެ ދެ ޒުވާނުންގެ ގަޔަށް ވަޒަން އަރައިގެން ފަރުވާ ދޭން ޖެހުނު ކަމަށެވެ. އެ ދެ މީހުންގެ ހާލު ސީރިއަސް ކަމަށް ވެސް ޑޮކްޓަރު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރާސިލް
15 February 2021
އަންސަން ސޫކީއަކީ ޑިމަކްރަޓީކް ލީޑަރެއް ނޫނެވެ. ހުޅަނގުގެ މީޑިޔާއިން ކިތަންމެ ވަރަކަށް އެއީ ޑިމަކްރަޓީކް ލީޑަރެއް ކަމަށް ދައްކަން މަސައްކަތް ކުރިއަސް އެއީ ޑިމަކްޓަރަޓިކް ލީޑަރަކަށް ނުވާނެއެވެ. ތިޔަ ސޫކީ އިސްވެ ހުރެ، މިއަންމާގެ ރޮހިންޔާ މުސްލިމުނަށް ޖެއްސި ހާލުން އެކަނިވެސް އެއީ ޑިމަކްރަޓިކް ލީޑަރެއް ނޫންކަމުގެ ޔަޤީންވެ ކަށަވަރުވެއެވެ. އެއީ ޑިކްޓޭޓަރެކެވެ. އަނިޔާވެރިއެކެވެ.