09 ނޮވެމްބަރ 2016 - 12:16
18 comments
ދައުލަތުގެ އާމްދަނީ އިތުރު ކުރުމަށް އަންނަ އަހަރު ތައާރަފް ކުރާ އެއާޕޯޓު ޑިވެލޮޕްމަންޓް ޗާޖު (އޭޑީސީ)، ރާއްޖޭގެ މައި އެއާޕޯޓުން ފުރާ ކޮންމެ ފަސިންޖަރެއްގެ އަތުން ނެގުމަށް ހުށަހެޅި ހުށަހެޅުން ބަދަލުކޮށް، ހަމައެކަނި ބިދޭސީންގެ އަތުން އެ 25 ޑޮލަރު ނަގަން ނިންމައިފި އެވެ.
ރައްޔިތުންގެ މަޖިލީހަށް އިއްޔެ ހުށަހެޅި އަންނަ އަހަރަށް ލަފާކުރާ ދައުލަތުގެ ބަޖެޓުގައި އާމްދަނީ އިތުރުކުރުމަށް ހުށަހަޅާފައިވާ ކަންކަމުގެ ތެރޭގައި އޭޑީސީ ނެގުން ހިމެނެ އެވެ. ބަޖެޓުގައިވާ ގޮތުން، އެ ފީ ނަގާނީ އިބްރާހިމް ނާސިރު އިންޓަނޭޝަނަލް އެއާޕޯޓު (އައިއެންއައިއޭ) އިން "ރާއްޖޭގެ އެކި ހިސާބަށް އަދި ރާއްޖޭން ބޭރަށް ފުރާ ކޮންމެ ފަސިންޖަރެއްގެ އަތުން" 25 ޑޮލަރުގެ ރޭޓުންނެވެ. އެއިން އަންނަ އަހަރު ޖުމްލަ 565.8 މިލިއަން ރުފިޔާ ދައުލަތަށް ލިބޭނެ ކަމަށް ވަނީ ލަފާކޮށްފަ އެވެ.
މިހާރު ވެސް އެއާޕޯޓުން ފުރާ ކޮންމެ ބޭރު މީހެއްގެ އަތުން 25 ޑޮލަރުގެ އެއާޕޯޓު ސާވިސް ޗާޖެއް ނަގަ އެވެ. އަދި ދިވެހިންގެ އަތުން 12 ޑޮލަރު ނަގަ އެވެ.
ބަޖެޓުގައިވާ ގޮތުން އަލަށް ތައާރަފްކުރާ 25 ޑޮލަރުގެ އޭޑީސީ ނަގާއިރު ދިވެހިންނާއި ބޭރު މީހުން އިސްތިސްނާއެއް ނުކުރާނެ އެވެ.
ސަރުކާރުގެ އެ ނިންމުމަށް ބޮޑެތި ފާޑުކިޔުންތަކެއް އަމާޒުވެފައި ވަނިކޮށް، ވެރިކަން ކުރާ ޕީޕީއެމްގެ ޕާލިމެންޓްރީ ގްރޫޕުގެ ލީޑަރު އަދި ބަޖެޓު ދިރާސާ ކުރާ ކޮމިޓީގެ މުގައްރިރު އަހުމަދު ނިހާން ރޭ ޓުވިޓާގައި ވިދާޅުވީ އޭޑީސީ ނަގަން "ވިސްނާފައި ވަނީ ފަތުރުވެރިންނާއި ބިދޭސީންގެ އަތުން" ކަމަށެވެ. އެކަމަކު، އިތުރު ތަފްސީލެއް އޭނާ ނުދެއްވަ އެވެ.
ބަޖެޓަށް ބަލާ ނަމަ އޭޑީސީ އަކީ ބިދޭސީންގެ އަތުން މިހާރު ނަގާ 25 ޑޮލަރުގެ ސާވިސް ޗާޖުގެ އިތުރުން ނަގާ ފީ އެކެވެ. އެހެންވެ، ރާއްޖޭން ފުރާ ކޮންމެ ބިދޭސީއަކު އަންނަ އަހަރުން ފެށިގެން އެއާޕޯޓު ޓެކްސްގެ ގޮތުގައި ޖުމްލަ 37 ޑޮލަރު ދައްކަން ޖެހޭނެ އެވެ.
އޭޑީސީގެ ގޮތުގައި އަންނަ އަހަރުން ފެށިގެން 25 ޑޮލަރު ނަގަން ސަރުކާރުން ނިންމިއިރު، އިންޑިއާގެ ޖީއެމްއާރު ކުންފުނިން އެއާޕޯޓު ހިންގިއިރު އެކަން ކުރަން އުޅުމުން ސިވިލް ކޯޓުން ވަނީ އެކަން ހުއްޓުވައިފަ އެވެ. އޭރު ގިނަ ބަޔަކު އެކަމާ ދެކޮޅު ހެދީ އެއާޕޯޓު ތަރައްގީކޮށް ނުނިމެނީސް އޭޑީސީ ނަގަން ނިންމުމުންނެވެ. ހަމަ އެހެންމެ، އެ ޗާޖު ވެގެން ދިޔައީ ދިވެހިންގެ ތެރޭގައި ބޮޑު މައްސަލަގަނޑަކަށް ވި ކަމަކަށެވެ.
އަންނަ އަހަރުގެ ބަޖެޓުގައިވާ ގޮތުން އޭޑީސީން ލިބޭ ފައިސާ ޖަމާކުރަން ހަމަޖައްސާފައި ވަނީ އަލަށް ހަދާ ސޮވެރިން ޑިވެލޮޕްމަންޑް ފަންޑަކަށެވެ. ފަހަށް ރައްކާކުރަން ހަދާ މި ފަންޑަށް އަންނަ އަހަރު ޖަމާކުރަން ނިންމާފައިވާ 1.1 ބިލިއަން ރުފިޔާގެ ބޮޑު ބަޔަކީ އޭޑީސީން ލިބޭ އާމްދަނީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
10 November 2016
މިހާރުވެސް ހީނަރުވެފައިވާ ޓޫރިޒަމް އަނެއްކާވެސް ހީނަރުވާނެ، އެއާޕޯޓުގެ ހިދުމަތްތަށް އިތުރުވީމާ އެއާޕޯޓަށް ނަގާ ލޯނުދެއްކޭނެ، އެހެންކަމުން އެކަށީގެންވާ ރަނގަޅު ޓީމަކާ އެއާޕޯޓް ހިންގަން ހަވާލުކުރާށެވެ
ޢަބްދުﷲނާފިޒު
09 November 2016
އިކޮނޮމިސްޓް ނިހާނޫ، ދެން ތިހެން ތިކަން ކުރުމުން ދިވެހިންނަށް އޮތް ލުޔަކީ ކޮބައިތޯ، ދެން ވާނެގޮތަކީ އަވަށްޓެރި އިންޑިއާ އަށާ ލަންކާއަށް ދަތުރުކުރާ ދިވެހިން އެޤައުމުތަކުން ފުރާ އިރު އެޤައުމަށް ތިޔަ 25 ޑޮލަރު ދައްކަން ޖެހުމެވެ. އެ ޤައުމުތަކުގެ މީހުން ރާއްޖޭން ފުރާއިރު އެވެރިން އަތުން ނަގާ އެއްޗެއް އެޤައުމުތަކުން ދިވެހިން ފުރާއިރުވެސް ނުނަގާ ދޫކޮށްލާނޭ އަހުންގެ ހިތެއް ނުބުނެއެވެ.
ޢަލީ
09 November 2016
ދެންނުދައްކާމީހުން ޖަލައްތަ ލަނީ ރާއްޖެއިން ބޭރައް ފުރާކޮންމެމީހަކީ 25 ޑޮލަރު ދެއްކޭނެ ބައެއްނޫން
ޖަޑިބު
09 November 2016
ގިނައިން ނަގާ ވެރިންގެ ޖީބުތައް ފުރާލާ.... ފާޑު ފާޑުގެ ނަންނަމުގައި ތިހެން ފައިސާ ނަގަން ފެށީމާ ތިޔަ ބަޖެޓައް ގިނަ ވާނެހެން ހީވޭތަ؟ އެހެންނުން ވާނީ ބޭރުމީހުން (ގެސްޓްން) ފައިސާ ހޯދަނީ ކޮނެގެން ވީއްޔާ...
ގޮނު
09 November 2016
ލިޔުނުމީހާޔަށް ތަފާތުނުފެނުނީބާ، ނޫނީ ގަސްތުގަ ވަކި މަގުސަދެއްގަ ކިޔާނުދިނީބާ. ޑިވެލޮޕްމެންޓުޗާޖެއް ޑިވެލޮޕް ނުނަގާ ބޭރުބަޔަކު ނެގުމާ ދިވެހި ދައުލަތުންނަގާފަ ވަކި ފަންޑެއްގެ ބަހެއްޓުމާ އުޑާބިމާހާ ތަފާތު. ނޫންތޯ؟ އެޗާޖު ބޭރުކުންފުނިންނަގާއިރު އެކުންފުނިން ތަރައްގީކުރަން ނަގާފައޮތްލޯނާ އިތުރަށްނަގަން ކަނޑަޅާފަ އޮތް ލޯނަށް ސަވަރިންގެރެނޓީ އޮތީދީފަ. މާނަޔަކި އެލޯނުގެ ޒިންމާއެއް ކޮންމެ ދިވެއްްސެއްގެ ބޮލުގައޮވެ އެފީނަގާފަ އެވެސް އެހެންބަޔަކު އަންބޮނޑިއަށް ބޮޑުކުރަންދޭންވީއޭ. ޖީއެމްއާރު މައްސަލައެއޮތީނިމިފަ. މިބުނިލޯނާ ދިވެހީން އެއޮތީ ހަވާލުވެފަ. ނަސީބެއް އެތަން އަތުލިކަން. ކޮބަދައްކަންޖެހޭނޭ ކިޔާފަ ބިރު ދެއްކި ބިލިއަން ޑޮލަރު؟ ނިމުނީ 250 މިލިއަން ޑޮލަރަށް. އެމީހުންގެ ޑިވެލޮޕްމެންޓު ޕްލޭންގަ ނެތް 2ވަނަ ރަންވޭއެއް. މަނައަކީ އެމީހުން 35 އަހަރު ކޮށްފަ ދާއިރު އަހަރެމެންގެ އޮންނަނީ އައުޓްޑޭޓެޑް އެއާޕޯޓެކޭ. ސަބަބަކީ އެމީހުންގެ އެގްރީމެންޓުގައި ކަޅާހުދުން 35 އަހަރުގެ ޑިވެލޮޕްމެންޓް ޕްލޭންއާ ހިނގާނޭ ޚަރަދު ލިޔެވިފައޮތުން. އެއަށް ސަރުކާރުން ޒިންމާވާގަޮތަށް އޮތުން.
އަލީ
09 November 2016
ޖީއެއމްއާރު އެގްރީމެންޓަކީ ބޮޑު ފްލޮޕެއް. ފަސް މިލިޔަން މީހުންގެންނާށޯ ޖީއެމްއާރުން އެއަރޕޯޓް ހަދަނީ. ފުނޑިފައި އޮތް ރަންވޭއެއް ބާއްވައިގެން އެއަރޕޯޓް ތަރައްގީ ކޮށްފައި ފަސް މިލިޔަން މީހުންގެނައިމާ ވަރަށް ރީތި ވާނެ. ތިކަހލަ އެއަރޕޯތެއް އަހަރުމެން ބޭނުމެއް ނޫން.
ލަދު
09 November 2016
ތި ކޮމެންޓް ޖެހިކަންވެސް ނަސީބު. "މިހާރަށް" ހަޖަމެއް ނުވާނެ ލިޔުންތެރިޔާ އާ ދެކޮޅަށް ކުރާ ކޮމެންޓެއް. މަށަށް ހީވަނީ ތިކޮމެންޓްވެސް ވަރަށް އަވަހަށް ޑިލީޓް ކުރާނެހެން. ހިޔާލު ފާޅުކުރުމގެ މިނިވަން ކަމޭ ކިޔަން "މިހާރުން" ލަދު ނުގަންނަކަން.
ޢަބްދުﷲނާފިޒު
09 November 2016
ދައުލަތުގެ ބަޖެޓް ދިރާސާ ކުރަން، މައި ފްރެންޑް ނިހާނު މުޤައްރިރަކަށް، ހައްހައްހައް ހަމަ ހިނި އަންނަނީ.
ޕައްލަންބެ
09 November 2016
" ބަޖެޓުގައިވާ ގޮތުން، އެ ފީ ނަގާނީ އިބްރާހިމް ނާސިރު އިންޓަނޭޝަނަލް އެއާޕޯޓު (އައިއެންއައިއޭ) އިން "ރާއްޖޭގެ އެކި ހިސާބަށް އަދި ރާއްޖޭން ބޭރަށް ފުރާ ކޮންމެ ފަސިންޖަރެއްގެ އަތުން" 25 ޑޮލަރުގެ ރޭޓުންނެވެ. " ... މީގެ މާނައަކީ އެތެރޭގެ އުދުހުންތަކުންވެސް މިފީ ނަގާނެ ވާހަކަ އަދި ސީޕްލޭންވެސް މީގައި ހިމެނޭނެ. މިކަމުން ޓޫރިޒަމް އަށް ވަރަށް ބޮޑު އަސަރެއް ކުރާނެ... ދެން އެރައިވަލްސް މަދުވީމާ މީހަކު ޓީވީ އަށް އަރާ ކިޔާނެ މީވެސް ނަޝީދު ޓޫރިޒަމް ބޮއިކޮޓް ކުރަން ގޮވާތީ ވީ ކަމެކޭ ... ދެން މިވާހަކަ ޤަބޫލު ކުރާނެ ބަޔަކުވެސް ތިބޭނެ.
އަލިބެ
09 November 2016
ކަލޭވެސް ރޫހާނީ ލީޑަރު ހަނދު ދައްކާފައި އިޜޭ ބުންޏަސް \ގަބޫލުކުރާނެ. ގުދޯގުދޯ ނުގޮވާ މައިތިރިވެގެން ތިބޭ!
ޢަލީ
10 November 2016
އޭނަ ނުގޮވާތަ ޓޫރިޒަމް ބޮއިކޮޓް ކުރަން..
ސަމާސާ
09 November 2016
ލާހޫރޭ ސިޔާސަތު.
އަލީ
09 November 2016
ހާދަ ހެޔޮފުޅޭ.
ދޮގެއްތަ؟
09 November 2016
ދެން އެންމެން ބުނަންވީ ހާދަ ހެޔޮފުޅޭ. އެހެންނޫނީ ވާނީ ހަމަނުޖެހުން އުފައްދާ ކަމަށް. މިއޮތީ ވާ ކަމެއް. ދެވަނަ އެމްޑީޕީ
އަލީ
09 November 2016
ދެން ކިޔަންވީ ހާދަ ހެޔޮފުޅޭ ހާދަ ހެޔޮފުޅޭ. ދިވެހިން މީ މޮޔައިންތަ އަޅެ